ಹೊಸದಿಲ್ಲಿ: ಭಾರತ ಟೆಸ್ಟ್‌ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್ಮನ್ ಹಾಗೂ ಜನಪ್ರಿಯ ಕ್ರಿಕೆಟ್ ಕಾಮೆಂಟೇಟರ್‌ , ಕೊರೊನಾ ವೃರಸ್‌ ಭೀತಿಯಿಂದಾಗಿ ಕ್ರಿಕೆಟ್ ಲೋಕಕ್ಕೆ ಎದುರಾಗಿದ್ದ ಅಕಾಲಿಕ ವಿರಾಮದ ಸಮಯದಲ್ಲಿ ಸೋಷಿಯಲ್‌ ಮೀಡಿಯಾಗಳ ಮೂಲಕ ಆಟದ ಬಗ್ಗೆ ಹಲವು ಸಂಗತಿಗಳನ್ನು ಹಂಚಿಕೊಂಡಿದ್ದು, ತಮ್ಮ ಯೂಟ್ಯೂಬ್‌ ಚಾನೆಲ್‌ನಲ್ಲಿ ಸರಣಿ ಕಾರ್ಯಕ್ರಮಗಳ ಹಲವು ವಿಶ್ಲೇಷಣೆಗಳನ್ನು ನಡೆಸಿಕೊಟ್ಟಿದ್ದಾರೆ. ಇದೀಗ ಬಹು ನಿರೀಕ್ಷಿತ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಯ 13ನೇ ಆವೃತ್ತಿಯು ಯುನೈಟೆಡ್‌ ಅರಬ್‌ ಎಮಿರೇಟ್ಸ್‌ ಆತಿಥ್ಯದಲ್ಲಿ ಸೆಪ್ಟೆಂಬರ್‌ 19ರಿಂದ ಆರಂಭವಾಗಲಿದ್ದು, ಈ ಹಿನ್ನೆಲೆಯಲ್ಲಿ ಆಕಾಶ್ ಚೋಪ್ರಾ ಟೂರ್ನಿ ಸಂಬಂಧ ಹಲವು ವಿಚಾರಗಳನ್ನು ತಮ್ಮ ಅಭಿಮಾನಿಗಳೊಟ್ಟಿಗೆ 'ಆಕಾಶ್‌ವಾಣಿ' ಕಾರ್ಯಕ್ರಮದಲ್ಲಿ ಹಂಚಿಕೊಂಡಿದ್ದಾರೆ. ಇನ್ನು ಟೂರ್ನಿಯ ಈ ಹಿಂದಿನ 12 ಆವೃತ್ತಿಗಳನ್ನೂ ಗಮನದಲ್ಲಿಟ್ಟು ಪ್ರತಿ ತಂಡಗಳ ಸಾರ್ವಕಾಲಿಕ ಶ್ರೇಷ್ಠ ಪ್ಲೇಯಿಂಗ್‌ ಇಲೆವೆನ್ ಪ್ರಕಟ ಮಾಡುತ್ತಿರುವ ಆಕಾಶ್ ಚೋಪ್ರಾ, ಇದೀಗ ಪಡೆಯ ಸಾರ್ವಕಾಲಿಕ ಶ್ರೇಷ್ಠ ತಂಡ ಹೇಗಿರಬಹುದು ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ. 2008ರಲ್ಲಿ ಆರಂಭಗೊಂಡ ಐಪಿಎಲ್‌ ಟೂರ್ನಿಯ ಮೊದಲ ಆವೃತ್ತಿಯಲ್ಲೇ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದ ರಾಜಸ್ಥಾನ್ ರಾಯಲ್ಸ್‌ ತನ್ನ ಯಶಸ್ಸಿಗೆ ದೊಡ್ಡ ದೊಡ್ಡ ಸ್ಟಾರ್‌ ಆಟಗಾರರನ್ನೇನ್ನೂ ಅವಲಂಬಿಸಿರಲಿಲ್ಲ ಎಂಬುದು ವಿಶೇಷ. ಹೀಗಾಗಿ ಪ್ರತಿ ಬಾರಿ ಗೆಲ್ಲುವ ಫೇವರಿಟ್‌ ಆಗಿ ಕಣಕ್ಕಿಳಿಯದೇ ಇದ್ದರೂ ಕೂಡ ಅತ್ಯಂತ ಅಪಾಯಕಾರಿ ತಂಡವೆಂಬ ಹಣೆಪಟ್ಟಿ ಪಡೆದಿರುತ್ತದೆ. "ನಾನು ಮೊದಲಿಗೆ ಅಜಿಂಕ್ಯ ರಹಾನೆ ಮತ್ತು ಶೇನ್ ವಾಟ್ಸನ್ ಅವರನ್ನು ಆರಂಭಿಕರಾಗಿ ತೆಗೆದುಕೊಳ್ಳುತ್ತೇನೆ. ಈ ಇಬ್ಬರೂ ಆಟಗಾರರು ಈಗ ಕ್ರಮವಾಗಿ ಡೆಲ್ಲಿ ಕ್ಯಾಪಿಟಲ್ಸ್‌ ಮತ್ತು ಚೆನ್ನೈ ಸೂಪರ್‌ ಕಿಂಗ್ಸ್‌ ಪರ ಆಡುತ್ತಿದ್ದಾರೆ. ಆದರೆ, ಅವರನ್ನು ರಾಜಸ್ಥಾನ್ ರಾಯಲ್ಸ್‌ನ ಸಾರ್ವಕಾಲಿಕ ಶ್ರೇಷ್ಠ ತಂಡಕ್ಕೆ ಓಪನರ್‌ಗಳಾಗಿ ಆಯ್ಕೆ ಮಾಡಿಕೊಂಡಿದ್ದೇನೆ," ಎಂದು ಚೋಪ್ರಾ ತಮ್ಮ ಯೂಟ್ಯೂಬ್‌ ಕಾರ್ಯಕ್ರಮದಲ್ಲಿ ಹೇಳಿದ್ದಾರೆ. "ನಂತರ ಜೋಸ್‌ ಬಟ್ಲರ್‌. ಈ ಮೂಲಕ ಅಗ್ರ ಮೂರು ಆಟಗಾರರಲ್ಲಿ ಇಬ್ಬರು ವಿದೇಶಿ ಆಟಗಾರರನ್ನು ಆಯ್ಕೆ ಮಾಡಿದ್ದೇನೆ. ಅಂದಹಾಗೆ ವಾಟ್ಸನ್ ತಂಡಕ್ಕೆ ಬೌಲಿಂಗ್‌ನಲ್ಲಿಯೂ ನೆರವಾಗಬಲ್ಲರು. ನಂ. 4ರಲ್ಲಿ ಸಂಜು ಸ್ಯಾಮ್ಸನ್. ಈ ಸ್ಥಾನಕ್ಕೆ ಸ್ಟೀವ್‌ ಸ್ಮಿತ್‌ ಆಯ್ಕೆ ಮಾಡುವ ಮನಸ್ಸಿತ್ತಾದರೂ ವಿದೇಶಿ ಆಟಗಾರರ ಸೇರ್ಪಡೆಗೆ ನಿರ್ಬಂಧವಿದೆ. ಹೀಗಾಗಿ ಅವರನ್ನು ತೆಗೆದುಕೊಳ್ಳಲಾಗಲಿಲ್ಲ. ಇದೇ ಕಾರಣಕ್ಕೆ ಸಾರ್ವಕಾಲಿಕ ಶ್ರೇಷ್ಠ ಇಲೆವೆನ್‌ನಲ್ಲಿ ಬೆನ್‌ ಸ್ಟೋಕ್ಸ್‌ಗೂ ಕೂಡ ಸ್ಥಾನ ಕಲ್ಪಿಸಲು ಸಾಧ್ಯವಾಗಲಿಲ್ಲ," ಎಂದಿದ್ದಾರೆ. "ನಂ.5 ಬ್ಯಾಟಿಂಗ್‌ಗೆ ರಾಹುಲ್‌ ತ್ರಿಪಾಠಿ ಅವರನ್ನು ತೆಗೆದುಕೊಂಡಿದ್ದೇನೆ. ಈ ಸ್ಥಾನಕ್ಕೆ ಸ್ಟುವರ್ಟ್‌ ಬಿನ್ನಿಯನ್ನೂ ಆಯ್ಕೆ ಮಾಡಬಹುದಿತ್ತು. ಆದರೆ ನನಗೆ 5ನೇ ಕ್ರಮಾಂಕದಲ್ಲಿ ಒಬ್ಬ ಬ್ಯಾಟ್ಸ್‌ಮನ್‌ನ ಅಗತ್ಯವಿತ್ತು ಹೀಗಾಗಿ ತ್ರಿಪಾಠಿ ಆಯ್ಕೆ ಮಾಡಿದ್ದೇನೆ. ವಿದೇಶಿ ಆಟಗಾರನಿಗೆ ಸ್ಥಾನ ನೀಡುವ ಅವಕಾಶವಿದಿದ್ದರೆ ಖಂಡಿತಾ ಬೆನ್‌ ಸ್ಟೋಕ್ಸ್‌ ಅವರನ್ನು ತೆಗೆದುಕೊಳ್ಳುತ್ತಿದ್ದೆ. ಇನ್ನು 6ನೇ ಕ್ರಮಾಂಕದಲ್ಲಿ ಯೂಸುಫ್‌ ಪಠಾಣ್ ಮತ್ತು 7ನೇ ಕ್ರಮಾಂಕದಲ್ಲಿ ರವೀಂದ್ರ ಜಡೇಜಾ ಅವರನ್ನು ಆಲ್‌ರೌಂಡರ್‌ಗಳಾಗಿ ಆಡಿಸಲಿದ್ದೇನೆ," ಎಂದು ಹೇಳಿದ್ದಾರೆ. "ಈ ತಂಡಕ್ಕೆ ಶೇನ್ ವಾರ್ನ್‌ ಅವರನ್ನು ನಾಯಕನನ್ನಾಗಿ ನೇಮಕ ಮಾಡಿದ್ದೇನೆ. ಐಪಿಎಲ್‌ನ ಆರಂಭಿಕ ಟೂರ್ನಿಗಳಲ್ಲಿ ವಾರ್ನ್‌ ಒಬ್ಬ ಆಟಗಾರನಾಗಿ ಮತ್ತು ನಾಯಕನಾಗಿ ಅಮೋಘ ಸಾಧನೆ ಮಾಡಿದ್ದಾರೆ. ನಂತರದ ಸ್ಥಾನಗಳಲ್ಲಿ ಸಿದ್ಧಾರ್ಥ್ ತ್ರಿವೇದಿ, ಮುನಾಫ್‌ ಪಟೇಲ್ ಮತ್ತು ಜೋಫ್ರ ಆರ್ಚರ್ ಅವರನ್ನು ತೆಗೆದುಕೊಂಡಿದ್ದೇನೆ. ಅಂದಹಾಗೆ ಈ ಸ್ಥಾನಗಳಿಗೆ ಜೇಮ್ಸ್‌ ಫಾಕ್ನರ್ ಮತ್ತು ಶ್ರೇಯಸ್‌ ಗೋಪಾಲ್ ಅವರನ್ನು ಆಡಿಸುವ ಆಸೆಯೂ ಇದೆ. ಆದರೆ, ಸಮಗ್ರವಾಗಿ ಇದುವೇ ನನ್ನ ಸಾರ್ವಕಾಲಿಕ ಶ್ರೇಷ್ಠ ರಾಜಸ್ಥಾನ್ ರಾಯಲ್ಸ್‌ ತಂಡ," ಎಂದಿದ್ದಾರೆ. ಆಕಾಶ್ ಚೋಪ್ರಾ ಆಯ್ಕೆಯ ಸಾರ್ವಕಾಲಿಕ ಶ್ರೇಷ್ಠ ರಾಜಸ್ಥಾನ್ ರಾಯಲ್ಸ್‌ ತಂಡ 1. ಅಜಿಂಕ್ಯ ರಹಾನೆ (ಓಪನರ್) 2. ಶೇನ್ ವಾಟ್ಸನ್ (ಓಪನರ್) 3. ಜೋಸ್‌ ಬಟ್ಲರ್‌ (ವಿಕೆಟ್‌ಕೀಪರ್‌/ಬ್ಯಾಟ್ಸ್ಮನ್) 4. ಸಂಜು ಸ್ಯಾಮ್ಸನ್ (ಬ್ಯಾಟ್ಸ್ಮನ್) 5. ರಾಹುಲ್‌ ತ್ರಿಪಾಠಿ (ಬ್ಯಾಟ್ಸ್ಮನ್) 6. ಯೂಸುಫ್‌ ಪಠಾಣ್ (ಆಲ್‌ರೌಂಡರ್) 7. ರವೀಂದ್ರ ಜಡೇಜಾ (ಆಲ್‌ರೌಂಡರ್) 8. (ನಾಯಕ/ಲೆಗ್‌ ಸ್ಪಿನ್ನರ್) 9. ಸಿದ್ಧಾರ್ಥ್ ತ್ರಿವೇದಿ (ಬಲಗೈ ವೇಗಿ) 10. ಮುನಾಫ್‌ ಪಟೇಲ್ (ಬಲಗೈ ವೇಗಿ) 11. ಜೋಫ್ರ ಆರ್ಚರ್ (ಬಲಗೈ ವೇಗಿ)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/31D27RA
