ಗ್ರಾವಟಾ: ನಗರದ ಬೀದಿಗಳಲ್ಲಿ ನಡೆದು ಹೋಗುವಾಗ ಊಟ, ಸೂರಿಲ್ಲದೆ ಅಡ್ಡಾಡುತ್ತಿದ್ದ, ಮುದುಡಿ ಮಲಗಿರುತ್ತಿದ್ದ ಬೀದಿನಾಯಿಗಳನ್ನು ಕಂಡು ಅವರ ಕರುಳು ಚುರುಕ್ ಎನ್ನುತ್ತಿತ್ತು. ಮಾತೃ ಹೃದಯಿಯಾದ ಅವರು ಈ ಅನಾಥ ನಾಯಿಗಳಿಗಾಗಿ ಏನಾದರೂ ಮಾಡಲೇ ಬೇಕೆಂದು ಬಯಸಿದರು. ಸದಾಲೋಚನೆ ಸದಾ ಗೆಲುವನ್ನೇ ಕಾಣುತ್ತದೆ ಎನ್ನುತ್ತಾರೆ. ಇವರ ವಿಷಯದಲ್ಲೂ ಅದು ಸತ್ಯವಾಯಿತು. ಹೌದು, ಈಗ, ಗ್ರಾವಟಾದ ಚರ್ಚ್ ಒಂದರ ಫಾದರ್ ಜೊನೊ ಪಾಲೊ ಅರೌಜೋ ಗೋಮ್ಸ್ ಆಶ್ರಯವಿಲ್ಲದೆ ಬೀದಿಯಲ್ಲಿ ಬದುಕುತ್ತಿದ್ದ ನಾಯಿಗಳನ್ನು ತಮ್ಮ ಚರ್ಚ್‌ಗೆ ಕರೆ ತಂದರು. ಪ್ರಾರ್ಥನೆಗೆಂದು ಬರುವ ಜನರು ಅವುಗಳನ್ನು ಸಾಕಲು ಕೊಂಡೊಯ್ಯಲಿ ಎಂಬುದು ಅವರ ಸದಾಶಯವಾಗಿತ್ತು. ಅವರ ಈ ಕಾರ್ಯ ನಿಜಕ್ಕೂ ಯಶಸ್ಸು ಕಂಡಿತ್ತು. ಹಲವರು ಈ ನಾಯಿಗಳನ್ನು ದತ್ತು ಪಡೆದೊಯ್ದರು. 6 ತಿಂಗಳ ಹಿಂದೆ ನಾನು ಚರ್ಚ್‌ಗೆ ಬೀದಿನಾಯಿಗಳನ್ನು ಕರೆ ತರಲು ಆರಂಭಿಸಿದ್ದೆ. ಇಲ್ಲಿಯವರೆಗೆ ಕರೆ ತಂದ ಎಲ್ಲ ನಾಯಿಗಳನ್ನು ದತ್ತು ಪಡೆದುಕೊಂಡು ಹೋಗಿದ್ದಾರೆ. ಮತ್ತೀಗ ದೌರ್ಜನ್ಯಕ್ಕೆ ಬಲಿಯಾದ, ಆರೋಗ್ಯ ಸಮಸ್ಯೆಗಳನ್ನು ಹೊಂದಿರುವ ನಾಯಿಗಳಿಗೆ ಚಿಕಿತ್ಸೆ ನೀಡುವುದರ ಜೊತೆಗೆ, ಬೀದಿನಾಯಿಗಳನ್ನು ನಿಯಂತ್ರಿಸಲು ಸಂತಾನ ಹರಣ ಚಿಕಿತ್ಸೆ ಮಾಡುವ ಕೆಲಸವನ್ನು ಚರ್ಚ್ ಕಡೆಯಿಂದ ಮಾಡುತ್ತಿದ್ದೇವೆ, ಎಂದು ಫಾದರ್ ಹೇಳುತ್ತಾರೆ. ಸ್ವತಃ ಫಾದರ್ ಕೂಡ ಮೂರು ನಾಯಿಗಳನ್ನು ದತ್ತು ಪಡೆದಿದ್ದಾರೆ.
from India & World News in Kannada | VK Polls https://ift.tt/2BN5Xtp
