ಶ್ರೀಕಾಂತ್ ಹುಣಸವಾಡಿ ಬೆಂಗಳೂರು: 1998ನೇ ಸಾಲಿನ ಅಕ್ರಮ ನೇಮಕ ಸಂಬಂಧ ಹೈಕೋರ್ಟ್ನ ವಿಭಾಗೀಯ ಪೀಠ 2016ರಲ್ಲಿನೀಡಿರುವ ತೀರ್ಪಿನ 2 ಮತ್ತು 3ನೇ ಅಂಶವನ್ನು ಯಥಾವತ್ತಾಗಿ ಪಾಲಿಸಲು ರಾಜ್ಯ ಸರಕಾರ ನಿರ್ಧರಿಸಿರುವುದು ಸರಿಯಷ್ಟೇ. ಆದರೆ ಇದರಿಂದ ಮತ್ತಷ್ಟು ಗೊಂದಲ ಹೆಚ್ಚಾಗಿ, ಹೊಸ ಬಿಕ್ಕಟ್ಟು ಎದುರಾಗುವ ಸಾಧ್ಯತೆಯಿದೆ. ಏಕೆಂದರೆ, ಸರಕಾರ ತೀರ್ಪಿನ ಮೊದಲನೇ ಅಂಶ ಜಾರಿಗೊಳಿಸುವ ಬಗ್ಗೆ ಯಾವುದೇ ನಿರ್ಧಾರ ಕೈಗೊಂಡಿಲ್ಲ. ಒಂದನೇ ನಿರ್ದೇಶನಧಿದಲ್ಲಿಹೈಕೋರ್ಟ್, 'ಮೂರೂ ಸಾಲಿನ ಕೆಎಎಸ್ ಅಧಿಕಾರಿಗಳ ನೇಮಕದಲ್ಲಿಅಕ್ರಮ ನಡೆದಿಧಿರುವುದು ನಿಜ. ಆದರೂ ಆ ನೇಮಕಗಳನ್ನು ಪೂರ್ಣವಾಗಿ ರದ್ದುಗೊಳಿಸಲಾಗದು. ಮೂರು ಬ್ಯಾಚ್ಗಳಲ್ಲಿನಿಯಮ ಉಲ್ಲಂಘಿಸಿ ನೇಮಕಧಿಗೊಂಡವರನ್ನು ಸೇವೆಯಿಂದ ಮುಕ್ತಿಧಿಗೊಳಿಸಿ, ಆ ಜಾಗದಲ್ಲಿಪ್ರತಿಭಾವಂತರಿಗೆ ಆವಕಾಶ ನೀಡಿ' ಎಂದು ಆದೇಶಿಸಿತ್ತು. ಆ ನಿರ್ದೇಶನವನ್ನು ಜಾರಿಗೊಳಿಸಿದರೆ 1998ನೇ ಸಾಲಿನ ಮತ್ತಷ್ಟು ಕೆಎಎಸ್ ಅಧಿಕಾರಿಗಳು ಸೇವೆಯಿಂದ ಹೊರಗೆ ಹೋಗಬೇಕಾಗುತ್ತದೆ. ಜತೆಗೆ 1999 ಹಾಗೂ 2004ನೇ ಸಾಲಿನಲ್ಲಿನೇಮಕಗೊಂಡ ಹಲವು ಕಳಂಕಿತ ಅಧಿಕಾರಿಗಳ ಹುದ್ದೆಗಳಿಗೂ ಕುತ್ತು ಬರಲಿದೆ. ಅಷ್ಟೇ ಅಲ್ಲ, ಕಳೆದ ಆಗಸ್ಟ್ ನಲ್ಲಿಪ್ರಕಟಿಸಿದ ಪರಿಷ್ಕೃತ ಆಯ್ಕೆ ಪಟ್ಟಿಯೂ ಮರು ಪರಿಷ್ಕರಣೆಯಾಗಲಿದೆ. ಈಗಾಗಲೇ ಹಲವರು ಹೈಕೋರ್ಟ್ನಲ್ಲಿ'ಪೀಸ್ ಮೀಲ್' ಆಗಿ ಕಂತಿನಲ್ಲಿತೀರ್ಪು ಜಾರಿ ಮಾಡುವ ಬದಲು ಪೂರ್ಣ ತೀರ್ಪು ಜಾರಿಗೆ ನಿರ್ದೇಶನ ನೀಡಬೇಕೆಂದು ಕೋರಿ ಸಲ್ಲಿಸಿರುವ ನ್ಯಾಯಾಂಗ ನಿಂದನೆ ಅರ್ಜಿಗಳೂ ವಿಭಾಗೀಯ ಪೀಠದ ಮುಂದಿವೆ. ಆ ಅರ್ಜಿಗಳಲ್ಲೂಸರಕಾರ, ತೀರ್ಪು ಸಂಪೂರ್ಣ ಜಾರಿಗೆ ಬದ್ಧವಾಗಿದೆ. ಅದಕ್ಕಾಗಿ ನಿಯಮಗಳನ್ನು ರೂಪಿಸಲಾಗುತ್ತಿದ್ದು, ಕಾಲಾವಕಾಶ ನೀಡಧಿಬೇಕೆಂದು ಸ್ವತಃ ಅಡ್ವೊಕೇಟ್ ಜನರಲ್ ಪ್ರಭುಲಿಂಗ ನಾವದಗಿ ಮನವಿ ಮಾಡಿದ್ದರು. ಅದನ್ನು ದಾಖಲಿಸಿಕೊಂಡಿದ್ದ ನ್ಯಾಯಪೀಠ, 4 ವಾರ ಕಾಲಾವಕಾಶ ನೀಡಿದೆ. ಪೂರ್ಣ ತೀರ್ಪು ಜಾರಿ ಅನಿವಾರ್ಯ: ಹಿಂದಿನ ಸರಕಾರಗಳು, ತೀರ್ಪು ಜಾರಿಗೆ ಇಲ್ಲಸಲ್ಲದ ಕಾರಣ ಹೇಳಿ ಕಾಲಹರಣ ಮಾಡುತ್ತಿದ್ದವು. ಇದೀಗ ಬಿಜೆಪಿ ಸರಕಾರಕ್ಕೆ ನ್ಯಾಯಾಂಗ ನಿಂದನೆ ತೂಗುಕತ್ತಿಯಿಂದ ತಪ್ಪಿಸಿಕೊಳ್ಳಲು ಸಂಪೂರ್ಣ ತೀರ್ಪು ಜಾರಿಗೊಳಿಸದೆ ವಿಧಿಯಿಲ್ಲ. ಒಟ್ಟಾರೆ ಸರಕಾರ 2016ರ ತೀರ್ಪಿನ ಏಳೂ ಅಂಶಗಳನ್ನು ಚಾಚೂ ತಪ್ಪದೆ ಪಾಲಿಸಲು ನಿರ್ಧರಿಸಿದರೆ ಮಾತ್ರ ಪ್ರಕರಣದಲ್ಲಿ ಅರ್ಹರಿಗೆ ನ್ಯಾಯ ದೊರಕಿದಂತಾಗುತ್ತದೆ ಎನ್ನುತ್ತಾರೆ ಕಾನೂನು ಹೋರಾಟದಲ್ಲಿ ನಿರತರಾಗಿರುವ ಅಭ್ಯರ್ಥಿಗಳು.
from India & World News in Kannada | VK Polls https://ift.tt/37zd6w4
