ಹಾವೇರಿ: ಪಕ್ಷದಲ್ಲಿ ಯಾವುದೇ ಜವಾಬ್ದಾರಿ ಕೊಟ್ಟರೂ ಅದನ್ನು ಸಮರ್ಥವಾಗಿ ನಿಭಾಯಿಸೋ ಶಕ್ತಿ, ಸಾಮರ್ಥ್ಯ ಅವರಿಗಿದೆ ಎಂದು ಮಾಜಿ ಸಂಸದ ಹೇಳಿದ್ದಾರೆ. ಹಾವೇರಿಯಲ್ಲಿ ಮಾತನಾಡುತ್ತಿದ್ದ ಅವರು, ಡಿ.ಕೆ.ಶಿವಕುಮಾರ ಸದಾ ಪಕ್ಷ ನಿಷ್ಠರು. ಪಕ್ಷದ ಸಿದ್ಧಾಂತ, ಕಾರ್ಯಕ್ರಮ ಮತ್ತು ನಾಯಕತ್ವಕ್ಕೆ ಬದ್ಧರಾಗಿ ಕೆಲಸ ಮಾಡಿದವರು. ಪಕ್ಷದಲ್ಲಿ ಅವರಿಗೆ ಸಾಕಷ್ಟು ಜವಾಬ್ದಾರಿ ನೀಡುತ್ತಲೇ ಬಂದಿದ್ದಾರೆ. ಈಗಲೂ ಅವರಿಗೆ ಯಾವುದೇ ