ಬೆಂಗಳೂರು: ಭರಪೂರ ಮನೋರಂಜನೆ ಒದಗಿಸುವುದರಿಂದಲೇ ಇಂದು ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಜಗತ್ತಿನ ಐಶಾರಾಮಿ ಟಿ20 ಲೀಗ್‌ ಆಗಿ ಬೆಳೆದು ನಿಂತಿದೆ. ಐಪಿಎಲ್ ಎಂದರೆ ಅಭಿಮಾನಿಗಳಿಗೆ ಮೊದಲು ನೆನಪಿಗೆ ಬರುವುದು ಬೌಂಡರಿ-ಸಿಕ್ಸರ್‌ಗಳ ಸುರಿಮಳೆ. ಯಾವ ತಂಡ ಹೆಚ್ಚು ಸಿಕ್ಸರ್‌ಗಳನ್ನು ಬಾರಿಸುತ್ತದೋ ಆ ತಂಡ ಅಭಿಮಾನಿಗಳ ಮನ ಗೆಲ್ಲುತ್ತದೆ ಎಂದೇ ಹೇಳಬಹುದು. ಆದ್ದರಿಂದಲೇ ಕ್ರಿಕೆಟ್ ಜಗತ್ತಿನ ಶ್ರೇಷ್ಠ ಪವರ್‌ ಹಿಟ್ಟರ್‌ಗಳನ್ನು ನಾ ಮುಂದು ತಾ ಮುಂದು ಎಂಬಂತೆ ಫ್ರಾಂಚೈಸಿ ತಂಡಗಳು ಕೋಟಿ ಕೋಟಿ ರೂ. ಹಣ ಖರ್ಚು ಮಾಡಿ ತಮ್ಮ ತೆಕ್ಕೆಗೆ ತೆಗೆದುಕೊಂಡಿವೆ. ತಂಡದಲ್ಲಿ ಇರುವ ಬಿಗ್‌ ಹಿಟ್ಟರ್‌ಗಳು ಕೇವಲ ಪಂದ್ಯಗಳನ್ನಷ್ಟೇ ಗೆದ್ದುಕೊಡುವುದಿಲ್ಲ. ಜೊತೆಗೆ ಹೆಚ್ಚು ಹೆಚ್ಚು ಪ್ರೇಕ್ಷಕರನ್ನು ಸೆಳೆಯುತ್ತಾರೆ. ಪ್ರೇಕ್ಷಕರ ಸಂಖ್ಯೆ ಹೆಚ್ಚಾದಷ್ಟೂ ಟೂರ್ನಿ ಮತ್ತಷ್ಟು ದೊಡ್ಡದಾಗಿ ಸಂಪತ್‌ ಭರಿತವಾಗಿ ಬೆಳೆಯತೊಡಗುತ್ತದೆ. 2008ರಲ್ಲಿ ಶುರುವಾದ ಐಪಿಎಲ್ ಟೂರ್ನಿಯಲ್ಲಿ ಈವರೆಗೆ ಬ್ರೆಂಡನ್‌ ಮೆಕಲಮ್‌ ಹಾಗೂ ಕ್ರಿಸ್‌ ಗೇಲ್‌ ಅವರಂತಹ ದಿಗ್ಗಜ ಹಿಟ್ಟರ್‌ಗಳು ಸಿಕ್ಸರ್‌ಗಳ ಸುರಿಮಳೆ ಗೈದು ಮಿಂಚು ಮೂಡಿಸಿದ್ದಾರೆ. ಬಳಿಕ ಪ್ರತಿ ಆವೃತ್ತಿಯಲ್ಲಿ ಅತಿ ಹೆಚ್ಚು ಸಿಕ್ಸರ್‌ ಬಾರಿಸುವ ಬ್ಯಾಟ್ಸ್‌ಮನ್‌ಗಳಿಗೆ ಪ್ರತ್ಯೇಕ ಪ್ರಶಸ್ತಿಯನ್ನೂ ನೀಡುತ್ತಾ ಬರಲಾಗಿದೆ.ಮುಂಬೈ ಇಂಡಿಯನ್ಸ್‌ ಐಪಿಎಲ್ 2020 ಗೆಲ್ಲದೇ ಇರಲು 3 ಬಲವಾದ ಕಾರಣಗಳು!