ಮುಂಬಯಿ: ಪ್ರಮಾಣ ವಚನ ಸ್ವೀಕರಿದ ನಾಲ್ಕೇ ದಿನಕ್ಕೆ ದೇವೇಂದ್ರ ಫಡ್ನವೀಸ್‌ ರಾಜೀನಾಮೆ ನೀಡುವು ದಾಗಿ ಘೋಷಿಸಿದ್ದಾರೆ. ಮಗಳವಾರ ಮಧ್ಯಾಹ್ನ 3:30 ಕ್ಕೆ ಮುಂಬಯಿಯಲ್ಲಿ ನಡೆಸಿದ ಸುದ್ದಿಗೋಷ್ಠಿಯಲ್ಲಿ ಈ ಕುರಿತುಸ್ಪಷ್ಟಪಡಿಸಿದ್ದಾರೆ. ಬಹುಮತ ಸಾಬೀತುಪಡಿಸಲು ನಮ್ಮ ಅಗತ್ಯ ಸಂಖ್ಯಾಬಲ ಇಲ್ಲ. ಹೀಗಾಗಿ ನಾನು ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡುತ್ತಿದ್ದೇನೆ ಎಂದು ಹೇಳಿದ್ದಾರೆ. ಚುನಾವಣೆಯಲ್ಲಿ ಬಿಜೆಪಿಗೆ ಜನಾದೇಶ ಸಿಕ್ಕಿದೆ. ನಮ್ಮ ಮತ್ತು ಶಿವಸೇನೆ ಮೈತ್ರಿಗೆ ಸ್ಪಷ್ಟ ಬಹುಮತ ಸಿಕ್ಕಿದೆ. ಚುನಾವಣೆಗೆ ಮೊದಲು ನಾವೇನು ಶಿವಸೇನೆಗೆ ಮುಖ್ಯಮಂತ್ರಿ ಹುದ್ದೆಯ ಭರವಸೆ ಕೊಟ್ಟಿರಲ್ಲ. ಆದರೆ, ಶಿವಸೇನೆಯು ಚುನಾವಣಾ ಫಲಿತಾಂಶದ ನಂತರ ಚೌಕಾಸಿ ಮಾಡಲು ಆರಂಭಿಸಿತು ಎಂದು ಫಡ್ನವೀಸ್‌ ಹೇಳಿದ್ದಾರೆ. ಚುನಾವಣೆಗೂ ಮೊದಲು, ನಮ್ಮಿಬ್ಬರಲ್ಲಿ (ಬಿಜೆಪಿ ಮತ್ತು ಶಿವಸೇನೆ) ಯಾರಾದರೂ ಒಬ್ಬರು ಮುಖ್ಯಮಂತ್ರಿಯಾಗೋಣ ಎಂದಷ್ಟೇ ಹೇಳಿತ್ತು. ಚುನಾವಣೆಯಲ್ಲಿ ಬಿಜೆಪಿಗೆ ಸ್ಪಷ್ಟಬಹುಮತ ಬಂದಿದೆ. ಅದರಲ್ಲೂ ಬಿಜೆಪಿಗೆ ಅತಿ ಸ್ಥಾನಗಳು ಬಂದಿವೆ. ನಾವು ಸರಕಾರ ರಚನೆಗಾಗಿ ಇಷ್ಟು ದಿನ ಕಾದೆವು. ಆದರೆ ಶಿವಸೇನೆಯಿಂದ ಯಾವುದೇ ಪ್ರತಿಕ್ರಿಯೆ ಬರಲಿಲ್ಲ. ಬದಲಿಗೆ ಎನ್‌ಸಿಪಿ ಮತ್ತು ಕಾಂಗ್ರೆಸ್‌ ಜತೆ ಮಾತುಕತೆಯಲ್ಲಿ ತೊಡಗಿತ್ತು ಅಸಮಾಧಾನ ವ್ಯಕ್ತಪಡಿಸಿದರು. ಸುದ್ದಿಗೋಷ್ಠಿ ಬಳಿಕ ಫಡ್ನವಿಸ್‌ ಅವರು ರಾಜಭವನಕ್ಕೆ ತೆರಲಿದ್ದಾರೆ. ರಾಜಭವನದಲ್ಲಿ ರಾಜ್ಯಪಾಲರನ್ನು ಭೇಟಿಯಾಗಿ ರಾಜೀನಾಮೆ ಪತ್ರ ನೀಡಲಿದ್ದಾರೆ. ಈ ಮೂಲಕ ಮುಖ್ಯ ಮಂತ್ರಿ ಹುದ್ದೆ ಶಿವಸೇನೆ ತೆಕ್ಕೆಗೆ ಬಂದಿರುವುದು ಸ್ಪಷ್ಟವಾಗಿದೆ. ನವೆಂಬರ್‌ 27, ಸಂಜೆ 5 ಗಂಟೆಯೊಳಗೆ ವಿಶ್ವಾಸಮತ ಸಾಬೀತು ಪಡಿಸಲು ಸುಪ್ರೀಂ ಕೋರ್ಟ್‌ ಆದೇಶಿಸಿದ ಹಿನ್ನೆಲೆ ಮಂಗಳವಾರ ರಾತ್ರಿ 9 ಗಂಟೆಗೆ ಬಿಜೆಪಿ ತುರ್ತು ಶಾಸಕಾಂಗ ಸಭೆಯನ್ನು ಕರೆದಿದೆ. ಮಹಾರಾಷ್ಟ್ರ ಮುಖ್ಯಮಂತ್ರಿ ಯಾರಾಗುತ್ತಾರೆ ಎಂಬ ಹೊಸ ಪ್ರಶ್ನೆ ಎದುರಾಗಿದೆ.
from India & World News in Kannada | VK Polls https://ift.tt/34ikObY
