ದಿಲೀಪ್ ಡಿ. ಆರ್. ಮುಂಬಯಿ: ಮಹಾರಾಷ್ಟ್ರದ ರಾಜಕೀಯ ಅಸ್ಥಿರತೆಗೆ ಇದೀಗ ಮತ್ತೊಂದು ತಿರುವು ಲಭಿಸಿದೆ. ರಾತ್ರೋರಾತ್ರಿ ಕಾರ್ಯಾಚರಣೆ ನಡೆಸಿ ಸಿಎಂ ಆಗಿ ಶಾಕ್ ಕೊಟ್ಟ , ವಿಶ್ವಾಸಮತ ಸಾಬೀತಿಗೆ ಮುನ್ನವೇ ಶಾಕ್‌ನಲ್ಲಿದ್ದಾರೆ! ಅದ್ಯಾವುದೋ ಮಾಯದಲ್ಲಿ ಬಿಜೆಪಿ ಕೈಹಿಡಿದಿದ್ದ ಎನ್‌ಸಿಪಿ ನಾಯಕ , ಸಮರಕ್ಕೆ ಮುನ್ನವೇ ಶಸ್ತ್ರತ್ಯಾಗ ಮಾಡಿದ್ದಾರೆ! ಡಿಸಿಎಂ ಹುದ್ದೆಗೆ ಅಜಿತ್ ಪವಾರ್ ರಾಜೀನಾಮೆ ಕೊಟ್ಟಿದ್ದೇಕೆ? ನವೆಂಬರ್ 27ರ ಬುಧವಾರ ಸಂಜೆ 5 ಗಂಟೆ ಒಳಗೆ ಬಹುಮತ ಸಾಬೀತು ಮಾಡಿ ಎಂದು ಕಟ್ಟಾಜ್ಞೆ ಮಾಡಿತ್ತು ಸುಪ್ರೀಂ ಕೋರ್ಟ್. ಆದ್ರೆ, ಸುಪ್ರೀಂ ತೀರ್ಪು ಹೊರಬಿದ್ದ ಕೆಲವೇ ಗಂಟೆಗಳಲ್ಲಿ ಎನ್‌ಸಿಪಿ ನಾಯಕ ಅಜಿತ್ ಪವಾರ್ ಬಿಜೆಪಿಗೆ ಕೈಕೊಟ್ಟಿದ್ಧಾರೆ. ಡಿಸಿಎಂ ಹುದ್ದೆಗೆ ಅಜಿತ್ ಪವಾರ್ ರಾಜೀನಾಮೆ ಕೊಟ್ಟಿದ್ದೇಕೆ? ಬಿಜೆಪಿ ಜೊತೆಗೂಡಿ ಬಹುಮತ ಸಾಬೀತು ಮಾಡಲು ಅಜಿತ್ ಪವಾರ್‌ಗೆ ಎನ್‌ಸಿಪಿ ಶಾಸಕರ ಬೆಂಬಲ ಸಿಗುತ್ತಿಲ್ಲವೇ? ಅಜಿತ್ ಪವಾರ್ ಅಂದುಕೊಂಡಷ್ಟು ಎನ್‌ಸಿಪಿ ಶಾಸಕರು ಅವರ ಜೊತೆ ಬರುತ್ತಿಲ್ಲವೇ? ಫಡ್ನವಿಸ್ ಮ್ಯಾಜಿಕ್ ಮಾಡಿದರೂ ಮ್ಯಾಜಿಕ್ ನಂಬರ್‌ ಸಿಗಲಿಲ್ಲ..! ಎನ್‌ಸಿಪಿ ನಾಯಕ ಅಜಿತ್ ಪವಾರ್‌ಗೆ ಡಿಸಿಎಂ ಹುದ್ದೆ ಕೊಟ್ಟಿದ್ದ ಬಿಜೆಪಿ, ಅಜಿತ್ ಪವಾರ್ ಜೊತೆಯಲ್ಲೇ ಎನ್‌ಸಿಪಿಯ 54 ಶಾಸಕರ ಬೆಂಬಲವೂ ಸಿಕ್ಕಿಬಿಡಬಹುದು ಎಂದು ಭಾವಿಸಿತ್ತು. 