ಅಂದಹಾಗೆ ಈ ಬಾರಿ ಈ ಪ್ರಶಸ್ತಿ ಯಾರಿಗೆ ಸಿಗಬಹುದು? ಐಪಿಎಲ್ 2020 ಟೂರ್ನಿಯಲ್ಲಿ ಸಿಕ್ಸರ್‌ ಕಿಂಗ್‌ ಎನಿಸಿಕೊಳ್ಳುವ ಬ್ಯಾಟ್ಸ್ಮನ್ ಯಾರು? ಈ ಪ್ರಶಸ್ತಿ ಚಾಚಿಕೊಳ್ಳುವ ಸಾಮರ್ಥ್ಯ ಇರುವ ಐದು ಬಲಿಷ್ಠ ಬ್ಯಾಟ್ಸ್‌ಮನ್‌ಗಳನ್ನು ಇಲ್ಲಿ ಹೆಸರಿಸಲಾಗಿದೆ.ಕಳೆದ ಆರು ತಿಂಗಳಿಂದ ಕೊರೊನಾ ವೈರಸ್‌ ಭೀತಿಯಲ್ಲಿ ವಿಶ್ರಾಂತಿ ತೆಗೆದುಕೊಂಡಿರುವ ಕ್ರಿಕೆಟಿಗರು ಇದೀಗ ಐಪಿಎಲ್ 2020 ಟೂರ್ನಿಯಲ್ಲಿ ಮೈಕೊಡವಿ ನಿಂತು ಪ್ರೇಕ್ಷಕರಿಗೆ ಭರಪೂರ ಮನೋರಂಜನೆ ಒದಗಿಸಲು ಸಜ್ಜಾಗುತ್ತಿದ್ದಾರೆ.
ಬೆಂಗಳೂರು:
ಭರಪೂರ ಮನೋರಂಜನೆ ಒದಗಿಸುವುದರಿಂದಲೇ ಇಂದು ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಜಗತ್ತಿನ ಐಶಾರಾಮಿ ಟಿ20 ಲೀಗ್‌ ಆಗಿ ಬೆಳೆದು ನಿಂತಿದೆ. ಐಪಿಎಲ್ ಎಂದರೆ ಅಭಿಮಾನಿಗಳಿಗೆ ಮೊದಲು ನೆನಪಿಗೆ ಬರುವುದು ಬೌಂಡರಿ-ಸಿಕ್ಸರ್‌ಗಳ ಸುರಿಮಳೆ.
ಯಾವ ತಂಡ ಹೆಚ್ಚು ಸಿಕ್ಸರ್‌ಗಳನ್ನು ಬಾರಿಸುತ್ತದೋ ಆ ತಂಡ ಅಭಿಮಾನಿಗಳ ಮನ ಗೆಲ್ಲುತ್ತದೆ ಎಂದೇ ಹೇಳಬಹುದು. ಆದ್ದರಿಂದಲೇ ಕ್ರಿಕೆಟ್ ಜಗತ್ತಿನ ಶ್ರೇಷ್ಠ ಪವರ್‌ ಹಿಟ್ಟರ್‌ಗಳನ್ನು ನಾ ಮುಂದು ತಾ ಮುಂದು ಎಂಬಂತೆ ಫ್ರಾಂಚೈಸಿ ತಂಡಗಳು ಕೋಟಿ ಕೋಟಿ ರೂ. ಹಣ ಖರ್ಚು ಮಾಡಿ ತಮ್ಮ ತೆಕ್ಕೆಗೆ ತೆಗೆದುಕೊಂಡಿವೆ. ತಂಡದಲ್ಲಿ ಇರುವ ಬಿಗ್‌ ಹಿಟ್ಟರ್‌ಗಳು ಕೇವಲ ಪಂದ್ಯಗಳನ್ನಷ್ಟೇ ಗೆದ್ದುಕೊಡುವುದಿಲ್ಲ. ಜೊತೆಗೆ ಹೆಚ್ಚು ಹೆಚ್ಚು ಪ್ರೇಕ್ಷಕರನ್ನು ಸೆಳೆಯುತ್ತಾರೆ. ಪ್ರೇಕ್ಷಕರ ಸಂಖ್ಯೆ ಹೆಚ್ಚಾದಷ್ಟೂ ಟೂರ್ನಿ ಮತ್ತಷ್ಟು ದೊಡ್ಡದಾಗಿ ಸಂಪತ್‌ ಭರಿತವಾಗಿ ಬೆಳೆಯತೊಡಗುತ್ತದೆ.
