ವಾಷಿಂಗ್ಟನ್: ಪಾಕ್ ಆಕ್ರಮಿತ ಕಾಶ್ಮೀರವನ್ನು ಹಾದು ಹೋಗುವ ಚೀನಾದ 'ಒನ್ ಬೆಲ್ಟ್, ಒನ್ ರೋಡ್' ಯೋಜನೆ ಕುರಿತ ಭಾರತದ ವಿರೋಧಕ್ಕೆ ಬೆಂಬಲ ವ್ಯಕ್ತಪಡಿಸಿದೆ. ಈ ಯೋಜನೆಯಿಂದ ತನ್ನ ಸಾರ್ವಭೌಮತೆಗೆ ಧಕ್ಕೆ ಉಂಟಾಗುತ್ತದೆ ಎಂಬ ಭಾರತದ ವಿರೋಧ ಸಹಜವಾಗಿದ್ದು, ಅದಕ್ಕೆ ಅಮೆರಿಕದ ಬೆಂಬಲವಿದೆ ಎಂದು ದಕ್ಷಿಣ ಮತ್ತು ಕೇಂದ್ರ ಏಷ್ಯಾ ಇಲಾಖೆಯ ಪ್ರಧಾನ ಉಪ ಸಹಾಯಕ ಕಾರ್ಯದರ್ಶಿ ಅಲೈಸ್ ವೆಲ್ಸ್ ಹೇಳಿದ್ದಾರೆ. ಅಂತಾರಾಷ್ಟ್ರೀಯ ವೇದಿಕೆಗಳಲ್ಲಿಭಾರತದ ಹೋರಾಟಕ್ಕೆ ಅಮೆರಿಕ ಸಾಥ್ ನೀಡಲಿದೆ ಎಂದು ಅವರು ತಿಳಿಸಿದ್ದಾರೆ. ಚೀನಾ-ಯುರೋಪ್-ಅರಬ್ -ಆಫ್ರಿಕಾ ಖಂಡಗಳನ್ನು ಸುಲಭದಲ್ಲಿತಲುಪಲು ಸಾಧ್ಯವಾಗುವಂತೆ ಎಲ್ಲ ರಸ್ತೆಗಳು, ರೈಲು ಮಾರ್ಗ ಹಾಗೂ ಬಂದರುಗಳಿಗೆ ಸಂಪರ್ಕ ಕಲ್ಪಿಸುವ ಉದ್ದೇಶ 'ಒನ್ ಬೆಲ್ಟ… ಒನ್ ರೋಡ್' ಯೋಜನೆಯದ್ದಾಗಿದೆ. ಈ ಯೋಜನೆ ಭಾಗವಾಗಿ ಚೀನಾ-ಪಾಕಿಸ್ತಾನ ಆರ್ಥಿಕ ಕಾರಿಡಾರ್ (ಸಿಪಿಇಸಿ) ಪಾಕ್ ಆಕ್ರಮಿತ ಕಾಶ್ಮೀರದ ಮೂಲಕ ಹಾದುಹೋಗಲಿದ್ದುಇದಕ್ಕೆ ಭಾರತ ತೀವ್ರ ವಿರೋಧ ವ್ಯಕ್ತಪಡಿಸುತ್ತಲೇ ಬಂದಿದೆ. ಪಿಒಕೆ ತನಗೆ ಸೇರಿದ್ದರಿಂಧ ತನ್ನ ಸಾರ್ವಭೌಮತೆಗೆ ಧಕ್ಕೆ ಬರಲಿದೆ. ಅಲ್ಲದೇ ಈ ಯೋಜನೆ ರೂಪಿಸುವ ವೇಳೆ ತನ್ನ ಅನುಮತಿ ಪಡೆದಿಲ್ಲಎಂಬುದು ಭಾರತದ ತಕರಾರಾಗಿದೆ. ದಲೈಲಾಮಾ ಉತ್ತರಾಧಿಕಾರಿ ಆಯ್ಕೆ, ಚೀನಾಕ್ಕೆ ತಿರುಗೇಟು: ಟಿಬೆಟ್ ಧರ್ಮಗುರು ದಲೈಲಾಮಾ ಅವರ ಉತ್ತರಾಧಿಕಾರಿ ಆಯ್ಕೆ ವಿಚಾರದಲ್ಲಿತನಗೂ ಹಕ್ಕಿದೆ. ಈ ವಿಚಾರ ವಿಶ್ವಸಂಸ್ಥೆ ಸೇರಿ ಅಂತಾರಾಷ್ಟ್ರೀಯ ವೇದಿಕೆಗಳಲ್ಲಿನಿರ್ಧಾರವಾಗಲಿ ಎಂದು ಅಮೆರಿಕವು ಚೀನಾಕ್ಕೆ ತಿರುಗೇಟು ನೀಡಿದೆ. ಸ್ವಾಯತ್ತ ಪ್ರದೇಶವೆನಿಸಿ ದ್ದರೂ ಟಿಬೆಟ್ ಆಡಳಿತದ ಮೇಲೆ ಸಂಪೂರ್ಣ ಹಕ್ಕು ತನಗಿದೆ. ದಲೈಲಾಮಾ ಅವರ ಉತ್ತರಾಧಿಕಾರಿ ಆಯ್ಕೆ ತನಗೆ ಸೇರಿದ್ದು ಎಂದು ಚೀನಾ ಹೇಳುತ್ತಿದೆ. ''ದಲೈಲಾಮಾ ಅವರು ವಿಶ್ವದಾದ್ಯಂತ ಗೌರವ ಹೊಂದಿರುವ ಧರ್ಮಗುರು. ಅವರಿಗೆ ಜಗತ್ತಿನಾದ್ಯಂತ ಅನುಯಾಯಿಗಳಿದ್ದಾರೆ. ಅವರ ಉತ್ತರಾಧಿಕಾರಿ ಆಯ್ಕೆ ಅಂತಾರಾಷ್ಟ್ರೀಯ ವೇದಿಕೆಗಳಲ್ಲಿಚರ್ಚೆಯಾಗಬೇಕು,'' ಎಂದು ಲಾರ್ಜ್ ಫಾರ್ ಇಂಟರ್ನ್ಯಾಷನಲ್ ರಿಲಿಜಿಯಸ್ ಫ್ರೀಡಂ ಸಂಸ್ಥೆಯಲ್ಲಿಅಮೆರಿಕ ಪ್ರತಿನಿಧಿಯಾಗಿರುವ ಸ್ಯಾಮ್ಯುಯುಲ್ ಬ್ರೌನ್ಬ್ಯಾಕ್ ಹೇಳಿದ್ದಾರೆ. ''ದಲೈ ಲಾಮಾ ಅವರನ್ನು ಚೀನಾ ಹೇಗೆ ನಡೆಸಿಕೊಂಡಿದೆ ಎಂಬುದು ಇಡೀ ಜಗತ್ತಿಗೆ ಗೊತ್ತಿದೆ. ಅವರು ಟಿಬೆಟ್ ಧರ್ಮ ಗುರುವಷ್ಟೇ ಅಲ್ಲ, ಅವರೊಬ್ಬ ಮಹಾನ್ ಮಾನವತಾವಾದಿ. ಶಾಂತಿದೂತರಾಗಿ ವಿಶ್ವದಾದ್ಯಂತ ಗಮನ ಸೆಳೆದಿದ್ದಾರೆ. ಅವರ ಮಾರ್ಗದರ್ಶನಗಳು ಎಲ್ಲರಿಗೂ ಬೇಕಿದೆ. ಅವರ ಉತ್ತರಾಧಿಕಾರಿ ಆಯ್ಕೆ ಮೇಲೆ ಚೀನಾ ಹಕ್ಕು ಮಂಡಿಸುವಂತಿಲ್ಲ. ಇಡೀ ವಿಶ್ವ ಸಮುದಾಯ ಒಟ್ಟಾಗಿ ಅವರ ಉತ್ತರಾಧಿಕಾರಿಯನ್ನು ಆಯ್ಕೆ ಮಾಡುವ ಅಗತ್ಯವಿದೆ,'' ಎಂದು ಬ್ರೌನ್ ಬ್ಯಾಕ್ ಹೇಳಿದ್ದಾರೆ.
from India & World News in Kannada | VK Polls https://ift.tt/35psE3y
