ಕೋಲ್ಕೊತಾ: ಭಾರತ ಐತಿಹಾಸಿಕ ಪಂದ್ಯ ಆಯೋಜನೆಗೆ ಸಜ್ಜಾಗಿದೆ. ಇತಿಹಾಸ ಪ್ರಸಿದ್ಧ ಕೋಲ್ಕೊತಾದ ಮೈದಾನದಲ್ಲಿ ನವೆಂಬರ್ 22ರಿಂದ 26ರ ವರೆಗೆ ಭಾರತ ಹಾಗೂ ಬಾಂಗ್ಲಾದೇಶ ನಡುವೆ ಹೊನಲು ಬೆಳಕಿನ ಟೆಸ್ಟ್ ಕ್ರಿಕೆಟ್ ಪಂದ್ಯವು ನಡೆಯಲಿದೆ. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ ಸೌರವ್ ಗಂಗೂಲಿ, ಗುಲಾಬಿ ಚೆಂಡಿನಾಟದ ಆಯೋಜನೆಯಲ್ಲಿ ಮಹತ್ವದ ಪಾತ್ರ ವಹಿಸಿದ್ದಾರೆ. ಪ್ರಸ್ತುತ ಡೇ-ನೈಟ್ ಟೆಸ್ಟ್ ಪಂದ್ಯದ ಬಗ್ಗೆ ಕೆಲವು ಕುತೂಹಲಕಾರಿ ಅಂಶಗಳನ್ನು ಇಲ್ಲಿ ಕೊಡಲಾಗಿದೆ. ಪಿಂಕ್ ಬಾಲ್: ಹೊನಲು ಬೆಳಕಿನ ಟೆಸ್ಟ್ ಪಂದ್ಯಕ್ಕೆ ಪ್ರಮುಖವಾಗಿ ಗುಲಾಬಿ ಚೆಂಡನ್ನು ಬಳಕೆ ಮಾಡಲಾಗುತ್ತದೆ. ಸಾಕಷ್ಟು ಪ್ರಯೋಗಗಳ ಬಳಿಕ ಹೊನಲು ಬೆಳಕಿನಲ್ಲಿ ಆಡಲು ಪಿಂಕ್ ಬಾಲ್ ಹೆಚ್ಚು ಸೂಕ್ತ ಎಂಬುದನ್ನು ಮನಗಾಣಲಾಗಿತ್ತು. ಮೊದಲ : ನಾಲ್ಕು ವರ್ಷಗಳ ಹಿಂದೆ ಆಸ್ಟ್ರೇಲಿಯಾ ತಂಡವು ಚೊಚ್ಚಲ ಪಿಂಕ್ ಬಾಲ್ ಟೆಸ್ಟ್ಗೆ ಆತಿಥ್ಯ ವಹಿಸಿತ್ತು. ಆಸ್ಟ್ರೇಲಿಯಾದ ಆಡಿಲೇಡ್ ಓವಲ್ ಮೈದಾನವು ಚೊಚ್ಚಲ ಡೇ ನೈಟ್ ಟೆಸ್ಟ್ ಪಂದ್ಯಕ್ಕೆ ಆತಿಥ್ಯ ವಹಿಸುವ ಮೂಲಕ ಇತಿಹಾಸದ ಪುಟ ಸೇರಿತ್ತು. 2015 ನವೆಂಬರ್ 27ರಿಂದ ಡಿಸೆಂಬರ್ 1ರ ವರೆಗೆ ನಡೆದ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಆಸ್ಟ್ರೇಲಿಯಾ ಮೂರು ವಿಕೆಟ್ ಅಂತರದ ರೋಚಕ ಗೆಲುವು ದಾಖಲಿಸಿತ್ತು. ಫಲಿತಾಂಶಗಳು: ಗುಲಾಬಿ ಚೆಂಡಿನಲ್ಲಿ ಇದುವರೆಗೆ ಒಟ್ಟು 11 ಟೆಸ್ಟ್ ಪಂದ್ಯಗಳನ್ನು ಆಡಲಾಗಿದೆ. ಈ ಪೈಕಿ ಎಲ್ಲ 11 ಪಂದ್ಯಗಳಲ್ಲಿ ಫಲಿತಾಂಶಗಳು ದಾಖಲಾಗಿರುವುದು ಗಮನಾರ್ಹವೆನಿಸುತ್ತದೆ. 