ಹೊಸದಿಲ್ಲಿ: ಆರು ದಿನಗಳ ಕ್ವಾರಂಟೈನ್‌ ಮುಗಿದ ಬಳಿಕ ತಂಡ ತರಬೇತಿ ಆರಂಭಿಸಿದೆ. ಶನಿವಾರ ನಾಯಕ ನೆಟ್ಸ್‌ಮನ್‌ ಅಭ್ಯಾಸ ನಡೆಸಿದ್ದರು. ನಂತರ ಸ್ಟಾರ್‌ ಬ್ಯಾಟ್ಸ್‌ಮನ್‌ ಎಬಿ ಡಿವಿಲಿಯರ್ಸ್ ಹಾಗೂ ಗುರುಕೀರತ್‌ ಮನ್‌ ಅವರು ನೆಟ್ಸ್‌ನಲ್ಲಿ ಬೌಲರ್‌ಗಳನ್ನು ಎದುರಿಸಿದರು. ವೇಗಿಗಳಾದ ಉಮೇಶ್‌ ಯಾದವ್ ಹಾಗೂ ಕ್ರಿಸ್‌ ಮೋರಿಸ್‌ ಅವರು ಬೌಲಿಂಗ್‌ ಅಭ್ಯಾಸ ನಡೆಸಿದರು ಮತ್ತು ವಿಕೆಟ್‌ ಕೀಪರ್‌ಗಳಾದ ಎಬಿ ಡಿವಿಲಿಯರ್ಸ್ ಹಾಗೂ ಪಾರ್ಥಿವ್ ಪಟೇಲ್ ಕೀಪಿಂಗ್ ಅಭ್ಯಾಸ ನಡೆಸಿದರು. ಲಾಕ್‌ಡೌನ್‌ನಿಂದ ರೋಸಿ ಹೋಗಿರುವ ಹಲವು ಆಟಗಾರರಿಗೆ ಕ್ರಿಕೆಟ್ ಆಡುವ ಹಸಿವು ಹೆಚ್ಚಾಗಿದೆ. ದುಬೈನಲ್ಲಿ ಎರಡನೇ ದಿನ ಅಭ್ಯಾಸ ಮಾಡುತ್ತಿರುವ ವಿಡಿಯೋವನ್ನು ಆರ್‌ಸಿಬಿ ಸೋಶಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡಿದೆ. ಐಸಿಸಿ ಅಕಾಡೆಮಿಯ ನೆಟ್ಸ್‌ನಲ್ಲಿ ತರಬೇತಿಯ ಬಳಿಕ ಮಾತನಾಡಿದ ," ಅಭ್ಯಾಸ ತುಂಬಾ ಚೆನ್ನಾಗಿತ್ತು, ಆಡಿದ ಆಟ ಖುಷಿ ನೀಡಿದೆ. ರಾತ್ರಿ ಆಗಿದ್ದರಿಂದ ಚೆಂಡು ತೀಕ್ಷ್ಣತೆ ಸ್ವಲ್ಪ ಕಡಿಮೆ ಇತ್ತು. ತುಂಬಾ ದಿನಗಳ ಬಳಿಕ ನನ್ನ ಹಾದಿಯಲ್ಲಿ ಅಭ್ಯಾಸ ಮಾಡಿದ್ದೇನೆ," ಎಂದು ಹೇಳಿದರು. ವೇಗಿಗಳಾದ ಉಮೇಶ್‌ ಯಾದವ್ ಹಗೂ ದಕ್ಷಿಣ ಆಫ್ರಿಕಾದ ಕ್ರಿಸ್‌ ಮೋರಿಸ್‌ ಅವರ ಬೌಲಿಂಗ್‌ ಎದುರಿಸಿದ ಎಬಿಡಿ, ನಂತರ ಬಾಲ್‌ ಥ್ರೋನಲ್ಲಿ ಹೆಚ್ಚು ಹೊತ್ತು ಬ್ಯಾಟಿಂಗ್‌ ಅಭ್ಯಾಸ ನಡೆಸಿದರು. ಮತ್ತೊಬ್ಬ ಬ್ಯಾಟ್ಸ್‌ಮನ್‌ ಗುರುಕೀರತ್‌ ಮನ್‌ ಅವರು ಸ್ಪಿನ್ನರ್‌ ಪವನ್‌ ನೇಗಿ ಅವರನ್ನು ಎದುರಿಸಿದರು