ಭಾರತೀಯರೆಲ್ಲರೂ ಖುಷಿ ಪಡುವ ವಿಚಾರವೆಂದರೆ ದೇಶದಲ್ಲಿ ಗೋ ಸಂತತಿ ಗಣನೀಯವಾಗಿ ಏರಿಕೆ ಕಾಣುತ್ತಿದೆ. ಗೋವುಗಳ ಸಂಖ್ಯೆ ಸುಮಾರು 16 ಲಕ್ಷ ಹೆಚ್ಚಾಗಿವೆ. ಆದರೆ ವಾಸ್ತವದಲ್ಲಿ ದೇಸಿ ತಳಿಯ ಗೋವುಗಳಿಗೆ ಮನ್ನಣೆ ಸಿಗುತ್ತಿಲ್ಲ. ಕಳೆದ ಎಳು ವರ್ಷಗಳಲ್ಲಿ ದೇಶಾದ್ಯಂತ ವಿದೇಶಿ ಗೋವುಗಳ ಸಂಖ್ಯೆಯಲ್ಲಿ 27% ಹೆಚ್ಚಳ ದಾಖಲಾಗಿದ್ದರೆ ದೇಶೀಯ ಅಥವಾ ದೇಸಿ ತಳಿಯ ಗೋವುಗಳ ಸಂಖ್ಯೆಯಲ್ಲಿ ಶೇ.6ರಷ್ಟು ಇಳಿಕೆ ಕಂಡು ಬಂದಿದೆ. ಉತ್ತರ ಪ್ರದೇಶ ಮತ್ತು ಮಧ್ಯ ಪ್ರದೇಶ ಅತಿಹೆಚ್ಚು ಗೋವುಗಳನ್ನು ಹೊಂದಿರುವ ರಾಷ್ಟ್ರಗಳಾಗಿವೆ. ಬಿಹಾರ, ರಾಜಸ್ಥಾನ, ಜಾರ್ಖಂಡ್‌, ಅಸ್ಸಾಂ, ಛತ್ತೀಸ್‌ಗಢ ರಾಜ್ಯಗಳಲ್ಲಿ ಗೋವುಗಳ ಸಂಖ್ಯೆಯಲ್ಲಿ ಹೆಚ್ಚಳ ಕಂಡು ಬಂದಿದೆ. ಆದರೆ ಮಹಾರಾಷ್ಟ್ರ, ಒಡಿಶಾ ರಾಜ್ಯಗಳಲ್ಲಿ ಗೋವುಗಳ ಸಂಖ್ಯೆ ಗಣನೀಯ ಇಳಿಕೆ ಕಂಡುಬಂದಿದೆ. ಇನ್ನು ಕರ್ನಾಟಕ ಸೇರಿದಂತೆ ಉಳಿದ ರಾಜ್ಯಗಳಲ್ಲಿ ಬಹುತೇಕ ಯಥಾಸ್ಥಿತಿ ಕಂಡು ಬರುತ್ತಿದೆ. ಕಳೆದ 7 ವರ್ಷಗಳಿಗೆ ಹೋಲಿಸಿದರೆ ಶೇ.4.6ರಷ್ಟು ದೇಶದ ಒಟ್ಟಾರೆ ಜಾನುವಾರುಗಳ ಸಂಖ್ಯೆ ಏರಿಕೆಯಾಗಿದೆ. ಪಶುಸಂಗೋಪನೆ, ಮೀನುಗಾರಿಕೆ ಮತ್ತು ಹೈನುಗಾರಿಕೆ ಸಚಿವಾಲಯವು ನಡೆಸಿದ ಜಾನುವಾರು ಗಣತಿಯಲ್ಲಿ ಈ ವಿಚಾರಗಳು ಬಹಿರಂಗಗೊಂಡಿವೆ. ಸುಮಾರು 6.6 ಲಕ್ಷ ಗ್ರಾಮಗಳಲ್ಲಿ ಈ ಗಣತಿಯನ್ನು ನಡೆಸಲಾಗಿದೆ.
from India & World News in Kannada | VK Polls https://ift.tt/2MYXo5l