2008ರಲ್ಲಿ ಶುರುವಾದ ಐಪಿಎಲ್ ಟೂರ್ನಿಯಲ್ಲಿ ಈವರೆಗೆ ಬ್ರೆಂಡನ್‌ ಮೆಕಲಮ್‌ ಹಾಗೂ ಕ್ರಿಸ್‌ ಗೇಲ್‌ ಅವರಂತಹ ದಿಗ್ಗಜ ಹಿಟ್ಟರ್‌ಗಳು ಸಿಕ್ಸರ್‌ಗಳ ಸುರಿಮಳೆ ಗೈದು ಮಿಂಚು ಮೂಡಿಸಿದ್ದಾರೆ. ಬಳಿಕ ಪ್ರತಿ ಆವೃತ್ತಿಯಲ್ಲಿ ಅತಿ ಹೆಚ್ಚು ಸಿಕ್ಸರ್‌ ಬಾರಿಸುವ ಬ್ಯಾಟ್ಸ್‌ಮನ್‌ಗಳಿಗೆ ಪ್ರತ್ಯೇಕ ಪ್ರಶಸ್ತಿಯನ್ನೂ ನೀಡುತ್ತಾ ಬರಲಾಗಿದೆ.
ಮುಂಬೈ ಇಂಡಿಯನ್ಸ್‌ ಐಪಿಎಲ್ 2020 ಗೆಲ್ಲದೇ ಇರಲು 3 ಬಲವಾದ ಕಾರಣಗಳು!
ಅಂದಹಾಗೆ ಈ ಬಾರಿ ಈ ಪ್ರಶಸ್ತಿ ಯಾರಿಗೆ ಸಿಗಬಹುದು? ಐಪಿಎಲ್ 2020 ಟೂರ್ನಿಯಲ್ಲಿ ಸಿಕ್ಸರ್‌ ಕಿಂಗ್‌ ಎನಿಸಿಕೊಳ್ಳುವ ಬ್ಯಾಟ್ಸ್ಮನ್ ಯಾರು? ಈ ಪ್ರಶಸ್ತಿ ಚಾಚಿಕೊಳ್ಳುವ ಸಾಮರ್ಥ್ಯ ಇರುವ ಐದು ಬಲಿಷ್ಠ ಬ್ಯಾಟ್ಸ್‌ಮನ್‌ಗಳನ್ನು ಇಲ್ಲಿ ಹೆಸರಿಸಲಾಗಿದೆ.
