ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ ಭಾರತದ ಸಾಕಷ್ಟು ಕ್ರಿಕೆಟಿಗರಿಗೆ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಸಾಜಷ್ಟು ನೆರವಾಗಿದೆ. ಇದರಿಂದ ಕೂಡ ಹೊರತಾಗಿಲ್ಲ. ತಾವು ಕ್ರಿಕೆಟಿಗರಾಗಿ ಹೊರಹೊಮ್ಮುವಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಮುಖ್ಯ ಕೋಚ್‌ ರಿಕ್ಕಿ ಪಾಯಿಂಟ್‌ ಸಹಾಯವೂ ಇದೆ ಎಂಬುದನ್ನು ಶ್ರೇಯಸ್ ಅಯ್ಯರ್ ತಿಳಿಸಿದರು. 2018ರ ಆವೃತ್ತಿಯ ಐಪಿಎಲ್‌ ಟೂರ್ನಿಯ ಮಧ್ಯೆದಲ್ಲಿ ಗೌತಮ್‌ ಗಂಭೀರ್‌ ನಾಯಕತ್ವದಿಂದ ಕೆಳಗೆ ಇಳಿದ ಬಳಿಕ ಶ್ರೇಯಸ್ ಅಯ್ಯರ್‌ಗೆ ನಾಯಕತ್ವ ಒಲಿದುಬಂತು. ಆ ಆವೃತ್ತಿಯಲ್ಲಿ ತಮ್ಮ ಅತ್ಯುತ್ತಮ ಪ್ರಯತ್ನದ ಹೊರತಾಗಿಯೂ ಡೆಲ್ಲಿ ಕ್ಯಾಪಿಟಲ್ಸ್ ಅಂಕಪಟ್ಟಯಲ್ಲಿ ಕೊನೆಯ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿತು. 2019ರ ಆವೃತ್ತಿಯಲ್ಲಿಯೂ ನಾಯಕತ್ವವನ್ನು ಉಳಿಸಿಕೊಂಡ ಶ್ರೇಯಸ್ ಅಯ್ಯರ್, ತಂಡವನ್ನು ಅತ್ಯುತ್ತಮವಾಗಿ ಮುನ್ನಡೆಸಿದ್ದರು. ಆ ಮೂಲಕ ಪ್ಲೇಆಫ್‌ನಲ್ಲಿ ಫೈನಲ್‌ಗೇರುವ ಅವಕಾಶವನ್ನು ಕೂದಲೆಳೆಯ ಅಂತರದಲ್ಲಿ ಕಳೆದುಕೊಂಡರೂ ಅಂತಿಮವಾಗಿ ಅಂಕಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆಯಿತು. ಐಪಿಎಲ್‌ನ 13 ನೇ ಆವೃತ್ತಿಯ ಪ್ರಾರಂಭಕ್ಕೂ ಮುನ್ನ, ಅಯ್ಯರ್ ತನ್ನ ಆಟದ ಮೇಲೆ ಪ್ರಭಾವ ಬೀರಿದ ತರಬೇತುದಾರ ರಿಕ್ಕಿ ಪಾಂಟಿಂಗ್ ಬಗ್ಗೆ ತೆರೆದಿಟ್ಟರು ಮತ್ತು ಆಸೀಸ್ ದಂತಕಥೆಯು ಮೈದಾನದಲ್ಲಿ ತನಗೆ ನೀಡಿರುವ ಸ್ವಾತಂತ್ರ್ಯದ ಬಗ್ಗೆ ಮಾತನಾಡಿದರು. "ರಿಕ್ಕಿ ಪಾಂಟಿಂಗ್ ಅವರ ನಿಲುವಿನಂತಿರುವ ಯಾರೊಂದಿಗಾದರೂ ಕೆಲಸ ಮಾಡುವುದನ್ನು ನಾನು ಆಶೀರ್ವದಿಸುತ್ತೇನೆ. ಅವರು ಆ ರೀತಿಯ ದಂತಕಥೆಯಾಗಿದ್ದಾರೆ ಹಾಗೂ ಅತ್ಯಂತ ಹಿರಿಯರಿಂದ ಹಿಡಿದು ಹೊಸ ವ್ಯಕ್ತಿಯವರೆಗೆ ಪ್ರತಿಯೊಬ್ಬರನ್ನು ನಮ್ಮವರ ಒಂದು ಭಾಗವಾಗಿಯೇ ಭಾವಿಸುತ್ತಾರೆ," ಎಂದು ಅಯ್ಯರ್ ಇತ್ತೀಚೆಗೆ ಬಿಸಿಸಿಐ ಅಧಿಕೃತ ವೆಬ್‌ಸೈಟ್‌ನಲ್ಲಿ ಅಪ್‌ಲೋಡ್ ಮಾಡಿದ ವೀಡಿಯೊದಲ್ಲಿ ತಿಳಿಸಿದ್ದಾರೆ. "ನಾಯಕನಾಗಿ ನನಗೆ ಅವರು ತುಂಬಾ ಸ್ವಾತಂತ್ರ್ಯವನ್ನು ನೀಡುತ್ತಾರೆ ಹಾಗೂ ನಾನು ಕ್ರಿಕೆಟಿಗನಾಗಿ ಬೆಳೆಯಲು ಇದು ತುಂಬಾ ಸಹಕಾರಿಯಾಯಿತು," ಎಂಬುದನ್ನು ಬಲಗೈ ಬ್ಯಾಟ್ಸ್‌ಮನ್ ಒಪ್ಪಿಕೊಂಡರು. ಈ ಬಾರಿ ಡೆಲ್ಲಿ ಕ್ಯಾಪಿಟಲ್ಸ್ ಚೊಚ್ಚಲ ಐಪಿಎಲ್‌ ಪ್ರಶಸ್ತಿ ಗೆಲ್ಲಲಿದೆಯೇ ಎಂಬ ಪ್ರಶ್ನೆಗೆ ಉತ್ತರಿಸಿದ ಅವರು, ಎಲ್ಲಾ ಆಟಗಾರರು ತಂಡದ ಯಶಸ್ಸಿಗೆ ಕೊಡುಗೆ ನೀಡಿದರೆ, ಖಂಡಿತಾ ನಾವು ಈ ಬಾರಿ ಜಯ ಸಾಧಿಸುತ್ತೇವೆ ಎಂದು ಶ್ರೇಯಸ್ ಅಯ್ಯರ್ ತಿಳಿಸಿದರು. "ಅಂದುಕೊಂಡಂತೆ ಎಲ್ಲವೂ ಸಕಾರವಾದರೆ ಚಾಂಪಿಯನ್‌ ಆಗಲಿದೆ. ಐಪಿಎಲ್‌ ದೀರ್ಘಾವದಿ ನಡೆಯುವ ಟೂರ್ನಿಯಾಗಿದ್ದು, ಫಲಿತಾಂಶದಲ್ಲಿ ಏರಿಳಿತಗಳು ಸಂಭವಿಸುತ್ತವೆ," ಎಂದು ಹೇಳಿದರು. "ಕಳೆದ ಆವೃತ್ತಿಯಲ್ಲಿ ನಮಗೆ ಕೆಲಸ ಮಾಡಿದ ಒಂದು ವಿಷಯವೆಂದರೆ ಪ್ರತಿಯೊಬ್ಬ ಆಟಗಾರನು ವಿಭಿನ್ನ ಸಂದರ್ಭದಲ್ಲಿ ಹೇಗೆ ವಿಭಿನ್ನವಾಗಿ ಹೆಜ್ಜೆ ಹಾಕಿದ್ದರು ಮತ್ತು ಅದು ನಮ್ಮ ಯಶಸ್ಸಿಗೆ ನಿರ್ಣಾಯಕವಾಗಿದೆ. ಈ ವರ್ಷವೂ ಇದು ಸಂಭವಿಸಲಿದೆ ಎಂದು ಭಾವಿಸಿದ್ದೇನೆ. ಒಬ್ಬರೇ ಮಾತ್ರ ಸ್ಥಿರ ಪ್ರದರ್ಶನವನ್ನು ನೀಡಿಲ್ಲ, ಎಲ್ಲರೂ ನೀಡಿದ್ದರು," ಎಂದು ಶ್ರೇಯಸ್ ಅಯ್ಯರ್ ಹೇಳಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3gMpOuO
