ಸೋನಿಯಾ ತ್ಯಜಿಸಲಿರುವ ಸ್ಥಾನ ನಮಗೆ ಬೇಡ ಎಂದ ರಾಹುಲ್, ಪ್ರಿಯಾಂಕಾ: ಸಂದಿಗ್ಧತೆಯಲ್ಲಿ ಕಾಂಗ್ರೆಸ್!

ನವದೆಹಲಿ: ಮಧ್ಯಂತರ ಅಧ್ಯಕ್ಷೆಯಾಗಿ ಕಾರ್ಯನಿರ್ವಹಿಸುತ್ತಿರುವ , ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡುವ ಇಂಗಿತ ವ್ಯಕ್ತಪಡಿಸಿದ್ದಾರೆ. ಇಂದು(ಸೋಮವಾರ) ಮಹತ್ವದ ಕಾಂಗ್ರೆಸ್‌ ಪಕ್ಷದ ಕಾರ್ಯಕಾರಣಿ ಸಭೆ(CWC)ನಡೆಯಲಿದ್ದು, ಈ ಸಭೆಯಲ್ಲಿ ಸೋನಿಯಾ ತಮ್ಮ ರಾಜೀನಾಮೆ ಘೋಷಿಸುವುದು ಬಹುತೇಕ ಖಚಿತ ಎಂದು ಹೇಳಲಾಗುತ್ತಿದೆ. ಖಾಲಿಯಾಗುವ ಅಧ್ಯಕ್ಷ ಪಟ್ಟಕ್ಕೆ ಸೋನಿಯಾ ಪುತ್ರ ಅಥವಾ ಪುತ್ರಿ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರನ್ನು ಕೂರಿಸಲು ಪಕ್ಷದ ಬಹುತೇಕ ನಾಯಕರು ಶ್ರಮಿಸುತ್ತಿದ್ದಾರೆ. ಆದರೆ ಯಾವುದೇ ಕಾರಣಕ್ಕೂ ತಾವು ಅಧ್ಯಕ್ಷ ಪಟ್ಟವನ್ನು ಸ್ವೀಕರಿಸುವುದಿಲ್ಲ ಎಂದು ರಾಹುಲ್ ಹಾಗೂ ಪ್ರಿಯಾಂಕಾ ಗಾಂಧಿ ಇಬ್ಬರೂ ಸ್ಪಷ್ಟಪಡಿಸಿದ್ದಾರೆ ಎಂದು ಪಕ್ಷದ ಮೂಲಗಳುತಿಳಿಸಿವೆ. 2014ರ ಲೋಕಸಭೆ ಚುನಾವಣೆಯಲ್ಲಿ ಪಕ್ಷದ ಹೀನಾಯ ಸೋಲಿಗೆ ನೈತಿಕ ಹೊಣೆ ಹೊತ್ತು ರಾಹುಲ್ ಗಾಂಧಿ ಅಧ್ಯಕ್ಷ ಪಟ್ಟಕ್ಕೆ ರಾಜೀನಾಮೆ ನೀಡಿದ್ದರು. ಇದೀಗ ತಮ್ಮ ನಿಲುವು ಬದಲಿಸಲು ರಾಹುಲ್ ಸಿದ್ಧರಿಲ್ಲ ಎಂದೇ ಹೇಳಲಾಗುತ್ತಿದೆ. ಅದರಂತೆ ತಮಗೆ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಹುದ್ದೆಯೇ ಸಾಕು ಎಂದು ಪ್ರಿಯಾಂಕಾ ಗಾಂಧಿ ವಾದ್ರಾ ಸ್ಪಷ್ಟಪಡಿಸಿದ್ದಾರೆ ಎಂದೂ ಹೇಳಲಾಗಿದೆ. ಈ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಸಂದಿಗ್ಧ ಪರಿಸ್ಥಿತಿಯಲ್ಲಿ ಸಿಲುಕಿದೆ. ಸೋನಿಯಾ ತ್ಯಜಿಸಲಿರುವ ಅಧ್ಯಕ್ಷ ಪಟ್ಟವನ್ನು ಅವರ ಇಬ್ಬರೂ ಮಕ್ಕಳೂ ಒಲ್ಲೆ ಎನ್ನುತ್ತಿರುವುದರಿಂದ, ಯಾರಿಗೆ ಪಕ್ಷದ ಜವಾಬ್ದಾರಿ ಹೊರಿಸುವುದು ಎಂಬ ಚಿಂತೆಯಲ್ಲಿ ಕಾಂಗ್ರೆಸ್ ಮುಳುಗಿದೆ. ಕಾಂಗ್ರೆಸ್ ಪಕ್ಷವನ್ನು ಮುನ್ನಡೆಸಬಲ್ಲ ಸಮರ್ಥ ನಾಯಕನಿಗಾಗಿ ಹುಟುಕಾಟ ಆರಂಭವಾಗಿದ್ದು, ಅದು ಮತ್ತೆ ಗಾಂಧಿ ಪರಿವಾರದ ಕದ ತಟ್ಟುವಂತೆ ಮಾಡಿದರೆ ಆಶ್ಚರ್ಯವೇನಿಲ್ಲ.

from India & World News in Kannada | VK Polls https://ift.tt/32nEZFC