ಮುಂಬಯಿ: ಬಿಕ್ಕಟ್ಟು ಮುಂದುವರಿದಿದ್ದು, ಈಗ ಹೊಸ ವಿವಾದವೊಂದು ಶುರುವಾಗಿದೆ. ದೇವೇಂದ್ರ ಫಡ್ನವಿಸ್‌ ಸರಕಾರ ನಾಳೆ ಸಂಜೆಯೊಳಗೆ ಬಹುಮತ ಸಾಬೀತು ಪಡಿಸಬೇಕು ಎಂದು ಹೇಳಿರುವ ಹಿನ್ನೆಲೆ ಈ ಅಂಶ ಬಿಜೆಪಿಗೆ ಹೊಸ ತಲೆನೋವಾಗಿ ಪರಿಣಮಿಸುವ ಸಾಧ್ಯತೆಯಿದೆ. ಎನ್‌ಸಿಪಿಯ ಮುಖ್ಯ ಸಚೇತಕ ಹೌದೋ ಅಲ್ಲವೋ ಎಂಬ ಬಗ್ಗೆ ಹೊಸದಾಗಿ ಚರ್ಚೆ ಶುರುವಾಗಿದೆ. ರಾಜ್ಯ ಎನ್‌ಸಿಪಿ ಅಧ್ಯಕ್ಷ ಜಯಂತ್ ಪಾಟೀಲ್, ಪಕ್ಷದ ಮುಖ್ಯ ಸಚೇತಕ, ಅಜಿತ್ ಪವಾರ್ ಅಲ್ಲ ಎಂದು ಶಾಸಕಾಂಗ ಸಚಿವಾಲಯ ಸೋಮವಾರ ಸಲ್ಲಿಸಿದೆ. ಆದರೆ, ಬಿಜೆಪಿ ನಾಯಕ ಹಾಗೂ ಕೇಂದ್ರ ಸಚಿವ ರಾವ್‌ ಸಾಹೇಬ್‌ ದಾನ್ವೆ ಮಾತ್ರ ಪವಾರ್ ಎಂದು ಒತ್ತಿ ಹೇಳಿದ್ದಾರೆ. ಪಾಟೀಲ್ ಅವರನ್ನು ಎನ್‌ಸಿಪಿ ಶಾಸಕಾಂಗ ಪಕ್ಷದ ಹೊಸ ನಾಯಕರಾಗಿ ನೇಮಕ ಮಾಡಲಾಗಿದೆ ಮತ್ತು ವಿಪ್ ನೀಡುವ ಅಧಿಕಾರವನ್ನು ಅವರಿಗೆ ವಹಿಸಲಾಗಿದೆ ಎಂದು ಎನ್‌ಸಿಪಿ ಮಾಹಿತಿ ನೀಡಿದೆ ಎಂದು ಶಾಸಕಾಂಗದ ದಾಖಲೆ ಪ್ರಕಾರ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಒಮ್ಮೆ ಮುಖ್ಯ ಸಚೇತಕ ನೇಮಕಗೊಂಡರೆ, ರಾಜಕೀಯ ಪಕ್ಷವು ನೇಮಕಾತಿ ಕುರಿತು ಸ್ಪೀಕರ್ ಅಥವಾ ಶಾಸಕಾಂಗ ಕಾರ್ಯದರ್ಶಿಗೆ ತಿಳಿಸುತ್ತದೆ. "ಮಾಧ್ಯಮ ವರದಿಗಳ ಪ್ರಕಾರ ಅಜಿತ್ ಪವಾರ್ ಅವರನ್ನು ಅಕ್ಟೋಬರ್ 30 ರಂದು ಎನ್‌ಸಿಪಿ ವಿಪ್ ಆಗಿ ನೇಮಿಸಲಾಗಿದೆ. ಆದರೆ ಎನ್‌ಸಿಪಿ ಶಾಸಕಾಂಗ ಕಾರ್ಯದರ್ಶಿಗೆ ಈ ಬಗ್ಗೆ ಯಾವುದೇ ಮಾಹಿತಿ ನೀಡಿಲ್ಲ" ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಎನ್‌ಸಿಪಿ ಪವಾರ್ ಅವರನ್ನು ವಜಾ ಮಾಡಲಾಗಿದೆ ಮತ್ತು ಜಯಂತ್ ಪಾಟೀಲ್ ಅವರನ್ನು ಅವರ ಸ್ಥಾನದಲ್ಲಿ ನೇಮಕ ಮಾಡಲಾಗಿದೆ ಎಂದು ಕಾರ್ಯದರ್ಶಿಗೆ ಸೋಮವಾರ ಮಾಹಿತಿ ನೀಡಲಾಗಿದೆ. ಅದರಂತೆ, ಶಾಸಕಾಂಗ ಕಾರ್ಯದರ್ಶಿಯ ಪ್ರಕಾರ ಪಾಟೀಲ್ ಎನ್‌ಸಿಪಿಯ ಮುಖ್ಯ ಸಚೇತಕ ” ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇನ್ನೊಂದೆಡೆ, ಅಕ್ಟೋಬರ್ 30ರಂದು ನಡೆದ ಎನ್‌ಸಿಪಿ ಶಾಸಕಾಂಗ ಪಕ್ಷದ ಸಭೆಯಲ್ಲಿ ಅಜಿತ್ ಪವಾರ್‌ರನ್ನು ಶಾಸಕಾಂಗ ಪಕ್ಷದ ನಾಯಕರನ್ನಾಗಿ ನೇಮಿಸಲಾಗಿದೆ. ಈ ಹಿನ್ನೆಲೆ ವಿಪ್ ನೀಡುವ ಅಧಿಕಾರವೂ ಅವರಿಗೇ ಇರುತ್ತದೆ ಎಂದು ಬಿಜೆಪಿ ನಾಯಕ, ಕೇಂದ್ರ ಸಚಿವ ರಾವ್‌ ಸಾಹೇಬ್‌ ದಾನ್ವೆ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ, ಅಜಿತ್ ಪವಾರ್‌ಗೆ ಎನ್‌ಸಿಪಿ ಶಾಸಕರ ಮೇಲೆ ವಿಪ್ ನೀಡುವ ಅಧಿಕಾರವಿರುತ್ತದೆ. ಇದರಲ್ಲಿ ಯಾವುದೇ ಗೊಂದಲವಿಲ್ಲ ಎಂದೂ ತಿಳಿಸಿದ್ದಾರೆ.
from India & World News in Kannada | VK Polls https://ift.tt/2pQ5aFM
