ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ ಫ್ರಾಂಚೈಸಿ ಟ್ವಿಟರ್ ಅಧಿಕೃತ ಖಾತೆಯಿಂದ 'ಬೆಂಗಳೂರು' ಹೆಸರನ್ನು ಕೈಬಿಟ್ಟಿರುವುದು ಕನ್ನಡ ಅಭಿಮಾನಿಗಳಲ್ಲಿ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ. ಈ ನಡುವೆ ನಾಯಕ ವಿರಾಟ್ ಕೊಹ್ಲಿ ಹಾಗೂ ಬೆಂಗಳೂರು ಎಫ್‌ಸಿ ಸುನಿಲ್ ಛೆಟ್ರಿ ಚಿತ್ರವನ್ನು ಹಂಚಿಕೊಂಡಿರುವ ಆರ್‌ಸಿಬಿ, ವಿವಾದಕ್ಕೆ ತೇಪೆ ಹಚ್ಚುವ ಪ್ರಯತ್ನ ಮಾಡಿದ್ದಾರೆ. ಇದಕ್ಕೆ ಅಭಿಮಾನಿಗಳು ಮತ್ತಷ್ಟು ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ. 'ಕಪ್ ಅಂತೂ ಗೆಲ್ಲಲ್ಲ, ಮರ್ಯಾದೆ ಆದ್ರೂ ಕೊಡ್ರೋ' ಎಂದು ಅಭಿಮಾನಿಗಳು ಆರ್‌ಸಿಬಿ ವಿರುದ್ಧ ಉಗ್ರ ಹೋರಾಟ ಸಾರಿದ್ದಾರೆ. 13ನೇ ಆವೃತ್ತಿಗೆ ಕಾಲಿಡುತ್ತಿರುವಂತೆಯೇ ಆರ್‌ಸಿಬಿ ಇದುವರೆಗೆ ಟ್ರೋಫಿ ಗೆದ್ದಿಲ್ಲ. ಆದರೂ ಅಪ್ಪಟ ಅಭಿಮಾನಿಗಳ ಬೆಂಬಲದೊಂದಿಗೆ ಐಪಿಎಲ್‌ನಲ್ಲಿ ಈಗಲೂ ಅತ್ಯಂತ ಜನಪ್ರಿಯ ತಂಡವೆಂಬ ಪಟ್ಟ ಕಟ್ಟಿಕೊಂಡಿದೆ. ಇವೆಲ್ಲದರ ನಡುವೆಯೂ ಬೆಂಗಳೂರು ಹೆಸರನ್ನು ಕೈಬಿಟ್ಟು ಕೇವಲ ರಾಯಲ್ ಚಾಲೆಂಜರ್ಸ್ ಎಂಬ ಹೆಸರನ್ನು ಮಾತ್ರ ಬಿಂಬಿಸುತ್ತಿರುವುದು ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ. ವಿವಾದ ಆರಂಭವಾಗಿ ದಿನಗಳೇ ಕಳೆದರೂ ಇದುವರೆಗೆ ಬೆಂಗಳೂರು ಹೆಸರು ಪುನಃಸ್ಥಾಪಿಸುವ ಗೋಜಿಗೆ ಆರ್‌ಸಿಬಿ ಮ್ಯಾನೇಜ್‌ಮೆಂಟ್ ಹೋಗದಿರುವುದು ಅಭಿಮಾನಿಗಳ ಕೋಪಕ್ಕೆ ಕಾರಣವಾಗಿದೆ. ಅಭಿಮಾನಿಗಳ ಧಮ್ಕಿ ಬೆಂಗಳೂರು ಹೆಸರನ್ನು ಸೇರಿಸದಿದ್ದಲ್ಲಿ ನಿಷ್ಠಾವಂತ ಅಭಿಮಾನಿಗಳನ್ನು ಕಳೆದುಕೊಳ್ಳುವಿರಿ ಎಂದು ಆರ್‌ಸಿಬಿಗೆ ಧಮ್ಕಿ ಹಾಕಲಾಗಿದೆ. ಸ್ಥಳೀಯ ಆಟಗಾರರೇ ಬೇಡ: ಮೊದಲನೇಯದಾಗಿ ಸ್ಥಳೀಯ ಆಟಗಾರರೇ ಬೇಡ. ಇದೀಗ ಬೆಂಗಳೂರು ಹೆಸರನ್ನೇ ಕೈಬಿಡಲಾಗಿದೆ. ಇದರ ಬದಲು ಕಿಂಗ್ಸ್ ಇಲೆವೆನ್ ಪಂಜಾಬ್‌ನಲ್ಲಿ ಎರಡು ರಾಜ್ಯಗಳನ್ನು ಹೆಸರಿಸುವಂತೆ (ಕರ್ನಾಟಕ ಹಾಗೂ ಪಂಜಾಬ್) ಸೂಚಿಸುವುದೇ ಉತ್ತಮ. ಅಭಿಮಾನಿಗಳನ್ನು ಲಘುವಾಗಿ ಪರಿಗಣಿಸದಿರಿ ಎಂದು ಅಭಿಮಾನಿಗಳು ಎಚ್ಚರಿಸಿದ್ದಾರೆ. ಬೆಂಗಳೂರು ಹೆಸರು ಇರೋ ಕಾರಣಕ್ಕೆ ಬೆಂಬಲ ಹುಷಾರ್ ಬೆಂಗಳೂರು ಎಫ್‌ಸಿ ನೋಡಿ ಕಳಿತುಕೊಳ್ಳಿ ಹೆಸರು ಮಾಡೋವರೆಗೂ ಮಾತ್ರ ಬೆಂಗಳೂರು ಬೇಕಿತ್ತೇ? ಈ ಬಾರಿ ಬೆಂಬಲ ಇಲ್ಲ? ಕೋಲ್ಕತಾ ನೋಡಿ ಕಲಿಯಿರಿ ಇತರೆ ಐಪಿಎಲ್ ಫ್ರಾಂಚೈಸಿಗಳನ್ನು ನೋಡಿ ಕಲಿಯಿರಿ ಪಂಜಾಬ್ ತಂಡವನ್ನು ಬೆಂಬಲಿಸಿ ಬೆಂಗಳೂರು ಏಕೆ ಮಿಸ್ಸಿಂಗ್?
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/33e1hIs
