ಶ್ರೀಹರಿಕೋಟ: ಭೂಮಿ ಚಿತ್ರಣ ಹಾಗೂ ಮ್ಯಾಪ್‌ಗೆ ಸಂಬಂಧಿಸಿದ ಕಾರ್ಟೊಸ್ಯಾಟ್‌-3 ಸೇರಿದಂತೆ ಅಮೆರಿಕದ 13 ಮೈಕ್ರೋ ಉಪಗ್ರಹಗಳನ್ನು ಯಶಸ್ವಿಯಾಗಿ ಭಾರತೀಯ ಬಾಹ್ಯಾಕಾಶ ಸಂಶೋಧನೆ ಸಂಸ್ಥೆ () ಉಡಾಯಿಸಿದೆ. ಅತ್ಯಂತ ಸ್ಪಷ್ಟವಾಗಿ ಫೋಟೊಗಳನ್ನು ಸೆರೆಹಿಡಿಯುವ ಸಾಮರ್ಥ್ಯದ ಮೂರನೇ ತಲೆಮಾರಿನ ಉಪಗ್ರಹ ಕಾರ್ಟೊಸ್ಯಾಟ್‌-3 ಹಾಗೂ ಅಮೆರಿಕದ 13 ಸಣ್ಣ ಉಪಗ್ರಹಗಳು ಸೇರಿ 14 ಉಪಗ್ರಹಗಳನ್ನು ಹೊತ್ತ ಪಿಎಸ್‌ಎಲ್‌ವಿ-ಸಿ47 ರಾಕೆಟ್‌ ಇಂದು ಬೆಳಗ್ಗೆ 9.28ಕ್ಕೆ ನಭಕ್ಕೆ ಚಿಮ್ಮಿದೆ. ಆಂಧ್ರಪ್ರದೇಶದ ಶ್ರೀಹರಿಕೋಟದ ಸತೀಶ್‌ ಧವನ್‌ ಬಾಹ್ಯಾಕಾಶ ಕೇಂದ್ರದ ಎರಡನೇ ಉಡಾವಣೆ ವಲಯದಿಂದ ಪಿಎಲ್‌ಎಲ್‌ವಿ ಉಡಾವಣೆಗೊಂಡಿದ್ದು, ಈ ಕೇಂದ್ರದಿಂದ ಉಡಾವಣೆಗೊಳ್ಳುತ್ತಿರುವ 74ನೇ ಯೋಜನೆ ಇದಾಗಿದೆ. ಉಡಾವಣೆಯಾಗಿ ಅಂತರಿಕ್ಷ ಸೇರಿದ ಬಳಿಕ 27 ನಿಮಿಷಗಳಲ್ಲಿ ಕಾರ್ಟೊಸ್ಯಾಟ್‌ ಮತ್ತು ಇತರ ಉಪಗ್ರಹಗಳನ್ನು ನಿಗದಿತ ಕ್ಷಕೆಗೆ ಇಸ್ರೋ ಸೇರಿಸಿದೆ. ಇಸ್ರೋ ಅಧ್ಯಕ್ಷ ಕೆ.ಶಿವನ್‌ ಅವರು ಮಂಗಳವಾರ ತಿರುಪತಿಗೆ ತೆರಳಿ ಯೋಜನೆ ಯಶಸ್ಸಿಗಾಗಿ ಪ್ರಾರ್ಥಿಸಿ ವಿಶೇಷ ಪೂಜೆ ಸಲ್ಲಿಸಿದ್ದರು. ಉಡಾವಣೆ ವೀಕ್ಷಿಸಲು ನೋಂದಾಯಿತ 5 ಸಾವಿರ ಮಂದಿಗೆ ಉಡಾವಣೆ ಕೇಂದ್ರದಲ್ಲಿ ಆಸನ ವ್ಯವಸ್ಥೆಯನ್ನು ಮಾಡಿ, ನೇರವಾಗಿ ರಾಕೆಟ್‌ ಉಡಾವಣೆಯನ್ನು ವೀಕ್ಷಿಸುವ ಅನುಕೂಲವನ್ನುಇಸ್ರೋ ಮಾಡಿಕೊಟ್ಟಿತ್ತು.
from India & World News in Kannada | VK Polls https://ift.tt/34p5xWP
