ಹೊಸದಿಲ್ಲಿ: ಲಡಾಕ್‌ ಗಡಿಯಲ್ಲಿನ ಚೀನಾದ ಅತಿಕ್ರಮಣದ ವಿರುದ್ಧ (ಮಿಲಿಟರಿ ಆಪ್ಶನ್) ನಮ್ಮ ಮುಂದಿದೆ ಎನ್ನುವ ಮೂಲಕ ಚೀನಾ ಸೇನೆ ವಿರುದ್ಧ ಮಿಲಿಟರಿ ಕಾರ್ಯಾಚರಣೆಯ ಸುಳಿವನ್ನ ರಕ್ಷಣಾ ಸಿಬ್ಬಂದಿ ಮುಖ್ಯಸ್ಥ ಜನರಲ್ ಬಿಪಿನ್ ರಾವತ್ ಬಿಟ್ಟುಕೊಟ್ಟಿದ್ದಾರೆ. ಸುಳಿವು ಮಾತ್ರವಲ್ಲದೆ ಚೀನಾಗೆ ಎಚ್ಚರಿಕೆಯ ಸಂದೇಶವು ನೀಡಿದ್ದಾರೆ ಎನ್ನುವ ವಿಶ್ಲೇಷಣೆಗಳು ಕೇಳಿಬಂದಿದೆ. ಚೀನಾ ಹಾಗೂ ಭಾರತದ ಸೇನೆಯ ನಡುವಿನ ಮಾತುಕತೆ ಹಾಗೂ ರಾಜತಾಂತ್ರಿಕ ಆಯ್ಕೆ ವಿಫಲವಾದರೆ ಮಾತ್ರ ಮಿಲಿಟರಿ ಆಯ್ಕೆ ಎಂದು ಕೂಡ ಬಿಪಿನ್ ರಾವತ್ ತಿಳಿಸಿದ್ದಾರೆ. ಈ ಮೂಲಕ ನಮ್ಮ ನೆಲದಲ್ಲಾಗುವ ಅತಿಕ್ರಮಣಕ್ಕೆ ಏನು ಬೇಕಾದರು ಮಾಡಲು ಸಿದ್ದ ಎನ್ನುವ ಸಂದೇಶ ಚೀನಾಗೆ ರವಾನಿಸಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಬಿಪಿನ್ ರಾವತ್ ವಾಸ್ತವಿಕ ನಿಯಂತ್ರಣ ರೇಖೆಯಯಲ್ಲಿ ಅದರ ಜೋಡಣೆಯ ವಿಭಿನ್ನ ಗ್ರಹಿಕೆಗಳಿಂದಾಗಿ ಉಲ್ಲಂಘನೆಗಳು ನಡೆಯುತ್ತವೆ ಎಂದು ತಿಳಿಸಿದ್ದು, ಮಿಲಿಟರಿ ಆಯ್ಕೆಗಳ ಬಗ್ಗೆ ಚರ್ಚಿಸಲು ನಿರಾಕರಿಸಿದ್ದಾರೆ. ಆದರೆ ಮಿಲಿಟರಿ ಆಯ್ಕೆ ಮೇಜಿನ ಮೇಲೆ ಇದೆ ಮಾತುಕತೆ ಹಾಗೂ ರಾಜತಾಂತ್ರಿಕ ಆಯ್ಕೆ ವಿಫಲವಾದರೆ ಮಾತ್ರ ಈ ಆಯ್ಕೆ ಎಂದು ಹೇಳಿದ್ದಾರೆ. ಕಳೆದ ಎಪ್ರಿಲ್‌-ಮೇನಿಂದ ಲಡಾಕ್‌ನ ಗಡಿಯಲ್ಲಿ ಭಾರತ ಹಾಗೂ ಚೀನಾದ ಸೇನೆಗಳ ನಡುವೆ ಘರ್ಷಣೆ ನಡೆಯುತ್ತಿದೆ. ಬೇರೆಯವರ ಭೂಮಿ ಹೊಂದುವ ದುರಾಸೆ ಇರುವ ಡ್ರ್ಯಾಗನ್‌ ದೇಶ ಚೀನಾ, ಲಡಾಕ್‌ನಲ್ಲಿರುವ ಭಾರತದ ಕೆಲವು ಪಾಯಿಂಟ್‌ಗಳಲ್ಲಿ ಬಂದು ಟೆಂಟ್‌ ಹಾಕಿದೆ. ಇದೀಗ ಹಿಂದೆ ಸರಿಯಲು ಹಿಂದೇಟು ಹಾಕುತ್ತಿದೆ. ಹಲವು ಭಾರೀ ಸೇನಾ ಮಾತುಕತೆಗಳು ನಡೆದರು ಇದು ಪ್ರಯೋಜನವಾಗಿಲ್ಲ. ಹೀಗಾಗಿ ಬಿಪಿನ್ ರವಾತ್‌ ಅವರ ಈ ಹೇಳಿಕೆ ಭಾರೀ ಮಹತ್ವ ಪಡೆದಿದೆ.
from India & World News in Kannada | VK Polls https://ift.tt/2YpEdGT
