ಮುಂಬಯಿ: 11 ವರ್ಷಗಳ ಹಿಂದೆ ಇದೇ ದಿನದಂದು (ನವೆಂಬರ್ 26) ಮುಂಬಯಿಗೆ ನುಗ್ಗಿದ ಉಗ್ರರು ನಡೆಸಿದ ದಾಳಿಯಲ್ಲಿ 174 ಜನರು ಪ್ರಾಣ ಕಳೆದುಕೊಂಡು 300ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದರು. ಮುಂಬಯಿ ದಾಳಿಯಲ್ಲಿ ಇಬ್ಬರು ಎನ್‌ಎಸ್‌ಜಿ ಕಮಾಂಡೋಗಳು ಸೇರಿದಂತೆ 15 ಪೊಲೀಸರು ಹುತಾತ್ಮರಾಗಿದ್ದರು. 2008 ನವೆಂಬರ್‌ನಲ್ಲಿ ಭಾರತದ ಒಳ ನುಸುಳಿದ್ದ ಲಷ್ಕರ್ ಎ ತೊಯ್ಬಾದ ಉಗ್ರರು ಮುಂಬಯಿ ನಗರವನ್ನು ಗುರಿಯಾಗಿಸಿಕೊಂಡು ನಾಲ್ಕು ದಿನಗಳ ಕಾಲ ದಾಳಿ ನಡೆಸಿದ್ದರು. ಮುಂಬಯಿ ಜತೆಗೆ ಇಡೀ ದೇಶವೇ ಸ್ತಬ್ಧವಾಯಿತು. ಕ್ಷಿಪ್ರ ಕಾರ್ಯಾಚರಣೆ ನಡೆಸಿದ ಎನ್‌ಎಸ್‌ಜಿ ಪಡೆ ಹಾಗೂ ಮುಂಬಯಿ ಪೊಲೀಸರು ಉಗ್ರರನ್ನು ಹತ್ಯೆಗೈಯುವಲ್ಲಿ ಯಶಸ್ವಿಯಾಯಿತು. ದೇಶದ ವಾಣಿಜ್ಯ ನಗರಿಗೆ ನಡೆದ ಉಗ್ರರ ದಾಳಿಗೀಗ 11 ವರ್ಷಗಳು ಸಂದಿವೆ. ಇದರಂತೆ ದಾಳಿಯಲ್ಲಿ ಹುತಾತ್ಮರನ್ನು ಗಣ್ಯರು ಸೇರಿದಂತೆ ಕೋಟ್ಯಾಂತರ ಭಾರತೀಯರು ಸ್ಮರಿಸಿದ್ದಾರೆ. ಭಾರತೀಯ ಕ್ರಿಕೆಟ್ ತಂಡದ ನಾಯಕ ಹಾಗೂ ಕ್ರಿಕೆಟ್ ಆಟಗಾರರು ಮುಂಬೈ ದಾಳಿಯ ಕರಾಳ ದಿನವನ್ನು ನೆನಪಿಸಿ ದಾಳಿಯಲ್ಲಿ ಮಡಿದ ಹುತಾತ್ಮರನ್ನು ಸ್ಮರಿಸಿದ್ದಾರೆ. ವಿರಾಟ್ ತಮ್ಮ ಸಂದೇಶದಲ್ಲಿ 26/11 ಘಟನೆ ಕಳೆದು ಹೋಗಿರಬಹುದು. ಆದರೆ ಎಂದಿಗೂ ಮರೆಯಲು ಸಾಧ್ಯವಿಲ್ಲ ಎಂದು ಉಲ್ಲೇಖಿಸಿದ್ದಾರೆ. ಈ ಮೂಲಕ ಹುತಾತ್ಮರಿಗೆ ಶ್ರದ್ದಾಂಜಲಿ ಅರ್ಪಿಸಿದ್ದಾರೆ. ಸಮುದ್ರ ಮೂಲಕ ಮುಂಬೈ ಒಳನುಗ್ಗಿದ 10ರಷ್ಟು ಉಗ್ರರು ಮುಂಬಯಿನ ಛತ್ರಪತಿ ಶಿವಾಜಿ ರೈಲ್ವೆ ನಿಲ್ದಾಣ, ನರಿಮನ್ ಹೌಸ್‌, ತಾಜ್‌ ಹೋಟೆಲ್, ಒಬೆರಾಯ್‌ ಟ್ರಿಡೆಂಟ್‌ ಹೋಟೆಲ್ ಸೇರಿದಂತೆ ಹಲವು ಪ್ರಮುಖ ಜನನಿಬಿಡ ಪ್ರದೇಶಗಳನ್ನು ಗುರಿಯಾಗಿರಿಸಿದ್ದರು. ಪ್ರಕರಣದಲ್ಲಿ ಅಗ್ರ ಅಜ್ಮಲ್ ಕಸಬ್‌ರನ್ನು ಬಂಧಿಸಿ ಬಳಿಕ ಗಲ್ಲಿಗೇರಿಸಲಾಯಿತು. ಮುಂಬಯಿ ದಾಳಿಗೆ 11 ವರ್ಷ; ಶ್ರದ್ಧಾಂಜಲಿ ಅರ್ಪಿಸಿದ ಪ್ರಮುಖ ಕ್ರಿಕೆಟಿಗರುವೀರೇಂದ್ರ ಸೆಹ್ವಾಗ್ ಶಿಖರ್ ಧವನ್ ಕುಲ್‌ದೀಪ್ ಯಾದವ್ ಚೇತೇಶ್ವರ ಪೂಜಾರ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2pNiSZY
