ಬ್ರಿಸ್ಬೇನ್: ಮೊದಲ ಇನಿಂಗ್ಸ್ನಲ್ಲಿ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದರೂ ಎರಡನೇ ಇನಿಂಗ್ಸ್ನಲ್ಲಿ ಬಾಬರ್ ಆಝಮ್ (104) ಅವರ ಅಮೋಘ ಶತಕದೊಂದಿಗೆ ತಂಡ ಕೊಂಚ ಪ್ರತಿರೋಧವೊಡ್ಡಿದರೂ, ಆತಿಥೇಯ ವಿರುದ್ಧದ ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಇನಿಂಗ್ಸ್ ಮತ್ತು 5 ರನ್ಗಳ ಸೋಲುಂಡಿದೆ. ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಪಾಕಿಸ್ತಾನ 240ಕ್ಕೆ ಆಲ್ಔಟ್ ಆದರೆ, ಆಸ್ಟ್ರೇಲಿಯಾ ತಂಡ ಬಳಿಕ ಬ್ಯಾಟ್ ಮಾಡಿ 580 ರನ್ಗಳ ಬೃಹತ್ ಮೊತ್ತ ದಾಖಲಿಸಿತ್ತು. ಬಳಿಕ ಗುರಿ ಬೆನ್ನತ್ತಿದ ಪಾಕ್ ತಂಡ 84.2 ಓವರ್ಗಳಲ್ಲಿ 335 ರನ್ಗಳಿಗೆ ಆಲ್ಔಟ್ವ ಆಗಿ ಇನಿಂಗ್ಸ್ ಮತ್ತು 5 ರನ್ಗಳಿಂದ ಸೋಲೊಪ್ಪಿಕೊಂಡಿತು. ಮೂರು ಪಂದ್ಯಗಳ ಸರಣಿಯಲ್ಲಿ ಆಸ್ಟ್ರೇಲಿಯಾ 1-0 ಅಂತರದ ಮುನ್ನಡೆ ಪಡೆದುಕೊಂಡಿದೆ. ಇದಕ್ಕೂ ಮುನ್ನ ಬ್ಯಾಟಿಂಗ್ಗೆ ಹೇಳಿಮಾಡಿಸಿದ್ದ ಗಬ್ಬಾ ಪಿಚ್ನಲ್ಲಿ ಆಸ್ಟ್ರೇಲಿಯಾ ಪರ ಡೇವಿಡ್ ವಾರ್ನರ್ (154) ಮತ್ತು ಮಾರ್ನನ್ ಲಾಬುಷ್ಚಾಗ್ನೆ (185) ಶತಕಗಳೊಂದಿಗೆ ತಂಡಕ್ಕೆ ಬೃಹತ್ ಮೊತ್ತ ತಂದುಕೊಟ್ಟರು. ಆದರೆ, ವಿಶ್ವ ಕ್ರಿಕೆಟ್ನ ಅತ್ಯುತ್ತಮ ಬ್ಯಾಟ್ಸ್ಮನ್ಗಳಲ್ಲಿ ಒಬ್ಬರಾದ ಸ್ಟೀವ್ ಸ್ಮಿತ್ ಮಾತ್ರ ಕೇವಲ 4 ರನ್ಗೆ ಔಟ್ ಆಗಿ ಅಚ್ಚರಿ ಮೂಡಿಸಿದ್ದರು. ಬಾಲ್ ಟ್ಯಾಂಪರಿಂಗ್ ನಿಷೇಧದಿಂದ ಹೊರಬಂದ ಬಳಿಕ ಇಂಗ್ಲೆಂಡ್ ನೆಲದಲ್ಲಿ ನಡೆದ ಆಷಸ್ ಟೆಸ್ಟ್ ಸರಣಿ ಮೂಕ ಟೆಸ್ಟ್ ಕ್ರಿಕೆಟ್ಗೆ ಕಮ್ಬ್ಯಾಕ್ ಮಾಡಿ ಆಡಿದ 7 ಇನಿಂಗ್ಸ್ಗಳಿಂದ 750+ ರನ್ಗಳನ್ನು ಬಾರಿಸಿ ಅಬ್ಬರಿಸಿದ್ದ ಸ್ಟೀವ್ ಸ್ಮಿತ್, ಪಾಕಿಸ್ತಾನದ ಎದುರು ಅಪರೂಪದ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದ್ದರು. 