ಬೆಂಗಳೂರು: ಕೊರೊನಾ ಟೆಸ್ಟ್‌ ಹೆಚ್ಚಳದ ಹಠದಲ್ಲಿರುವ ರಾಜ್ಯ ಸರಕಾರ ತನ್ನ ಅಧಿಕಾರಿಗಳಿಗೆ ಮಾತ್ರವಲ್ಲ, ಖಾಸಗಿ ಆಸ್ಪತ್ರೆ ಮತ್ತು ಮೆಡಿಕಲ್‌ ಕಾಲೇಜುಗಳಿಗೂ ಧಮಕಿ ಹಾಕುತ್ತಿರುವುದು ಬೆಳಕಿಗೆ ಬಂದಿದೆ. ಕೋಲಾರದ ದೇವರಾಜ ಅರಸು ಮೆಡಿಕಲ್‌ ಕಾಲೇಜಿಗೆ ಕೋಲಾರ ಜಿಲ್ಲಾಧಿಕಾರಿ ನೀಡಿರುವ ಅತ್ಯಂತ ಕಟು ಶಬ್ದಗಳ ಶೋಕಾಸ್‌ ನೋಟಿಸ್‌ ಟಾರ್ಗೆಟ್‌ಗಾಗಿ ನಡೆಯುತ್ತಿರುವ ಕಿರುಕುಳಕ್ಕೆ ಸಾಕ್ಷಿಯಂತಿದೆ. ಇದೇ ರೀತಿ ನಗರದ ಇನ್ನೂ ಹಲವು ಆಸ್ಪತ್ರೆಗಳು, ಮೈಸೂರಿನ ಪ್ರತಿಷ್ಠಿತ ಮೆಡಿಕಲ್‌ ಕಾಲೇಜಿಗೂ ಅನುಭವವಾಗಿದೆ.ಕೋಲಾರದ ಖಾಸಗಿ ಮೆಡಿಕಲ್‌ ಕಾಲೇಜು ಆಸ್ಪತ್ರೆಯ ಕೋವಿಡ್‌ ಪರೀಕ್ಷಾ ಕೇಂದ್ರವಿದ್ದು, ಇಲ್ಲಿದಿನಕ್ಕೆ 600 ಪರೀಕ್ಷೆಗಳನ್ನು ನಡೆಸಬೇಕೆಂಬ ಟಾರ್ಗೆಟ್‌ ನೀಡಲಾಗಿತ್ತು. ಆದರೆ, ಸಿಬ್ಬಂದಿ ಮತ್ತು ಇತರ ಕೊರತೆಗಳಿಂದಾಗಿ ಗರಿಷ್ಠ ಟೆಸ್ಟ್‌ ಕೇವಲ 175ಕ್ಕೆ ಸೀಮಿತವಾಗಿತ್ತು. ಜಿಲ್ಲಾಧಿಕಾರಿಗಳು ಶೋಕಾಸ್‌ ನೋಟಿಸ್‌ ಬಗ್ಗೆ ವಿವಿಯು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಗೆ ದೂರು ನೀಡಿದ ಬಳಿಕ ಟಾರ್ಗೆಟ್‌ನ್ನು 600ರಿಂದ 300ಕ್ಕೆ ಇಳಿಸಲಾಗಿದೆ.ಪರವಾನಗಿ ರದ್ದು ಬೆದರಿಕೆ: ಬೆಂಗಳೂರಿನ ಇನ್ನೊಂದು ಖಾಸಗಿ ಆಸ್ಪತ್ರೆಗೆ 300ರ ಬದಲು 170 ಟೆಸ್ಟ್‌ಗಳನ್ನು ನಡೆಸುತ್ತಿದ್ದು, ಅದಕ್ಕೆ ನೀಡಲಾಗಿರುವ ಐಸಿಎಂಆರ್‌ ಮಾನ್ಯತೆ ರದ್ದುಪಡಿಸುವುದಾಗಿ ಎಚ್ಚರಿಕೆ ನೀಡಲಾಗಿದೆ. ''ನಮಗೆ ಇದು ಸಾಕಾಗಿ ಹೋಗಿದೆ. ನಾವು ಮೂರು ಶಿಫ್ಟ್‌ಗಳಲ್ಲಿಕೆಲಸ ಮಾಡುತ್ತಿದ್ದೇವೆ. ಅಷ್ಟಾದರೂ 170ಕ್ಕಿಂತ ಹೆಚ್ಚು ಮಾಡಲು ಸಾಧ್ಯವಾಗುತ್ತಿಲ್ಲ. ಸರಕಾರಕ್ಕೆ ಇದು ಅರ್ಥವಾಗುತ್ತಿಲ್ಲ,'' ಎನ್ನುತ್ತಾರೆ ಅಲ್ಲಿನ ಅಧಿಕಾರಿ. ಮೈಸೂರಿನ ಆಸ್ಪತ್ರೆಗೂ ಇದೇ ರೀತಿಯ ಕಿರುಕುಳ ನೀಡಲಾಗುತ್ತಿದೆ ಎನ್ನುತ್ತಾರೆ ಖಾಸಗಿ ಆಸ್ಪತ್ರೆಗಳು ಮತ್ತು ನರ್ಸಿಂಗ್‌ ಹೋಮ್‌ಗಳ ಸಂಘಟನೆಯ ಸದಸ್ಯರೊಬ್ಬರು. ಮೈಸೂರಿನ ನಂಜನಗೂಡಿನಲ್ಲಿ ಒಬ್ಬ ಅಧಿಕಾರಿ ಕಿರುಕುಳ ನೀಡುತ್ತಿದ್ದರೆ, ಇಲ್ಲಿಹತ್ತಾರು ಐಎಎಸ್‌ ಅಧಿಕಾರಿಗಳು ಏಕಕಾಲದಲ್ಲಿ ಕಿರುಕುಳ ಕೊಡುತ್ತಿದ್ದಾರೆ ಎನ್ನುವುದು ಅವರ ಆಕ್ಷೇಪ.ಕೊರೊನಾ ಟೆಸ್ಟ್‌ ಹೆಚ್ಚಳದ ಹಠದಲ್ಲಿರುವ ರಾಜ್ಯ ಸರಕಾರ ಟಾರ್ಗೆಟ್‌ ಗುರಿ ತಲುಪದಿದ್ದರೆ ಪರವಾನಗಿ ರದ್ದು ಬೆದರಿಕೆ ಹಾಕುತ್ತಿರುವುದು ಬೆಳಕಿಗೆ ಬಂದಿದೆ. ಈಗಾಗಲೇ ಕೆಲ ಆಸ್ಪತ್ರೆಗಳಿಗೆ ಶೋಕಾಸ್‌ ನೋಟಿಸ್‌ ನೀಡಲಾಗಿದೆ.
ಬೆಂಗಳೂರು:
ಕೊರೊನಾ ಟೆಸ್ಟ್‌ ಹೆಚ್ಚಳದ ಹಠದಲ್ಲಿರುವ ರಾಜ್ಯ ಸರಕಾರ ತನ್ನ ಅಧಿಕಾರಿಗಳಿಗೆ ಮಾತ್ರವಲ್ಲ, ಖಾಸಗಿ ಆಸ್ಪತ್ರೆ ಮತ್ತು ಮೆಡಿಕಲ್‌ ಕಾಲೇಜುಗಳಿಗೂ ಧಮಕಿ ಹಾಕುತ್ತಿರುವುದು ಬೆಳಕಿಗೆ ಬಂದಿದೆ. ಕೋಲಾರದ ದೇವರಾಜ ಅರಸು ಮೆಡಿಕಲ್‌ ಕಾಲೇಜಿಗೆ ಕೋಲಾರ ಜಿಲ್ಲಾಧಿಕಾರಿ ನೀಡಿರುವ ಅತ್ಯಂತ ಕಟು ಶಬ್ದಗಳ ಶೋಕಾಸ್‌ ನೋಟಿಸ್‌ ಟಾರ್ಗೆಟ್‌ಗಾಗಿ ನಡೆಯುತ್ತಿರುವ ಕಿರುಕುಳಕ್ಕೆ ಸಾಕ್ಷಿಯಂತಿದೆ. ಇದೇ ರೀತಿ ನಗರದ ಇನ್ನೂ ಹಲವು ಆಸ್ಪತ್ರೆಗಳು, ಮೈಸೂರಿನ ಪ್ರತಿಷ್ಠಿತ ಮೆಡಿಕಲ್‌ ಕಾಲೇಜಿಗೂ ಅನುಭವವಾಗಿದೆ.
