ಮುಂಬೈ: ಆತಿಥೇಯ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್‌ ಕ್ರಿಕೆಟ್ ಸರಣಿಯ ಅಂತಿಮ ಪಂದ್ಯದಲ್ಲಿ ಅಜೇಯ ಅರ್ಧಶತಕ ಬಾರಿಸಿ ತಂಡವನ್ನು ಸೋಲಿನ ದವಡೆಯಿಂದ ಪಾರು ಮಾಡಿದ ತಂಡದ ಯುವ ಬ್ಯಾಟ್ಸ್‌ಮನ್‌ , ಸರಣಿಯಲ್ಲಿ ದೊಡ್ಡ ಇನಿಂಗ್ಸ್‌ಗಳನ್ನು ಆಡುವಲ್ಲಿ ವಿಫಲರಾಗಿದ್ದಕ್ಕೆ ಟೀಕೆ ಎದುರಿಸುವಂತಾಗಿದೆ. ಮೂರು ಪಂದ್ಯಗಳ ಟೆಸ್ಟ್‌ ಸರಣಿಯಲ್ಲಿ ಬಾಬರ್‌ 2 ಅರ್ಧಶತಕಗಳ ನೆರವಿನಿಂದ ಒಟ್ಟು 195 ರನ್‌ಗಳನ್ನು ಗಳಿಸಲು ಮಾತ್ರವೇ ಶಕ್ತರಾದರು. ಭವಿಷ್ಯದಲ್ಲಿ ಟೀಮ್‌ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ ರೀತಿಯಲ್ಲಿ ವಿಶ್ವ ಕ್ರಿಕೆಟ್‌ನಲ್ಲಿ ರಾಜ್ಯಭಾರ ಮಾಡಲಿದ್ದಾರೆ ಎಂದೆಲ್ಲಾ ಹೆಸರು ಗಿಟ್ಟಿಸಿರುವ ಬಾಬರ್‌ ಅವರ ಬ್ಯಾಟಿಂಗ್‌ ಪ್ರದರ್ಶನ ಕೊಂಚ ನಿರಾಶಾದಾಯಕವಾಗಿದೆ ಎಂದು ಪಾಕ್‌ ತಂಡದ ಮಾಜಿ ನಾಯಕ ಹೇಳಿದ್ದಾರೆ. "ಇಂಗ್ಲೆಂಡ್‌ನಲ್ಲಿ ಬ್ಯಾಟ್‌ ಮಾಡುವುದು ಅಷ್ಟು ಸುಲಭವಲ್ಲ. ಏಕೆಂದರೆ ಅಲ್ಲಿ ವೇಗದ ಬೌಲಿಂಗ್‌ಗೆ ಅದ್ಭುತ ವಾತಾವರಣ ಇರುತ್ತದೆ. ಹೀಗಾಗಿ ಈ ಸರಣಿ ಬಾಬರ್‌ ಅವರಿಗೆ ಬಹುದೊಡ್ಡ ಪಾಠ ಕಲಿಸಿರುತ್ತದೆ. ಅವರಲ್ಲಿ ಒಬ್ಬ ಕ್ಲಾಸ್‌ ಆಟಗಾರನಲ್ಲಿ ಇರಬೇಕಾದ ಎಲ್ಲಾ ಗುಣಗಳಿವೆ. ಆ ಕ್ಲಾಸ್‌ ಆಟವನ್ನು ದೊಡ್ಡ ಶತಕಗಳನ್ನಾಗಿ ಪರಿವರ್ತಿಸಲು ಅವರಿಗೆ ಕೊಂಚ ಸಮಯ ಬೇಕು," ಎಂದು ಟೈಮ್ಸ್‌ ಆಫ್‌ ಇಂಡಿಯಾಗೆ ನೀಡಿರುವ ವಿಶೇಷ ಸಂದರ್ಶನದಲ್ಲಿ ರಮೀಝ್‌ ಹೇಳಿಕೊಂಡಿದ್ದಾರೆ. "ಅಂತಿಮ ಕ್ಷಣದವರೆಗೂ ಚೆಂಡಿನ ಮೇಲೆ ಗಮನವಿಟ್ಟು ನೀವು ಬ್ಯಾಟ್‌ ಮಾಡಬೇಕು. 40 ರನ್‌ ದಾಟಿದ ಬಳಿಕ ನೀವು ಔಟ್‌ ಆಗಲು ಸಾಧ್ಯವಿಲ್ಲ ಆದರೆ ಇದಕ್ಕೂ ಮೊದಲು ಬೌಲರ್‌ಗಳಿಗೆ ಗೌರವ ನೀಡುವುದನ್ನು ಕಲಿಯಬೇಕು. ಅದರಲ್ಲೂ ಮತ್ತು ಆಸ್ಟ್ರೇಲಿಯಾ ಪಿಚ್‌ಗಳಲ್ಲಿ. ಆದರೆ ಸರಣಿಯಲ್ಲಿ 70 ಮತ್ತು 40 ರನ್‌ಗಳನ್ನು ಗಳಿಸಿದ್ದಾಗ ದೊಡ್ಡ ಮೊತ್ತ ಗಳಿಸುವ ಉತ್ತಮ ಅವಕಾಶವನ್ನು ಬಾಬರ್‌ ಕೈಚೆಲ್ಲಿದ್ದಾರೆ," ಎಂದಿದ್ದಾರೆ. ಬಾಬರ್‌ ಕೊಹ್ಲಿಯಂತೆ ಮ್ಯಾಚ್‌ ವಿನ್ನರ್ ಆಗಬೇಕು ಕ್ರಿಕೆಟ್ ವೃತ್ತಿಬದುಕಿಗೆ ನಿವೃತ್ತಿ ಘೋಷಿಸಿದ ಬಳಿಕ ಕ್ರಿಕೆಟ್ ಕಾಮೆಂಟರಿಯಲ್ಲಿ ಹೆಚ್ಚು ಜನಪ್ರಿಯತೆ ಗಿಟ್ಟಿಸಿಕೊಂಡಿರುವ ರಮೀಝ್‌, ಇದೇ ವೇಳೆ ಬಾಬರ್‌ ಆಝಮ್‌ ಪಂದ್ಯಗಳನ್ನು ಗೆದ್ದುಕೊಡುವ ಮ್ಯಾಚ್‌ ವಿನ್ನರ್ ಆಗಬೇಕು. ಇದು ಹೇಗೆ ಎಂಬುದನ್ನು ಅವರು ಕೊಹ್ಲಿಯನ್ನು ನೋಡಿ ಕಲಿಯುವ ಅಗತ್ಯವಿದೆ ಎಂದಿದ್ದಾರೆ. "ಪಾಕಿಸ್ತಾನ ತಂಡದ ಬ್ಯಾಟಿಂಗ್‌ ವಿಭಾಗವು ಬಾಬರ್‌ ಅವರಿಂದ ದೊಡ್ಡ ಇನಿಂಗ್ಸ್‌ ನಿರೀಕ್ಷಿಸುತ್ತದೆ. ತಂಡಕ್ಕೆ ಅವರು ಮ್ಯಾಚ್‌ ವಿನ್ನರ್ ಆಗುವ ಅಗತ್ಯವಿದೆ. ಈ ಕಲೆಯನ್ನು ಅವರು ಕೊಹ್ಲಿಯನ್ನು ನೋಡಿ ಕಲಿತುಕೊಳ್ಳಬೇಕು. ಅವರಿಗೆ ಆ ಸಾಮರ್ಥ್ಯವಿದೆ ಕೂಡ. ಅವರಿಗಿನ್ನೂ 25 ವರ್ಷ, ಸಮಯ ಕಳೆಯುತ್ತಿದ್ದಂತೆಯೇ ಅವರು ಈ ಕಲೆಗಳನ್ನು ರೂಢಿಸಿಕೊಳ್ಳುತ್ತಾರೆಂಬ ವಿಶ್ವಾಸವಿದೆ. 1992ರ ಇಂಗ್ಲೆಂಡ್ ಪ್ರವಾಸದಲ್ಲಿ ಇಂಝಮಾಮ್‌ ಉಲ್‌ ಹಕ್‌ ದೊಡ್ಡ ಶತಕಗಳನ್ನೇನೂ ಬಾರಿಸಲಿಲ್ಲ. ಆದರೆ, ಅವರ ವೃತ್ತಿಬದುಕು ಯಾವ ಉತ್ತುಂಗದಲ್ಲಿ ಅಂತ್ಯಗೊಂಡಿದೆ ಎಂಬುದನ್ನು ನಾವು ಕಾಣಬಹುದು," ಎಂದು ರಮೀಝ್‌ ವಿವರಿಸಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಟೆಸ್ಟ್‌ ಸರಣಿಯ ಮೊದಲ ಪಂದ್ಯದಲ್ಲಿ ಗೆಲ್ಲುವ ಉತ್ತಮ ಅವಕಾಶವನ್ನು ಕೈಚೆಲ್ಲಿದ್ದ ಪಾಕಿಸ್ತಾನ ತಂಡ 3 ವಿಕೆಟ್‌ಗಳ ವೀರೋಚಿತ ಸೋಲುಂಡಿತು. ಬಳಿಕ ಉಳಿದೆರಡು ಟೆಸ್ಟ್‌ ಪಂದ್ಯಗಳು ಮಳೆಯಾಟಕ್ಕೆ ಸಿಲುಕಿ ಡ್ರಾ ಫಲಿತಾಂಶ ಕಂಡ ಕಾರಣ ಇಂಗ್ಲೆಂಡ್ 1-0 ಅಂತರದಲ್ಲಿ ಸರಣಿ ಜಯ ತನ್ನದಾಗಿಸಿಕೊಂಡಿತು. ಇದೀಗ ಇಂಗ್ಲೆಂಡ್ ಮತ್ತು ಪಾಕ್‌ ತಂಡಗಳು 3 ಪಂದ್ಯಗಳ ಟಿ20 ಕ್ರಿಕೆಟ್ ಸರಣಿಯಲ್ಲಿ ಮುಖಾಮುಖಿಯಾಗಲಿದ್ದು, ಪಾಕ್‌ ಟಿ20 ತಂಡವನ್ನು ಬಾಬರ್‌ ಆಝಮ್‌ ಮುನ್ನಡೆಸಲಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/34DlFad
