ಬೇ ಓವಲ್(ಮೌಂಟ್ ಮೌಂಗನುಯಿ): ಅತಿ ರೋಚಕವಾಗಿ ಸಾಗಿದ ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಆತಿಥೇಯ ನ್ಯೂಜಿಲೆಂಡ್ ಇನ್ನಿಂಗ್ಸ್ ಹಾಗೂ 65 ರನ್ ಅಂತರದ ಭರ್ಜರಿ ಗೆಲುವು ದಾಖಲಿಸಿದೆ. ಇದರೊಂದಿಗೆ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 1-0 ಅಂತರದ ಮಹತ್ವದ ಮುನ್ನಡೆ ದಾಖಲಿಸಿದೆ. ಅಂತಿಮ ದಿನದಾಟದಲ್ಲಿ ಮಾರಕ ದಾಳಿಗೆ ತತ್ತರಿಸಿದ ಇಂಗ್ಲೆಂಡ್ 96.2 ಓವರ್ಗಳಲ್ಲಿ 197 ರನ್ಗಳಿಗೆ ತನ್ನೆಲ್ಲ ವಿಕೆಟುಗಳನ್ನು ಕಳೆದುಕೊಂಡಿತು. ಇಂಗ್ಲೆಂಡ್ ಪರ ರೋರಿ ಬರ್ನ್ಸ್ (31), ಜೋ ಡೆನ್ಲಿ (35), ಬೆನ್ ಸ್ಟೋಕ್ಸ್ (28) ಉತ್ತಮ ಆರಂಭ ಪಡೆದರೂ ದೊಡ್ಡ ಮೊತ್ತವಾಗಿ ಪರಿವರ್ತಿಸಲು ಸಾಧ್ಯವಾಗಲಿಲ್ಲ. ಕೆಳ ಕ್ರಮಾಂಕದಲ್ಲಿ ಸ್ಯಾಮ್ ಕರ್ರನ್ (29*) ಹಾಗೂ ಜೋಫ್ರಾ ಆರ್ಚರ್ (30) ರನ್ ಗಳಿಸಿದರೂ ಇನ್ನಿಂಗ್ಸ್ ಸೋಲು ತಪ್ಪಿಸಲಾಗಲಿಲ್ಲ. ಕಿವೀಸ್ ಪರ ಮಾರಕ ದಾಳಿ ಸಂಘಟಿಸಿದ ನೀಲ್ ವ್ಯಾಗ್ನರ್ 44 ರನ್ ತೆತ್ತು ಐದು ವಿಕೆಟ್ ಕಿತ್ತು ಮಿಂಚಿದರು. ಇವರಿಗೆ ಉತ್ತಮ ಸಾಥ್ ನೀಡಿದ ಮೂರು ವಿಕೆಟ್ ಕಬಳಿಸಿದರು. ಈ ಮೊದಲು ಇಂಗ್ಲೆಂಡ್ನ 353 ರನ್ಗಳಿಗೆ ಉತ್ತರವಾಗಿ ಕಿವೀಸ್, ದ್ವಿಶತಕ ವೈಭವ (205) ಹಾಗೂ ಮಿಚೆಲ್ ಸ್ಯಾಂಟ್ನರ್ (126) ಶತಕದ ನೆರವಿನಿಂದ ಒಂಬತ್ತು ವಿಕೆಟ್ ನಷ್ಟಕ್ಕೆ 615 ರನ್ ಪೇರಿಸಿ ಡಿಕ್ಲೇರ್ ಘೋಷಿಸಿತ್ತು. ಈ ಮೂಲಕ ಮೊದಲ ಇನ್ನಿಂಗ್ಸ್ನಲ್ಲಿ 262 ರನ್ಗಳ ಬೃಹತ್ ಮುನ್ನಡೆ ದಾಖಲಿಸಿತ್ತು. 