ಟೆಹ್ರನ್: ಇರಾನ್ನ ದಕ್ಷಿಣ ನಗರ ಶಿರಾಜ್ನಲ್ಲಿ 2008ರಲ್ಲಿ ನಡೆದ ಭೀಕರ ಬಾಂಬ್ ಸ್ಫೋಟವೂ ಸೇರಿದಂತೆ ಹಲವು ಪ್ರಕರಣಗಳಲ್ಲಿ ಭಾಗಿಯಾಗಿದ್ದ, ಮೂಲದ ಭಯೋತ್ಪಾದಕ ಸಂಘಟನೆಯ ಮುಖ್ಯಸ್ಥನನ್ನು ಬಂಧಿಸಿರುವುದಾಗಿ ಹೇಳಿದೆ. ಇರಾನ್ನಲ್ಲಿ ಸಶಸ್ತ್ರ ಮತ್ತು ವಿಧ್ವಂಸಕ ಕಾರ್ಯಾಚರಣೆಯನ್ನು ಮುನ್ನಡೆಸುತ್ತಿದ್ದ ಎಂಬಾತನನ್ನು ಬಂಧಿಸಲಾಗಿದ್ದು, ಈತ ಅಮೆರಿಕ ಮೂಲದ ಭಯೋತ್ಪಾದಕ ಸಂಘಟನೆಯ ಮುಖ್ಯಸ್ಥ ಎಂದು ಇರಾನ್ ಆಪಾದಿಸಿದೆ. ಕಳೆದ ಏಪ್ರಿಲ್ 12, 2008ರಲ್ಲಿ ಶಿರಾಜ್ನ ಮಸೀದಿಯೊಂದರಲ್ಲಿ ಭೀಕರ ಬಾಂಬ್ ದಾಳಿ ನಡೆಸಿದ ಆರೋಪ ಹೊತ್ತಿರುವ ಜಮ್ಶಿದ್ ಶರ್ಹಾದ್, ಇದೀಗ ಇರಾನ್ ಭದ್ರತಾ ಪಡೆಗಳ ವಶದಲ್ಲಿದ್ದಾನೆ ಎನ್ನಲಾಗಿದೆ. ಜಮ್ಶಿದ್ ಶರ್ಹಾದ್ ಕಿಂಗ್ಡಮ್ ಅಸೆಂಬ್ಲಿ ಆಫ್ ಇರಾನ್ ಅಥವಾ ಫಾರ್ಸಿ ಫಾರ್ ಥಂಡರ್ ಎಂದು ಕರೆಯಲ್ಪಡುವ ವಿರೋಧ ಪಕ್ಷದ ರಾಜಮನೆತನದ ಗುಂಪಿನ ನಾಯಕ. ಆದರೆ ಈತನನ್ನು ಅಮೆರಿಕ ಮೂಲದ ಭಯೋತ್ಪಾದಕ ಸಂಘಟನೆಯ ಮುಖ್ಯಸ್ಥ ಎಂದು ಹೇಳುವ ಮೂಲಕ ಇರಾನ್ ಜಗತ್ತನ್ನು ಅಚ್ಚರಿಗೆ ದೂಡಿದೆ. ಈ ದಾಳಿಗೆ ಸಂಬಂಧಿಸಿದಂತೆ ಇರಾನ್ ಈಗಾಗಲೇ ಮೂವರನ್ನು ಗಲ್ಲಿಗೇರಿಸಿದ್ದು, ಇದೀಗ ಜಮ್ಶಿದ್ ಶರ್ಹಾದ್ನನ್ನು ಕೂಡ ಬಂಧಿಸಿದೆ. ಇವರೆಲ್ಲ ಅಮರಿಕದ ಗುಪ್ತಚರ ಇಲಾಖೆ ಸಿಐಎಯಿಂದ ತರಬೇತಿ ಪಡೆದವರು ಎಂದು ಇರಾನ್ ಗಂಭೀರ ಆರೋಪ ಮಾಡಿದೆ. ಜಮ್ಶಿದ್ ಶರ್ಹಾದ್ ಸಿಐಎ ಬೆಂಬಲಿತ ಉಗ್ರ ಸಂಘಟನೆಯ ಮುಖ್ಯಸ್ಥ ಎಂದು ಇರಾನ್ ಆರೋಪಿಸಿದ್ದು, ಆತನ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳುವುದಾಗಿ ಹೇಳಿದೆ.
from India & World News in Kannada | VK Polls https://ift.tt/2XfQXzh