105 ಸದಸ್ಯ ಬಲ ಹೊಂದಿದ್ದ ಬಿಜೆಪಿಗೆ ಬಹುಮತ ಸಾಬೀತಿಗೆ 40 ಶಾಸಕರ ಕೊರತೆ ಇತ್ತು. ಮ್ಯಾಜಿಕ್ ನಂಬರ್‌ 145 ತಲುಪಲು ಮಾಸ್ಟರ್‌ ಪ್ಲಾನ್ ಮಾಡಿದ್ದ ಬಿಜೆಪಿ, ಅಜಿತ್ ಪವಾರ್‌ರನ್ನು ತನ್ನನ್ನ ಸೆಳೆದಿತ್ತು. ಎಲ್ಲವೂ ಅಂದುಕೊಂಡಂತೆಯೇ ಆಗಿತ್ತು. ಆದ್ರೆ, ಅಜಿತ್ ಪವಾರ್ ಜೊತೆಗೆ ಎನ್‌ಸಿಪಿ ಶಾಸಕರು ಕೈಜೋಡಿಸಲಿಲ್ಲ! ಎನ್‌ಸಿಪಿ ಶಾಸಕರಿಗೆ ಪಕ್ಷಾಂತರ ನಿಷೇಧ ಕಾಯ್ದೆ ಭಯ..! ಬಿಜೆಪಿಗೆ ಬಹುಮತ ಸಾಬೀತಿಗೆ ಕೊರತೆ ಇರೋದು 40 ಶಾಸಕರು. ಎನ್‌ಸಿಪಿ ಬಳಿ ಇರುವ ಒಟ್ಟು ಶಾಸಕರು 54. ಹೀಗಾಗಿ, ಈ 54 ಶಾಸಕರ ಪೈಕಿ ಕನಿಷ್ಟ 40 ಶಾಸಕರಾದರೂ ಡಿಸಿಎಂ ಅಜಿತ್ ಪವಾರ್ ಜೊತೆಗೆ ಬರಬಹುದು ಎಂದು ಬಿಜೆಪಿ ಲೆಕ್ಕಹಾಕಿತ್ತು. ಎನ್‌ಸಿಪಿಯ ಒಟ್ಟು 54 ಶಾಸಕರ ಪೈಕಿ 36 ಅಥವಾ ಅದಕ್ಕಿಂತಾ ಹೆಚ್ಚು ಶಾಸಕರು ಬಿಜೆಪಿ ಪಾಳಯ ಸೇರಿದ್ದರೆ ಅವರಿಗೆ ಪಕ್ಷಾಂತರ ನಿಷೇಧ ಕಾಯ್ದೆಯ ಭಯ ಇರುತ್ತಿರಲಿಲ್ಲ. ಏಕೆಂದರೆ ಯಾವುದೇ ಪಕ್ಷದ 3ನೇ 2ರಷ್ಟು ಶಾಸಕರು ಒಟ್ಟಾಗಿ ಪಕ್ಷಾಂತರ ಮಾಡಿದರೆ ಪಕ್ಷಾಂತರ ನಿಷೇಧ ಕಾಯ್ದೆ ಅನ್ವಯ ಆಗೋದಿಲ್ಲ. ಹಾಗಾಗಿ ಬಿಜೆಪಿಗೆ ಬೇಕಿರುವ 40 ಎನ್‌ಸಿಪಿ ಶಾಸಕರು, ಬಿಜೆಪಿ ಕಡೆಗೆ ಬಂದುಬಿಟ್ಟಿದ್ರೆ ಪಕ್ಷಾಂತರ ನಿಷೇಧ ಕಾಯ್ದೆ ಅವರಿಗೆ ಅನ್ವಯ ಆಗುತ್ತಿರಲಿಲ್ಲ.. ಆದ್ರೆ, ಎಲ್ಲವೂ ಬಿಜೆಪಿ ಅಂದುಕೊಂಡಂತೆ ನಡೆಯಲಿಲ್ಲ..! ಅದು ಶರದ್ V/S ಅಜಿತ್ ಪವಾರ್ ವಾರ್..! ಎನ್‌ಸಿಪಿ ವರಿಷ್ಠ ಶರದ್ ಪವಾರ್ ತಮ್ಮ ಪಕ್ಷದ ಒಟ್ಟು 54 ಶಾಸಕರ ಪೈಕಿ 53 ಶಾಸಕರನ್ನು ಒಂದೆಡೆ ಸೇರಿಸಿಕೊಂಡಿದ್ದರು. ಒಬ್ಬನೇ ಒಬ್ಬ ಶಾಸಕ ಅಜಿತ್ ಪವಾರ್ ಈಗಾಗಲೇ ಬಿಜೆಪಿ ಸೇರಿ ಡಿಸಿಎಂ ಆಗಿದ್ದ ಕಾರಣ ಸಾಧ್ಯವಾದಷ್ಟೂ ಶಾಸಕರನ್ನು