1. ಆಂಡ್ರೆ ರಸೆಲ್ (ಕೋಲ್ಕತಾ ನೈಟ್‌ ರೈಡರ್ಸ್‌)
ಕಳೆದ ಆವೃತ್ತಿಯ ಐಪಿಎಲ್ ಟೂರ್ನಿಯಲ್ಲಿ ಅತ್ಯಂತ ಮೌಲ್ಯಯುತ ಆಟಗಾರ ಎಂದೆನಿಸಿಕೊಂಡ ಆಟಗಾರ ವೆಸ್ಟ್‌ ಇಂಡೀಸ್‌ನ ದೈತ್ಯ ಆಲ್‌ರೌಂಡರ್‌ ಆಂಡ್ರೆ ರಸೆಲ್. ಇನಿಂಗ್ಸ್‌ನ ಯಾವುದೇ ಹಂತದಲ್ಲಿ ಕಣಕ್ಕಿಳಿದರೂ ಸಿಕ್ಸರ್‌ಗಳ ಸುರಿಮಳೆಗೈಯುವ ತಾಕತ್ತು ಕೆರಿಬಿಯನ್‌ ಕಲಿಗಿದೆ. ಐಪಿಎಲ್ 2019 ಟೂರ್ನಿಯಲ್ಲಿ ಕೆಕೆಆರ್‌ ತಂಡದ ಸ್ಟಾರ್‌ ಆಗಿದ್ದ ರೆಸೆಲ್, ಬರೋಬ್ಬರಿ 52 ಸಿಕ್ಸರ್‌ಗಳನ್ನು ಸಿಡಿಸಿ ಅತಿ ಹೆಚ್ಚು ಸಿಕ್ಸರ್‌ ಬಾರಿಸಿದ ಬ್ಯಾಟ್ಸ್ಮನ್ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದರು. ಇನ್ನು ಐಪಿಎಲ್‌ನಲ್ಲಿ ಈವರೆಗೆ ಆಡಿರುವ 54 ಪಂದ್ಯಗಳಲ್ಲಿ 120 ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ. ಆದರೆ ಟಿ20 ಕ್ರಿಕೆಟ್‌ನಲ್ಲಿ ಅವರ ಸಮಗ್ರ ಸಾಧನೆ 323 ಪಂದ್ಯಗಳಿಂದ 436 ಸಿಕ್ಸರ್‌ಗಳನ್ನ ಸಿಡಿಸಿರುವುದಾಗಿದೆ. ಚೆಂಡನ್ನು ನೀರು ಕುಡಿದಷ್ಟೇ ಸಲೀಸಾಗಿ ಬೌಂಡರಿ ಗೆರೆ ದಾಟಿಸಬಲ್ಲ ಪವರ್‌ ಹಿಟ್ಟರ್ ರಸೆಲ್ ಯಾವುದೇ ತಂಡಕ್ಕೆ ವರದಾನ ಇದ್ದಂತೆ.
ಕ್ವಾರಂಟೈನ್ ಮುಗಿಸಿದ ಆರ್‌ಸಿಬಿ, ಗುರುವಾರದಿಂದ ಸಮರಾಭ್ಯಾಸ ಶುರು!
2. ಗ್ಲೆನ್‌ ಮ್ಯಾಕ್ಸ್‌ವೆಲ್‌ (ಕಿಂಗ್ಸ್‌ ಇಲೆವೆನ್ ಪಂಜಾಬ್)
ಕಳೆದ ಬಾರಿ ಐಪಿಎಲ್ ಟೂರ್ನಿಯನ್ನು ಯುಎಇ ಅಂಗಣದಲ್ಲಿ ಆಯೋಜಿಸಿದ್ದಾಗ ಗ್ಲೆನ್‌ ಮ್ಯಾಕ್ಸ್‌ವೆಲ್‌ ಅವರ ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶನಗಳನ್ನು ಮರೆಯಲು ಸಾಧ್ಯವೆ? ಆಸ್ಟ್ರೇಲಿಯಾದ ಆಲ್‌ರೌಂಡರ್‌ ಚೆಂಡನ್ನು ಸಿಕ್ಸರ್‌ಗೆ ಬಡಿದಟ್ಟುವುದಕ್ಕೇ ಹೆಚ್ಚು ಹೆಸರುವಾಸಿ. ಇದೀಗ ಕಿಂಗ್ಸ್‌ ಇಲೆವೆನ್ ಪಂಜಾಬ್ ತಂಡಕ್ಕೆ ಮರಳಿರುವ ಮ್ಯಾಕ್ಸ್‌ವೆಲ್‌, ಮತ್ತೊಮ್ಮೆ ಅಂಥದ್ದೇ ಪ್ರದರ್ಶನ ನೀಡುವ ಸಾಧ್ಯತೆ ಇದೆ. ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಮ್ಯಾಕ್ಸ್‌ವೆಲ್‌ ಈವರೆಗೆ 81 ಸಿಕ್ಸರ್‌ ಬಾರಿಸಿದ್ದಾರೆ. ಆದರೆ ಇಂಡಿಯನ್ ಪ್ರೀಮಿಯರ್‌ ಲೀಗ್‌ನಲ್ಲಿ 91 ಸಿಕ್ಸರ್‌ಗಳನ್ನು ಚಚ್ಚಿದ್ದು, 161.3ರ ಅದ್ಭುತ ಸ್ಟ್ರೈಕ್‌ರೇಟ್‌ ಹೊಂದಿದ್ದಾರೆ. ಇನ್ನು ಐಪಿಎಲ್‌ನಲ್ಲಿ ಅವರ ಸಮಗ್ರ ಬ್ಯಾಟಿಂಗ್ ಪ್ರದರ್ಶನ ಅಷ್ಟು ಹೇಳಿಕೊಳ್ಳುವಂತಿಲ್ಲ. ಆದರೆ, ಈ ಬಾರಿ ಮ್ಯಾಕ್ಸ್‌ವೆಲ್‌ ತಮ್ಮ ನೈಜ ಸಾಮರ್ಥ್ಯ ಕಂಡುಕೊಂಡರೆ ಅತಿ ಹೆಚ್ಚು ಸಿಕ್ಸರ್‌ಗಳ ದಾಖಲೆ ಇರಲಿ, ಅತಿ ಹೆಚ್ಚು ರನ್‌ ಗಳಿಸಿದ ಬ್ಯಾಟ್ಸ್ಮನ್ ಆಗಿಯೂ ಹರಹೊಮ್ಮಬಲ್ಲರು.
ಐಪಿಎಲ್ ತಂಡಗಳ ರ‍್ಯಾಂಕಿಂಗ್‌, ನಂ.1 ಸ್ಥಾನದಲ್ಲಿದೆ ಧೋನಿ ಪಡೆ!
3. ಡೇವಿಡ್‌ ವಾರ್ನರ್ (ಸನ್‌ರೈಸರ್ಸ್‌ ಹೈದರಾಬಾದ್)
ಆಸ್ಟ್ರೇಲಿಯಾ ತಂಡದ ಸ್ಟಾರ್‌ ಓಪನರ್‌ ಡೇವಿಡ್‌ ವಾರ್ನರ್, ಐಪಿಎಲ್ ಟೂರ್ನಿಯಲ್ಲಿ ರನ್‌ ಮಷೀನ್‌ನಂತೆ ಬ್ಯಾಟ್‌ ಬೀಸುವ ಮೂಲಕ ಶೇಷ್ಠ ಬ್ಯಾಟ್ಸ್‌ಮನ್‌ಗಳ ಪೈಕಿ ಒಬ್ಬರಾಗಿ ಗುರುತಿಸಿಕೊಂಡಿದ್ದಾರೆ. ಸುದೀರ್ಘಾವಧಿಯ ಕಾಲ ಐಪಿಎಲ್‌ನ ವಿವಿಧ ಫ್ರಾಂಚೈಸಿಗಳ ಪರ ಆಡಿರುವ ವಾರ್ನರ್, 142.39ರ ಸ್ಟ್ರೈಕ್‌ರೇಟ್‌ನಲ್ಲಿ ಒಟ್ಟು 4706 ರನ್‌ಗಳನ್ನು ಬಾರಿಸಿದ್ದಾರೆ. ಕಳೆದ ಆವೃತ್ತಿ ಒಂದರಲ್ಲೇ ಸನ್‌ರೈಸರ್ಸ್‌ ಹೈದರಾಬಾದ್ ತಂಡದ ಒರ ಆಡಿದ 12 ಪಂದ್ಯಗಳಿಂದ 692 ರನ್‌ಗಳನ್ನು ಗಳಿಸಿ ಅತಿ ಹೆಚ್ಚು ರನ್‌ ಗಳಿಸಿದ ಬ್ಯಾಟ್ಸ್ಮನ್ ಎನಿಸಿಕೊಳ್ಳುವ ಮೂಲಕ ಆರೆಂಜ್ ಕ್ಯಾಪ್‌ ಪಡೆದಿದ್ದರು. ತಮ್ಮ ಐಪಿಎಲ್ ಕ್ರಿಕೆಟ್ ವೃತ್ತಿಬದುಕಿನಲ್ಲಿ ವಾರ್ನರ್ 180 ಸಿಕ್ಸರ್ಸ್‌ ಮತ್ತು 458 ಫೋರ್‌ಗಳನ್ನು ಬಾರಿಸಿದ್ದಾರೆ. ಇನ್ನು ಕಳೆದ ಆವೃತ್ತಿಯಲ್ಲಿ ಆರೆಂಜ್ ಕ್ಯಾಪ್‌ ಪಡೆಯಲು 21 ಸಿಕ್ಸರ್‌ ಬಾರಿಸಿದ್ದರು. ಹೀಗಾಗಿ ಈ ಬಾರಿಯೂ ಸಿಕ್ಸರ್‌ಗಳ ಸುರಿಮಳೆಗೈಯುವ ಸಾಧ್ಯತೆ ಇದೆ.
ಕೆಕೆಆರ್‌ ತಂಡಕ್ಕೆ ಗಂಭೀರ್‌ ಖರೀದಿಸಲು ನಡೆದಿದ್ದ ಬಿಡ್ಡಿಂಗ್‌ ವಾರ್‌ ವಿವರಿಸಿದ ವೆಂಕಿ ಮೈಸೂರು!
4. ಎಬಿ ಡಿ'ವಿಲಿಯರ್ಸ್‌ (ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು)
ಎಬಿ ಡಿ'ವಿಲಿಯರ್ಸ್‌ ಟಿ20 ಕ್ರಿಕೆಟ್‌ನ ಸೂಪರ್‌ ಮ್ಯಾನ್‌ ಬ್ಯಾಟ್ಸ್ಮನ್. ಕ್ರೀಡಾಂಗಣದ ಯಾವುದೇ ಮೂಲೆಗೆ ಸಿಕ್ಸರ್‌ ಬಾರಿಸುವ ಸಾಮರ್ಥ್ಯವಿರುವ ಕೆಲವೇ ಬ್ಯಾಟ್ಸ್‌ಮನ್‌ಗಳ ಪೈಕಿ ಎಬಿಡಿ ಅಗ್ರಮಾನ್ಯರು. ಆದ್ದರಿಂದಲೇ ಅವರನ್ನು ಮಿಸ್ಟರ್‌ 360 ಡಿಗ್ರಿ ಎಂದೇ ಕರೆಯಲಾಗುತ್ತದೆ. ಹಲವು ವರ್ಷಗಳಿಂದ ಆರ್‌ಸಿಬಿ ತಂಡದ ಪರ ಆಡುತ್ತಿರುವ ಎಬಿಡಿ ಬೌಂಡರಿ ಸಿಕ್ಸರ್‌ಗಳ ಹೊಳೆಯನ್ನೇ ಹರಿಸಿದ್ದಾರೆ. ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ 60 ಸಿಕ್ಸರ್‌ಗಳನ್ನಷ್ಟೇ ಬಾರಿಸಿರುವ ದಕ್ಷಿಣ ಆಫ್ರಿಕಾದ ದಿಗ್ಗಜ, ಐಪಿಎಲ್ ಟೂರ್ನಿಯಲ್ಲಿ 212 ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ. ಐಪಿಎಲ್ ಇತಿಹಾಸದಲ್ಲಿ ಸಾರ್ವಕಾಲಿಕ 2ನೇ ಅತಿ ಹೆಚ್ಚು ಸಿಕ್ಸರ್‌ ಬಾರಿಸಿದ ಬ್ಯಾಟ್ಸ್ಮನ್ ಕೂಡ. ಹೀಗಾಗಿ ಈ ಬಾರಿ ಯುಎಇ ಅಂಗಣದಲ್ಲೂ ಎಬಿಡಿ ಬ್ಯಾಟ್‌ನಿಂದ ಸಿಕ್ಸರ್‌ಗಳ ಸುರಿ ಮಳೆ ನಿರೀಕ್ಷಿಸಬಹುದಾಗಿದೆ.
ಐಪಿಎಲ್ 2020: ಧೋನಿ, ಕೊಹ್ಲಿ ಸೇರಿದಂತೆ ಸ್ಟಾರ್‌ ಆಟಗಾರರ ಡೋಪ್‌ ಟೆಸ್ಟ್‌!