ಕೋಲಾರದ ಖಾಸಗಿ ಮೆಡಿಕಲ್‌ ಕಾಲೇಜು ಆಸ್ಪತ್ರೆಯ ಕೋವಿಡ್‌ ಪರೀಕ್ಷಾ ಕೇಂದ್ರವಿದ್ದು, ಇಲ್ಲಿದಿನಕ್ಕೆ 600 ಪರೀಕ್ಷೆಗಳನ್ನು ನಡೆಸಬೇಕೆಂಬ ಟಾರ್ಗೆಟ್‌ ನೀಡಲಾಗಿತ್ತು. ಆದರೆ, ಸಿಬ್ಬಂದಿ ಮತ್ತು ಇತರ ಕೊರತೆಗಳಿಂದಾಗಿ ಗರಿಷ್ಠ ಟೆಸ್ಟ್‌ ಕೇವಲ 175ಕ್ಕೆ ಸೀಮಿತವಾಗಿತ್ತು. ಜಿಲ್ಲಾಧಿಕಾರಿಗಳು ಶೋಕಾಸ್‌ ನೋಟಿಸ್‌ ಬಗ್ಗೆ ವಿವಿಯು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಗೆ ದೂರು ನೀಡಿದ ಬಳಿಕ ಟಾರ್ಗೆಟ್‌ನ್ನು 600ರಿಂದ 300ಕ್ಕೆ ಇಳಿಸಲಾಗಿದೆ.
ಪರವಾನಗಿ ರದ್ದು ಬೆದರಿಕೆ:
ಬೆಂಗಳೂರಿನ ಇನ್ನೊಂದು ಖಾಸಗಿ ಆಸ್ಪತ್ರೆಗೆ 300ರ ಬದಲು 170 ಟೆಸ್ಟ್‌ಗಳನ್ನು ನಡೆಸುತ್ತಿದ್ದು, ಅದಕ್ಕೆ ನೀಡಲಾಗಿರುವ ಐಸಿಎಂಆರ್‌ ಮಾನ್ಯತೆ ರದ್ದುಪಡಿಸುವುದಾಗಿ ಎಚ್ಚರಿಕೆ ನೀಡಲಾಗಿದೆ. ''ನಮಗೆ ಇದು ಸಾಕಾಗಿ ಹೋಗಿದೆ. ನಾವು ಮೂರು ಶಿಫ್ಟ್‌ಗಳಲ್ಲಿಕೆಲಸ ಮಾಡುತ್ತಿದ್ದೇವೆ. ಅಷ್ಟಾದರೂ 170ಕ್ಕಿಂತ ಹೆಚ್ಚು ಮಾಡಲು ಸಾಧ್ಯವಾಗುತ್ತಿಲ್ಲ. ಸರಕಾರಕ್ಕೆ ಇದು ಅರ್ಥವಾಗುತ್ತಿಲ್ಲ,'' ಎನ್ನುತ್ತಾರೆ ಅಲ್ಲಿನ ಅಧಿಕಾರಿ. ಮೈಸೂರಿನ ಆಸ್ಪತ್ರೆಗೂ ಇದೇ ರೀತಿಯ ಕಿರುಕುಳ ನೀಡಲಾಗುತ್ತಿದೆ ಎನ್ನುತ್ತಾರೆ ಖಾಸಗಿ ಆಸ್ಪತ್ರೆಗಳು ಮತ್ತು ನರ್ಸಿಂಗ್‌ ಹೋಮ್‌ಗಳ ಸಂಘಟನೆಯ ಸದಸ್ಯರೊಬ್ಬರು. ಮೈಸೂರಿನ ನಂಜನಗೂಡಿನಲ್ಲಿ ಒಬ್ಬ ಅಧಿಕಾರಿ ಕಿರುಕುಳ ನೀಡುತ್ತಿದ್ದರೆ, ಇಲ್ಲಿಹತ್ತಾರು ಐಎಎಸ್‌ ಅಧಿಕಾರಿಗಳು ಏಕಕಾಲದಲ್ಲಿ ಕಿರುಕುಳ ಕೊಡುತ್ತಿದ್ದಾರೆ ಎನ್ನುವುದು ಅವರ ಆಕ್ಷೇಪ.
2.15 ಕೋಟಿ ರೂ. ಬಾಕಿ!
ನಿಜವೆಂದರೆ, ಪರೀಕ್ಷೆಗೆ ಒತ್ತಡ ಹೇರುತ್ತಿರುವ ಸರಕಾರ, ಕೋಲಾರದ ಆಸ್ಪತ್ರೆಯ ಲ್ಯಾಬ್‌ನಲ್ಲಿನಡೆಸಲಾದ ಪರೀಕ್ಷೆಗಳಿಗೆ ಸಂಬಂಧಿಸಿ 65 ಲಕ್ಷ ರೂ. ಬಾಕಿ ಇರಿಸಿಕೊಂಡಿವೆ. ಜತೆಗೆ ಸರಕಾರವೇ ಕಳುಹಿಸಿದ ರೋಗಿಗಳ ಚಿಕಿತ್ಸೆಗೆ ಸಂಬಂಧಿಸಿ 1.5 ಕೋಟಿ ರೂ. ಪಾವತಿಸಬೇಕಾಗಿದೆ.
ಪ್ರತಿ ದಶಲಕ್ಷ ಜನಸಂಖ್ಯೆಗೆ 1 ಲಕ್ಷ ಟೆಸ್ಟಿಂಗ್‌ ಗುರಿ
ದ್ವಂದ್ವ ನಿಲುವೇ ಗಂಡಾಂತರ:
ಸರಕಾರ ಹೊರ ರಾಜ್ಯದಿಂದ ಬರುವವರಿಗೆ 14 ದಿನದ ಕ್ವಾರಂಟೈನ್‌ ಬೇಡ, ಟೆಸ್ಟ್‌ ಬೇಡ, ಏನೂ ಬೇಡ ಎನ್ನುತ್ತಿದೆ. ಅದೇ ಇಲ್ಲೇ ಇರುವ ಜನಸಾಮಾನ್ಯರಿಗೆ ಟೆಸ್ಟ್‌ ಹೆಸರಲ್ಲಿಕಿರುಕುಳ ಕೊಡಲಾಗುತ್ತದೆ. ಇದು ಯಾವ ಲೆಕ್ಕಾಚಾರ?
