ದಾವಣಗೆರೆ : ಆಡಳಿತ ಪಕ್ಷದ ಕೈಗೊಂಬೆಯಾಗಿದ್ದು, ಉಪಚುನಾವಣೆಯಲ್ಲಿ ಬಿಜೆಪಿ ಯದ್ವಾತದ್ವಾ ಹಣ ಖರ್ಚು ಮಾಡುತ್ತಿದ್ದರೂ ಮೌನವಹಿಸಿದೆ ಎಂದು ಮಾಜಿ ಸಿಎಂ ಆರೋಪಿಸಿದರು. ಹರಿಹರ ತಾಲೂಕಿನ ಬಳಿ ಇರುವ ಕುಮಾರಪಟ್ಟಣಂ ಬಿರ್ಲಾ ಗೆಸ್ಟ್‌ ಹೌಸ್‌ ನಲ್ಲಿ ಸುದ್ದಿಗಾರರೊಂದಿಗೆ ಬುಧವಾರ ಮಾತನಾಡಿ, ಬಿಜೆಪಿ ಅನರ್ಹರ ಗೆಲುವಿಗೆ ಕೋಟ್ಯಂತರ ರೂ. ಖರ್ಚುಮಾಡುತ್ತಿದೆ. ಹಣ, ಆಮೀಷವೊಡ್ತಿದ್ದರೂ ಚುನಾವಣಾ ಆಯೋಗ ಯಾವುದೇ ಕ್ರಮ ಕೈಗೊಳ್ಳದೇ ಇರುವುದು ಅನುಮಾನಕ್ಕೆ ಕಾರಣವಾಗಿದೆ ಎಂದರು. ಜಾತಿ, ಧರ್ಮದ ಹೆಸರಿನಲ್ಲಿ ಮತ ಕೇಳುವುದು ಅಪರಾಧ. ಆದರೆ , ಯಡಿಯೂರಪ್ಪ ಹೋದ ಕಡೆಯಲ್ಲ ತಮ್ಮ ಅಭ್ಯರ್ಥಿಗಳನ್ನು ಮಂತ್ರಿ ಮಾಡುತ್ತೇನೆ ಎನ್ನುತ್ತಿದ್ದಾರೆ. ಜಾತಿ, ಧರ್ಮ ಹೆಸರಲ್ಲಿ ಮತ ಕೇಳುವುದು ಅಫೆನ್ಸ್‌. ಹಣ ಅಧಿಕಾರದ ಅಮಿಷ ಒಡ್ಡಿ ಚುನಾವಣೆ ನಡೆಸುತ್ತಿದ್ದಾರೆ. ಸಿಎಂ ಯಡಿಯೂರಪ್ಪ ಹೀಗೆ ಮಾಡಿದರೂ ಚುನಾವಣಾ ಆಯೋಗ ಸುಮ್ಮನಿದೆ. ಆಯೋಗಕ್ಕೆ ಈ ಬಗ್ಗೆ ದೂರು ಕೊಟ್ಟರೂ ಕ್ರಮ ಕೈಗೊಂಡಿಲ್ಲ . ಬಹಿರಂಗ ಆಮಿಷವೊಡ್ಡಿದರೂ ಸಿಎಂ ವಿರುದ್ಧ ಸುಮೋಟೋ ಕೇಸ್‌ ದಾಖಲಿಸಬಹುದಿತ್ತು. ಆದರೂ ಆಯೋಗ ಯಾಕೆ ದೂರು ದಾಖಲಿಸಿಕೊಂಡಿಲ್ಲ . ಒಟ್ಟಾರೆ ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆಯಾಗಿದ್ದು, ಆಡಳಿತ ಪಕ್ಷ ದ ಕೈಗೊಂಬೆಯಂತೆ ಆಯೋಗ ವರ್ತಿಸುತ್ತಿದೆ ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ತೀವ್ರ ಅಸಮಾಧಾನವ್ಯಕ್ತಪಡಿಸಿದರು. ನಾನು 7 ಕ್ಷೇತ್ರಗಳಲ್ಲಿ ಉಪ ಚುನಾವಣೆ ಪ್ರಚಾರ ನಡೆಸಿದ್ದೇನೆ. ಎಲ್ಲ ಕಡೆ ನಿರೀಕ್ಷೆಗೂ ಮೀರಿ ನಮಗೆ ಬೆಂಬಲ ಸಿಕ್ಕಿದೆ. ಜನರು ಕಾಂಗ್ರೆಸ್‌ ಪರವಾಗಿದ್ದಾರೆ. ಮತಗಳು ಕಾಂಗ್ರೆಸ್‌ ಅಭ್ಯರ್ಥಿಗಳಿಗೆ ಬರುತ್ತದೆ ಎಂದು ಜೆಡಿಎಸ್‌, ಬಿಜೆಪಿಗೆ ನನ್ನನ್ನು ಕಂಡರೆ ಭಯ. ನನ್ನನ್ನು ಟಾರ್ಗೆಟ್‌ ಮಾಡಬೇಕಾದರೆ ನನ್ನ ಶಕ್ತಿ ಏನು ಎಂಬ ಬಗ್ಗೆ ಅವರಿಗೆ ಗೊತ್ತು. 12 ಕ್ಷೇತ್ರಗಳಲ್ಲಿ ಕಾಂಗ್ರೆಸ್‌ ಗೆಲ್ಲಲಿದೆ. 