ಸಿಡ್ನಿ: ಬಾಲ್ ಟ್ಯಾಂಪರಿಂಗ್ ನಿಷೇಧದಿಂದ ಹಿರಬಂದ ಬಳಿಕ ಆಸ್ಟ್ರೇಲಿಯಾದ ಆರಂಭಿಕ ಬ್ಯಾಟ್ಸ್ಮನ್ ತಮ್ಮ ಮೊತ್ತ ಮೊದಲ ಟೆಸ್ಟ್ ಶತಕ ಬಾರಿಸಿದ್ದಾರೆ. ಇದಕ್ಕೂ ಮುನ್ನ ಆಸ್ಟ್ರೇಲಿಯಾದಲ್ಲಿ ನಡೆದ ಆ್ಯಷಸ್ ಟೆಸ್ಟ್ ಸರಣಿಯಲ್ಲಿ ಹೀನಾಯ ಪ್ರದರ್ಶನ ನೀಡಿದ್ದ ವಾರ್ನರ್, ಆಡಿದ 10 ಇನಿಂಗ್ಸ್ಗಳಿಂದ ಕೇವಲ 95 ರನ್ ಮಾತ್ರವೇ ಗಳಿಸಿದ್ದರು. ಆದರೀಗ ತವರು ನೆಲದಲ್ಲಿ ಲಯ ಕಂಡುಕೊಂಡಿರುವ 33 ವರ್ಷದ ಅನುಭವಿ ಆರಂಭಿಕ ಬ್ಯಾಟ್ಸ್ಮನ್, ಗಬ್ಬಾದಲ್ಲಿ ನಡೆಯುತ್ತಿರುವ ವಿರುದ್ಧದ 2ನೇ ಟೆಸ್ಟ್ ಪಂದ್ಯದಲ್ಲಿ ಎರಡನೇ ದಿನದಾಟದ ಅಂತ್ಯಕ್ಕೆ ಅಜೇಯ 151 ರನ್ಗಳನ್ನು ಬಾರಿಸುವ ಮೂಲಕ ಆತಿಥೇಯ ತಂಡಕ್ಕೆ ಮೊದಲ ಇನಿಂಗ್ಸ್ನಲ್ಲಿ 72 ರನ್ಗಳ ಮುನ್ನಡೆ ಒದಗಿಸಿದ್ದಾರೆ. ಮೊದಲ ಇನಿಂಗ್ಸ್ನಲ್ಲಿ ಪಾಕಿಸ್ತಾನ 240ಕ್ಕೆ ಆಲ್ಔಟ್ ಆಗಿದ್ದು, 1 ವಿಕೆಟ್ ನಷ್ಟದಲ್ಲಿ 312 ರನ್ಗಳನ್ನು ಗಳಿಸಿದೆ. ಆಸ್ಟ್ರೇಲಿಯಾ ಪರ ಆರಂಭಿಕ ಬ್ಯಾಟ್ಸ್ಮನ್ ಜೋ ಬರ್ನ್ಸ್ 97 ರನ್ ಗಳಿಸುವ ಮೂಲಕ ಔಟಾಗಿ ಶತಕ ವಂಚಿತರಾದರೆ, ಯುವ ಬ್ಯಾಟ್ಸ್ಮನ್ ಮಾರ್ನಸ್ ಲಾಬುಷ್ಚಾಗ್ನೆ ಅಜೇಯ 55 ರನ್ಗಳೊಂದಿಗೆ ವಾರ್ನರ್ ಜೊತೆಗೆ ಕ್ರೀಸ್ ಕಾಯ್ದುಕೊಂಡಿದ್ದಾರೆ. ಇದಕ್ಕೂ ಮುನ್ನ ಪಾಕ್ ತಂಡದ ಸ್ಕೂಲ್ ಬಾಯ್ ವೇಗಿ 16 ವರ್ಷದ ನಸೀಮ್ ಶಾ ಬೌಲಿಂಗ್ನಲ್ಲಿ ವಾರ್ನರ್ 56 ರನ್ ಗಳಿಸಿದ್ದಾಗ ಔಟ್ ಆದರಾದರೂ, 3ನೇ ಅಂಪೈರ್ ಪರಿಶೀಲಿಸಿದಾಗ ನಸೀಮ್ ಗೆರೆಯಾಚೆ ಕಾಲಿಟ್ಟು ನೋಬಾಲ್ ಎಸೆದಿದ್ದರು. ಇದರೊಂದಿಗೆ ಸಿಕ್ಕ ಜೀವದಾನದ ಸಂಪೂರ್ಣ ಲಾಭ ಪಡೆದ ವಾರ್ನರ್ ತಮ್ಮ ವೃತ್ತಿ ಜೀವನದ 22ನೇ ಶತಕ ಬಾರಿಸಿ ಸಂಭ್ರಮಿಸಿದರು. ಅವರ ಇನಿಂಗ್ಸ್ನಲ್ಲಿ 10 ಫೋರ್ಗಳು ಮೂಡಿಬಂದಿವೆ. ಗಮನ ಸೆಳೆದ ನಸೀಮ್ ಶಾ ಪಾಕಿಸ್ತಾನ ತಂಡದ ಪರ ಆಡಿದ ಅತ್ಯಂತ ಕಿರಿಯ ವಯಸ್ಸಿನ ಆಟಗಾರ ಎಂಬ ದಾಖಲೆ ಬರೆದ 16 ವರ್ಷದ ಯುವ ವೇಗದ ಬೌಲರ್ ನಸೀಮ್ ಶಾ, ತಮ್ಮ ಮೇಲಿನ ನಿರೀಕ್ಷೆಗೆ ತಕ್ಕಂತೆ ಭರ್ಜರಿ ವೇಗದ ಬೌಲಿಂಗ್ ದಾಳಿ ಸಂಘಟಿಸಿದರು. ಆದರೆ, ದುರದೃಷ್ಟವಶಾತ್ ನೋಬಾಲ್ ಕಾರಣ ಚೊಚ್ಚಲ ಟೆಸ್ಟ್ ವಿಕೆಟ್ನಿಂದ ವಂಚಿತರಾದರು. ದಿನದಾಟದಲ್ಲಿ 16 ಓವರ್ ಎಸೆದು ವಿಕೆಟ್ ಪಡೆಯಲಾಗದೆ 65 ರನ್ಗಳನ್ನು ಬಿಟ್ಟುಕೊಟ್ಟರು. ಅವರನ್ನು ಅನುಭವಿ ವೇಗಿ ಮೊಹಮ್ಮದ್ ಅಬ್ಬಾಸ್ ಅವರ ಸ್ಥಾನದಲ್ಲಿ ಆಡುವ 11ರ ಬಳಗಕ್ಕೆ ಸೇರ್ಪಡೆ ಮಾಡಲಾಗಿತ್ತು. ಸಂಕ್ಷಿಪ್ತ ಸ್ಕೋರ್ ಪಾಕಿಸ್ತಾನ: 86.2 ಓವರ್ಗಳಲ್ಲಿ 240/10 (ಶಾ ಮಸೂದ್ 27, ಅಝರ್ ಅಲಿ 39, ಅಸದ್ ಶಫೀಕ್ 76; ಮಿಚೆಲ್ ಸ್ಟಾರ್ಕ್ 52ಕ್ಕೆ 4, ಜಾಶ್ ಹೇಝಲ್ವುಡ್ 46ಕ್ಕೆ 2, ಪ್ಯಾಟ್ ಕಮಿನ್ಸ್ 60ಕ್ಕೆ 3, ನೇಥನ್ ಲಯಾನ್ 40ಕ್ಕೆ 1). ಆಸ್ಟ್ರೇಲಿಯಾ: 87 ಓವರ್ಗಳಲ್ಲಿ 1 ವಿಕೆಟ್ಗೆ 312 (ಡೇವಿಡ್ ವಾರ್ನರ್ ಔಟಾಗದೆ 151, ಜೋ ಬರ್ನ್ಸ್ 97, ಮಾರ್ನಸ್ ಲಾಬುಷ್ಚಾಗ್ನೆ ಔಟಾಗದೆ 55, ಯಾಸಿರ್ ಶಾ 101ಕ್ಕೆ 1).
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/35rD9nb