- ಗೋಪಾಲಕೃಷ್ಣ, ಬೆಂಗಳೂರು
ಕಾಲೇಜು ಆರಂಭದ ನಿರೀಕ್ಷೆ, ತಕ್ಷಣವೇ ತರಗತಿ ಆರಂಭಿಸಬೇಕೆಂಬ ಅಭಿಮತ
ವೈದ್ಯಲೋಕದಲ್ಲೇ ಭಿನ್ನಾಭಿಪ್ರಾಯ
ಸಮುದಾಯದಲ್ಲಿ ಸೋಂಕಿನ ಪತ್ತೆಗಾಗಿ ರ‍್ಯಾಪಿಡ್‌ ಆ್ಯಂಟಿಜೆನ್‌ ಟೆಸ್ಟ್‌ ಹೆಚ್ಚಿಸಬೇಕು ಎಂಬ ಸರಕಾರದ ಅಭಿಪ್ರಾಯ ವೈದ್ಯರ ವಲಯದಲ್ಲೇ ಪೂರ್ಣ ಸಹಮತ ಕಂಡುಬರುತ್ತಿಲ್ಲ. ಸೋಂಕು ಈಗ ಒಂದು ಹಂತವನ್ನು ದಾಟಿರುವುದರಿಂದ ಇನ್ನು ಕೇವಲ ಸಮಸ್ಯೆ ಇರುವವರಿಗೆ ಪರೀಕ್ಷೆ ನಡೆಸಿ, ಅಗತ್ಯವಿದ್ದವರಿಗೆ ಚಿಕಿತ್ಸೆ ನೀಡಿದರೆ ಸಾಕು ಎನ್ನುವುದು ಹೆಚ್ಚಿನ ವೈದ್ಯರ ಅಭಿಮತ. ಆದರೆ, ಸೋಂಕು ಒಬ್ಬರಿಂದ 10, 100 ಹೀಗೆ ಹಲವು ಪಟ್ಟು ದ್ವಿಗುಣವಾಗುತ್ತಾ ಸಾಗುವ ಅಪಾಯವಿದೆ. ಅದನ್ನು ತಡೆಯಲು ಪರೀಕ್ಷೆಯ ಮೂಲಕ ಸೋಂಕಿತರನ್ನು ಪತ್ತೆ ಐಸೋಲೇಟ್‌ ಮಾಡುವುದೇ ಉತ್ತಮ ಕ್ರಮ. ಹಲವು ದೇಶಗಳು ಕೊರೊನಾ ಮೇಲೆ ನಿಯಂತ್ರಣ ಸಾಧಿಸಿರುವುದು ಇದೇ ತಂತ್ರದಿಂದ ಎನ್ನುವುದು ಅವರ ವಾದ. ಇಲ್ಲಿ ಎರಡು ಪ್ರಮುಖ ವಾದಗಳನ್ನು ಮುಂದಿಡಲಾಗಿದೆ.
ಹೆಚ್ಚೆಚ್ಚು ಟೆಸ್ಟ್‌ನಿಂದ ಜೀವರಕ್ಷಣೆ ಸಾಧ್ಯ
ಕೋವಿಡ್‌-19 ಸೋಂಕಿನ ಪ್ರಮಾಣ ಪ್ರತಿ 100 ಟೆಸ್ಟ್‌ಗೆ 5ಕ್ಕೆ ಇಳಿದರೆ ಸೋಂಕು ನಿಯಂತ್ರಣದಲ್ಲಿದೆ ಎಂದರ್ಥ. ಆದರೆ, ರಾಜ್ಯದಲ್ಲಿಪ್ರತಿಶತ ಪರೀಕ್ಷೆಗೆ ಸೋಂಕಿನ ಪ್ರಮಾಣ ಸರಾಸರಿ 12ರಷ್ಟಿದೆ. ಈ ಸಂಖ್ಯೆ ಕಡಿಮೆಯಾಗಬೇಕು ಎಂದರೆ ಟೆಸ್ಟಿಂಗ್‌ ಹೆಚ್ಚಳ ಅನಿವಾರ್ಯ ಎಂದು ತಜ್ಞ ವೈದ್ಯರು ಅಭಿಪ್ರಾಯಪಟ್ಟಿದ್ದಾರೆ.
