ಹೊಸದಿಲ್ಲಿ: ಸದ್ಯ ಜಗತ್ತಿನಾದ್ಯಂತ ಕೊರೊನಾ ಅಬ್ಬರಿಸಿ ಬೊಬ್ಬರಿತಿದೆ. ಭಾರತದಲ್ಲೂ ಕೊರೊನಾ ಕೇಕೆ ಮುಂದುವರಿದಿದೆಯಾದರು ವೈರಸ್ ದಾಳಿಯನ್ನ ಹಿಮ್ಮೆಟ್ಟಿಸಿ ಅನೇಕರು ಗುಣಮುಖರಾಗಿದ್ದಾರೆ. ಆದರೆ ಕೊರೊನಾಗೆ ಲಗಾಮು ಹಾಕಬೇಕಾದರೆ ಲಸಿಕೆ ಅತ್ಯಗತ್ಯ. ಹೀಗಾಗಿ ಈ ನಿಟ್ಟಿನಲ್ಲಿ ಕೇಂದ್ರ ಸರಕಾರ ಮಹತ್ವದ ಸಭೆಗಳನ್ನ ನಡೆಸುತ್ತಿದೆ. ಇದೀಗ ಭಾರತದಲ್ಲಿ ಆಕ್ಸಫರ್ಡ್ ಯುನಿರ್ವಸಿಟಿಯ ವೈದ್ಯಕೀಯ ಪರೀಕ್ಷೆ ಮೂರನೇ ಹಂತದಲ್ಲಿದೆ. ಶೀಘ್ರದಲ್ಲೇ ಯಶಸ್ಸಿಯಾಗಬಹುದು ಹೀಗಾಗಿ ಮೊದಲ ಹಂತದಲ್ಲಿ ಯಾರಿಗೆ ಲಸಿಕೆ ನೀಡಬೇಕು? ಎಷ್ಟು ಪ್ರಮಾಣದಲ್ಲಿ ಉತ್ಪಾದಿಸಬೇಕು ಎನ್ನುವ ಸಭೆಗಳು ನಡೆಯುತ್ತಿದೆಯಂತೆ. ಮೂಲಗಳ ಪ್ರಕಾರ ಭಾರತದಲ್ಲಿ ಉತ್ಪಾದನೆಯಾಗುವ ಕೊರೊನಾ ಲಸಿಕೆ ಮೊದಲು ಭಾರತೀಯ ಸೇನೆ ಹಾಗೂ ಕೊರೊನಾ ವಿರುದ್ಧ ಮುಂಚೂಣಿಯಲ್ಲಿ ಹೋರಾಡುತ್ತಿರುವ ಕೊರೊನಾ ವಾರಿಯರ್ಗಳಿಗೆ ಸಿಗಲಿದೆ ಎಂದು ತಿಳಿದುಬಂದಿದೆ. ಇವರಿಗೆ ನೀಡುವ ಉದ್ದೇಶದಿಂದ ಕೇಂದ್ರ ಸರಕಾರ ಮೊದಲ ಹಂತದಲ್ಲಿ ಬರೋಬ್ಬರಿ 50 ಲಕ್ಷ ಡೋಸನ್ನ ಸಂಗ್ರಹ ಮಾಡಲಿದೆ ಎಂದು ತಿಳಿದುಬಂದಿದೆ. ಸದ್ಯ ಈ ಬಗ್ಗೆ ಚರ್ಚೆಗಳು ಸರಕಾರದ ಮಟ್ಟದಲ್ಲಿ ನಡೆಯುತ್ತಿದ್ದು, ಲಸಿಕೆ ಲಭ್ಯವಾದ ನಂತರ ಅದರ ಉತ್ಪಾದನೆ ಹಾಗೂ ಪೂರೈಕೆಯನ್ನ ಗಮನಿಸಿಕೊಂಡು ನಿರ್ಧಾರ ಕೈಗೊಳ್ಳಲಿದೆಯಂತೆ. ಅಲ್ಲದೇ ದುರ್ಬಲ ವರ್ಗ ಹಾಗೂ ಕೊರೊನಾ ವಾರಿಯರ್ಗಳಾಗಿ ಕಾರ್ಯನಿರ್ವಹಿಸುತ್ತಿರುವವರಿಗೆ ಮೊದಲು ನೀಡುವ ಉದ್ದೇಶದೊಂದಿಗೆ ಹೆಚ್ಚು ಹಚ್ಚು ವಿತರಿಸುವ ಬಗ್ಗೆ ಸರಕಾರ ಯೋಚಿಸುತ್ತಿರುವುದರಿಂದ ಹೆಚ್ಚಿನ ಜನ ಸಂಖ್ಯೆಗೆ ಕೊರೊನಾ ಲಸಿಕೆ ಲಭ್ಯವಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ. ಈ ವರ್ಷದ ಕೊನೆಯಲ್ಲಿ ಅಥವಾ ಮುಂದಿನ ವರ್ಷದ ಆರಂಭದಲ್ಲಿ ಕೊರೊನಾ ಲಸಿಕೆಗೆ ಭಾರೀ ಬೇಡಿಕೆ ಬರುವುದರಿಂದ ಒಂದಕ್ಕಿಂತ ಹೆಚ್ಚು ಲಸಿಕೆಯನ್ನ ಬೇರೆ ಬೇರೆ ಔಷಧಿ ಉತ್ಪಾದಕರು ತಯಾರಿಸುವುದು ಉತ್ತಮ ಎನ್ನುವುದನ್ನ ಸರಕಾರದ ಗಮನಕ್ಕೆ ತರುವ ಕಾರ್ಯವನ್ನ ಔಷಧಿ ಉತ್ಪಾದಕರು ಮಾಡುತ್ತಿದ್ದಾರೆ. ಈ ಬಗ್ಗೆ ಈಗಾಗಲೇ ಕೇಂದ್ರ ಆರೋಗ್ಯ ಸಸಚಿವಾಲಯಲದ ಆರೋಗ್ಯ ಕಾರ್ಯದರ್ಶಿ ರಾಜೇಶ್ ಭೂಷಣ್, ನೀತಿ ಆಯೋಗದ ಸದಸ್ಯ ವಿ.ಕೆ.ಪಾಲ್ ವಿವಿಧ ಔಷಧಿ ತಯಾರಕರೊಂದಿಗೆ ಸಭೆ ನಡೆಸಿದ್ದು, ಲಸಿಕೆ ಉತ್ಪಾದನೆ, ಅದರ ಬೆಲೆಯ ಸಂಬಂಧ ಪ್ರಸ್ತಾವನೆಗಳನ್ನ ಸಲ್ಲಿಸುವಂತೆ ತಿಳಿಸಿರುವುದಾಗಿ ತಿಳಿದುಬಂದಿದೆ. ಸರಕಾರ ಕೊರೊನಾ ಲಸಿಕೆ ಉತ್ಪಾದನೆ ಹಾಗೂ ವಿತರಣೆಗೆ ಸಕಲ ಸಿದ್ದವಾಗಿರುವುದು ತಿಳಿದುಬರುತ್ತಿದೆ.
from India & World News in Kannada | VK Polls https://ift.tt/3kYnvYW