ಹಾಗೂ ಕೋಚ್‌ ಸಿಮೋನ್‌ ಕ್ಯಾಟಿಚ್‌ ಅವರ ಕೂಡ ಅಭ್ಯಾಸಕ್ಕೆ ನೆರವು ನೀಡಿದರು. ಇನ್ನೂ ಕೆಲ ಆರ್‌ಸಿಬಿ ಆಟಗಾರರು ಫೀಲ್ಡಿಂಗ್‌ ಹಾಗೂ ಕ್ಯಾಚ್‌ ಅಭ್ಯಾಸವನ್ನು ನಡೆಸುತ್ತಿದ್ದರು. ಈ ವೇಳೆ ವಿಕೆಟ್‌ ಕೀಪರ್‌ಗಳು ಅಭ್ಯಾಸ ನಡೆಸುತ್ತಿದ್ದರು. " ಒಂದೇ ಸಂಖ್ಯೆಯ ಬಾಲ್‌ಗಳಿಂದ ಬ್ಯಾಟಿಂಗ್‌ ಹಾಗೂ ವಿಕೆಟ್‌ ಕೀಪಿಂಗ್ ಅಭ್ಯಾಸ ಮಾಡಲಾಯಿತು," ಎಂದು ವಿಕೆಟ್‌ ಕೀಪರ್ ಹಾಗೂ ಬ್ಯಾಟ್ಸ್‌ಮನ್‌ ಪಾರ್ಥಿವ್ ಪಟೇಲ್ ತಿಳಿಸಿದರು. ಈ ನಡುವೆ ತರಬೇತಿ ಸಮಯದಲ್ಲಿ ಆಟಗಾರರು ಗಾಯಕ್ಕೆ ತುತ್ತಾಗಬಾರದೆಂದು ತರಬೇತುದಾರರು ಹೆಚ್ಚು ಕೆಲಸ ನೀಡಲಿಲ್ಲ. "ತರಬೇತಿ ಸಮಯದಲ್ಲಿ ಮೂರು ಅಂಶಗಳು ನಾವು ತಲೆಯಲ್ಲಿ ಇಟ್ಟುಕೊಳ್ಳಬೇಕಾಗುತ್ತದೆ. ಒಂದು ದೀರ್ಘಾವಧಿಯ ಬಳಿಕ ಆಟಗಾರರು ಅಂಗಳಕ್ಕೆ ಕಾಲಿಟ್ಟಿದ್ದಾರೆ. ಜಂಪ್ ಸೇರಿದಂತೆ ಇನ್ನಿತರ ಕೌಶಲ್ಯಗಳ ಬಗ್ಗೆ ಆಟಗಾರರ ಮೇಲೆ ಮುತುವರ್ಜಿ ವಹಿಸಬೇಕಾಗುತ್ತದೆ," ಎಂದು ಆರ್‌ಸಿಬಿ ಟ್ರೈನರ್‌ ಶಂಕರ್‌ ಬಸು ತಿಳಿಸಿದ್ದಾರೆ. "ಆರಂಭದಲ್ಲಿ ಅವರನ್ನು ಹಿಂದಕ್ಕೆ ಎಳೆಯುವುದು ನಮ್ಮ ಕೆಲಸ. ಎಡನೇದಾಗಿ, ಇಲ್ಲಿ ದಬ್ಬಾಳಿಕೆಯ ಪ್ರವೃತ್ತಿ ಎದುರಾಗುತ್ತದೆ. ಮೂರನೆಯದಾಗಿ, ಜಿಮ್‌ನಲ್ಲಿ ಆಟಗಾರರು ಸಾಕಷ್ಟು ಸಮಯ ಕಳೆದಿರುತ್ತಾರೆ. ಆದರೆ, ನಾವು ಜಿಮ್‌ನಲ್ಲಿ ಸರಿಯಾದ ಸಮತೋಲನವನ್ನು ಸಾಧಿಸಬೇಕು. ಇಂದಿನಿಂದ (ಜಿಮ್ ತಾಲೀಮುಗಳು) ಕೌಶಲ್ಯದ ಭಾಗಕ್ಕೆ ನೆರವಾಗಬೇಕೇ ಹೊರತು ಬೇರೆ ರೀತಿಯಲ್ಲಿ ಅಲ್ಲ," ಎಂದು ಬಸು ಹೇಳಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2QD9GB8