ರಾಜ್ಯದಲ್ಲಿ ಕೊರೊನಾಗೆ ಮತ್ತಷ್ಟು ವೇಗ..! 8 ಸಾವಿರಕ್ಕೂ ಹೆಚ್ಚು ಹೊಸ ಕೇಸ್‌, 2 ಲಕ್ಷ ದಾಟಿದ ಚೇತರಿಕೆ
ಹೆಚ್ಚಿನ ಸಂಖ್ಯೆಯಲ್ಲಿಕೊರೊನಾ ಪರೀಕ್ಷೆ ಮಾಡುವುದರಿಂದ ಬೇಗ ಸೋಂಕಿನ ಪತ್ತೆ ಮಾಡುವುದರ ಜತೆಗೆ, ಆರಂಭದಲ್ಲೇ ಚಿಕಿತ್ಸೆ ನೀಡಲು ಸಹಕಾರಿಯಾಗಲಿದೆ. ಅಲ್ಲದೆ, ಸೋಂಕು ವ್ಯಾಪಕವಾಗಿ ಹಬ್ಬದಂತೆ ನಿಯಂತ್ರಣ ಮಾಡಲು ಸಾಧ್ಯವಾಗುತ್ತದೆ. ಟೆಸ್ಟಿಂಗ್‌ ಮಾಡಿಸಿಕೊಳ್ಳುವವರಿಗೆ ಮಾನಸಿಕವಾಗಿ ನೋವಾಗದ ರೀತಿಯಲ್ಲಿವ್ಯವಹರಿಸಬೇಕು. ಲಕ್ಷಣಗಳು ಇಲ್ಲದ, ಕಡಿಮೆ ಲಕ್ಷಣಗಳಿರುವವರಲ್ಲಿಪಾಸಿಟಿವ್‌ ಬಂದರೆ ಅವರನ್ನು ಕೋವಿಡ್‌ ಕೇರ್‌ಸೆಂಟರ್‌ ಅಥವಾ ಮನೆಯಲ್ಲೇ ಚಿಕಿತ್ಸೆ ಪಡೆದುಕೊಳ್ಳಲು ಕೆಲ ಗಂಟೆಗಳ ಕಾಲಾವಕಾಶ ನೀಡಬೇಕು ಎನ್ನುತ್ತಾರೆ ತಜ್ಞ ವೈದ್ಯರು.
ಕೋವಿಡ್‌ ಅನ್‌ಲಾಕ್‌: ನೆರೆ ರಾಜ್ಯಗಳಿಗೆ ಬಸ್ ಸಂಚಾರ ಪ್ರಾರಂಭಿಸಲು ರಾಜ್ಯ ಸರ್ಕಾರ ಚಿಂತನೆ
''ಕೊರೊನಾವನ್ನು ಆರಂಭದಲ್ಲೇ ಪತ್ತೆ ಮಾಡಿದರೆ ಸೋಂಕಿತರು ಮನೆಯಲ್ಲಿಪ್ರತ್ಯೇಕವಾಗಿದ್ದುಕೊಂಡೇ ಚಿಕಿತ್ಸೆ ಪಡೆಯಬಹುದು. ಕೋವಿಡ್‌ ಕೇರ್‌ ಸೆಂಟರ್‌ ಕೂಡ ಇವೆ. ಬೇಗ ಗುಣಮುಖವಾಗುತ್ತಾರೆ. ಆರೋಗ್ಯಕ್ಕೆ ಅಪಾಯ ಇರುವುದಿಲ್ಲ. ಖರ್ಚು ಕೂಡ ಕಡಿಮೆಯಾಗುತ್ತದೆ. ಬೇಗ ಪತ್ತೆಯಿಂದ ಸೋಂಕು ಹೆಚ್ಚು ಜನರಿಗೆ ಹರಡುವುದು ತಪ್ಪುತ್ತದೆ. ಜಪಾನ್‌, ಸಿಂಗಾಪುರ ಸೇರಿದಂತೆ ವಿವಿಧ ರಾಷ್ಟ್ರಗಳು ಕೊರೊನಾ ನಿಯಂತ್ರಣದಲ್ಲಿಯಶಸ್ವಿಯಾಗಿದ್ದು, ಇದಕ್ಕೆ ಹೆಚ್ಚಿನ ಟೆಸ್ಟಿಂಗ್‌ ಕೂಡ ಕಾರಣ. ವಿಶ್ವ ಆರೋಗ್ಯ ಸಂಸ್ಥೆಯೇ ಟೆಸ್ಟಿಂಗ್‌ ಹೆಚ್ಚಿಸುವಂತೆ ಸೂಚಿಸಿದೆ,'' ಎಂಬುದು ಜಯದೇವ ಆಸ್ಪತ್ರೆಯ ಮುಖ್ಯಸ್ಥ ಡಾ.ಸಿ.ಎನ್‌. ಮಂಜುನಾಥ್‌ ಅವರ ಅಭಿಪ್ರಾಯವಾಗಿದೆ.
