ಮುಂಬಯಿ: ನವೆಂಬರ್‌ 27, ಬುಧವಾರ ಸಂಜೆ 5 ಗಂಟೆಯ ಒಳಗೆ ಸಿಎಂ ಬಹುಮತ ಸಾಬೀತು ಪಡಿಸಲು ಸುಪ್ರೀಂ ಕೋರ್ಟ್‌ ಆದೇಶ ನೀಡಿದ ಹಿನ್ನೆಲೆ ಬಿಜೆಪಿ ಮಂಗಳವಾರ ರಾತ್ರಿ 9 ಗಂಟೆಗೆ ಶಾಸಕಾಂಗ ಸಭೆ ಕರೆದಿದೆ. ವಾಂಖೆಡೆ ಸ್ಟೇಡಿಯಂನ ಗರ್ವಾರೆ ಕ್ಲಬ್‌ನಲ್ಲಿ ಬಿಜೆಪಿ ತುರ್ತು ಸಭೆ ಆಯೋಜಿಸಿದ್ದು ಎಲ್ಲ 105 ಶಾಸಕರು ಹಾಜರಿರಬೇಕು ಎಂದು ಕಟ್ಟಪ್ಪಟ್ಟಣೆ ಹೊರಡಿಸಿದೆ. ನಾವು ಬಹುಮತ ಸಾಬೀತು ಪಡಿಸುತ್ತೇವೆ. ಇಂದು ರಾತ್ರಿ 9 ಗಂಟೆಗೆ ಎಲ್ಲ ಬಿಜೆಪಿ ಸದಸ್ಯರು ಮುಂಬಯಿನ ಗರ್ವಾರ್‌ ಕ್ಲಬ್‌ನಲ್ಲಿ ಸಭೆ ಸೇರಲಿದ್ದೇವೆ ಎಂದು ಬಿಜೆಪಿ ನಾಯಕ ರಾವ್‌ ಸಾಹೇಬ್‌ ಧನ್ವೆ ಸುದ್ದಿಗಾರರಿಗೆ ತಿಳಿಸಿದ್ದಾರೆ. ಮಹಾರಾಷ್ಟ್ರ ವಿಧಾನಸಭೆಯಲ್ಲಿ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್‌ ಬಹುಮತ ಸಾಬೀತು ಪಡಿಸಬೇಕು ಎಂದಿರುವ ಸುಪ್ರೀಂ ಕೋರ್ಟ್‌ ಬುಧವಾರ ಸಂಜೆ 5 ಗಂಟೆಯ ಗಡುವು ವಿಧಿಸಿದೆ. ಬುಧವಾರ ಶಾಸಕರೆಲ್ಲರಿಗೂ ಪ್ರಮಾಣವಚನ ಬೋದಿಸಿದ ನಂತರ ಸಂಜೆ 5 ಗಂಟೆಯೊಳಗೆ ವಿಶ್ವಾಸಮತ ಪರೀಕ್ಷೆಯ ಪ್ರಕ್ರಿಯೆಯನ್ನು ಮುಕ್ತಾಯಗೊಳಿಸಬೇಕು ಎಂದು ಆದೇಶಿಸಿದೆ. ವಿಶ್ವಾಸಮತ ಸಾಬೀತು ವೇಳೆ ಗೌಪ್ಯ ಮತದಾನಕ್ಕೆ ಅವಕಾಶವಿಲ್ಲ. ಸಂಪೂರ್ಣ ವಿಶ್ವಾಸಮತ ಪರೀಕ್ಷೆ ಪ್ರಕ್ರಿಯೆಯನ್ನು ನೇರ ಪ್ರಸಾರ ಮಾಡಬೇಕು ಎಂದು ಸುಪ್ರೀಂ ಕೋರ್ಟ್‌ ತಾಕೀತು ಮಾಡಿದೆ. ಮಹಾರಾಷ್ಟ್ರ ಬಿಜೆಪಿ ಸರಕಾರ ರಚನೆ ಕುರಿತಾದ ಸುಪ್ರೀಂ ಕೋರ್ಟ್‌ ತೀರ್ಪಿಗೆ ಸಂತಸ ವ್ಯಕ್ತ ಪಡಿಸಿದ ಮುಖ್ಯಸ್ಥ ಸಂವಿಧಾನ ದಿನದಂದು ಡಾ. ಬಿ.ಆರ್‌. ಅಂಬೇಡ್ಕರ್‌ ಅವರಿಗೆ ಸಂದ ಗೌರವ ಎಂದು ಬಣ್ಣಿಸಿದ್ದಾರೆ. ಸಂವಿಧಾನ ದಿನದಂದು ಹೊರ ಬಿದ್ದ ಅತ್ಯುತ್ತಮ ತೀರ್ಪು. ಈ ಮೂಲಕ ಸಂವಿಧಾನ ದಿನವನ್ನು ಆಚರಣೆ ಮಾಡಿದಂತಾಗಿದೆ. ಪ್ರಜಾಪ್ರಭುತ್ವ ಮತ್ತು ಸಂವಿಧಾನದ ನಿಯಮಗಳನ್ನು ಸುಪ್ರೀಂ ಕೋರ್ಟ್‌ ಎತ್ತಿ ಹಿಡಿದಿದೆ ಎಂದು ಶರದ್‌ ಪವಾರ್‌ ಹೇಳಿದ್ದಾರೆ.
from India & World News in Kannada | VK Polls https://ift.tt/2ONHVED
