ಹೊಸದಿಲ್ಲಿ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಅಂತಿಮ 11 ಆಟಗಾರರ ಬಗ್ಗೆ ಸಂಯೋಜನೆ ಕುರಿತು ಇನ್ನೂ ಅಂತಿಮವಾಗಿಲ್ಲ ಎಂದು ಹೇಳಿದ ನಿರ್ದೇಶಕ , ತಂಡದ ಆರಂಭಿಕ ಸಂಯೋಜನೆ ಬಗ್ಗೆ ಇತ್ತೀಚೆಗೆ ಎದ್ದಿದ್ದ ಎಲ್ಲಾ ಊಹಾಪೋಹಗಳಿಗೆ ತೆರೆ ಎಳೆದರು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಇಂಡಿಯನ್ ಪ್ರೀಮಿಯರ್ ಲೀಗ್ ಇತಿಹಾಸದಲ್ಲಿ ಹೆಚ್ಚು ಬೇಡಿಕೆಯಿರುವ ಫ್ರಾಂಚೈಸಿಗಳಲ್ಲಿ ಒಂದಾಗಿದೆ. ಹಾಗೂ ಆರಂಭಿಕರಾಗಿ ಕಣಕ್ಕೆ ಇಳಿಯಲಿದ್ದಾರೆಂದು ಎಂಬ ವಿಷಯ ಸೇರಿದಂತೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿಯು ತಮ್ಮ ಸಹಾಯಕ ಸಿಬ್ಬಂದಿ ಮತ್ತು ತಂಡದ ಆಟಗಾರರ ಬದಲಾವಣೆ ಮುಂತಾದ ಸಂಗತಿಗಳಿಗೆ ಕೈಹಾಕಿದೆ ಎಂಬ ಊಹಾಪೋಹಗಳು ಇತ್ತೀಚೆಗೆ ಎದ್ದಿದ್ದವು. ಸೋಶಿಯಲ್‌ ಮೀಡಿಯಾದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಅಪ್‌ಲೋಡ್‌ ಮಾಡಿದ್ದ ವಿಡಿಯೋದಲ್ಲಿ ಮಾತನಾಡಿದ ಆರ್‌ಸಿಬಿ ಟೀಮ್‌ ಡೈರೆಕ್ಟರ್‌ ಮೈಕ್‌ ಹೇಸನ್, ಇತ್ತೀಚೆಗೆ ಎದ್ದಿದ್ದ ಎಲ್ಲಾ ಊಹಾಪೋಹಗಳಿಗೆ ತೆರೆ ಎಳೆದಿದ್ದಾರೆ ಹಾಗೂ ಈ ಎಲ್ಲಾ ಸಂಗತಿಗಳಿಗೂ ಸೂಕ್ತ ಸ್ಪಷ್ಟನೆ ನೀಡಿದ್ದಾರೆ. "ಇದು ತುಂಬಾ ಆಸಕ್ತದಾಯಕವಾಗಿದೆ ಏಕೆಂದರೆ ಗುರುವಾರ ಹಲವು ಗಂಟೆಗಳ ಕಾಲ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ್ದೇನೆ. ನಾನು ವಿರಾಟ್‌ ಕೊಹ್ಲಿ ಎಲ್ಲಿ ಬ್ಯಾಟಿಂಗ್‌ ಮಾಡಲಿದ್ದಾರೆ ಅಥವಾ ಆರೋನ್‌ ಫಿಂಚ್‌ ಯಾವ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ಮಾಡಲಿದ್ದಾರೆಂದು ನಾನೆಲ್ಲಿಯೂ ಹೇಳಿಲ್ಲ. ಅಲ್ಲದೆ, ಈ ಇಬ್ಬರೂ ಆರಂಭಿಕರಾಗಿ ಇನಿಂಗ್ಸ್‌ ಆರಂಭಿಸಲಿದ್ದಾರೆಂದು ಎಲ್ಲಿಯೂ ಹೇಳಿಲ್ಲ," ಎಂದು ಮೈಕ್‌ ಹೇಸನ್ ಸ್ಪಷ್ಟನೆ ನೀಡಿದ್ದಾರೆ. "ಕೋಚಿಂಗ್ ಸಿಬ್ಬಂದಿಯ ದೃಷ್ಟಿಕೋನದಿಂದ ವಾಸ್ತವಿಕತೆ ಏನೆಂದರೆ, ನಾವು ಮೊದಲ ತಂಡ ಪ್ರಕಟಿಸುವವರೆಗೂ ಎಲ್ಲಿಯೂ ಯಾರಿಗೂ ಯಾವ ವಿಷಯವನ್ನು ಹೇಳುವುದಿಲ್ಲ. ಏಕೆಂದರೆ ಅದು ನನ್ನ ತಂತ್ರವಾಗಿದೆ. ನಮ್ಮ ಆಟಗಾರರನ್ನು ಎಲ್ಲಿ ಆಡಿಸಬೇಕು ಸೇರಿದಂತೆ ತಂಡದ ಎಲ್ಲಾ ಗುಟ್ಟು ನಮ್ಮಲ್ಲಿಯೇ ಉಳಿಯಲಿದೆ," ಎಂದು ಹೇಳಿದರು. "ಯಾರು ಎಲ್ಲಿ ಬ್ಯಾಟ್ ಮಾಡಲು ಹೋಗುತ್ತಾರೆ ಎಂಬ ಬಗ್ಗೆ ನಮಗೆ ಅನೇಕ ಪ್ರಶ್ನೆಗಳನ್ನು ಕೇಳಲಾಗಿದೆ, ಆದರೆ ನೀವು ಇದಕ್ಕೆ ಉತ್ತರ ಪಡೆಯಬೇಕಾದರೆ ಕಾಯಬೇಕಾಗಿದೆ. ಇದರಲ್ಲಿ ಯಾವುದೇ ಅನುಮಾನಗಳಿಲ್ಲ. ನಮಗೆ ಏನೂ ಬೇಕಿದೆ ಎಂಬುದು ನಮಗೆ ಗೊತ್ತು. ಆದರೆ ನಮ್ಮ ಎದುರಾಳಿ ತಂಡಗಳಿಗೆ ನಮ್ಮ ಗುಟ್ಟು ಬಿಡುವುದನ್ನು ನಾವು ಇಷ್ಟ ಪಡುವುದಿಲ್ಲ," ಮೈಕ್‌ ಹೇಸನ್ ಖಡಕ್‌ ಆಗಿ ಸ್ಪಷ್ಟಪಡಿಸಿದ್ದಾರೆ. ಶುಕ್ರವಾರದಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತರಬೇತಿ ಆರಂಭಿಸಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2YIWMX4
