ಬೆಂಗಳೂರು: ಆ್ಯಪ್ ಮೂಲಕ ಸಾರ್ವಜನಿಕರಿಗೆ ದುಬಾರಿ ಬಡ್ಡಿಗೆ ಸಾಲ ನೀಡಿ, ವಸೂಲಿ ವೇಳೆ ಕಿರುಕುಳ ನೀಡುತ್ತಿದ್ದ ನಾಲ್ಕು ಆ್ಯಪ್ ಆಧಾರಿತ ಸಾಲ ಕಂಪನಿಗಳ ಮೇಲೆ ಸಿಐಡಿ ಸೈಬರ್ ಕ್ರೈಂ ಪೊಲೀಸರು ದಾಳಿ ನಡೆಸಿ ಇಬ್ಬರನ್ನು ಬಂಧಿಸಿದ್ದಾರೆ. ಎರಡು ಪ್ರಕರಣಗಳಿಗೆ ಸಂಬಂಧಿಸಿದಂತೆ ಮ್ಯಾಡ್ ಎಲಿಫೆಂಟ್ ಟೆಕ್ನಾಲಜೀಸ್ ಪ್ರೈ.ಲಿ., ಬಾರಾಯಾಂಕ್ಸಿ ಟೆಕ್ನಾಲಜೀಸ್ ಪ್ರೈ.ಲಿ., ಪಾಫಿಟೈಸ್ ಟೆಕ್ನಾಲಜೀಸ್ ಪ್ರೈ.ಲಿ., ಮತ್ತು ವಿಜ್ಪ್ರೋ ಸಲ್ಯೂಷನ್ಸ್ ಪ್ರೈ.ಲಿ. ಎಂಬ ಕಂಪನಿಗಳ ಮೇಲೆ ಡಿ.22 ಮತ್ತು 23ರಂದು ದಾಳಿ ನಡೆಸಲಾಗಿದೆ. ಕೃತ್ಯಕ್ಕೆ ಬಳಸುತ್ತಿದ್ದ ಲ್ಯಾಪ್ಟಾಪ್ಗಳು, ಮೊಬೈಲ್ ಫೋನ್ಗಳು ಮತ್ತು ದಾಖಲೆಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಸಾಲ ನೀಡುವ ಮೈಕ್ರೋ ಫೈನಾನ್ಸ್ ಆ್ಯಪ್ಗಳ ವಿರುದ್ಧ ಸಾರ್ವಜನಿಕರು ಸಿಐಡಿಗೆ ದೂರು ನೀಡಿದ್ದರು. ದೂರು ಆಧರಿಸಿ ಎರಡು ಎಫ್ಐಆರ್ ದಾಖಲಿಸಿಕೊಂಡು ಈ ಕಾರ್ಯಾಚರಣೆ ನಡೆಸಲಾಗಿದೆ ಎಂದು ಸಿಐಡಿ ತಿಳಿಸಿದೆ. ಪೈಸಾಲೋನ್ ಎಂಬ ಆ್ಯಪ್ ಅನ್ನು ಪ್ಲೇ ಸ್ಟೋರ್ನಿಂದ ಡೌನ್ಲೋಡ್ ಮಾಡಿಕೊಂಡಿದ್ದೆ. ಸಾಲ ಪಡೆದು ನಿಗದಿತ ಅವಧಿಯಲ್ಲಿ ಮರುಪಾವತಿಸಿದ್ದೆ. ನಂತರ ಬೇರೆ ಆ್ಯಪ್ಗಳ ಮೂಲಕವೂ ಸಾಲ ಪಡೆದು ಮರುಪಾವತಿ ಮಾಡಿದ್ದೆ. ಆದರೆ, 2020ರ ನವೆಂಬರ್ ತಿಂಗಳಿಂದ ಆ್ಯಪ್ಗಳ ಏಜೆಂಟರು ಕರೆ ಮಾಡಿ ಹೆಚ್ಚಿನ ಬಡ್ಡಿ ಪಾವತಿಸುವಂತೆ ನಿಂದಿಸಿ, ಅಶ್ಲೀಲವಾಗಿ ಬೈಯುತ್ತಿದ್ದರು. ನನ್ನ ಮೊಬೈಲ್ ಫೋನ್ ಹ್ಯಾಕ್ ಮಾಡಿ ಸಂಪರ್ಕದಲ್ಲಿರುವ ಸ್ನೇಹಿತರು, ಪರಿಚಿತರು ಹಾಗೂ ಸಂಬಂಧಿಕರಿಗೆ ವಾಟ್ಸ್ಆ್ಯಪ್ನಲ್ಲಿ ಮಾನಹಾನಿಯಾಗುವಂತಹ ಸಂದೇಶ ಕಳುಹಿಸುತ್ತಿದ್ದರು ಎಂದು ಸಿಐಡಿಗೆ ನೀಡಿರುವ ದೂರಿನಲ್ಲಿ ಸಂತ್ರಸ್ತ ವ್ಯಕ್ತಿ ಆರೋಪಿಸಿದ್ದಾರೆ. ಸಾಲ ಕೊಡುವಾಗಲೇ ಬಡ್ಡಿ ಕಡಿತ!ಈ ಕಂಪನಿಗಳು ಸಾಲ ಮಂಜೂರು ಮಾಡುವಾಗಲೇ ಬಡ್ಡಿ ಕಡಿತಗೊಳಿಸುತ್ತಿದ್ದವು. ಅಂದರೆ, 3 ಸಾವಿರ ರೂ. ಸಾಲ ಮಂಜೂರು ಮಾಡಿದರೆ ಶೇ.36ರಷ್ಟು ಬಡ್ಡಿ ವಿಧಿಸುತ್ತಿದ್ದವು. ಅದರ ಜತೆಗೆ ಜಿಎಸ್ಟಿ, ಪ್ರೋಸೆಸಿಂಗ್ ಶುಲ್ಕನೆಪ ಹೇಳಿ 1,800 ರೂ. ಮಾತ್ರ ಸಾಲ ಕೊಡುತ್ತಿದ್ದವು. ಸಾಲ ಮರುಪಾವತಿಗೆ ಕೇವಲ ಒಂದು ವಾರ ಕಾಲಾವಕಾಶ ನೀಡುತ್ತಿದ್ದವು. ಸಾಲ ಗಡುವಿನ ಹಿಂದಿನ ದಿನದಿಂದಲೇ ಸಂದೇಶ, ಎಚ್ಚರಿಕೆ ನೀಡುವುದನ್ನು ಆರಂಭಿಸುತ್ತಿದ್ದವು ಎಂದು ಸಿಐಡಿ ತಿಳಿಸಿದೆ. ಸಾಲ ಪಡೆದವರಿಗೆ ಅವಮಾನಸಾಲ ಪಡೆದವರ ಕಾಂಟ್ಯಾಕ್ಟ್ ಲಿಸ್ಟ್ನಿಂದ ನಂಬರ್ ಪಡೆದು, ಸಾಲ ಪಡೆದವರ ಫೋಟೊಗಳಿಗೆ ಚೋರ್, ಫ್ರಾಡ್, ಡೀಫಾಲ್ಟರ್ ಎಂಬ ತಲೆಬರಹ ನೀಡಿ ತೇಜೋವಧೆ, ಮಾನಹಾನಿ ಮಾಡುವ ಮೆಸೇಜ್ ಕಳುಹಿಸುತ್ತಿದ್ದರು. ತಮ್ಮದೇ ಕಂಪನಿಯ ಮತ್ತೊಂದು ಎನ್ಬಿಎಫ್ಸಿಯಿಂದ ಸಾಲ ಪಡೆದು ತೀರಿಸು ಎಂದು ಹೇಳಿ ಸಾಲದ ಮೇಲೆ ಸಾಲ ಹಾಗೂ ಬಡ್ಡಿ ಮೇಲೆ ಬಡ್ಡಿ ವಿಧಿಸಿ ಸಾಲದ ಸುಳಿಯಲ್ಲಿ ಸಿಲುಕಿಸಿ ಸಂಕಷ್ಟಕ್ಕೆ ತಳ್ಳುತ್ತಾರೆ ಎಂದು ಸಿಐಡಿ ತಿಳಿಸಿದೆ.
from India & World News in Kannada | VK Polls https://ift.tt/38yxr5Z
