ಮುಂಬಯಿ: ಎನ್‌ಸಿಪಿ ಮುಖಂಡ ಅವರ ಪವರ್‌ಅನ್ನು ಅತಿಯಾಗಿ ನೆಚ್ಚಿಕೊಂಡಿದ್ದು, ಎನ್‌ಸಿಪಿ ಮುಖ್ಯಸ್ಥ ಅವರ ರಾಜಕೀಯ ತಂತ್ರಗಾರಿಕೆ ಬಗ್ಗೆ ಅಪನಂಬಿಕೆ ಇರಿಸಿಕೊಂಡಿದ್ದರ ಪರಿಣಾಮ ಬಿಜೆಪಿ ದುಬಾರಿ ಬೆಲೆ ತೆರಬೇಕಾಯಿತು. ಸರಕಾರ ರಚನೆಗೆ ಬೇಕಾದ 145 ಸಂಖ್ಯಾಬಲವನ್ನು ಕೊಡಿಸಲು ಅಜಿತ್‌ ಪವಾರ್‌ ಸಮರ್ಥರು ಎಂಬುದನ್ನು ತರಾತುರಿಯಲ್ಲಿ ದೇವೇಂದ್ರ ಫಡ್ನವಿಸ್‌ ನಂಬಿದ್ದರು. ಬಂಡಾಯ ಶಾಸಕರನ್ನು ಪಕ್ಷಕ್ಕೆ ಮರಳುವಂತೆ ಮಾಡುವಲ್ಲಿ ಶರದ್‌ ಪವಾರ್‌ ತಂತ್ರಗಾರಿಕೆ ನಡೆಯುವುದಿಲ್ಲ ಎಂಬ ಅಪ ನಂಬಿಕೆ ಬಿಜೆಪಿ ನಾಯಕರಲ್ಲಿ ಇತ್ತು. ಇದೆಲ್ಲದರ ಪರಿಣಾಮ 2018ರಲ್ಲಿ ಕರ್ನಾಟಕ ಸರಕಾರ ರಚನೆಯಲ್ಲಾದ ಮುಖಭಂಗ ಮಹಾರಾಷ್ಟ್ರದಲ್ಲಿ ಪುನರಾವರ್ತನೆಗೊಂಡಿತು. ಅಧಿಕಾರದ ಕುರ್ಚಿ ಏರಿದಷ್ಟೇ ವೇಗವಾಗಿ ಕೆಳಗಿಳಿದ ದೇವೇಂದ್ರ ಫಡ್ನವಿಸ್‌ ಪ್ರಕರಣ ಹಾಗೂ 2018ರ ಚುನಾವಣೆ ಬಳಿಕ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಿದ್ದ ಬಿ.ಎಸ್‌.ಯಡಿಯೂರಪ್ಪ ಪದ ತ್ಯಾಗ ಮಾಡಿದ್ದರ ಪ್ರಕರಣದ ನಡುವೆ ನಿಕಟ ಸಾಮ್ಯತೆಯಿದೆ. ಕಳೆದ ವಿಧಾನಸಭೆ ಚುನಾವಣೆಯಲ್ಲಿ104 ಸ್ಥಾನ ಗಳಿಸಿದ ಬಿಜೆಪಿ ಅತಿದೊಡ್ಡ ಪಕ್ಷವಾಗಿ ಹೊರಹೊಮ್ಮಿತ್ತು. ಸರಳ ಬಹುಮತಕ್ಕೆ 9 ಸ್ಥಾನಗಳ ಕೊರೆತೆಯಿತ್ತು. ಈ ನಡುವೆಯೂ ರಾಜಭವನದ ಆಹ್ವಾನದ ಮೇರೆಗೆ ಸಿಎಂ ಆಗಿ ಬಿಎಸ್‌ವೈ ಪ್ರಮಾಣವಚನ ಸ್ವೀಕರಿಸಿದ್ದರು. ಬಹುಮತ ಸಾಬೀತು ಪಡಿಸಲು ರಾಜ್ಯಪಾಲರು 15 ದಿನದ ಕಾಲಾವಕಾಶ ನೀಡಿದ್ದರು. ಇದನ್ನು ಪ್ರಶ್ನಿಸಿದ್ದ ಕಾಂಗ್ರೆಸ್‌-ಜೆಡಿಎಸ್‌ ನಾಯಕರು ರಾತ್ರೋರಾತ್ರಿ ಸುಪ್ರೀಂ ಕೋರ್ಟ್‌ ಕದ ತಟ್ಟಿದ್ದರು. ತುರ್ತು ವಿಚಾರಣೆ ನಡೆಸಿದ್ದ ಕೋರ್ಟ್‌ 24 ಗಂಟೆಯೊಳಗೆ ಸದನದಲ್ಲಿ ವಿಶ್ವಾಸಮತ ಕೇಳಲು ಸೂಚಿಸಿತ್ತು. ಬಳಿಕ ವಿಧಾನಸಭೆಯಲ್ಲಿ ಭಾವುಕ ಭಾಷಣ ಮಾಡಿ ವಿಶ್ವಾಸಮತ ಯಾಚಿಸದೇ ಬಿಎಸ್‌ವೈ ರಾಜೀನಾಮೆ ನೀಡಿದ್ದರು. ಫಡ್ನವಿಸ್‌ ಕೂಡ ಕಳೆದ 23ರಂದು ಬೆಳಗ್ಗೆ ಪ್ರಮಾಣವಚನ ಸ್ವೀಕರಿಸಿದ್ದರು. ಇಲ್ಲಿಯೂ ಕಾಂಗ್ರೆಸ್‌-ಎನ್‌ಸಿಪಿ-ಶಿವಸೇನೆ ಮೈತ್ರಿಕೂಟ ಸುಪ್ರೀಂ ಕೋರ್ಟ್‌ ಮೆಟ್ಟಲು ಹತ್ತಿದ್ದರಿಂದ ಫಡ್ನವಿಸ್‌ ಅವರಿಗೆ ಹಿನ್ನಡೆಯಾಯಿತು. 4 ದಿನದಲ್ಲೆ (80 ತಾಸು) ಅಧಿಕಾರದಿಂದ ನಿರ್ಗಮಿಸುವಂತಾಯಿತು. ಮಹಾರಾಷ್ಟ್ರ ಮತ್ತು ಹರಿಯಾಣದಲ್ಲಿ ಬಿಜೆಪಿ ಕಳಪೆ ಪ್ರದರ್ಶನ ತೋರಿದ್ದರೂ ಸರಕಾರ ರಚಿಸುವ ಎಲ್ಲ ಪ್ರಯತ್ನಗಳನ್ನು ನಡೆಸಿತು. ಹರಿಯಾಣದಲ್ಲಿ ಹೇಗೋ ಜೆಜೆಪಿ ಬೆಂಬಲದೊಂದಿಗೆ ಸರಕಾರ ರಚಿಸುವಲ್ಲಿ ಬಿಜೆಪಿ ಯಶಸ್ವಿಯಾಯಿತು. ಆದರೆ ಮಹಾರಾಷ್ಟ್ರದಲ್ಲಿ ಮುಗ್ಗರಿಸುವ ಮೂಲಕ ಜಾರ್ಖಂಡ್‌ ವಿಧಾನಸಭೆ ಚುನಾವಣೆಗೂ ಸಂಚಕಾರ ತಂದುಕೊಂಡಿದೆ. ಬಿಜೆಪಿ ಎನ್‌ಸಿಪಿ ಮುಖಂಡ ಶರದ್‌ ಪವಾರ್‌ ಅವರ ರಾಜಕೀಯ ಪಟ್ಟುಗಳನ್ನು ತಪ್ಪಾಗಿ ಅರ್ಥೈಸಿಕೊಂಡಿತು. ಕರ್ನಾಟಕದಲ್ಲಿ ಸರಳ ಬಹುಮತಕ್ಕೆ ಆಗತ್ಯವಿದ್ದಿದ್ದು ಕೇವಲ 9 ಸ್ಥಾನಗಳು. ಆದರೆ ಮಹಾರಾಷ್ಟ್ರದಲ್ಲಿ ಸರಳ ಬಹುಮತಕ್ಕೆ 40 ಸ್ಥಾನಗಳ ಅಗತ್ಯವಿತ್ತು. ಇಂತಹ ಸಂದರ್ಭದಲ್ಲಿ ರಾತ್ರೋರಾತ್ರಿ ಸರಕಾರ ರಚಿಸುವ ದುಸ್ಸಾಹಸ ಅನಗತ್ಯವಾಗಿತ್ತು. ಫಡ್ನವಿಸ್‌ ರಾಜೀನಾಮೆ ಸಲ್ಲಿಸುವ ಮೊದಲು ಸುದ್ದಿಗೋಷ್ಠಿಯಲ್ಲಿ ಮಾತನಾಡುತ್ತ, ಅಜಿತ್‌ ಪವಾರ್‌ ಡಿಸಿಎಂ ಸ್ಥಾನಕ್ಕೆ ರಾಜೀನಾಮೆ ನೀಡಿದರು. ಹಾಗಾಗಿ ನಮಗೆ ಬಹುಮತವಿಲ್ಲ. ನಾವು ಕುದುರೆ ವ್ಯಾಪಾರಕ್ಕೆ ಅವಕಾಶ ಮಾಡಿಕೊಡುವುದಿಲ್ಲ ಎಂದರು. ಸರಕಾರ ಬಿದ್ದು ಹೋಗಲು ಅಜಿತ್‌ ಪವಾರ್‌ ನೇರ ಕಾರಣ ಎಂದು ಫಡ್ನವಿಸ್‌ ಬೊಟ್ಟು ಮಾಡಿದರು. ನಮಗೆ ಬೇಷರತ್‌ ಬೆಂಬಲ ನೀಡಿದ್ದ ಅಜಿತ್‌ ಪವಾರ್‌ ಅವರೇ ರಾಜೀನಾಮೆ ನೀಡಲು ಕಾರಣ ಹೇಳಬೇಕು ಎಂದು ಸುದ್ದಿಗಾರರ ಪ್ರಶ್ನೆಗಳಿಂದ ಜಾರಿಕೊಂಡರು.
from India & World News in Kannada | VK Polls https://ift.tt/2QUYa5N