ರಾಜ್ಯದಲ್ಲಿ ಕೊರೊನಾ ಆರ್ಭಟ ಕಡಿಮೆಯಾಯ್ತೋ? ಅಥವಾ ಟೆಸ್ಟ್‌ ಕಡಿಮೆ ಆಯ್ತೋ..?
''ಟೆಸ್ಟಿಂಗ್‌ ಹೆಚ್ಚಳ ಮಾಡದೆ ಇದ್ದರೆ ಸೋಂಕು ತೀವ್ರಗೊಂಡು ರೋಗಿಗಳಿಗೆ ಆರೋಗ್ಯ ಸಮಸ್ಯೆಯಾದರೆ ಅವರಿಗೆ ಆಸ್ಪತ್ರೆ ಅನಿವಾರ್ಯತೆ ಬರುತ್ತದೆ. ಇದರಿಂದ ಔಷಧ, ಚಿಕಿತ್ಸೆ, ಮಾನವ ಸಂಪನ್ಮೂಲದ ಮೇಲೆ ಪರಿಣಾಮ ಬೀರುತ್ತದೆ. ರೋಗ ತೀವ್ರಗೊಂಡಾಗ ಖರ್ಚು ಹೆಚ್ಚಾಗುತ್ತದೆ. ಅಲ್ಲದೆ, ಅವರು ಹೆಚ್ಚು ಜನರಿಗೆ ಸೋಂಕು ಹಬ್ಬಿಸಲು ಅವಕಾಶ ಇರುತ್ತದೆ. ಇದನ್ನು ತಪ್ಪಿಸಲು ಹೆಚ್ಚು ಟೆಸ್ಟ್‌ ನಡೆಯಲಿ,'' ಎನ್ನುತ್ತಾರೆ ಅವರು.
ಕೊರೊನಾ ಲಕ್ಷಣ ಇರುವವರಿಗೆ ಮನೆಯಲ್ಲೇ ತಪಾಸಣೆ, ಚಿಕಿತ್ಸೆ; ಆಂಧ್ರ ಮಾದರಿ ಅಳವಡಿಕೆ ಚಿಂತನೆ
ರ‍್ಯಾಂಡಮ್ ಟೆಸ್ಟ್‌ ಅಗತ್ಯವೇ ಇಲ್ಲ
ರ‍್ಯಾಂಡಮ್ ಆ್ಯಂಟಿಜೆನ್‌ ಟೆಸ್ಟ್‌(ಆರ್‌ಎಟಿ) ಮಾಡಿಸುವುದಕ್ಕೆ ನನ್ನ ಸಹಮತ ಇಲ್ಲ. ಅದರ ವರದಿ ಬೇಗ ಲಭಿಸಿದರೂ, ಗೊಂದಲದಲ್ಲೇ ಇರಬೇಕಾಗುತ್ತದೆ. ಆ್ಯಂಟಿಜೆನ್‌ ಟೆಸ್ಟ್‌ನಲ್ಲಿಶೇ.50ರಷ್ಟು ನೆಗೆಟಿವ್‌ ಬರುವ ಸಾಧ್ಯತೆಗಳು ಇರುವುದರಿಂದ ಅದರಲ್ಲಿನ್ಯೂನತೆ ಇದೆ. ಇಂಥ ಟೆಸ್ಟ್‌ಗಳ ಗೊಂದಲಗಳಿಂದ ಜನರು ವೈದ್ಯರ ಬಗ್ಗೆ ಅಪಹಾಸ್ಯ ಮಾಡುವಂತಾಗಿದೆ. ರಾರ‍ಯಂಡಮ್‌ನಿಂದ ಒಂದು ಕಡೆ ನೆಗೆಟಿವ್‌ ಬಂದರೆ, ಇನ್ನೊಂದು ಕಡೆ ಆರ್‌ಟಿಪಿಸಿಆರ್‌ನಲ್ಲಿ ಪಾಸಿಟಿವ್‌ ಬರುತ್ತದೆ. ಇದನ್ನು ಡಾಕ್ಟರ್‌ಗಳು ಬೇಕಂತಲೇ ಮಾಡಿದ್ದು ಎನ್ನುವವರೇ ಹೆಚ್ಚು.
ಕೊರೊನಾದಿಂದ ಚೇತರಿಸಿಕೊಂಡವರಲ್ಲಿ ಮತ್ತೆ ಸೋಂಕು, ತೆಲಂಗಾಣದಲ್ಲಿ 2 ಪ್ರಕರಣ ದೃಢ!
ಯಾವುದೇ ತಪಾಸಣೆ ಶೇ.100 ಸರಿ ಇರುವುದಿಲ್ಲ. ಊರಿನಲ್ಲಿ ಶಸ್ತ್ರಚಿಕಿತ್ಸೆ ಮಾಡುವ ಮೊದಲು ಕೋವಿಡ್‌ ತಪಾಸಣೆ ವರದಿ ನೆಗೆಟಿವ್‌ ತರುತ್ತಾರೆ. ದೊಡ್ಡ ಆಸ್ಪತ್ರೆಯಲ್ಲಿಆ್ಯಂಟಿ ಬಾಡಿ ಟೆಸ್ಟ್‌ ಮಾಡುವಾಗ ಪಾಸಿಟಿವ್‌ ಬರುತ್ತದೆ. ಇಮ್ಯುನಿಟಿ ಟೆಸ್ಟ್‌ ಮಾಡಲು ನಾವು ಆ್ಯಂಟಿ ಬಾಡಿ ಟೆಸ್ಟ್‌ ಮಾಡಿಸುತ್ತೇವೆ. ಸರಕಾರ ಟಾರ್ಗೆಟ್‌ ಕೊಡುವ ಸಂದರ್ಭ ತಪಾಸಣೆಯ ನ್ಯೂನತೆಗಳನ್ನೂ ಜನರಿಗೆ ತಿಳಿಸುವ ಕೆಲಸ ಮಾಡಬೇಕು. ತಪಾಸಣೆ ಮಾಡಲೇಬೇಕು ಎಂದು ಒತ್ತಡ ಹಾಕಿ, ಟಾರ್ಗೆಟ್‌ ಕೊಡುವ ಬದಲು, ಅಗತ್ಯ ಇರುವವರಿಗೆ ಮಾತ್ರ ಮಾಡಿದರೆ ಸಾಕು.
-ಡಾ. ಪದ್ಮನಾಭ ಕಾಮತ್‌, ಹೃದ್ರೋಗ ತಜ್ಞರು, ಮಂಗಳೂರು
ಕೊರೊನಾ ಗುಣಮುಖರ ಸಂಖ್ಯೆ ಹೆಚ್ಚಳ: ಶೇ.76ಕ್ಕೆ ಏರಿಕೆ
from India & World News in Kannada | VK Polls https://ift.tt/3aU012E