15 ರಲ್ಲಿ ಗೆದ್ದರೂ ಆಶ್ಚರ್ಯ ಏನಿಲ್ಲ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ಅನರ್ಹರಾಗಿರುವುದಕ್ಕೆ ನನ್ನ ಮೇಲೆ ಕೋಪ ಇದೆ. ಹಾಗಾಗಿ ಅನರ್ಹ ಶಾಸಕರು ಮೂರ್ಖ ಹೇಳಿಕೆ ನೀಡುತ್ತಿದ್ದಾರೆ. ರಾಣೆಬೆನ್ನೂರಿನಲ್ಲಿ ಕೋಳಿವಾಡ ಗೆಲ್ತಾರೆ. ಕಳೆದ ಬಾರಿ ಕೋಳಿವಾಡ ಪರವಾಗಿ ಕ್ಯಾಂಪೇನ್‌ಗೆ ಬಂದಿರಲಿಲ್ಲ. ಅದಕ್ಕೆ ಅವರು ಬೇಸರವಾಗಿದ್ದರು. ಹಳೆ ವೀಡಿಯೋ ಇಟ್ಟುಕೊಂಡು ಬಿಜೆಪಿಯವರು ಆರೋಪ ಮಾಡುತ್ತಿದ್ದಾರೆ. ನಿನ್ನೆ ಇಡೀ ದಿನ ನಾನು ಕೋಳಿವಾಡ ಕ್ಷೇತ್ರದಲ್ಲಿ ಪ್ರಚಾರ ಮಾಡಿದ್ದೇವೆ.. ನಮಗೂ ಅವರ ನಡುವೆ ಯಾವುದೇ ಅಸಮಾಧಾನ ಇಲ್ಲ. ಅನರ್ಹ ಶಾಸಕ ಶಂಕರ್‌ ನನ್ನ ಹೆಸರು ಹೇಳಿಕೊಂಡು ಗೆದ್ದಿದ್ದಾನೆ. ನಾನು ಬಾರದೇ ಇದ್ದದ್ದನ್ನು ಶಂಕರ್‌ ದುರುಪಯೋಗ ಮಾಡಿಕೊಂಡಿದ್ದ. ಆದರೆ ಈ ಬಾರಿ ಹಾಗೆ ಆಗುವುದಿಲ್ಲ ಎಂದು ಸಿದ್ದರಾಮಯ್ಯ ಹೇಳಿದರು. ಹಿರೇಕೇರೂರು ಬಿಜೆಪಿ ಅಭ್ಯರ್ಥಿ ಬಿಸಿ ಪಾಟೀಲ್‌ ಮಾಡಿರುವ ಆರೋಪದ ಬಗ್ಗೆ ಪ್ರತಿಕ್ರಿಯೆ ನೀಡಿದ ಸಿದ್ದರಾಮಯ್ಯ ನಾನು ಜೆಡಿಎಸ್‌ ಬಿಡಲಿಲ್ಲ. ಅವರೇ ಪಕ್ಷ ದಿಂದ ಉಚ್ಚಾಟಿಸಿದ್ದರು. ಉಚ್ಚಾಟಿಸಿದ ಒಂದು ವರ್ಷದ ಮೇಲೆ ಕಾಂಗ್ರೆಸ್‌ ಸೇರಿದ್ದೆ. ಆಗ ಕಾಂಗ್ರೆಸ್‌ ಅಧಿಕಾರದಲ್ಲಿ ಇರಲಿಲ್ಲ, ಸೋನಿಯಾ ಗಾಂಧಿಯವರು ನನಗೆ ಆಫರ್‌ ಕೊಟ್ಟಿರುವುದು ಬಿಸಿ ಪಾಟೀಲ್‌ಗೆ ಗೊತ್ತಿರೋದಿಲ್ಲ. ಸುಮ್ಮನೆ ತೋಚಿದ್ದು ಮಾತನಾಡುತ್ತಾರೆ. ಬಿಸಿ ಪಾಟೀಲ್‌ ತರ ಹಣ ಅಧಿಕಾರಕ್ಕೆ ಪಕ್ಷ ಬಿಟ್ಟಿಲ್ಲ, ಯಡಿಯೂರಪ್ಪ ಐಬಿಯಲ್ಲಿ ಕೂತು ವ್ಯವಹಾರ ಮಾಡಿದ್ದು ಗೊತ್ತೇ ಇದೆ ಎಂದು ವಿವರಿಸಿದರು. ಈಗಿನ ಮಹಾರಾಷ್ಟ್ರದ ಪರಿಸ್ಥಿತಿ ಒಂದು ರೀತಿ ಪ್ರಜಾಪ್ರಭುತ್ವವನ್ನೇ ಕಗ್ಗೊಲೆ ಮಾಡಿದಂತಿದೆ. ಇದನ್ನೆಲ್ಲಾ ಕೇಂದ್ರ ಸರಕಾರವೇ ಖುದ್ದು ನಿಂತು ಮಾಡಿದೆ. ನರೇಂದ್ರ ಮೋದಿ ರಾತ್ರೋರಾತ್ರಿ ರಾಷ್ಟ್ರಪತಿ ಆಳ್ವಿಕೆ ಮಾಡಿದ್ದಾರೆ. ಯಾರೇ ಕಾನೂನು ಮೀರಿ ತಪ್ಪು ಮಾಡಿದರೂ ಅದು ತಪ್ಪು. ಫಡ್ನವಿಸ್‌ ಹೇಗೆ ಸಿಎಂ ಆಗಿದ್ದರೂ ಎಂದು ಎಲ್ಲಿರಿಗೂ ಗೊತ್ತಿದೆ. ಅಧಿಕಾರಕ್ಕಾಗಿ ಸಂವಿಧಾನಕ್ಕೆ ಅಪಚಾರ ಮಾಡಿದ್ದಾರೆ ಎಂದು ಸಿದ್ದರಾಮಯ್ಯ ಹೇಳಿದರು.
from India & World News in Kannada | VK Polls https://ift.tt/2KVyr9d
