ಹೊಸದಿಲ್ಲಿ: ಚಾಂಪಿಯನ್‌ ಸ್ಪಿನ್ನರ್‌ಗಳಾದ ಆಸ್ಟ್ರೇಲಿಯಾದ ಹಾಗೂ ಭಾರತದ ಅನಿಲ್ ಕುಂಬ್ಳೆ ಅವರು ತಮ್ಮ ಮೇಲೆ ಹೇಗೆ ಪ್ರಭಾವ ಬೀರಿದರು ಎಂಬ ಬಗ್ಗೆ ನ್ಯೂಜಿಲೆಂಡ್‌ ತಂಡದ ಹಿರಿಯ ಲೆಗ್‌ ಸ್ಪಿನ್ನರ್‌ ವಿವರಿಸಿದ್ದಾರೆ. ಇಶ್‌ ಸೋಧಿ ನ್ಯೂಜಿಲೆಂಡ್‌ ಪರ 33 ಓಡಿಐ, 17 ಟೆಸ್ಟ್ ಪಂದ್ಯಗಳಾಡಿದ್ದಾರೆ. ಕ್ರಿಕೆಟ್.ಕಾಮ್‌ ಜತೆ ಮಾತನಾಡಿದ ಸೋಧಿ, "ದೀಪಕ್‌ ಪಟೇಲ್‌ ಅವರ ಅಡಿಯಲ್ಲಿ ಬೌಲಿಂಗ್ ಮಾಡುವಾಗ ಲೆಗ್‌ ಸ್ಪಿನ್‌ ಬೌಲಿಂಗ್ ಕಲೆಯ ಪ್ರೀತಿಯಲ್ಲಿ ಬಿದ್ದೆ. ನಾನು 12 ರಿಂದ 13 ವರ್ಷದ ಬಾಲಕನಿದ್ದಾಗ ದೀಪಕ್‌ ಪಟೇಲ್‌ ಅವರ ಅಕಾಡೆಮಿಯಲ್ಲಿ ತರಬೇತಿ ಪಡೆಯುತ್ತಿದ್ದೆ. ಆ ವೇಳೆ ನನಗೆ ಆಫ್‌ ಸ್ಪಿನ್‌ ಮಾಡಲು ಸಾಧ್ಯವಾಗುತ್ತಿರಲಿಲ್ಲ, ಹಾಗಾಗಿ ಅವರ ವೀಕ್ಷಣೆಯಲ್ಲಿ ಲೆಗ್‌ ಸ್ಪಿನ್‌ ಕಲಿತೆ," ಎಂದು ಹೇಳಿದರು. "ಆಸ್ಟ್ರೇಲಿಯಾ ಸ್ಪಿನ್‌ ದಿಗ್ಗಜ ಶೇನ್‌ವಾರ್ನ್‌ ಅವರ ಬೌಲಿಂಗ್ ವಿಡಿಯೋಗಳನ್ನು ಯೂಟ್ಯೂಬ್‌ ನೋಡುತ್ತಾ.. ನೋಡುತ್ತಾ.. ಲೆಗ್‌ ಸ್ಪಿನ್‌ ಕಲೆಯನ್ನು ಇನ್ನಷ್ಟು ಕರಗತ ಮಾಡಿಕೊಂಡೆ. ನಂತರ, ಭಾರತದ ಸ್ಪಿನ್‌ ದಂತಕತೆ ಹಾಗೂ ಅವರನ್ನು ಹಿಂಬಾಲಿಸಲು ಆರಂಭಿಸಿದೆ. ಈ ಮೂರು ಸ್ಪಿನ್‌ ದಂತಕತೆಗಳು ನನ್ನ ಲೆಗ್‌ ಸ್ಪಿನ್‌ ಬೌಲಿಂಗ್ ಮೇಲೆ ಅತ್ಯುತ್ತಮ ಸ್ಪೂರ್ತಿ ತುಂಬಿದರು," ಎಂದು ಕಿವೀಸ್‌ ಸ್ಪಿನ್ನರ್‌ ತಿಳಿಸಿದರು. ಶೇನ್‌ವಾರ್ನ್‌, ಕುಂಬ್ಳೆ ಹಾಗೂ ಮೆಕ್ಗಿಲ್ ಅವರಿಂದ ಇಶ್‌ ಸೋಧಿ ವಿಗ್ರಹವಾಗಿ ರೂಪಗೊಂಡರು ಹಾಗೂ ಅವರು ಮೂವರೊಂದಿಗೆ ಅರ್ಥಪೂರ್ಣ ಮತ್ತು ಪರಿಣಾಮಕಾರಿ ಅವಧಿಗಳನ್ನು ಹಂಚಿಕೊಳ್ಳುವ ಅದೃಷ್ಟ ಹೊಂದಿದ್ದರು. 2018-19ರ ಆವೃತ್ತಿಯಲ್ಲಿ ಸೋಧಿ ರಾಜಸ್ಥಾನ್‌ ರಾಯಲ್ಸ್ ತಂಡದಲ್ಲಿ ಆಡಿದ್ದರು. ಈ ವೇಳೆ ಶೇನ್‌ವಾರ್ನ್‌ ತಂಡದ ಮೆಂಟರ್‌ ಆಗಿದ್ದರು. ಇದಕ್ಕೂ ಮುನ್ನ 2016ರಲ್ಲಿ ನ್ಯೂಜಿಲೆಂಡ್‌ ತಂಡ ಭಾರತಕ್ಕೆ ಪ್ರವಾಸ ಮಾಡಿತ್ತು. ಈ ವೇಳೆ ಅನಿಲ್ ಕುಂಬ್ಳೆ ಟೀಮ್‌ ಇಂಡಿಯಾಗೆ ಮುಖ್ಯ ಕೋಚ್‌ ಆಗಿದ್ದರು. ಮೂರನೇ ಅತಿ ಹೆಚ್ಚು ವಿಕೆಟ್ ಪಡೆದಿರುವವ ಸ್ಪಿನ್‌ ದಂತಕತೆಯನ್ನು ಭೇಟಿಯಾಗುವ ಅವಕಾಶವನ್ನು ಕಿವೀಸ್‌ ಸ್ಪಿನ್ನರ್‌ ಸದುಪಯೋಗಪಡಿಸಿಕೊಂಡರು. "ಶೇನ್ ವಾರ್ನ್ ನಾನು ಕಂಡ ಅತ್ಯುತ್ತಮ ಕ್ರಿಕೆಟ್ ಜ್ಞಾನ ಹೊಂದಿದ್ದಾರೆ. ಅವರು ಆಟವನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳುತ್ತಾರೆ ಮತ್ತು ತುಂಬಾ ಸರಳವಾದ ವಿಧಾನವನ್ನು ಅನುಸರಿಸುತ್ತಾರೆ. ಇದೇ ರೀತಿ ಅನಿಲ್ ಕುಂಬ್ಳೆ ಕೂಡ ಅದ್ಭುತ. ಭಾರತೀಯ ದಿಗ್ಗಜನ ಬಳಿ ಒಮ್ಮೆ ಕೋಲ್ಕತ್ತಾದಲ್ಲಿ ಒಂದು ಗಂಟೆಗೂ ಹೆಚ್ಚು ಸಮಯ ಮಾತನಾಡಿದ್ದೆ. ಆಸ್ಟ್ರೇಲಿಯಾದೊಂದಿಗಿನ ಅವರ ಹೋರಾಟ ಬಗ್ಗೆ ಮತ್ತು ಭಾರತದಲ್ಲಿ ಬೌಲಿಂಗ್ ಮಾಡುವುದು ಹೇಗೆಂಬುದರ ಬಗ್ಗೆಯೂ ಅವರು ಹೇಳಿದ್ದರು," ಎಂದು ತಿಳಿಸಿದರು. "ಒಬ್ಬ ಸ್ಪಿನ್ನರ್‌ ಆಗಿ ಎಲ್ಲಾ ಸಮಯದಲ್ಲೂ ಒಂದೇ ರೀತಿ ಲೈನ್ ಅಂಡ್‌ ಲೆನ್ತ್‌ ಹಾಕುವುದು ಅಲ್ಲ. ಇದಕ್ಕೆ ಸಂಬಂಧಿಸಿದಂತೆ ಅವರ ಬಳಿ ತುಂಬಾ ಕಲಿತೆ. ಸ್ಟುವರ್ಟ್ ಮೆಕ್ಗಿಲ್ ಅವರ ಬಳಿಯೂ ಕಳೆದ ಹಲವು ವರ್ಷಗಳಿಂದ ಸಾಕಷ್ಟು ಕಲಿತಿದ್ದೇನೆ. ಇದೀಗ ನಾವಿಬ್ಬರೂ ಉತ್ತಮ ಸ್ನೇಹಿತರಾಗಿದ್ದೇವೆ. ಈ ಎಲ್ಲರೊಂದಿಗೆ ಅದ್ಭುತವಾದ ಸಂಭಾಷಣೆಯನ್ನು ನಡೆಸಿದ್ದೇನೆ. ಈ ಮೂವರಲ್ಲಿಯೂ ಸಾಮಾನ್ಯ ಸಂಗತಿ ಏನೆಂದರೆ, ವಿಕೆಟ್ ಪಡೆಯಲು ಆಕ್ರಮಣಕಾರಿ ಮನೋಭಾವವನ್ನು ತೋರುತ್ತಿದ್ದರು," ಎಂದು ಇಶ್‌ ಸೋಧಿ ತಿಳಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3b065Xn