473 ಎಸೆತಗಳನ್ನು ಎದುರಿಸಿರುವ ವಾಟ್ಲಿಂಗ್ ಇನ್ನಿಂಗ್ಸ್ನಲ್ಲಿ 24 ಬೌಂಡರಿ ಹಾಗೂ ಸಿಕ್ಸರ್ ಸೇರಿದ್ದವು. ಇನ್ನೊಂದೆಡೆ ಬ್ಯಾಟಿಂಗ್ನಲ್ಲೂ ಮಿಂಚಿದ್ದ ಸ್ಯಾಂಟ್ನರ್ 269 ಎಸೆತಗಳಲ್ಲಿ 11 ಬೌಂಡರಿ ಹಾಗೂ ಐದು ಸಿಕ್ಸರ್ ನೆರವಿನಿಂದ 126 ರನ್ ಗಳಿಸಿದ್ದರು. ಇವರಿಬ್ಬರು ಏಳನೇ ವಿಕೆಟ್ಗೆ 261 ರನ್ಗಳ ಬೃಹತ್ ಜತೆಯಾಟ ನೀಡಿದ್ದರು. ನಾಯಕ ಕೇನ್ ವಿಲಿಯಮ್ಸನ್ (51) ಹಾಗೂ ಕಾಲಿನ್ ಡಿ ಗ್ರ್ಯಾಂಡ್ಹೋಮ್ (65) ಆಕರ್ಷಕ ಅರ್ಧಶತಕ ಸಾಧನೆ ಮಾಡಿದ್ದರು. ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್ನಲ್ಲಿ ಬೆನ್ ಸ್ಟೋಕ್ಸ್ (91), ರೋರಿ ಬರ್ನ್ಸ್ (52) ಹಾಗೂ ಜೋ ಡೆನ್ಲಿ (74) ಅರ್ಧಶತಕದ ಬೆಂಬಲದೊಂದಿಗೆ 353 ರನ್ ಪೇರಿಸಿತ್ತು. ಕಿವೀಸ್ ಪರ ಟಿಮ್ ಸೌಥಿ ನಾಲ್ಕು ಹಾಗೂ ನೀಲ್ ವ್ಯಾಗ್ನರ್ ಮೂರು ವಿಕೆಟ್ ಪಡೆದಿದ್ದರು. ಸಂಕ್ಷಿಪ್ತ ಸ್ಕೋರ್ ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್ 353 (ರೋರಿ ಬರ್ನ್ಸ್ 52, ಜೋ ಡೆನ್ಲಿ 74, ಬೆನ್ ಸ್ಟೋಕ್ಸ್ 91, ಟಿಮ್ ಸೌಥಿ 88/4, ನೀಲ್ ವ್ಯಾಗ್ನರ್ 90/3). ನ್ಯೂಜಿಲೆಂಡ್ ಮೊದಲ ಇನ್ನಿಂಗ್ಸ್ 615 (ಬಿಜೆ ವಾಟ್ಲಿಂಗ್ 205, ಮಿಚೆಲ್ ಸ್ಯಾಂಟ್ನರ್ 126, ಕೇನ್ ವಿಲಿಯಮ್ಸನ್ 51, ಕಾಲಿನ್ ಡಿ ಗ್ರ್ಯಾಂಡ್ಹೋಮ್ 65, ಸ್ಯಾಮ್ ಕರ್ರನ್ 119ಕ್ಕೆ 3). ಇಂಗ್ಲೆಂಡ್ ದ್ವಿತೀಯ ಇನ್ನಿಂಗ್ಸ್ 297 (ಜೋ ಡೆನ್ಲಿ 35, ನೀಲ್ ವ್ಯಾಗ್ನರ್ 44/5). ಫಲಿತಾಂಶ: ನ್ಯೂಜಿಲೆಂಡ್ಗೆ ಇನ್ನಿಂಗ್ಸ್ ಹಾಗೂ 65 ರನ್ ಅಂತರದ ಗೆಲುವು
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2XGs2nK
