ಬೆಂಗಳೂರು: () ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಹಗರಣ ಸಂಬಂಧ ಬಿಜಾಪುರ ಬುಲ್ಸ್ ಮಾಲೀಕ ಕಿರಣ್ ಕಟ್ಟಿಮನಿ ಸ್ಪಷ್ಟನೆ ನೀಡಿದ್ದಾರೆ. ಅಲ್ಲದೆ ಮ್ಯಾಚ್ ಫಿಕ್ಸಿಂಗ್ ಹಗರಣ ಸಂಬಂಧ ವಿಚಾರಣೆ ನಡೆಸುತ್ತಿರುವ ಬೆಂಗಳೂರು ಸಿಸಿಬಿ ಪೊಲೀಸರಿಗೆ ಎಲ್ಲ ರೀತಿಯ ಬೆಂಬಲವನ್ನು ನೀಡುವುದಾಗಿ ತಿಳಿಸಿದ್ದಾರೆ. ಮ್ಯಾಚ್ ಫಿಕ್ಸಿಂಗ್ ಸಂಶಯ ಬಂದ ಹಿನ್ನಲೆಯಲ್ಲಿ ಎಲ್ಲ ಫ್ರಾಂಚೈಸಿ ಮಾಲೀಕರಲ್ಲಿ ವಿಚಾರಣೆ ಮಾಡುತ್ತಿದ್ದಾರೆ. ಎಲ್ಲ ಫ್ರಾಂಚೈಸಿಗಳಿಗೆ ನೋಟಿಸ್ ಕೊಟ್ಟ ರೀತಿಯಲ್ಲಿ ನನಗೂ ಕೊಟ್ಟಿದ್ದಾರೆ. ವಿಚಾರಣೆಯನ್ನು ಎದುರಿಸಿ ಸ್ಪಷ್ಟನೆಯನ್ನು ನೀಡುವುದಾಗಿ ತಿಳಿಸಿದರು. ಕೆಸಿ ಕಾರಿಯಪ್ಪ , ಭರತ್ ಚಿಪ್ಲಿ, ಸೂರಜ್ ಕಾಮತ್ ಎಲ್ಲಾ ನಮ್ಮ ಟೀಂ ನಲ್ಲಿದ್ದಾರೆ. ನನ್ನ ತಂಡದಲ್ಲಿರುವವರು ಬೆಟ್ಟಿಂಗ್ ನಡೆಸೋ ಚಾನ್ಸೇ ಇಲ್ಲ. ನಮ್ಮ ಟೀಂಲ್ಲಿರುವವರು ಯಾರೂ ಮ್ಯಾಚ್ ಫಿಕ್ಸಿಂಗ್ ಮಾಡಿಲ್ಲ. ಖಂಡಿತವಾಗಿಯೂ ನಮ್ಮ ಪ್ಲೇಯರ್ಸ್ ಆ ತರ ಮಾಡಿದ್ರೆ ಒದ್ದು ಬುದ್ಧಿ ಹೇಳುವುದಾಗಿ ತಿಳಿಸಿದರು. ಕೆಲ ಹಿರಿಯ ಆಟಗಾರರು ಬೆಟ್ಟಿಂಗ್‌ನಂತಹ ಕೃತ್ಯವನ್ನು ಎಸಗಿದ್ದಾರೆ. ಅವೆಲ್ಲವನ್ನು ಸಿಸಿಬಿ ತನಿಖೆ ನಡೆಸುತ್ತಿದೆ. ಹಿಂದುಳಿದ ಹುಡುಗರನ್ನು ಕರೆ ತಂದು ಅವರಿಗೆ ಒಂದು ಒಳ್ಳೆ ಭವಿಷ್ಯ ಕೊಡಿಸೋದು ನಮ್ಮ ಉದ್ದೇಶ ಎಂದು ನುಡಿದರು. ಎಲ್ಲ ಫ್ರಾಂಚೈಸಿಗಳಲ್ಲೂ ಹಣಕಾಸಿನ ಸಂಬಂಧ ವಿವರಣೆಯನ್ನು ಕೇಳಿದ್ದಾರೆ. ಈ ಬಗ್ಗೆ ಸಿಸಿಬಿ ಪೊಲೀಸರಿಗೆ ಡಿಟೇಲ್ಸ್ ನೀಡಿರುವುದಾಗಿ ಕರಣ್ ಕಟ್ಟಿಮನಿ ಸೇರಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2OJcWty
