ರಾಯಪುರ: ರಾಷ್ಟ್ರೀಯ ತನಿಖಾ ದಳ() ಭರ್ಜರಿ ಕಾರ್ಯಾಚರಣೆ ನಡೆಸಿ ನಾಯಕಿ ಸುಮಿತ್ರಾ ಪುನೆಮ್‌ಳನ್ನು ಶುಕ್ರವಾರ ಬಂಧಿಸಿದೆ. 2013ರಲ್ಲಿಕಾಂಗ್ರೆಸ್‌ ನಾಯಕರ ವಿರುದ್ಧ ನಡೆದಿದ್ದ ಭಾರಿ ದಾಳಿಯ ನೇತೃತ್ವವನ್ನು ಸುಮಿತ್ರಾ ವಹಿಸಿದ್ದಳು. ಆಕೆಯೊಂದಿಗೆ 26 ನಕ್ಸಲರು ದರ್ಭಾ ಕಣಿವೆಯಲ್ಲಿಗುಂಡಿನ ದಾಳಿ ನಡೆಸಿ 27 ಮಂದಿಯನ್ನು ಹತ್ಯೆಗೈದಿದ್ದರು. 2013ರ ಮೇ 25ರಂದು ಬಸ್ತರ್‌ ಜಿಲ್ಲೆಯಲ್ಲಿಕಾಂಗ್ರೆಸ್‌ ನಾಯಕರು ಮತ್ತು ಅವರ ಬೆಂಗಾವಲು ಪಡೆ ವಾಹನಗಳನ್ನು ಗುರಿಯಾಗಿಸಿ ನಕ್ಸಲರು ಭಾರಿ ದಾಳಿ ನಡೆಸಿದ್ದರು. ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರ ಆಪ್ತರಾಗಿದ್ದ ವಿದ್ಯಾಚರಣ್‌ ಶುಕ್ಲಾ, ಛತ್ತೀಸ್‌ಗಢ ಕಾಂಗ್ರೆಸ್‌ ಮಾಜಿ ಮುಖ್ಯಸ್ಥ ನಂದ ಕುಮಾರ್‌ ಪಟೇಲ್‌ ಸೇರಿದಂತೆ ಹಲವು ಕಾಂಗ್ರೆಸ್‌ ನಾಯಕರು ದಾಳಿಯಿಂದಾಗಿ ಮೃತಪಟ್ಟಿದ್ದರು. ಚತ್ತೀಸ್‌ಗಢದಲ್ಲಿ ಮೂವರು ನಕ್ಸಲರ ಸೆರೆ : ಹಲವು ಅಪರಾಧ ಕೃತ್ಯಗಳಲ್ಲಿ ಭಾಗಿಯಾಗಿದ್ದ ಓರ್ವ ಮಹಿಳೆ ಸೇರಿದಂತೆ ಮೂವರು ಕುಖ್ಯಾತ ನಕ್ಸಲೀಯರನ್ನು ಛತ್ತೀಸ್‍ಗಢದ ದಂತೇವಾಡ ಜಿಲ್ಲೆಯಲ್ಲಿ ಸೆರೆ ಹಿಡಿಯಲಾಗಿದೆ. ಬಂಧಿತ ನಕ್ಸಲರಿಂದ ಎಕೆ-47, ಎಸ್‍ಎಲ್‍ಆರ್, ಇನ್ಸಾಸ್ ರೈಫಲ್‍ಗಳು, ಐಇಡಿ ಸ್ಫೋಟಕ್ಕೆ ಬಳಸುವ ವಸ್ತುಗಳು, ಡಿಟೋನೇಟರ್‍ಗಳು. ಮಾವೋವಾದಿ ಸಮವಸ್ತ್ರಗಳು, ನಕ್ಸಲ್ ಸಾಹಿತ್ಯ ಮತ್ತಿತರ ವಸ್ತುಗಳನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ. ಹದ್ಮಾ, ಶಾಂತಿ ಮತ್ತು ದೇವಾ ಬಂಧಿತರು. ಕಳೆದ ಅಕ್ಟೋಬರ್‌ನಲ್ಲಿನಿಲ್ವಾಯ ಗ್ರಾಮದಲ್ಲಿಪೊಲೀಸರ ಮೇಲೆ ನಡೆದಿದ್ದ ಭಾರಿ ದಾಳಿಯ ನೇತೃತ್ವವನ್ನು ಹದ್ಮಾ, ಶಾಂತಿ ವಹಿಸಿದ್ದರು ಎನ್ನಲಾಗಿದೆ.
from India & World News in Kannada | VK Polls https://ift.tt/2L50Gm2
