ಹೊಸದಿಲ್ಲಿ: (ಐಪಿಎಲ್) ಮೂಲಕ ಟಿ20 ಕ್ರಿಕೆಟ್ನಲ್ಲಿ ಹಲವು ಪ್ರಯೋಗಗಳನ್ನು ನಡೆಸಿ ಯಶಸ್ಸು ಕಂಡಿರುವ , ಇದೀಗ ಮತ್ತೊಂದು ಕ್ರಾಂತಿಕಾರಿ ಪ್ರಯೋಗಕ್ಕೆ ಮುಂದಾಗಿದೆ. ಕ್ರಿಕೆಟ್ನ ಭವಿಷ್ಯದ ಕುರಿತಾಗಿ ದೂರಾಲೋಚನೆ ಹೊಂದಿರುವ ಬಿಸಿಸಿಐ, ಮುಂದಿನ ವರ್ಷ ಅಂದರೆ ಟೂರ್ನಿಯಲ್ಲಿ '' ಎಂಬ ಹೊಸ ಪ್ರಯೋಗಜಕ್ಕೆ ಮುಂದಾಗಿದೆ. ಈ ನೂತನ ನಿಯಮಾನುಸಾರ ತಂಡವು ಪಂದ್ಯದ ಯಾವುದೇ ಹಂತದಲ್ಲಿ ವಿಕೆಟ್ ಪತನದ ಬಳಿಕ ಅಥವಾ ಓವರ್ ಆದ ಬಳಿಕ ಬದಲಿ ಆಟಗಾರನನ್ನು ಕಣಕ್ಕಿಳಿಸಬಹುದಾಗಿದೆ. ಈ ಕುರಿತಾಗಿ ಸುದ್ದಿ ಸಂಸ್ಥೆಯೊಟ್ಟಿಗೆ ಮಾತನಾಡಿರುವ ಬಿಸಿಸಿಐ ಅಧಿಕಾರಿಯೊಬ್ಬರು, ಈ ನೂತನ ನಿಯಮ ಜಾರಿಗೆ ಈಗಾಗಲೇ ಗ್ರೀನ್ ಸಿಗ್ನಲ್ ಸಿಕ್ಕಿದೆ. ಆದರೂ ಐಪಿಎಲ್ ಆಡಳಿತ ಮಂಡಳಿಯೊಂದಿಗೆ ಮಂಗಳವಾರ ಮುಂಬೈನಲ್ಲಿ ನಡೆಯುವ ಸಭೆಯಲ್ಲಿ ಚರ್ಚಿಸಲಾಗುವುದು ಎಂದಿದ್ದಾರೆ. "ಈ ನೂತನ ನಿಯಮದ ಬಳಕೆಯಲ್ಲಿ ತಂಡವೊಂದು ತನ್ನ ಆಡುವ 11 ಆಟಗಾರರ ಬಳಗವನ್ನು ಪ್ರಕಟಿಸುವುದಿಲ್ಲ. ಬದಲಿಗೆ 15 ಆಟಗಾರರನ್ನು ಹೆಸರಿಸಲಾಗುತ್ತದೆ. ಇದರಲ್ಲಿ ಒಬ್ಬ ಆಟಗಾರನನ್ನು ಪಂದ್ಯದ ಯಾವುದೇ ಹಂತದಲ್ಲಿ ಬದಲಿ ಆಟಗಾರನಾಗಿ ಬಳಕೆ ಮಾಡಿಕೊಳ್ಳಬಹುದಾಗಿದೆ. ಅಂದಹಾಗೆ ಐಪಿಎಲ್ನಲ್ಲಿ ಈ ನಿಯಮ ಬಳಕೆಗೆ ತರುವ ಮುನ್ನ, ಇನ್ನೇನು ಆರಂಭವಾಗಬೇಕಿರುವ ಸೈಯದ್ ಮುಷ್ತಾಕ್ ಅಲಿ ಟಿ20 ಕ್ರಿಕೆಟ್ ಟೂರ್ನಿಯಲ್ಲಿ ಇದರ ಪ್ರಯೋಗ ನಡೆಸಿದರೆ ಉತ್ತಮ," ಎಂದು ಹೇಳಿದ್ದಾರೆ. ಈ ಹೊಸ ಪ್ರಯೋಗದಿಂದ ಆಟದಲ್ಲಿ ಆಗಬಹುದಾದ ಬದಲಾವಣೆ ಏನು ಎಂಬುದರ ಬಗ್ಗೆ ಮಾತನಾಡಿ, "ಈ ರೀತಿಯ ಪವರ್ ಪ್ಲೇಯರ್ ಬಳಕೆಯಿಂದ ಪಂದ್ಯದ ದಿಕ್ಕೇ ಬದಲಾಗುತ್ತದೆ. ಈ ಸಂದರ್ಭದಲ್ಲಿ ಆಟಗಾರರು ಕೂಡ ವಿಭಿನ್ನವಾಗಿ ಆಲೋಚಿಸುವಂತೆ ಮಾಡುತ್ತದೆ. ಪ್ರೇಕ್ಷಕರನ್ನು ಹಿಡಿದಿಡಲು ಇದು ನೆರವಾಗುತ್ತದೆ," ಎಂದಿದ್ದಾರೆ. "ಉದಾಹರಣೆಗೆ ತಂಡಕ್ಕೆ ಕೊನೆಯ 6 ಎಸೆತಗಳಲ್ಲಿ 20 ರನ್ಗಳ ಅಗತ್ಯವಿದೆ. ಆಂಡ್ರೆ ರಸೆಲ್ ಪ್ಲೇಯಿಂಗ್ 11ನಲ್ಲಿ ಇಲ್ಲದೇ ಇರುವ ಕಾರಣಕ್ಕೆ ಡಗ್ಔಟ್ನಲ್ಲಿ ಕುಳಿತಿರುತ್ತಾರೆ. ಒಂದು ವೇಳೆ ಆಕ್ಷಣದಲ್ಲಿ ಅವರಿಗೆ ಆಡುವ ಅವಕಾಶ ಲಭ್ಯವಾದರೆ ಫೋರ್ ಸಿಕ್ಸರ್ಗಳ ಸುರಿಮಳೆಯಾಗುವುದು ಖಂಡಿತ. ಅಂತೆಯೇ ಕೊನೆಯ ಓವರ್ನಲ್ಲಿ 6 ರನ್ಗಳನ್ನು ರಕ್ಷಿಸಬೇಕಿರುತ್ತದೆ. ಈ ಸಂದರ್ಭದಲ್ಲಿ ಪ್ಲೇಯಿಂಗ್ 11ನಲ್ಲಿ ಇಲ್ಲದ ಜಸ್ಪ್ರೀತ್ ಬುಮ್ರಾ ಅವರಿಗೆ ಅವಕಾಶ ಸಿಕ್ಕರೆ ಪಂದ್ಯದ ದಿಕ್ಕನ್ನೇ ಬದಲಾಯಿಸಬಲ್ಲರು. ಒಟ್ಟಾರೆ ಇದೊಂದು ಅತ್ಯಂತ ಪ್ರಭಾವಶಾಲಿ ಪ್ರಯೋಗವಾಗಲಿದೆ," ಎಂದು ವಿವರಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2NCONnN
