ವೆಲ್ಲಿಂಗ್ಟನ್: ಕಾಲಿನ್ ಡಿ'ಗ್ರ್ಯಾಂಡ್ ಹೋಮ್ ಅವರ ಅದ್ಭುತ ಕ್ಷೇತ್ರ ರಕ್ಷಣೆಯ ಬಲದಿಂದ ಗಮನ ಸೆಳೆದ ಆತಿಥೇಯ ತಂಡ, ಇಲ್ಲಿ ನಡೆದ ಪ್ರವಾಸಿ ವಿರುದ್ಧದ ಟಿ20 ಕ್ರಿಕೆಟ್ ಸರಣಿಯ ಎರಡನೇ ಪಂದ್ಯದಲ್ಲಿ 21 ರನ್ ಜಯ ದಾಖಲಿಸಿತಿ. ಇಲ್ಲಿನ ವೆಸ್ಟ್ಪ್ಯಾಕ್ ಕ್ರೀಡಾಂಗಣದಲ್ಲಿ ಭಾನುವಾರ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ನ್ಯೂಜಿಲೆಂಡ್, ತನ್ನ ಪಾಲಿನ 20 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 176 ರನ್ಗಳ ಸವಾಲಿನ ಮೊತ್ತ ದಾಖಲಿಸಿತು. ಬಳಿಕ ಗುರಿ ಬೆನ್ನತ್ತಿದ ಇಂಗ್ಲೆಂಡ್ ತಂಡ ಗ್ರ್ಯಾಂಡ್ ಹೋಮ್ ಪಡೆದ ನಾಲ್ಕು ಅದ್ಭುತ ಕ್ಯಾಚ್ಗಳು ಭಾರಿ ಆಪತನ್ನು ತಂದೊಡ್ಡಿತು. ಪರಿಣಾಮ 19.5 ಓವರ್ಗಳಲ್ಲಿ ಇಂಗ್ಲೆಂಡ್ 155 ರನ್ಗಳಿಗೆ ಆಲ್ಔಟ್ ಆಗಿ ನಿರಾಸೆ ಅನುಭವಿಸಿತು. ಗ್ರ್ಯಾಂಡ್ಹೋಮ್ ತಮ್ಮ ಅದ್ಭುತ ಕ್ಯಾಚ್ಗಳ ಮೂಲಕ ಇಂಗ್ಲೆಂಡ್ ನಾಯಕ ಐಯಾನ್ ಮಾರ್ಗನ್ (32), ಸ್ಯಾಮ್ ಬಿಲ್ಲಿಂಗ್ಸ್ (8), ಸ್ಯಾಮ್ ಕರ್ರನ್ (9) ಮತ್ತು ಲೂಯಿಸ್ ಗ್ರೆಗೊರಿ (15) ವಿಕೆಟ್ ಪತನಕ್ಕೆ ಕಾರಣರಾದರು. ಮತ್ತೊಂದೆಡೆ ಇಂಗ್ಲೆಂಡ್ ತಂಡ ಫೀಲ್ಡಿಂಗ್ನಲ್ಲಿ ಮಾಡಿಕೊಂಡ ಎಡವಟ್ಟಿಗೆ ಭಾರಿ ಬೆಲೆ ತೆತ್ತಿತು. ತಂಡದ ಪ್ರಮುಖ ಫೀಲ್ಡರ್ ಜೇಮ್ಸ್ ವಿನ್ಸ್ ಒಬ್ಬರೇ ಮೂರು ಕ್ಯಾಚ್ಗಳನ್ನು ಕೈಚೆಲ್ಲಿದರು. ಶುಕ್ರವಾರ ನಡೆದ ಸರಣಿಯ ಮೊದಲ ಪಂದ್ಯದಲ್ಲಿ 7 ವಿಕೆಟ್ಗಳ ಹೀನಾಯ ಸೋಲುಂಡಿದ್ದ ನ್ಯೂಜಿಲೆಂಡ್ ತಂಡ ಈ ಗೆಲುವಿನೊಂದಿಗೆ ಸರಣಿಯನ್ನು 1-1-1ರಲ್ಲಿ ಸಮಬಲ ಮಾಡಿದೆ. ಭಾನುವಾರದ ಪಂದ್ಯದಲ್ಲಿ ನ್ಯೂಜಿಲೆಂಡ್ ಪರ ಅನುಭವಿ ಬ್ಯಾಟ್ಸ್ಮನ್ ಮಾರ್ಟಿನ್ ಗಪ್ಟಿಲ್ 28 ಎಸೆತಗಳಲ್ಲಿ 41 ರನ್ ಚೆಚ್ಚಿದರೆ, ಆಲ್ರೌಂಡರ್ ಜಿಮ್ಮಿ ನೀಶಮ್ 22 ಎಸೆತಗಳಲ್ಲಿ 42 ರನ್ಗಳ್ನು ಬಾರಿಸಿ ತಂಡದ ಬೃಹತ್ ಮೊತ್ತಕ್ಕೆ ಕಾರಣರಾದರು. ಬ್ಯಾಟಿಂಗ್ನಲ್ಲೂ ಗಮನ ಸೆಳೆದ ಗ್ರ್ಯಾಂಡ್ಹೋಮ್ 12 ಎಸೆತಗಳಲ್ಲಿ 28 ರನ್ಗಳ ಕೊಡುಗೆ ನೀಡಿದರು. ಬೌಲಿಂಗ್ ವಿಭಾಗದಲ್ಲೂ ತಂಡದ ಅನುಭವಿಗಳು ಮುಂಚೂಣಿಯಲ್ಲಿ ನಿಂತು ಇಂಗ್ಲೆಂಡ್ ಬ್ಯಾಟ್ಸ್ಮನ್ಗಳನ್ನು ಬೇಟೆಯಾಡಿದರು. ಎಡಗೈ ಸ್ಪಿನ್ನರ್ ಮಿಚೆಲ್ ಸ್ಯಾಂಟ್ನರ್ 25ಕ್ಕೆ 3 ವಿಕೆಟ್ ಪಡೆದು ಯಶಸ್ವಿ ಬೌಲರ್ ಎನಿಸಿಕೊಂಡರೆ, ಲಾಕಿ ಫರ್ಗ್ಯೂಸನ್, ಟಿಮ್ ಸೌಥೀ ಮತ್ತು ಆಫ್ ಸ್ಪಿನ್ನರ್ ಇಶ್ ಸೋಧಿ ತಲಾ 2 ವಿಕೆಟ್ ಪಡೆದು ಗೆಲುವಿಗೆ ಬಲವಾದರು. "ಕ್ಯಾಚ್ಗಳನ್ಉ ಕೈಚೆಲ್ಲಿದ್ದು ಮತ್ತು ಸತತವಾಗಿ ವಿಕೆಟ್ ಕಳೆದುಕೊಂಡದ್ದು ಸೋಲಿಗೆ ಪ್ರಮುಖ ಕಾರಣ. ಮುಂದಿನ ಪಂದ್ಯಗಳಲ್ಲಿ ಧನಾತ್ಮಕ ಮನಸ್ಥಿತಿಯಲ್ಲಿ ಆಡಬೇಕಾಗಿದೆ. ತಪ್ಪುಗಳು ಆಗುವುದು ಒಳ್ಳೆಯದೇ. ಈ ತಪ್ಪುಗಳಿಂದ ನಾವೆಷ್ಟು ಪಾಠ ಕಲಿತು ಅದನ್ನು ಸರಿ ಪಡಿಸಿಕೊಳ್ಳುತ್ತೇವೆ ಎಂಬುದು ಮುಖ್ಯ," ಎಂದು ಪಂದ್ಯದ ಬಳಿಕ ಮಾತನಾಡಿದ ಇಂಗ್ಲೆಂಡ್ ತಂಡದ ನಾಯಕ ಐಯಾನ್ ಮಾರ್ಗನ್ ಹೇಳಿದ್ದಾರೆ. ಸರಣಿಯ ಮೂರನೇ ಹಾಗೂ ಅಂತಿಮ ಪಂದ್ಯ ಮಂಗಳವಾರ ನೆಲ್ಸನ್ನಲ್ಲಿ ನಡೆಯಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/328btS3
