ನವದೆಹಲಿ: ಈಶಾನ್ಯ ಲಡಾಖ್ ಗಡಿಯಲ್ಲಿ ಭಾರತ-ಚೀನಾ ನಡುವೆ ಸೈನ್ಯ ಹಿಂಪಡೆಯುವಿಕ ಪ್ರಕ್ರಿಯೆ ಜಾರಿಯಲ್ಲಿದ್ದರೂ, ಸದ್ಯದ ಪರಿಸ್ಥಿತಿಯಲ್ಲಿ ಪೂರ್ಣ ಪ್ರಮಾಣದ ಸೈನ್ಯ ಹಿಂಪಡೆಯುವಿಕೆ ಬಹುತೇಕ ಅಸಾಧ್ಯ ಎಂದು ಹೇಳಲಾಗಿದೆ. ಮಿಲಿಟರಿ ಮಾತುಕತೆಗಳಲ್ಲಿ ಸೈನ್ಯ ಹಿಂಪಡೆಯುವಿಕೆಗೆ ಸಮ್ಮತಿಸುವ ಚೀನಾ ಸೇನೆ, ನಂತರ ಮುಂಚೂಣಿ ಸೇನಾ ನೆಲೆಗಳಲ್ಲಿ ಸೈನಿಕರನ್ನು ನಿಯೋಜಿಸುವ ತನ್ನ ಚಾಳಿಯನ್ನು ತೊರೆದಿಲ್ಲ. ಈ ಕಾರಣಕ್ಕೆ ಕೂಡ ಸನ್ನದ್ಧ ಸ್ಥಿತಿಯಲ್ಲೇ ಇರಲು ಬಯಸಿದೆ. ಅದರಂತೆ ಈ ಬಾರಿಯ ಚಳಿಗಾಲದಲ್ಲಿ ಈಶಾನ್ಯ ಲಡಾಖ್ ಗಡಿಯಲ್ಲಿ ಸೈನ್ಯ ಸಾಮರ್ಥ್ಯವನ್ನು ಕಡಿಮೆ ಮಾಡದಿರಲು ನಿರ್ಧರಿಸಿರುವ ಭಾರತೀಯ ಸೇನೆ, ಸದ್ಯ ಇರುವಷ್ಟೇ ಸೈನ್ಯ, ಶಸ್ತ್ರಾಸ್ತ್ರಗಳು ಹಾಗೂ ಇತರ ಸಿದ್ಧತೆಗಳನ್ನು ,ಮುಂದುವರೆಸಲಿದೆ ಎನ್ನಲಾಗಿದೆ. ಸಾಮಾನ್ಯವಾಗಿ ಚಳಿಗಾಲದ ಆರಂಭಧಲ್ಲಿ ಎರಡೂ ಸೇನೆಗಳು ಗಡಿಯ ಮುಂಚೂಣಿ ನೆಲೆಗಳಿಂದ ಹಿಂದಕ್ಕೆ ಸರಿಯುವುದು ವಾಡಿಕೆ. ತೀವ್ರ ಚಳಿ ಇರುವುದರಿಂದ ಪರಸ್ಪರ ಒಪ್ಪಂದದಂತೆ ಗಡಿಯಿಂದ ಸೈನಿಕರನ್ನು ಹಿಂಪಡೆಯಲಾಗುತ್ತದೆ. ಆದರೆ ಈ ಬಾರಿ ಚೀನಾ ಸೇನೆಯ ಮಾತುಗಳ ಮೇಲೆ ನಂಬಿಕೆ ಇಲ್ಲವಾದ್ದರಿಂದ, ಈಶಾನ್ಯ ಲಡಾಖ್ ಗಡಿಯಲ್ಲಿ ಸದ್ಯದ ಸೇನಾ ಸಾಮರ್ಥ್ಯವನ್ನೇ ಮುಂದುವರೆಸಲು ನಿರ್ಧರಿಸಲಾಗಿದೆ ಎಂದು ಭಾರತೀಯ ಸೇನಾ ಮೂಲಗಳು ಸ್ಪಷ್ಟಪಡಿಸಿವೆ. ವಾಯುಸೇನೆ ಕೂಡ ಕದಲಲ್ಲ: ಇನ್ನು ಈಶಾನ್ಯ ಸಮೀಪ ನಿಯೋಜನೆಗೊಂಡಿರುವ ಭಾರತೀಯ ವಾಯುಸೇನೆ ಕೂಡ ಚಳಿಗಾಲದಲ್ಲಿ ಹಿಂದೆ ಸರಿಯದಿರುವ ನಿರ್ಧಾರ ಕೈಗೊಂಡಿದೆ. ಯುದ್ಧ ವಿಮಾನಗಳು ಸನ್ನದ್ಧ ಸ್ಥಿತಿಯಲ್ಲೇ ತನ್ನ ಚಟುವಟಿಕೆಗಳನ್ನು ಮುಂದುವರೆಸಲಿವೆ ಎಂದು ಹೇಳಲಾಗಿದೆ. ಅದರಂತೆ ಹಿಂದೂ ಮಹಾಸಾಗರದಲ್ಲಿ ನಿಯೋಝನೆಗೊಂಡಿರುವ ಭಾರತೀಯ ನೌಕಾಸೇನೆಯ ಯುದ್ಧ ಹಡಗೂ ಕೂಡ ತನ್ನ ಚಟುವಟಿಕೆಗಳನ್ನು ಮುಂದುವರೆಸಲಿದೆ.
from India & World News in Kannada | VK Polls https://ift.tt/2D3NYn0
