ಕ್ಯಾಲಿಫೋರ್ನಿಯಾ: ಈ ಭೂಮಿ ಮೇಲೆ ತಾನೊಬ್ಬ ಇಂದು ಬಂದು ನಾಳೆ ಹೋಗಲಿರುವ ಅತಿಥಿ ಅನ್ನೋದನ್ನು ಮರೆತಿರುವ ಮಾನವ ಪ್ರಕೃತಿಗೆ ಮಾಡಿರುವ ಅನ್ಯಾಯ ಒಂದೆರಡಲ್ಲ. ಅನಾದಿಕಾಲದಿಂದಲೂ ಅಭಿವೃದ್ಧಿಯ ಹೆಸರಲ್ಲಿ ಮತ್ತು ತನ್ನ ಸ್ವಾರ್ಥ ಸಾಧನೆಗಾಗಿ ಪ್ರಕೃತಿಗೆ ನಿರಂತರವಾಗಿ ಕೊಲ್ಲಿ ಇಡುತ್ತಲೇ ಬಂದಿರುವ ಮನುಷ್ಯರು, ಈ ಪ್ರಕೃತಿಯಿಂದಾಗಿಯೇ ನಾವು ಸ್ವಚ್ಛಂದವಾಗಿ ಉಸಿರಾಡುತ್ತಾ ನೆಮ್ಮದಿಯಿಂದ ಇದ್ದೇವೆ ಅನ್ನುವ ಕೃತಜ್ಷತೆಯನ್ನು ಮರೆತು ಬಿಡುತ್ತಾರೆ. ನಿರಂತರ ಅರಣ್ಯ ನಾಶ, ಬೃಹತ್ ಕಟ್ಟಡಗಳನ್ನು ನಿರ್ಮಿಸಿ, ಅರಣ್ಯ ವಾಸಿ ಪ್ರಾಣಿಗಳಿಗೂ ನೆಲೆಯಿಲ್ಲದಂತೆ ಮಾಡಿ ಈಗ ಕಾಡು ಪ್ರಾಣಿಗಳು ನಾಡಿಗೆ ಬರುವಂತೆ ಮಾಡಿದ್ದೇವೆ. ಅಸಲಿಗೆ ನಾವಿರೋ ನಾಡೇ ಒಂದು ಕಾಲದಲ್ಲಿ ಅರಣ್ಯವಾಗಿತ್ತು ಅನ್ನುವ ಅರಿವು ಕೂಡ ಇರಲ್ಲ. ಪ್ರಕೃತಿಯಲ್ಲಿ ಮಾನವನ ಹಸ್ತಕ್ಷೇಪ ಹೆಚ್ಚಾದಂತೆಲ್ಲ ಏನಾಗುತ್ತೆ ಅನ್ನೋದಕ್ಕೆ ನಾವು ಈಗಾಗಲೇ ಕಾಡ್ಗಿಚ್ಚು, ಭೂ ಕುಸಿತ, ಸುನಾಮಿ, ಭೂಕಂಪದಂತಹ ಘಟನೆಗಳನ್ನು ನೋಡುತ್ತಲೇ ಬಂದಿದ್ದೇವೆ. ಅಷ್ಟಕ್ಕೂ ಇಂತಹ ಅವಘಡಗಳು ಸಂಭವಿಸುವುದಕ್ಕೆ ಮೂಲದಲ್ಲಿ ನಾವು ಪ್ರಕೃತಿಗೆ ಮಾಡುತ್ತಿರುವ ಅನ್ಯಾಯ, ಅನಾಚಾರದಿಂದಲೇ ಅನ್ನೋದನ್ನೂ ಮರೆಯಬಾರದು. ಈಗ ಇದಕ್ಕೆ ತಾಜಾ ಉದಾಹರಣೆ ಕ್ಯಾಲಿಫೋರ್ನಿಯಾದಲ್ಲಿ ನಡೆದಿರುವ ಭಯಾನಕ ಕಾಡ್ಗಿಚ್ಚು.ಕ್ಯಾಲಿಫೋರ್ನಿಯಾದ ಸ್ಯಾನ್ ಫ್ರಾನ್ಸಿಸ್ಕೋ ಕೊಲ್ಲಿ ಭಾಗದ ಅರಣ್ಯದಲ್ಲಿ ಸಣ್ಣದಾಗಿ ಕಾಣಿಸಿಕೊಂಡ ಕಾಡ್ಗಿಚ್ಚು ಕಳೆದ 72 ಗಂಟೆಯಲ್ಲಿ ಭೀಕರತೆ ಪಡೆದುಕೊಂಡು ಇಡೀ ಅರಣ್ಯವೇ ಹೊತ್ತಿ ಉರಿದಿದೆ. ಲಕ್ಷಾಂತರ ಕಾಡು ಪ್ರಾಣಿಗಳು ಜೀವ ಉಳಿಸುವ ಸಲುವಾಗಿ ದಿಕ್ಕೇ ತೋಚದಂತೆ ಎತ್ತೆತ್ತಲೋ ಓಡುತ್ತಿವೆ. ಈಗಾಗಲೇ ಅಸಂಖ್ಯಾತ ಪ್ರಾಣಿಗಳು ಜೀವ ಉಳಿಸಿಕೊಳ್ಳಲಾಗದೆ ಕಾಡ್ಗಿಚ್ಚಿನ ಬೆಂಕಿಯಲ್ಲಿ ಸಜೀವ ದಹನವಾಗಿದೆ. ರಕ್ಷಣಾ ಸಿಬ್ಬಂದಿಯೂ ಕಾಡಿನ ಒಳಗೆ ಹೋಗಲಾಗದೆ ಪರದಾಟ ನಡೆಸುತ್ತಿದ್ದಾರೆ. ಕಳೆದ ಮೂರು ದಿನದ ಅವಧಿಯಲ್ಲಿ 11 ಸಾವಿರಕ್ಕೂ ಹೆಚ್ಚು ಮಿಂಚಿನ ಹೊಡೆತ ಕಾಣಿಸಿಕೊಂಡಿದ್ದರಿಂದ ಕಾಡ್ಗಿಚ್ಚು ಈ ಮಟ್ಟಿಗಿನ ಗಂಭೀರ ಸ್ವರೂಪ ಪಡೆಯಲು ಕಾರಣವಾಯ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