1. ಆಸ್ಟ್ರೇಲಿಯಾ vs ನ್ಯೂಜಿಲೆಂಡ್: ಆಡಿಲೇಡ್ ಓವಲ್, ಆಸೀಸ್ಗೆ 3 ವಿಕೆಟ್ ಜಯ, ದಿನಾಂಕ: 2015 ನ.27ರಿಂದ ಡಿ. 1ರ ವರೆಗೆ 2. ಪಾಕಿಸ್ತಾನ vs ವೆಸ್ಟ್ಇಂಡೀಸ್: ದುಬೈ, ಪಾಕ್ಗೆ 56 ರನ್ ಜಯ, ದಿನಾಂಕ: 2016 ಅ. 13ರಿಂದ 17ರ ವರೆಗೆ 3. ಆಸ್ಟ್ರೇಲಿಯಾ vs ದ. ಆಫ್ರಿಕಾ: ಆಡಿಲೇಡ್, ಆಸೀಸ್ಗೆ 7 ವಿಕೆಟ್ ಜಯ, ದಿನಾಂಕ: 2016 ನ. 24ರಿಂದ 28ರ ವರೆಗೆ 4. ಆಸ್ಟ್ರೇಲಿಯಾ vs ಪಾಕಿಸ್ತಾನ: ಬ್ರಿಸ್ಬೇನ್, ಆಸೀಸ್ಗೆ 39 ರನ್ ಅಂತರದ ಜಯ, ದಿನಾಂಕ: 2016 ಡಿ. 15ರಿಂದ 19ರ ವರೆಗೆ 5. ಇಂಗ್ಲೆಂಡ್ vs ವೆಸ್ಟ್ಇಂಡೀಸ್: ಬರ್ಮಿಂಗ್ಹ್ಯಾಮ್, ಇಂಗ್ಲೆಂಡ್ಗೆ 209 ರನ್ ಅಂತರದ ಜಯ, ದಿನಾಂಕ: 2017 ಆ. 17ರಿಂದ 21ರ ವರೆಗೆ 6. ಪಾಕಿಸ್ತಾನ vs ಶ್ರೀಲಂಕಾ: ದುಬೈ, ಶ್ರೀಲಂಕಾಗೆ 68 ರನ್ ಅಂತರದ ಜಯ, ದಿನಾಂಕ: 2017 ಡಿ. 6ರಿಂದ 10ರ ವರೆಗೆ 7. ಆಸ್ಟ್ರೇಲಿಯಾ vs ಇಂಗ್ಲೆಂಡ್: ಆಡಿಲೇಡ್, ಆಸೀಸ್ಗೆ 120 ರನ್ ಅಂತರದ ಜಯ, ದಿನಾಂಕ: 2017 ಡಿ. 2ರಿಂದ 6ರ ವರೆಗೆ 8. ದ.ಆಫ್ರಿಕಾ vs ಜಿಂಬಾಬ್ವೆ: ಪೋರ್ಟ್ ಎಲಿಜಬೆತ್, ದ.ಆಫ್ರಿಕಾಗೆ ಇನ್ನಿಂಗ್ಸ್ 120 ರನ್ ಅಂತರದ ಜಯ, ದಿನಾಂಕ: 2017 ಡಿ. 26ರಿಂದ 29ರ ವರೆಗೆ 9. ನ್ಯೂಜಿಲೆಂಡ್ vs ಇಂಗ್ಲೆಂಡ್: ಆಕ್ಲೆಂಡ್, ನ್ಯೂಜಿಲೆಂಡ್ಗೆ ಇನ್ನಿಂಗ್ಸ್ ಹಾಗೂ 49 ರನ್ ಅಂತರದ ಜಯ, ದಿನಾಂಕ: 2018 ಮಾ. 22ರಿಂದ 26ರ ವರೆಗೆ 10. ವೆಸ್ಟ್ಇಂಡೀಸ್ vs ಶ್ರೀಲಂಕಾ: ಬ್ರಿಡ್ಜ್ಟೌನ್, ಶ್ರೀಲಂಕಾಗೆ 4 ವಿಕೆಟ್ ಅಂತರದ ಜಯ, ದಿನಾಂಕ: 2018 ಜೂ. 