5. ಎಂಎಸ್‌ ಧೋನಿ (ಚೆನ್ನೈ ಸೂಪರ್‌ ಕಿಂಗ್ಸ್‌)
ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಇತ್ತೀಚೆಗಷ್ಟೇ ನಿವೃತ್ತಿ ಘೋಷಿಸಿರುವ ಎಂಎಸ್‌ ಧೋನಿ, ಇದೀಗ ಐಪಿಎಲ್ ಅಂಗಣದಲ್ಲಿ ಮಾತ್ರವೇ ಕಾಣಿಸಿಕೊಳ್ಳಲಿದ್ದಾರೆ. ತಮ್ಮ ದೊಡ್ಡ ಹೊಡೆತಗಳಿಗೆ ಹೆಸರುವಾಸಿಯಾದ ಕ್ಯಾಪ್ಟನ್‌ ಕೂಲ್‌, ಸಿಕ್ಸರ್‌ ಬಾರಿಸಿಯೇ ತಂಡಕ್ಕೆ ಜಯ ತಂದುಕೊಡುವ ಹವ್ಯಾಸ ಕೂಡ ಹೊಂದಿದ್ದಾರೆ. ಇನ್ನು ಈ ಬಾರಿಯ ಐಪಿಎಲ್‌ನಲ್ಲಿ ಧೋನಿ ಒತ್ತಡ ಮುಕ್ತವಾಗಿ ಆಡುವ ಸಾಧ್ಯತೆ ಇದ್ದು, ಹೆಲಿಕಾಪ್ಟರ್‌ ಶಾಟ್‌ಗಳ ಮೂಲಕ ಚೆಂಡನ್ನು ಮುಗಿಲು ಮುಟ್ಟಿಸುತ್ತಾರೆಂಬುದು ಅಭಿಮಾನಿಗಳ ನಿರೀಕ್ಷೆ. 39 ವರ್ಷದ ಅನುಭವಿ ವಿಕೆಟ್‌ಕೀಪರ್‌ ಬ್ಯಾಟ್ಸ್ಮನ್ 190 ಪಂದ್ಯಗಳಿಂದ 4432 ರನ್‌ಗಳನ್ನು ಸಿಡಿಸಿದ್ದಾರೆ. ಅಲ್ಲದೆ ಐಪಿಎಲ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್‌ ಬಾರಿಸಿದ ಭಾರತೀಯ ಬ್ಯಾಟ್ಸ್ಮನ್ ಎಂಬ ಹೆಗ್ಗಳಿಕೆಯೂ ಎಂಎಸ್‌ಡಿ ಅವರದ್ದು. ಧೋನಿ ಐಪಿಎಲ್‌ನಲ್ಲಿ ಒಟ್ಟಾರೆ 209 ಸಿಕ್ಸರ್‌ಗಳನ್ನು ಚಚ್ಚಿದ್ದಾರೆ. ಭಾರತದ ಉಳಿದಾವ ಬ್ಯಾಟ್ಸ್‌ಮನ್‌ಗಳು 200ರ ಗಡಿ ಕೂಡ ದಾಟಿಲ್ಲ. 2018ರ ಆವೃತ್ತಿ ಒಂದರಲ್ಲೇ ಧೋನಿ ಬ್ಯಾಟ್‌ನಿಂದ 30 ಸಿಕ್ಸರ್‌ಗಳು ಸಿಡಿದಿದ್ದವು. ಈ ಬಾರಿಯೂ ಅಂಥದ್ದೇ ಪವರ್‌ಫುಲ್ ಪ್ರದರ್ಶನವನ್ನು ಎದುರು ನೋಡಬಹುದು.
ಐಪಿಎಲ್ 2020ಯಲ್ಲಿ ಮಿಂಚಬಲ್ಲ 6 ಸ್ಪಿನ್ನರ್‌ಗಳನ್ನು ಹೆಸರಿಸಿದ ಆಕಾಶ್ ಚೋಪ್ರಾ!
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/31vRekh