10 ಎಸೆತಗಳನ್ನು ಎದುರಿಸಿ ಕ್ರೀಸ್ನಲ್ಲಿ ನೆಲೆಯೂರಲು ಯತ್ನಿಸುತ್ತಿದ್ದ ಅವರನ್ನು ಪಾಕ್ನ ಅನುಭವಿ ಲೆಗ್ಸ್ಪಿನ್ನರ್ ಕ್ಲೀನ್ ಬೌಲ್ಡ್ ಮಾಡಿದ್ದರು. 7 ನಂಬರ್ ಪ್ರದರ್ಶಿಸಿದ ಶಾ ಸ್ಟವೀಸ್ ಮಿತ್ ಅವರನ್ನು ಕ್ಲೀನ್ ಬೌಲ್ಡ್ ಮಾಡುತ್ತಿದ್ದಂತೆಯೇ 33 ವರ್ಷದ ಸ್ಪಿನ್ನರ್ ಯಾಸಿರ್ ಶಾ ವಿಶೇಷ ರೀತಿಯಲ್ಲಿ ಸಂಭ್ರಮಾಚರಣೆ ನಡೆಸಿದ್ದರು. ಡ್ರೆಸಿಂಗ್ ರೂಮ್ ಕಡೆಗೆ ತಿರುಗೆ ತಮ್ಮ ಎರಡೂ ಕೈಗಳನ್ನು ಮೇಲೆತ್ತು ನಂ.7 ಎಂದು ಸೂಚಿಸಿದ್ದರು. ಅಂದಹಾಗೆ ಯಾಸಿರ್ ಶಾ ಈ ಮೂಲಕ ಹೇಳ ಬಯಸುತ್ತಿರುವುದಾದರೂ ಏನು? ಎಂದು ಹಲವರು ಚರ್ಚೆಗೆ ಇಳಿದರು. ಅಂದಹಾಗೆ ಶಾ ಅವರ ಈ ಸಂಭ್ರಮಕ್ಕೆ ಸೂಕ್ತ ಕಾರಣವಿದೆ. ಟೆಸ್ಟ್ ಕ್ರಿಕೆಟ್ನಲ್ಲಿ ವಿಶ್ವ ಶ್ರೇಷ್ಠ ಬ್ಯಾಟ್ಸ್ಮನ್ ಸ್ಟೀವ್ ಸ್ಮಿತ್ ಅವರನ್ನು ಶಾ ಇದೂ ಸೇರಿ ಒಟ್ಟು 7 ಬಾರಿ ಔಟ್ ಮಾಡಿದ್ದಾರೆ. ಇದನ್ನು ನೆನಪಿನಲ್ಲಿ ಇಟ್ಟುಕೊಂಡಿರುವ ಶಾ, ಸ್ಮಿತ್ ವಿಕೆಟ್ ಪಡೆಯುತ್ತಿದ್ದಂತಯೇ ಅದನ್ನು ಸೂಚಿಸಿದರು. ಟೆಸ್ಟ್ ಕ್ರಿಕೆಟ್ನಲ್ಲಿ ಸ್ಟೀವ್ ಸ್ಮಿತ್ ಅವರನ್ನು ಅತಿ ಹೆಚ್ಚು ಬಾರಿ ಔಟ್ ಮಾಡಿರುವ ಶ್ರೇಯಸ್ಸು ಇಂಗ್ಲೆಂಡ್ ತಂಡದ ವೇಗಿ ಸ್ಟುವರ್ಟ್ ಬ್ರಾಡ್ ಅವರದ್ದು. ಬ್ರಾಡ್ 44 ಇನಿಂಗ್ಸ್ಗಳಲ್ಲಿ ಒಟ್ಟು 8 ಬಾರಿ ಸ್ಮಿತ್ ವಿಕೆಟ್ ಪಡೆದಿದ್ದಾರೆ. ಯಾಸಿರ್ ಶಾ ಎರಡನೇ ಸ್ಥಾನದಲ್ಲಿದ್ದು 29 ಇನಿಂಗ್ಸ್ಗಳಲ್ಲಿ 7 ಬಾರಿ ಔಟ್ ಮಾಡಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2qJMBDJ