23ರಿಂದ 27ರ ವರೆಗೆ 11. ಆಸ್ಟ್ರೇಲಿಯಾ vs ಶ್ರೀಲಂಕಾ: ಬ್ರಿಸ್ಬೇನ್, ಆಸ್ಟ್ರೇಲಿಯಾಗೆ ಇನ್ನಿಂಗ್ಸ್ ಹಾಗೂ 40 ರನ್ ಅಂತರದ ಜಯ, ದಿನಾಂಕ: 2019 ಜ. 24ರಿಂದ 28ರ ವರೆಗೆ 12ನೇ ಪಂದ್ಯ: ಇದೀಗ ಭಾರತ ಹಾಗೂ ಬಾಂಗ್ಲಾದೇಶ ನಡುವೆ ಈಡನ್ ಗಾರ್ಡನ್ನಲ್ಲಿ ನಡೆಯಲಿರುವ ಪಂದ್ಯವು 12ನೇ ಪಿಂಕ್ ಬಾಲ್ ಕ್ರಿಕೆಟ್ ಎಂಬ ಹಿರಿಮೆಗೆ ಭಾಜನವಾಗಲಿದೆ. ಈಡನ್ ಗಾರ್ಡನ್: ಹಲವು ಪ್ರಥಮಗಳಿಗೆ ಸಾಕ್ಷಿಯಾಗಿರುವ ಭಾರತದ ಅತಿ ಪುರಾತನ ಹಾಗೂ ಐತಿಹಾಸಿಕ ಈಡನ್ ಗಾರ್ಡನ್ ಮೈದಾನದಲ್ಲಿ ಚೊಚ್ಚಲ ಪಿಂಕ್ ಬಾಲ್ ಟೆಸ್ಟ್ ಪಂದ್ಯವು ಆಯೋಜನೆಯಾಗಲಿದೆ. ಭಾರತ, ಬಾಂಗ್ಲಾದೇಶಕ್ಕೆ ಮೊದಲ ಡೇ ನೈಟ್ 'ಟೆಸ್ಟ್': ಇದುವರೆಗೆ ವಿಶ್ವದ ಎಂಟು ಪ್ರಮುಖ ತಂಡಗಳು ಹೊನಲು ಬೆಳಕಿನ ಟೆಸ್ಟ್ ಕ್ರಿಕೆಟ್ ಪಂದ್ಯವನ್ನು ಆಡಿವೆ. ಇದೀಗ ಇದೇ ಮೊದಲ ಬಾರಿಗೆ ಭಾರತ ಹಾಗೂ ಬಾಂಗ್ಲಾದೇಶ ತಂಡಗಳು ಡೇ ನೈಟ್ ಟೆಸ್ಟ್ ಪಂದ್ಯದಲ್ಲಿ ಭಾಗವಹಿಸುತ್ತಿದೆ. ಡೇ-ನೈಟ್ ಟೆಸ್ಟ್ ಪಂದ್ಯವನ್ನಾಡಿದ ರಾಷ್ಟ್ರಗಳು: ಆಸ್ಟ್ರೇಲಿಯಾ, ನ್ಯೂಜಿಲೆಂಡ್, ಪಾಕಿಸ್ತಾನ, ವೆಸ್ಟ್ಇಂಡೀಸ್, ದ.ಆಫ್ರಿಕಾ, ಇಂಗ್ಲೆಂಡ್, ಶ್ರೀಲಂಕಾ, ಜಿಂಬಾಬ್ವೆ ಎಸ್ಜಿ ಪಿಂಕ್ ಬಾಲ್: ಭಾರತ ಹಾಗೂ ಬಾಂಗ್ಲಾದೇಶ ನಡುವಣ ಹಗಲು ರಾತ್ರಿ ಟೆಸ್ಟ್ ಪಂದ್ಯಕ್ಕೆ ಎಸ್ಜಿ ಕಂಪನಿಯ ಗುಲಾಬಿ ಚೆಂಡುಗಳನ್ನು ಬಳಕೆ ಮಾಡಲಾಗುತ್ತದೆ. ಹಾಗೆಯೇ ಸಾಮಾನ್ಯವಾಗಿ ಹಗಲು ರಾತ್ರಿ ಟೆಸ್ಟ್ ಪಂದ್ಯಗಳು ವೇಗಿಗಳು ಹೆಚ್ಚಿನ ನೆರವನ್ನು ಪಡೆಯುತ್ತಾರೆ. ಆದರೆ ಮಂಜಿನ ಪ್ರಭಾವ ಜಾಸ್ತಿಯಿದ್ದರೆ ರಾತ್ರಿ ವೇಳೆಯಲ್ಲಿ ಬೌಲಿಂಗ್ ಮಾಡುವುದು ಸ್ಪಿನ್ನರ್ಗಳಿಗೆ ಕಠಿಣವೆನಿಸುತ್ತದೆ. ಇನ್ನು ಬ್ಯಾಟ್ಸ್ಮನ್ಗಳ ಪಾಲಿಗೂ ಸವಾಲಿನ ವಿಷಯವೆನಿಸಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2pwa2jj
