ಹೊಸದಿಲ್ಲಿ: ವಿಶ್ವ ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಂತ ಅಪಾಯಕಾರಿ ಆರಂಭಿಕ ಬ್ಯಾಟ್ಸ್‌ಮನ್ ಎಂಬ ಹಿರಿಮೆಗೆ ಭಾರತದ ಮಾಜಿ ಡ್ಯಾಶಿಂಗ್ ಓಪನರ್ ಪಾತ್ರವಾಗಿದ್ದಾರೆ. ಟೆಸ್ಟ್ ಆಗಿರಲಿ ಅಥವಾ ಏಕದಿನ! ಎದುರಾಳಿ ಬೌಲರ್‌ಗಳನ್ನು ಮೊದಲ ಎಸೆತದಿಂದಲೇ ನಿರ್ಭಿತಿಯಿಂದ ಬೌಂಡರಿ, ಸಿಕ್ಸರ್‌ಗಳ ಸುರಿಮಳೆಗೈಯುವ ವೀರು ಎದುರಾಳಿ ತಂಡದ ಪಾಲಿಗೆ ಅತ್ಯಂತ ಅಪಾಯಕಾರಿ ಬ್ಯಾಟ್ಸ್‌ಮನ್ ಎಂದೆನಿಸಿಕೊಂಡಿದ್ದರು. ಅಂದ ಹಾಗೆ ತಮ್ಮ ಕೆರಿಯರ್ ಆರಂಭದಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದ ವೀರು, ಆರಂಭಿಕನಾಗಿ ಬಡ್ತಿ ಪಡೆಯಲು ಕಾರಣ ಯಾರು ಗೊತ್ತೇ? ಸ್ವತ: ಸೆಹ್ವಾಗ್ ಅವರೇ ಈ ಬಗ್ಗೆ ವಿವರಿಸುತ್ತಾರೆ. ಅವರು ಬೇರೆ ಯಾರೂ ಅಲ್ಲ. ಬಂಗಾಳ ಹುಲಿ ಖ್ಯಾತಿಯ ಟೀಮ್ ಇಂಡಿಯಾ ಮಾಜಿ ನಾಯಕ . ಭಾರತದ ಮಾಜಿ ಕಪ್ತಾನ ಗಂಗೂಲಿ ತಮ್ಮ ಆರಂಭಿಕ ಸ್ಥಾನವನ್ನೇ ತ್ಯಾಗ ಮಾಡಿ ಸೆಹ್ವಾಗ್‌ಗೆ ನೀಡಿದ್ದರು. ಬಳಿಕ ನಡೆದಿದ್ದು ಇತಿಹಾಸವೇ ಸರಿ. "ನನಗೆ ಆರಂಭಿಕ ಸ್ಥಾನಕ್ಕೆ ಬಡ್ತಿ ನೀಡಲು ದಾದಾ ದೊಡ್ಡ ಪಾತ್ರ ವಹಿಸಿದರು. ನನ್ನಲ್ಲಿ ಇನ್ನಿಂಗ್ಸ್ ಆರಂಭಿಸಲು ಹೇಳಿದರು. ಆ ಸಂದರ್ಭದಲ್ಲಿ ನನ್ನ ಸರಳ ಪ್ರತಿಕ್ರಿಯೆ ಇದಾಗಿತ್ತು. ಏಕೆ ನೀವು ಓಪನಿಂಗ್ ಮಾಡಲ್ಲವೇ? ನೀವು ಓಪನಿಂಗ್ ಮಾಡುತ್ತೀರಿ, ಸಚಿನ್ ಕೂಡಾ ಓಪನಿಂಗ್ ಮಾಡುತ್ತಾರೆ?" ಎಂದರು. ಆರಂಭಿಕ ಸ್ಥಾನ ಖಾಲಿಯಾಗಿದೆ ಎಂದು ದಾದಾ ನನಗೆ ವಿವರಿಸಿದರು. ನಾನು ಅದನ್ನು ವಹಿಸಿದರೆ, ತಂಡದಲ್ಲಿ ನನ್ನ ಸ್ಥಾನ ಖಾತರಿಯಾಗುತ್ತದೆ. ನನ್ನ ಆಯ್ಕೆ ವಿರುದ್ದವಾದರೆ ಮತ್ತು ಮಧ್ಯಮ ಕ್ರಮಾಂಕಕ್ಕೆ ಅಂಟಿಕೊಳ್ಳಲು ಬಯಸಿದರೆ, ಯಾರಾದರೂ ಗಾಯಗೊಳ್ಳುವ ವರೆಗೂ ನಾನು ಕಾಯಬೇಕಿತ್ತು ಎಂದು ದಾದಾ ಮಾತುಗಳನ್ನು ಸೆಹ್ವಾಗ್ ವಿವರಿಸಿದರು. ಆದರೆ ಬಳಿಕ ದಾದಾ ನನಗೆ ನೀಡಿದ ಪ್ರಾಯೋಗಿಕ ಸಲಹೆಯಿಂದ ಮನವರಿಕೆಯಾಯಿತು. ದಾದಾ ಹೇಳಿದರು, "ನನಗೆ ಓಪನರ್ ಆಗಿ ಮೂರರಿಂದ ನಾಲ್ಕು ಇನ್ನಿಂಗ್ಸ್‌ಗಳನ್ನು ನೀಡಲಾಗುವುದು. ನಾನು ವಿಫಲವಾದರೂ ಅವಕಾಶ ಸಿಗಲಿದೆ. ನನ್ನನ್ನು ಕೈಬಿಡುವ ಮೊದಲು, ಮತ್ತೆ ಮಧ್ಯಮ ಕ್ರಮಾಂಕದಲ್ಲಿ ಆಡಲು ಅವಕಾಶ ನೀಡಲಾಗುವುದು" ಎಂಬ ಗಂಗೂಲಿಯ ಭರವಸೆಯ ಮಾತುಗಳನ್ನು ವೀರು ನೆನಪಿಸಿದರು. ಗಂಗೂಲಿ ನೀಡಿರುವ ಬೆಂಬಲದಿಂದಲೇ ಕ್ರಿಕೆಟಿಗನಾಗಿ ಹೆಚ್ಚು ಯಶಸ್ಸು ಗಳಿಸಲು ಹಾಗೂ ಡ್ಯಾಶಿಂಗ್ ಓಪನರ್ ಆಗಿ ಪರಿವರ್ತನೆಯಾಗಲು ಸಾಧ್ಯವಾಯಿತು ಎಂದು ವೀರು ತಿಳಿಸಿದರು. ಇದೇ ಗುಣಲಕ್ಷ್ಮಣವು ಅಧ್ಯಕ್ಷರಾಗಿಯೂ ಗಂಗೂಲಿಗೆ ಸರಿಯಾಗಿ ಹೊಂದಿಕೆಯಾಗಲಿದೆ ಎಂದು ಸೇರಿಸಿದರು. ಇದು ತುಂಬಾ ನ್ಯಾಯಯುತವಾದ ಬೆಂಬಲವಾಗಿತ್ತು. ಈ ಸ್ಪಷ್ಟತೆಯು ಆಟಗಾರನ್ನು ತನ್ನ ನಾಯಕನನ್ನು ನಂಬಿಕೆಗ್ರಸ್ತವಾಗಿ ಮಾಡುತ್ತದೆ. ಅದು ನನ್ನಲ್ಲಿ ಸಾಕಷ್ಟು ಆತ್ಮವಿಶ್ವಾಸವನ್ನು ತುಂಬಿತು. ನಾನು ಯೋಚಿಸಿದೆ, ದಾದಾ ನನಗೆ ತುಂಬಾ ಬೆಂಬಲ ನೀಡುತ್ತಿದ್ದು, ಆದ್ದರಿಂದ ಪ್ರಯತ್ನಿಸೋಣ. ನಾನಿಂದು ಏನೇ ಆಗಿದ್ದರೂ ಅವೆಲ್ಲಕ್ಕೂ ದಾದಾ ಕಾರಣ ಎಂದು ಗುಣಗಾನ ಮಾಡಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2WnJJrx
