ಹೊಸದಿಲ್ಲಿ: ಯುವ ಹಾಗೂ ಅನುಭವಿ ಆಟಗಾರರೊಂದಿಗೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಬ್ಯಾಟಿಂಗ್‌ನಲ್ಲಿ ಅತ್ಯುತ್ತಮ ಸಂಯೋಜನೆಯನ್ನು ಹೊಂದಿದೆ. ಕಳೆದ ಆವೃತ್ತಿಗಿಂತ ಈ ಬಾರಿ ಅತ್ಯುತ್ತಮ ಪ್ರದರ್ಶನ ತೋರುವ ಮೂಲಕ ಡೆಲ್ಲಿ, ಅಂಕ ಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆದು ಪ್ಲೇಆಫ್‌ಗೆ ಅರ್ಹತೆ ಪಡೆಯಲಿದೆ ಎಂದು ಆಸ್ಟ್ರೇಲಿಯಾ ಮಾಜಿ ಸ್ಪಿನ್ನರ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ತಮ್ಮದೇ ಯೂಟ್ಯೂಬ್‌ ಚಾನೆಲ್‌ನಲ್ಲಿ ಮಾತನಾಡಿದ ಕೋಲ್ಕತ್ತಾ ನೈಟ್‌ ರೈಡರ್ಸ್ ಮಾಜಿ ಆಟಗಾರ, "ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿ ಯುವಕರು ಹಾಗೂ ಅನುಭವಿಗಳಿಂದ ಕೂಡಿದ ಅಗ್ರ ಆರು ಕ್ರಮಾಂಕಗಳು ಅತ್ಯುತ್ತಮವಾಗಿವೆ. ಶಿಖರ್‌ ಧವನ್‌ ಹಾಗೂ ಅಗ್ರ ಸ್ಥಾನದಲ್ಲಿದ್ದರೆ, ರಿಷಭ್‌ ಪಂತ್‌ ಹಾಗೂ ಶ್ರೇಯಸ್‌ ಅಯ್ಯರ್‌ ನಂತರದ ಸ್ಥಾನಗಳಲ್ಲಿ ತಂಡಕ್ಕೆ ಬಲ ತುಂಬಲಿದ್ದಾರೆ ಹಾಗೂ ರನ್‌ಗಳನ್ನು ಗಳಿಸಲಿದ್ದಾರೆ," ಎಂದು ಹೇಳಿದರು. 2019ರಲ್ಲಿ 16 ಪಂದ್ಯಗಳಿಂದ ಎರಡು ಅರ್ಧಶತಕಗಳು ಸೇರಿದಂತೆ 353 ರನ್‌ಗಳನ್ನು ಗಳಿಸಿದ್ದ 19 ವಯೋಮಿತಿ ವಿಶ್ವಕಪ್‌ ವಿಜೇತ ನಾಯಕ ಪೃಥ್ವಿ ಶಾ ಅವರ ಮೇಲೆ ಬ್ರಾಡ್‌ ಹಾಗ್‌ ತುಂಬಾ ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದಾರೆ. ಮುಂಬೈ ಯುವ ಬ್ಯಾಟ್ಸ್ಮನ್ ಬಗ್ಗೆ ಸಾಕಷ್ಟು ಮಾತನಾಡಿರುವ ಆಸಿಸ್‌ ಮಾಜಿ ವೇಗಿ, ಅವರನ್ನು ಮಾಸ್ಟರ್‌ ಬ್ಲಾಸ್ಟರ್‌ ಹೋಲಿಸಿದ್ದಾರೆ. ಪೃಥ್ವಿ ಶಾ ಅವರ ಬ್ಯಾಟಿಂಗ್‌ ಸಚಿನ್‌ ತೆಂಡೂಲ್ಕರ್‌ ಹಾಗೂ ವಿಂಡೀಸ್‌ ದಿಗ್ಗಜ ಅವರ ಸಂಯೋಜನೆಯಿಂದ ಕೂಡಿದೆ ಎಂದಿದ್ದಾರೆ. " ಈ ಬಾರಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿ ಪ್ರಮುಖ ಆಕರ್ಷಣೆ ಎಂದರೆ ಅದು ಪೃಥ್ವಿ ಶಾ ಎನ್ನಬಹುದು. ಅವರು ಹೆಚ್ಚಿನ ರನ್‌ಗಳನ್ನು ಗಳಿಸಿ ಜಗತ್ತಿಗೆ ತಮ್ಮ ಪ್ರತಿಭೆ ಏನೆಂಬುದನ್ನೂ ತೋರಿಸುವ ಸಮಯ ಬಂದಾಗಿದೆ. ಯುವ ಬ್ಯಾಟ್ಸ್ಮನ್ ಸ್ವಲ್ಪ ಸಚಿನ್‌ ತೆಂಡೂಲ್ಕರ್‌ ಹಾಗೂ ಬ್ರಿಯನ್‌ ಲಾರಾ ಅವರನ್ನು ಹೋಲುತ್ತಾರೆ," ಎಂದು ಹಾಗ್‌ ಅಭಿಪ್ರಾಯ ವ್ಯಕ್ತಪಡಿಸಿದರು. ಹಿರಿಯ ಆಫ್‌ ಸ್ಪಿನ್ನರ್ ಆರ್‌ ಅಶ್ವಿನ್‌ ತಂಡಕ್ಕೆ ವಿಶೇಷ ಸಂಯೋಜನೆಯನ್ನು ಕಲ್ಪಿಸಲಿದ್ದಾರೆ. ಕಳೆದ ವರ್ಷ ನವೆಂಬರ್ ತಿಂಗಳಲ್ಲಿ ಚೆನ್ನೈ ಮೂಲದ ಸ್ಪಿನ್ನರ್, ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡದಿಂದ ಡೆಲ್ಲಿ ಕ್ಯಾಪಿಟಲ್ಸ್‌ಗೆ ವರ್ಗಾವಣೆಯಾಗಿದ್ದರು. ಕ್ಯಾಪಿಟಲ್ಸ್ ಬೌಲಿಂಗ್‌ ವಿಭಾಗ ಸ್ವಲ್ಪ ದುರ್ಬಲವಾಗಿದ್ದರೂ ಅಶ್ವಿನ್‌ ಸೇರ್ಪಡೆಯಿಂದ ಇದೀಗ ಬಲಿಷ್ಟವಾಗಿದೆ ಎಂಬುದನ್ನು ಹಾಗ್‌ ಪ್ರತಿಪಾದಿಸಿದರು. "ಆರ್‌ ಅಶ್ವಿನ್‌ ಅವರನ್ನು ಸ್ವಾಧೀನಪಡಿಸಿಕೊಳ್ಳುವುದೆಂದರೆ ಅದ್ಭುತ, ಏಕೆಂದರೆ ಅವರು ಗುಣಮಟ್ಟದ ನಾಯಕತ್ವ, ಉತ್ತಮ ಸ್ಪಿನ್ನರ್ ಹಾಗೂ ಮಧ್ಯಮ ಓವರ್‌ಗಳಲ್ಲಿ ಬ್ಯಾಟಿಂಗ್‌ನಲ್ಲಿಯೂ ತಂಡಕ್ಕೆ ಆಸರೆಯಾಗ ಬಲ್ಲರು. ಈ ಕಾರಣದಿಂದಲೇ ಬ್ಯಾಟಿಂಗ್‌ ಹಾಗೂ ಬೌಲಿಂಗ್‌ ಎರಡೂ ವಿಭಾಗಗಳಲ್ಲಿ ತಂಡಕ್ಕೆ ಬಲವನ್ನು ತಂದುಕೊಡಬಲ್ಲರು" ಎಂದು ಅವರು ಒತ್ತಿ ಹೇಳಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/32FiV9N
