ಹೊಸದಿಲ್ಲಿ: ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಏರಿಕೆಯಾಗುತ್ತಿದ್ದಂತೆ ಗುಣಮುಖರ ಸಂಖ್ಯೆಯು ಭಾರೀ ಸಂಖ್ಯೆಯಲ್ಲಿ ಏರಿದೆ. ಹೌದು, ಭಾನುವಾರ ಒಂದೇ ದಿನ ದೇಶದಲ್ಲಿ 61,408 ಹೊಸ ಕೊರೊನಾ ಸೋಂಕು ದೃಢಪಟ್ಟರೆ, 57,468 ಮಂದಿ ಕೊರೊನಾದಿಂದ ಗುಣಮುಖರಾಗಿದ್ದಾರೆ ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ. ಇನ್ನು 61,408 ಹೊಸ ಕೊರೊನಾ ಸೋಂಕು ಪತ್ತೆಯಾಗುವ ಮೂಲಕ ದೇಶದಲ್ಲಿ ಈವರೆಗೆ 31,06,349 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಂತೆ ಆಗಿದೆ. ಅಲ್ಲದೆ 57,468 ಮಂದಿ ಗುಣಮುಖರಾಗುವ ಮೂಲಕ ಈವರಗೆ 23,38,036 ಮಂದಿ ಡಿಸ್ಚಾರ್ಜ್‌ ಆಗಿ ಮನೆಗೆ ತೆರಳಿದ್ದಾರೆ. ಕಳೆದ 24 ಗಂಟೆಯಲ್ಲಿ ಕೊರೊನಾಗೆ 836 ಮಂದಿ ಬಲಿಯಾಗುವ ಮೂಲಕ ಈವರೆಗೆ ಕೊರೊನಾಗೆ ದೇಶದಲ್ಲಿ ಒಟ್ಟು 57,542 ಮಂದಿ ಸಾವನಪ್ಪಿದ್ದಾರೆ. ಅಲ್ಲದೆ ದೇಶದಲ್ಲಿ ದಿನ ನಿತ್ಯ ಕೊರೊನಾ ಪರೀಕ್ಷೆಯನ್ನ ಐಸಿಎಂಆರ್‌ ನಡೆಸುತ್ತಿದೆ. ಆಲ್‌ಮೋಸ್ಟ್ ಐದು ಲಕ್ಷ ಜನರ ಕೊರೊನಾ ಪರೀಕ್ಷೆ ದಿನ ನಿತ್ಯ ನಡೆಸುತ್ತಿದೆ. ಹೀಗಾಗಿ ಕೊರೊನಾ ಹೊಸ ಸೋಂಕು ಪತ್ತೆಯಾಗುತ್ತಿದೆ. ಇನ್ನು ದೇಶದಲ್ಲಿ ಕೊರೊನಾ ಸೋಂಕಿತರು ವೇಗವಾಗಿ ಗುಣಮುಖರಾಗುವುದರಿಂದ ಸೋಂಕಿನ ಪ್ರಮಾಣ ತೀವ್ರವಾಗಿಲ್ಲ ಎನ್ನುವುದನ್ನ ಕೂಡ ತೋರಿಸಿಕೊಡುತ್ತಿದೆ. ಕೊರೊನಾದಿಂದ ಇಡೀ ದೇಶವೆ ಸ್ಥಬ್ಧವಾಗಿದ್ದು ಇದೀಗ ಪ್ರಮುಖ ದೇವಾಲಯಗಳ ಪೈಕಿ ಜಮ್ಮು-ಕಾಶ್ಮೀರದಲ್ಲಿರುವ ವೈಷ್ಣೋ ದೇವಿ ದೇವಾಲಯಕ್ಕೆ ಭೇಟಿ ನೀಡುವ ಭಕ್ತರು ಕೊರೊನಾ ನೆಗೆಟಿವ್‌ ಇರುವ ಸರ್ಟಿಫಿಕೇಟ್‌ ತರುವಂತೆ ಸೂಚನೆ ನೀಡಿದೆ. 48 ಗಂಟೆಯಲ್ಲಿ ಕೊರೊನಾ ಟೆಸ್ಟ್‌ ನಡೆಸಿರುವ ವರದಿ ತರಬೇಕು ಎಂದಿದೆ.
from India & World News in Kannada | VK Polls https://ift.tt/3hjOPP8
