ಬೆಂಗಳೂರು: ಪ್ರೀಮಿಯರ್ ಲೀಗ್ (ಕೆಪಿಎಲ್) ಬಳಿಕವೀಗ ವಿಜಯ್ ಹಜಾರೆ ಟ್ರೋಫಿಯಲ್ಲೂ ಯುವ ಎಡಗೈ ಆರಂಭಿಕ ಬ್ಯಾಟ್ಸ್ಮನ್ ಮಿಂಚಿನ ಬ್ಯಾಟಿಂಗ್ ಪ್ರದರ್ಶಿಸಿದ್ದಾರೆ. ಕರ್ನಾಟಕ 2018-19ನೇ ಸಾಲಿನ ಗೆಲ್ಲುವಲ್ಲಿ ಪಡಿಕ್ಕಲ್ ನಿರ್ಣಾಯಕ ಪಾತ್ರ ವಹಿಸಿದರು. ಆಡಿರುವ 11 ಪಂದ್ಯಗಳಲ್ಲೇ ಎರಡು ಶತಕ ಹಾಗೂ ಐದು ಅರ್ಧಶತಕಗಳು ಸೇರಿದಂತೆ 67.66ರ ಸರಾಸರಿಯಲ್ಲಿ 609 ರನ್ ಕಲೆ ಹಾಕಿದ್ದಾರೆ. ಈ ಮೂಲಕ ಪ್ರಸಕ್ತ ಸಾಲಿನ ವಿಜಯ್ ಹಜಾರೆ ಟ್ರೋಫಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್ಮನ್ ಎಂಬ ಹಿರಿಮೆಗೆ ಪಾತ್ರವಾಗಿದ್ದಾರೆ. ಇದಕ್ಕೂ ಮೊದಲು ನಡೆದ ಕರ್ನಾಟಕ ಪ್ರೀಮಿಯರ್ ಲೀಗ್ನಲ್ಲೂ ಬಳ್ಳಾರಿ ಟಸ್ಕರ್ಸ್ ತಂಡವನ್ನು ಪ್ರತಿನಿಧಿಸಿರುವ ದೇವದತ್ ಪಡಿಕ್ಕಲ್, ಟೂರ್ನಿಯಲ್ಲೇ ಗರಿಷ್ಠ 310 ರನ್ ಪೇರಿಸಿದ್ದರು. ಹಾಗಿದ್ದರೂ ಹುಬ್ಬಳ್ಳಿ ಟೈಗರ್ಸ್ ವಿರುದ್ಧ ಸೋತು ರನ್ನರ್ ಅಪ್ ಪ್ರಶಸ್ತಿಗೆ ಭಾಜನವಾಗಿತ್ತು. ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಅಂಗವಾಗಿರುವ ದೇವದತ್ ಪಡಿಕ್ಕಲ್ ಇದೀಗ ಉಜ್ವಲ ಭವಿಷ್ಯವನ್ನು ಸಾರಿದ್ದಾರೆ. ಸಹಜ ಆಕ್ರಮಣಕಾರಿ ಬ್ಯಾಟಿಂಗ್ ಶೈಲಿಯನ್ನು ಹೊಂದಿರುವ ಪಡಿಕ್ಕಲ್ ಇದೀಗ ಮುಂಬರುವ ಐಪಿಎಲ್ನಲ್ಲೂ ಗಮನಾರ್ಹ ಪ್ರದರ್ಶನ ನೀಡುವ ಇರಾದೆಯಲ್ಲಿದ್ದಾರೆ. ಅಲ್ಲದೆ ಮುಂದಿನ ಯುವರಾಜ್ ಸಿಂಗ್ ಎಂಬ ಭರವಸೆ ಮೂಡಿಸಿದ್ದಾರೆ. ಕರ್ನಾಟಕ ಮನೀಶ್ ಪಾಂಡೆ ಕೂಡಾ ಪಡಿಕ್ಕಲ್ ಸಾಧನೆಯನ್ನು ಮೆಚ್ಚಿದ್ದು, ಯುವ ಆಟಗಾರ ಹೆಚ್ಚು ರನ್ ಗಳಿಸಿದಾಗ ನಾಯಕನಾಗಿ ಉತ್ತಮ ಭಾವನೆ ಉಂಟಾಗುತ್ತಿದೆ ಎಂದರು. ಹೈದರಾಬಾದ್ ವಿರುದ್ಧ ಪಡಿಕ್ಕಲ್ ಮೊದಲು ಫಿಫ್ಟಿ ಸಾಧನೆ ಮಾಡಿದ್ದರು. ಆದರೆ ತಂಡವು ಸೋಲಿಗೆ ಶರಣಾಗಿತ್ತು. ಇಲ್ಲಿಂದ ಬಳಿಕ ಪಡಿಕ್ಕಲ್ ಮನೋಸ್ಥಿತಿಯೇ ಬದಲಾಯಿತು. ಮುಂಬಯಿ ವಿರುದ್ದ 79 ಹಾಗೂ ಸೌರಾಷ್ಟ್ರ ಮತ್ತು ಗೋವಾ ವಿರುದ್ಧ ಬೆನ್ನು ಬೆನ್ನಿಗೆ ಶತಕಗಳ ಸಾಧನೆ ಮಾಡಿದರು. ನಾಯಕ ಮನೀಶ್ ಪಾಂಡೆ ಇದನ್ನೇ ಉಲ್ಲೇಖಿಸಿದ್ದಾರೆ. ಹೈದರಾಬಾದ್ ಪಂದ್ಯದ ಬಳಿಕ ಮನೋಸ್ಥಿತಿ ಬದಲಾಯಿತು. ಇದು ಪಡಿಕ್ಕಲ್ ಪಾಲಿಗೆ ಮಹತ್ವದ ಪಾಠವನ್ನು ಕಲಿಸಿಕೊಟ್ಟಿದೆ. ಅಂತಿಮದ ವರೆಗೂ ಬ್ಯಾಟಿಂಗ್ ಮಾಡುವ ಮಹತ್ವವನ್ನು ಅರಿತುಕೊಂಡರು. ನಮ್ಮ ತಂಡದ ಪಾಲಿಗೆ ಪಡಿಕ್ಕಲ್ ದೊಡ್ಡ ಆಸ್ತಿಯಾಗಿದ್ದಾರೆ. ನಿಜಕ್ಕೂ ಯುವ ಆಟಗಾರನ ಪ್ರದರ್ಶನದ ಬಗ್ಗೆ ಸಂತಸವಿದೆ ಎಂದರು. ಇದೇ ಸಂದರ್ಭದಲ್ಲಿ ಕೆಎಲ್ ರಾಹುಲ್, ಅಭಿಮನ್ಯು ಮಿಥುನ್ ಸೇರಿದಂತೆ ತಂಡದೆಲ್ಲ ಆಟಗಾರರ ಪ್ರದರ್ಶನವನ್ನು ರಾಹುಲ್ ಕೊಂಡಾಡಿದರು. ವೈಯಕ್ತಿಕವಾಗಿಯೂ ತಮಗೂ ಉತ್ತಮ ಟೂರ್ನಿಯಾಗಿತ್ತು ಎಂದು ಉಲ್ಲೇಖಿಸಿದರು. ವಿಜಯ್ ಹಜಾರೆ ಟ್ರೋಫಿಯಲ್ಲಿ ಗರಿಷ್ಠ ರನ್ ಸಾಧಕರು (2019/20): 1. ದೇವದತ್ ಪಡಿಕ್ಕಲ್ (ಕರ್ನಾಟಕ): ಪಂದ್ಯ 11, ರನ್: 609, ಸರಾಸರಿ: 67.66, ಶತಕ: 2, ಫಿಫ್ಟಿ: 5 2. ಅಭಿನವ್ ಮುಕುಂದ್ (ತಮಿಳುನಾಡು): ಪಂದ್ಯ 12, ರನ್: 600, ಸರಾಸರಿ:50.00, ಶತಕ: 1,ಫಿಫ್ಟಿ: 4 3. ಕೆಎಲ್ ರಾಹುಲ್ (ಕರ್ನಾಟಕ): ಪಂದ್ಯ 11, ರನ್: 598, ಸರಾಸರಿ: 66.44, ಶತಕ: 1, ಫಿಫ್ಟಿ: 5 4. ಬಾಬಾ ಅಪರಾಜಿತ್ (ತಮಿಳುನಾಡು): ಪಂದ್ಯ 12, ರನ್: 598, ಸರಾಸರಿ: 66.44, ಶತಕ: 1, ಫಿಫ್ಟಿ: 6 5. ವೈಬಿಕೆ ಜೈಸ್ವಾಲ್ (ಮುಂಬಯಿ): ಪಂದ್ಯ 6, ರನ್: 564, ಸರಾಸರಿ: 112.80, ಶತಕ: 3, ಫಿಫ್ಟಿ: 1 6. ಮನೀಶ್ ಪಾಂಡೆ (ಕರ್ನಾಟಕ): ಪಂದ್ಯ 11, ರನ್: 525, ಸರಾಸರಿ: 108.02, ಶತಕ: 1, ಫಿಫ್ಟಿ: 5
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/31O3KJ1