'ಅಮೆರಿಕದ ಕೆಟ್ಟ ಕನಸು ಜೋ ಬಿಡೆನ್': ಎದುರಾಳಿ ತವರಲ್ಲಿಯೇ ಡೊನಾಲ್ಡ್ ಟ್ರಂಪ್ ಕಿಡಿ
ಈ ಭೀಕರ ಕಾಡ್ಗಿಚ್ಚು ಕ್ಯಾಲಿಫೋರ್ನಿಯಾದಲ್ಲಿ ಸುಮಾರು 780 ಚದರ ಮೈಲಿ ವ್ಯಾಪಿಸಿದ್ದು, ಕ್ಯಾಲಿಫೋರ್ನಿಯಾದ ಅರಣ್ಯ ಅಧಿಕಾರಿಗಳ ಪ್ರಕಾರ ಈಗಾಗಲೇ 60,000ಕ್ಕೂ ಹೆಚ್ಚು ಮಂದಿಯನ್ನು ಘಟನಾ ಸ್ಥಳದಿಂದ ಸ್ಥಳಾಂತರಿಸಲಾಗಿದೆ. ಗುರುವಾರ ಸಂಜೆಯ ವೇಳೆಗೆ 175 ಮನೆಗಳು ಅಗ್ನಿಗಾಹುತಿಯಾಗಿದ್ದು, 480 ಕಟ್ಟಡಗಳು ಅಗ್ನಿಗಾಹುತಿಯಾಗಿದ್ದು, 30000 ಮಂದಿ ಪ್ರಾಣಭೀತಿಯಲ್ಲಿದ್ದಾರೆ. 33 ನಾಗರಿಕರು ಮತ್ತು ಅಗ್ನಿಶಾಮಕ ದಳದ ಸಿಬ್ಬಂದಿ ಗಾಯಗೊಂಡಿದ್ದಾರೆ. ಮೂರು ಮಂದಿ ಈಗಾಗಲೇ ಸಾವನ್ನಪ್ಪಿದ್ದಾರೆ ಎಂದು ತಿಳಿದು ಬಂದಿದೆ. ಐಸ್ಲ್ಯಾಂಡ್ನ ಸರಿಸುಮಾರು ಅರ್ಧದಷ್ಟು ಪ್ರದೇಶ ಕಾಡ್ಗಿಚ್ಚಿಗೆ ಒಳಗಾಗಿದೆ ಎಂದು ಹೇಳಲಾಗಿದೆ.
ವಿಷಾಹಾರ ನೀಡಿ ರಷ್ಯಾದ ವಿಪಕ್ಷ ನಾಯಕನ ಹತ್ಯೆಗೆ ಯತ್ನ, ಕೋಮಾದಲ್ಲಿ ಪುಟಿನ್ ವಿರೋಧಿ
ಕಳೆದ ನಾಲ್ಕು ದಿನಗಳ ಅವಧಿಯಲ್ಲಿ 370 ಹೊಸ ಕಾಡ್ಗಿಚ್ಚುಗಳು ಕಾಣಿಸಿಕೊಂಡಿದ್ದು, ಇನ್ನೂ ಸುಮಾರು ಎರಡು ಡಜನ್ ಅರಣ್ಯ ವ್ಯಾಪ್ತಿಯಲ್ಲಿ ಬೆಂಕಿ ಉರಿಯುತ್ತಲೇ ಇದೆ ಎಂದು ಕಾಲ್ ಫೈರ್ ಉಪನಿರ್ದೇಶಕ ಡೇನಿಯಲ್ ಬೆರ್ಲೆಂಟ್ ತಿಳಿಸಿದ್ದಾರೆ. 11 ಸಾವಿರಕ್ಕೂ ಹೆಚ್ಚು ಮಿಂಚಿನ ಹೊಡೆತ ಕಾಣಿಸಿಕೊಂಡಿದ್ದರಿಂದ ಕಾಡ್ಗಿಚ್ಚು ಗಂಭೀರ ಸ್ವರೂಪ ಪಡೆದಿದ್ದು, ಗಾಳಿಯ ತೀವ್ರತೆ ಮತ್ತು ಪೂರಕ ವಾತಾವರಣ ಬೆಂಕಿ ವ್ಯಾಪಕವಾಗಿ ಹರಡಲು ಕಾರಣ ಎಂದು ತಿಳಿದು ಬಂದಿದೆ. ಸದ್ಯ ಬೆಂಕಿ ನಂದಿಸಲು 10,000ಕ್ಕೂ ಹೆಚ್ಚು ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸುವ ಕೆಲಸ ಮಾಡುತ್ತಿದ್ದು, 375 ಅಗ್ನಿಶಾಮಕ ಇಂಜಿನ್ ಮತ್ತು ಹೆಚ್ಚಿನ ಸಿಬ್ಬಂದಿಯನ್ನು ಇತರೆ ಭಾಗಗಳಿಂದ ಕರೆತರುವಂತೆ ಮನವಿ ಮಾಡಲಾಗಿದೆ.
from India & World News in Kannada | VK Polls https://ift.tt/2YlGfIq
