ಕೋಲ್ಕತಾ: ಭಾರತದ ಚಾರಿತ್ರಿಕ ಪಿಂಕ್ ಬಾಲ್ ಹಗಲು ರಾತ್ರಿ ಟೆಸ್ಟ್ ಪಂದ್ಯ ಆಯೋಜನೆಯಲ್ಲಿ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ನೂತನ ಅಧ್ಯಕ್ಷ ಮಹತ್ತರ ಪಾತ್ರ ವಹಿಸಿದ್ದಾರೆ. ಇತ್ತಂಡಗಳನ್ನು ಮನವೊಳಿಸುವುದರಿಂದ ಹಿಡಿದು ಕೋಲ್ಕತಾದ ಈಡನ್ ಗಾರ್ಡನ್ ಮೈದಾನದಲ್ಲಿ ಪಿಂಕ್ ಟೆಸ್ಟ್ ಪಂದ್ಯ ಆಯೋಜನೆಗಾಗಿ ದಾದಾ ಚುಕ್ಕಾಣಿ ಹಿಡಿದಿದ್ದರು. ಇದೀಗ ಪಂದ್ಯವನ್ನು ಯಶಸ್ವಿಯಾಗಿ ಆಯೋಜಿಸಿರುವ ಸೌರವ್ ಗಂಗೂಲಿಗೆ ಟೀಮ್ ಇಂಡಿಯಾ ಕೋಚ್ ರವಿಶಾಸ್ತ್ರಿ ಭಲೇ! ಭೇಷ್ ಹೇಳಿದ್ದಾರೆ. ಇದರೊಂದಿಗೆ ತಮ್ಮೊಳಗೆ ಎಲ್ಲವೂ ಸರಿಯಿದೆ ಎಂಬುದನ್ನು ಸಾರಿದ್ದಾರೆ. ಈ ಮಧ್ಯೆ ತಮ್ಮ ಕೆಲಸವನ್ನು ಉಳಿಸಿಕೊಳ್ಳುವುದು ರವಿಶಾಸ್ತ್ರಿ ಪಾಲಿಗೆ ಅನಿವಾರ್ಯ ಎಂದು ಟ್ವಿಟರಿಗರು ಕಾಮೆಂಟ್ ಮಾಡಿದ್ದು, ಕಾಲೆಳೆಯುವ ಪ್ರಯತ್ನ ಮಾಡಿದ್ದಾರೆ. ಇನ್ನು ಕೆಲವು ಅಭಿಮಾನಿಗಳು ರವಿಶಾಸ್ತ್ರಿ ಟ್ವೀಟ್ ಅನ್ನು ಸ್ವಾಗತಿಸಿದ್ದು, ನೀವಿಬ್ಬರು ಮತ್ತೆ ಗೆಳೆಯರಾಗಿದ್ದೀರಾ ಎಂದು ಪ್ರಶ್ನಿಸಿದ್ದಾರೆ. ಮೂರು ವರ್ಷಗಳ ಹಿಂದೆ ಹಾಗೂ ಸೌರವ್ ಗಂಗೂಲಿ ನಡುವೆ ಶೀತಲ ಸಮರ ಏರ್ಪಟ್ಟಿತ್ತು. ಕ್ರಿಕೆಟ್ ಸಲಹಾ ಸಮಿತಿ ಅಧ್ಯಕ್ಷರಾಗಿದ್ದ ಸೌರವ್ ಗಂಗೂಲಿ, ಕೋಚ್ ಸ್ಥಾನಕ್ಕೆ ರವಿಶಾಸ್ತ್ರಿಯನ್ನು ಕಡೆಗಣಿಸಿ ಅನಿಲ್ ಕುಂಬ್ಳೆರನ್ನು ಮುಖ್ಯ ಕೋಚ್ ಆಗಿ ನೇಮಕ ಮಾಡಲು ಮುಖ್ಯ ಪಾತ್ರ ವಹಿಸಿದ್ದರು. ಇದರ ವಿರುದ್ಧ ರವಿಶಾಸ್ತ್ರಿ ಬಹಿರಂಗವಾಗಿಯೇ ಸಿಡಿದೆದ್ದಿದ್ದರು. 2017ರಲ್ಲಿ ವಿರಾಟ್ ಕೊಹ್ಲಿ ಜತೆಗಿನ ಭಿನ್ನಭಿಪ್ರಾಯದ ಹಿನ್ನಲೆಯಲ್ಲಿ ಕುಂಬ್ಳೆ ಕೋಚ್ ಸ್ಥಾನವನ್ನು ತೊರೆದಿದ್ದರು. ಬಳಿಕ ಕೊಹ್ಲಿ ಬಯಕೆಯಂತೆ ಕೋಚ್ ಸ್ಥಾನಕ್ಕೆ ರವಿಶಾಸ್ತ್ರಿ ಆಯ್ಕೆಯಾಗಿದ್ದರು. ಪ್ರಸಕ್ತ ಸಾಲಿನಲ್ಲಷ್ಟೇ ಎರಡನೇ ಬಾರಿಗೆ ರವಿಶಾಸ್ತ್ರಿ ಕೋಚ್ ಹುದ್ದೆಗೆ ಪುನರಾಯ್ಕೆಯಾಗಿದ್ದಾರೆ. ಈ ಮಧ್ಯೆ ಸೌರವ್ ಗಂಗೂಲಿ ಬಿಸಿಸಿಐ ಅಧ್ಯಕ್ಷರಾಗಿ ನೇಮಕವಾಗಿರುವುದು ರವಿಶಾಸ್ತ್ರಿಗೆ ಕಂಟಕವನ್ನುಂಟು ಮಾಡಲಿದೆ ಎಂಬ ಅಭಿಪ್ರಾಯ ಕೇಳಿಬಂದಿತ್ತು. ಕೆಲಸ ಎಲ್ಲರಿಗೂ ಮುಖ್ಯ ಪಾರ್ಟಿ ಆಗಲೇ ಬೇಕು ಈ ವಿಷಯದಲ್ಲಿ ಪಾರ್ಟಿ ಆಗಲೇಬೇಕು. ಏನಾಂತೀರಾ? ಮನಸ್ಸಲ್ಲಿ ಒಂದು ವಿಚಾರ, ಹೇಳುವುದು ಇನ್ನೊಂದು ರವಿ ವರ್ಷನ್ 2.0ಗೆ ಸ್ವಾಗತ ನೀವಿಬ್ಬರು ಮತ್ತೆ ಫ್ರೆಂಡ್ಸ್ ಆಗಿಬಿಟ್ಟಿದ್ದಿರಾ? ನಿಮ್ಮ ಕ್ರೀಡಾಸ್ಪೂರ್ತಿಗೆ ಹ್ಯಾಟ್ಸಫ್ ವೆಲ್ಡನ್ ರವಿ ಪಾರ್ಟಿ ಶುರು ಮಾಡೋಣ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2OGNDIy