ಸೆಳೆಯಲು ಬಿಜೆಪಿ ಬೆಂಬಲದೊಂದಿಗೆ ಅಜಿತ್ ಪವಾರ್ ಹರಸಾಹಸ ನಡೆಸಿದರು. ಈ ನಡುವೆ, ಬಹುಮತ ಸಾಬೀತಿಗೆ ಒಂದು ದಿನ ಕಾಲಾವಕಾಶ ಬೇರೆ ಸಿಕ್ಕಿಬಿಡ್ತು. ಆದ್ರೆ, ಶರದ್ ಪವಾರ್ ಎದುರಿಗೆ ಅವರ ಅಣ್ಣನ ಮಗ ಅಜಿತ್ ಪವಾರ್ ಆಟ ನಡೆಯಲಿಲ್ಲ! ಯಾವುದೇ ರೀತಿಯಲ್ಲೂ ಕುದುರೆ ವ್ಯಾಪಾರವಾಗದಂಥಾ ಸನ್ನಿವೇಶ ಸೃಷ್ಟಿಸಿಬಿಟ್ಟಿದ್ದ ಶರದ್ ಪವಾರ್, ಎನ್‌ಸಿಪಿಯ ಎಲ್ಲಾ 53 ಶಾಸಕರನ್ನೂ ತಮ್ಮ ಕಣ್ಣಳತೆ ದೂರದಲ್ಲೇ ಇಟ್ಟುಕೊಂಡಿದ್ದರು! ಹೀಗಾಗಿ, ಕನಿಷ್ಟ 40 ಶಾಸಕರನ್ನು ಸೆಳೆದುಬಿಡುವ ಅಜಿತ್ ಪವಾರ್ ಪ್ಲಾನ್ ಕೈಕೊಟ್ಟುಬಿಡ್ತು. ಎನ್‌ಸಿಪಿಯ ಒಬ್ಬನೇ ಒಬ್ಬ ಶಾಸಕನಾಗಿ ಬಿಜೆಪಿ ಪಾಳಯ ಸೇರಿ ಡಿಸಿಎಂ ಆದ ಅಜಿತ್ ಪವಾರ್ ಅಕ್ಷರಶಃ ಏಕಾಂಗಿಯಾಗಿಬಿಟ್ಟರು! ಹೀಗಾಗಿ, ರಾಜೀನಾಮೆ ಕೊಡದೇ ಇನ್ನೇನು ಮಾಡಿಯಾರು? 2007ರ ಕುಮಾರಣ್ಣ ಆಗಲಿಲ್ಲ ಅಜಿತ್ ಪವಾರ್..! 2007ರಲ್ಲಿ ಕಾಂಗ್ರೆಸ್-ಜೆಡಿಎಸ್‌ ಮೈತ್ರಿ ಸರ್ಕಾರವಿದ್ದಾಗ ಕಾಂಗ್ರೆಸ್‌ನ ಧರ್ಮಸಿಂಗ್ ಸಿಎಂ ಆಗಿದ್ರು. ಆದ್ರೆ, ರಾತ್ರೋ ರಾತ್ರಿ ಜೆಡಿಎಸ್‌ ಶಾಸಕರನ್ನು ರೆಸಾರ್ಟ್‌ಗೆ ಸೆಳೆದಿದ್ದ , ಬಿಜೆಪಿ ಜೊತೆಗೂಡಿ 20-20 ಸರ್ಕಾರದ ಸಿಎಂ ಆಗಿಬಿಟ್ಟಿದ್ರು. ಆ ದಿನಗಳಲ್ಲಿ ದೇವೇಗೌಡ ಕೂಡಾ ಇಂದಿನ ಶರದ್ ಪವಾರ್ ರೀತಿಯಲ್ಲೇ ಹೇಳಿಕೆ ನೀಡಿದ್ದರು. ಆದ್ರೆ, ಶರದ್ ಪವಾರ್ ತಮ್ಮ ಪಕ್ಷದ ಶಾಸಕರನ್ನು ತಮ್ಮ ಬಳಿಯಲ್ಲೇ ಇಟ್ಟುಕೊಳ್ಳುವ ಮೂಲಕ ಅಜಿತ್ ಪವಾರ್‌ರನ್ನು ಏಕಾಂಗಿ ಮಾಡಿಬಿಟ್ಟರು. ಅಜಿತ್ ಪವಾರ್ ‘ಪ್ಲಾನ್ ಬಿ’ ಇದೇನಾ..? ಬಿಜೆಪಿ ಜೊತೆಗೆ ಹೋಗಲು ತಮ್ಮ ಚಿಕ್ಕಪ್ಪ ಶರದ್ ಪವಾರ್ ಒಪ್ಪುತ್ತಿಲ್ಲ ಅನ್ನೋದನ್ನು ತುಂಬಾ ಚನ್ನಾಗಿ ಅರಿತುಕೊಂಡ ಅಜಿತ್ ಪವಾರ್, ತಮ್ಮ ‘ಪ್ಲಾನ್ ಬಿ’ ಕಡೆಗೆ ಗಮನ ಹರಿಸಿದ್ರಾ? ಸರ್ಕಾರ ರಚನೆಗೆ ಹೇಗಿದ್ದರೂ ನಮ್ಮ ಬೆಂಬಲ ಬೇಕೇ ಬೇಕು. ಹೀಗಾಗಿ, ಶಿವಸೇನೆ-ಎನ್‌ಸಿಪಿ-ಕಾಂಗ್ರೆಸ್ ಮೈತ್ರಿ ಸರ್ಕಾರಕ್ಕೇ ಜೈ ಎನ್ನೋಣ ಎಂದು ಚಿಂತನೆ ಮಾಡಿದ್ರಾ? 50-50 ಆಡಳಿತ ಎಂದು ಶಿವಸೇನೆ ಹೇಳುತ್ತಲೇ ಇದೆ. ಸಿಎಂ ಆಗಲು ಶರದ್ ಪವಾರ್ ಇಚ್ಛೆ ವ್ಯಕ್ತಪಡಿಸುತ್ತಿಲ್ಲ. ಹೀಗಾಗಿ, ಸಿಎಂ ಆಗುವ ಅವಕಾಶವೇ ಸಿಕ್ಕಿಬಿಡಬಹುದು ಎಂದು ಭಾವಿಸಿದ ಅಜಿತ್ ಪವಾರ್, ಬಿಜೆಪಿಗೆ ಕೈಕೊಟ್ಟರಾ? ದಿಢೀರನೆ ಡಿಸಿಎಂ ಆದ ವೇಗದಲ್ಲೇ ದಿಢೀರನೆ ಡಿಸಿಎಂ ಹುದ್ದೆಗೆ ರಾಜೀನಾಮೆ ಕೊಟ್ಟು, ಸಿಎಂ ಪಟ್ಟಕ್ಕೆ ಗಾಳ ಹಾಕಿದ್ರಾ? 2018ರ ಆದ್ರಾ ಫಡ್ನವಿಸ್..? ಎನ್‌ಸಿಪಿ ಪ್ಲಾನ್ ಏನೇ ಇರಲಿ, ಸದ್ಯಕ್ಕೆ ಬಿಜೆಪಿ ಏಕಾಂಗಿ. ದೇವೇಂದ್ರ ಫಡ್ನವೀಸ್, ಚಾರ್‌ ದಿನ್‌ ಕಾ ಸಿಎಂ ಆಗಿಬಿಟ್ರಾ? 2018ರಲ್ಲೂ ಯಡಿಯೂರಪ್ಪ ಅವರಿಗೆ ಇದೇ ಅನುಭವವಾಗಿತ್ತು! 105 ಸದಸ್ಯ ಬಲದ ಕರ್ನಾಟಕ ಬಿಜೆಪಿಗೆ ಬಹುಮತವಿಲ್ಲದಿದ್ದರೂ ಸಿಎಂ ಆಗಿದ್ದ ಯಡಿಯೂರಪ್ಪ, ಬಹುಮತ ಸಾಬೀತುಪಡಿಸುವ ವೇಳೆ, ವಿಶ್ವಾಸಮತ ಯಾಚಿಸದೇ ಸಿಎಂ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟು ವಿಧಾನಸಭೆಯಿಂದ ಹೊರನಡೆದಿದ್ರು. ಇದೀಗ ಇದೇ ವಿದ್ಯಮಾನ ದೇವೇಂದ್ರ ಫಡ್ನವಿಸ್‌ಗೂ ಕಾದಿದ್ಯಾ?
from India & World News in Kannada | VK Polls https://ift.tt/2qCGcdC
