ಬೆಂಗಳೂರು: ಕ್ರಿಕೆಟ್‌ಗೆ ಇದೀಗ ಮ್ಯಾಚ್ ಫಿಕ್ಸಿಂಗ್‌ ಮತ್ತು ಬೆಟ್ಟಿಂಗ್‌ನ ಕಳಂಕ ಮೆತ್ತಿಕೊಂಡಿದದೆ. ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಮೋಸದಾಟಕ್ಕೆ ಬ್ರೇಕ್‌ ಹಾಕಲು ಭ್ರಷ್ಟಾಚಾರ ತಡೆ ಘಟಕ ಸ್ಥಾಪಿಸಿ ಹೋರಾಟ ನಡೆಸುತ್ತಿದ್ದು, ಕ್ರಿಕೆಟ್ ಆಟಗಾರರು, ಅಂಪೈರ್‌ಗಳು ಪಂದ್ಯದ ಅಧಿಕಾರಿಗಳು ಮತ್ತು ಕ್ರೀಡಾಂಗಣದ ಸಿಬ್ಬಂದಿ ಎಲ್ಲರಿಗೂ ಮೋಸದಾಟದ ಜಾಲ ಹೆಣೆಯುವವರ ಬಗ್ಗೆ ಜಾಗೃತ್ತಿ ಮೂಡಿಸುತ್ತಾ ಹಾಗೂ ಶಿಕ್ಷಣ ನೀಡುತ್ತಾ ಬಂದಿದೆ. ಐಸಿಸಿ ಇಷ್ಟೆಲ್ಲಾ ಕಟ್ಟು ನಿಟ್ಟಿನಲ್ಲಿ ಕ್ರಿಕೆಟ್ ಆಯೋಜಿಸುತ್ತಿದ್ದರೂ ಆಗಾಗ ಮೋಸದಾಟ ನಡೆದಿರುವುದು ಬೆಳಕಿಗೆ ಬರುತ್ತಲೇ ಇದೆ. ಐಸಿಸಿ ಚಾಪೆ ಕೆಳಗೆ ತೂರಿದರೆ, ಮೋಸಗಾರರು ರಂಗೋಲಿ ಕೆಳಗೆ ತೂರುವ ಪ್ರಯತ್ನ ಮಾಡಿ ಸಿಕ್ಕಿ ಬೀಳುತ್ತಿದ್ದಾರೆ. ಇದಕ್ಕೆ ಇತ್ತೀಚಿನ ಉದಾಹರಣೆ ಮತ್ತು ತಮಿಳು ನಾಡು ಪ್ರೀಮಿಯರ್‌ ಲೀಗ್‌ ಟೂರ್ನಿಗಳಲ್ಲಿ ಮ್ಯಾಚ್ ಫಿಕ್ಸಿಂಗ್‌ ಬೆಳಕಿಗೆ ಬಂದಿರುವುದು. ಕ್ರಿಕೆಟ್ ಆಟದಲ್ಲಿ ಹೆಸರು ಮಾಡಿದರೆ ಆಟಗಾರರಿಗೆ ಹಣಕ್ಕೇನೂ ಕೊರತೆಯಾಗುವುದಿಲ್ಲ. ಆದರೆ, ಎಷ್ಟೇ ಪ್ರತಿಭೆ ಇದ್ದರೂ ಎಲೆ ಮರೆ ಕಾಯಿಯಾಗಿ ಉಳಿದು ಅವಕಾಶ ವಂಚಿತರಾಗುವ ಆಟಗಾರರು ಈ ರೀತಿಯ ಟಿ20 ಲೀಗ್‌ಗಳಲ್ಲಿ ಆಡುವ ಸಂದರ್ಭಗಳಲ್ಲಿ ಮೋಸಗಾರ ಜಾಲ ಒಡ್ಡುವ ಆಮೀಶಗಳಿಗೆ ಒಳಗಾಗಿ ಕಳ್ಳಾಟದಲ್ಲಿ ಪಾಲ್ಗೊಂಡುಬಿಡುತ್ತಾರೆ. ಫಿಕ್ಸಿಂಗ್‌ ಜಾಡು ಹಿಡಿದ ಬೆಂಗಳೂರು ಪೊಲೀಸರು ಕೆಪಿಎಲ್‌ ಮ್ಯಾಚ್ ಫಿಕ್ಸಿಂಗ್‌ನ ಜಾಡು ಹಿಡಿದು ಹೊರಟ ಬೆಂಗಳೂರು ಪೊಲೀಸರಿಗೆ 2018ರಲ್ಲಿ ನಡೆದಿರುವ ಫಿಕ್ಸಿಂಗ್‌ ಬಗ್ಗೆ ಮಾಹಿತಿ ಲಭ್ಯವಾಗಿದೆ. ಬೆಂಗಳೂರು ಬ್ಲಾಸ್ಟರ್ಸ್ ತಂಡದ ಮಾಜಿ ಬ್ಯಾಟ್ಸ್‌ಮನ್‌ ಎಂ. ವಿಶ್ವನಾಥ್‌ ಮ್ಯಾಚ್ ಫಿಕ್ಸಿಂಗ್‌ನಲ್ಲಿ ತೊಡಗಿಸಿಕೊಂಡು ಹುಬ್ಬಳ್ಳಿ ಟೈಗರ್ಸ್‌ ವಿರುದ್ಧ ಬೇಕೆಂದಲೇ ಮಂದಗತಿಯ ಬ್ಯಾಟಿಂಗ್‌ ನಡೆಸಿದ್ದರು ಎಂಬುದನ್ನು ಪೊಲೀಸರು ಪತ್ತೆ ಮಾಡಿದ್ದರು. ಮಂದಗತಿಯ ಬ್ಯಾಟಿಂಗ್‌ ನಡೆಸುವಂತೆ ಫಿಕ್ಸ್‌ ಮಾಡಿದ್ದರು ಎಂ. ವಿಶ್ವನಾಥ್‌ ಬೆಂಗಳೂರು ಬ್ಲಾಸ್ಟರ್ಸ್ ತಂಡದ ಪರ ಆರಂಭಿಕರಾಗಿ ಆಡುವ ಸ್ಫೋಟಕ ಬ್ಯಾಟ್ಸ್‌ಮನ್‌. ಸಾಮಾನ್ಯವಾಗಿ ಹೊಡಿ ಬಡಿಯ ಆಟವನ್ನೇ ಆಡುವ ವಿಶ್ವನಾಥ್‌, 2018ರ ಆಗಸ್ಟ್‌ 31ರಂದು ಮೈಸೂರಿನಲ್ಲಿ ನಡೆದ ಪಂದ್ಯದಲ್ಲಿ ಹುಬ್ಬಳ್ಳಿ ಟೈಗರ್ಸ್‌ ಎದುರು ನಿಧಾನವಾಗಿ ಬ್ಯಾಟ್‌ ಮಾಡಿದ್ದರು. ಗಳ ಆಮೀಶಕ್ಕೆ ಒಳಗಾಗಿದ್ದ ವಿಶ್ವನಾಥ್‌ ಮ್ಯಾಚ್ ಫಿಕ್ಸಿಂಗ್‌ನಲ್ಲಿ ಭಾಗಿಯಾಗಿದ್ದನ್ನು ಪೊಲೀಸರು ಬೆಳಕಿಗೆ ತಂದರು ಎಂದು ಇಂಡಿಯನ್‌ ಎಕ್ಸ್‌ಪ್ರೆಸ್ ವರದಿ ಮಾಡಿತ್ತು. ಬುಕೀಗಳ ನಿರ್ದೇಶನದಂತೆ ವಿಶ್ವನಾಥ್‌ 20 ಎಸೆತಗಳಲ್ಲಿ 10ಕ್ಕಿಂತಲೂ ಕಡಿಮೆ ರನ್‌ ಗಳಿಸಬೇಕಿತ್ತು. ಲಕ್ಷ ಲಕ್ಷ ರೂಪಾಯಿಯ ಆಮೀಶವೊಡ್ಡಿದ ಬುಕೀ ಪ್ರಕರಣ ಸಂಬಂಧ ವಿಶ್ವನಾಥ್‌ ಅವರನ್ನು ಪೊಲೀಸರು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ ಬಳಿಕ ಮ್ಯಾಚ್ ಫಿಕ್ಸಿಂಗ್‌ ಸಲುವಾಗಿ 5 ಲಕ್ಷ ರೂ. ಪಡೆದಿರುವುದು ಬಹಿರಂಗವಾಯಿತು. ಬುಕೀಗಳು ಹೇಳಿದಂತೆ ನಡೆದುಕೊಂಡ ವಿಶ್ವನಾಥ್‌ 17 ಎಸೆತಗಳಲ್ಲಿ 9 ರನ್‌ ಗಳಿಸಿದ್ದರು. ಆದರೆ ಬೆಂಗಳೂರು ತಂಡ 118 ರನ್‌ಗಳ ಸಲ್ಪ ಮೊತ್ತ ಬೆನ್ನತ್ತಿದ್ದ ಹಿನ್ನೆಲೆಯಲ್ಲಿ 6 ವಿಕೆಟ್‌ಗಳ ಸುಲಭ ಜಯ ದಾಖಲಿಸಿತ್ತು. ಅಂದಹಾಗೆ ಬುಕೀಗಳಿಗೆ ನೀಡುತ್ತಿದ್ದ ಸಿಗ್ನಲ್‌ಗಳು? ಈ ಹಿಂದಿನ ಎಲ್ಲಾ ಮ್ಯಾಚ್ ಫಿಕ್ಸಿಂಗ್‌ ಪ್ರಕರಣಗಳಲ್ಲಿ ಆಟಗಾರರು ವಿವಿಧ ಸನ್ಹೆಗಳ ಮೂಲಕ ಬುಕೀಗಳಿಗೆ ಸಿಗ್ನಲ್‌ ನೀಡುತ್ತಿದ್ದರು ಎಂಬುದು ತಿಳಿದೇ ಇದೆ. ಅಂತೆಯೇ ಕೆಪಿಎಲ್‌ನಲ್ಲೂ ಆಟಗಾರರು ಇದೇ ರೀತಿ ಸಿಗ್ನಲ್‌ಗಳನ್ನು ನೀಡಿದ್ದಾರೆ. ಇಂಗ್ಲೆಂಡ್‌ ವಿರುದ್ಧದ ಟೆಸ್ಟ್‌ನಲ್ಲಿ ಮೊಹಮ್ಮದ್‌ ಆಮಿರ್‌ ಮತ್ತು ಐಪಿಎಲ್‌ನಲ್ಲಿ ಶ್ರೀಶಾಂತ್‌ ಮಾಡಿದ್ದ ಸಿಗ್ನಲ್‌ಗಳನ್ನು ಇಲ್ಲಿ ನೆನೆಯ ಬಹುದು. ಅಂತೆಯೇ ವಿಶ್ವನಾಥ್‌ ಕೂಡ ಬುಕೀಗಳಿಗೆ ಸಿಗ್ನಲ್‌ ನೀಡಿದ್ದಾರೆ. ಬೆಂಗಳೂರು ಪೊಲೀಸರು ಹೇಳಿರುವ ಪ್ರಕಾರ ಬೆಂಗಳೂರು ಬ್ಲಾಸ್ಟರ್ಸ್ ತಂಡದ ಓಪನರ್‌ 8 ಎಸೆತಗಳನ್ನು ಎದುರಿಸಿದ ಬಳಿಕ ತಮ್ಮ ಬ್ಯಾಟ್‌ ಬದಲಾಯಿಸಿ ಮತ್ತು ಟಿ-ಶರ್ಟ್‌ನ ತೋಳನ್ನು ಮೇಲಕ್ಕೆ ಸರಿಸಿ ಬುಕೀಗಳಿಗೆ ಸಿಗ್ನಲ್‌ ನೀಡಿದ್ದಾರೆ. "ಬ್ಯಾಟ್‌ ಬದಲಾಯಿಸಿ ತೋಳನ್ನು ಮೇಲಕ್ಕೆ ಸರಿಸುವುದು ಬ್ಯಾಟ್ಸ್‌ಮನ್‌ ನೀಡಿದ ಸಿಗ್ನಲ್‌ಗಳಾಗಿವೆ. ಬುಕೀ ಮತ್ತು ಬ್ಯಾಟ್ಸ್‌ಮನ್‌ ಇಬ್ಬರಿಗೆ ಮಾತ್ರವೇ ಈ ಸಿಗ್ನಲ್‌ನ ಸುಳಿವಿರುತ್ತದೆ. ಪ್ರಕರಣದಲ್ಲಿ ಹಲವು ಬುಕೀಗಳ ಹೆಸರು ಹೊರಬಂದಿದ್ದು, ಈ ಬಗ್ಗೆ ವಿಚಾರಣೆ ನಡೆಸಲಾಗುತ್ತಿದೆ," ಎಂದು ಬೆಂಗಳೂರು ಪೊಲೀಸರು ಹೇಳಿಕೆ ನೀಡಿದ್ದಾರೆ. ಯುವ ಆಟಗಾರರಿಗೆ ತಮ್ಮ ಪ್ರತಿಭೆ ಅನಾವರಣ ಸಲುವಾಗಿ ಬಹುದೊಡ್ಡ ವೇದಿಕೆಯಾಗಿದ್ದ ಕೆಪಿಎಲ್‌ಗೆ ಮ್ಯಾಚ್ ಫಿಕ್ಸಿಂಗ್‌ ಕಳಂಕ ಮೆತ್ತಿಕೊಂಡಿದ್ದು, ಈ ಸಂಬಂಧ ಬೆಳಗಾವಿ ಪ್ಯಾಂಥರ್ಸ್‌ ತಂಡವನ್ನು ಅಮಾನತುಗೊಳಿಸಲಾಗಿದೆ. ಅಷ್ಟೇ ಅಲ್ಲದೆ ನಡೆಸಿದ್ದ ಬೆಳಗಾವಿ ಫ್ರಾಂಚೈಸಿ ಮಾಲೀಕ ಅಲಿ ಅಸ್ಫಾಕ್‌ ತಾರಾ ಮತ್ತು ಡ್ರಮ್‌ ವಾದಕ ಭವೇಶ್‌ ಬಾಫ್ನಾ ಮತ್ತು ಕೆಲ ಆಟಗಾರರನ್ನು ಬೆಂಗಳೂರು ಅಪರಾದ ವಿಭಾಗ ಪೊಲೀಸರು ಬಂಧಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2N1s0TB
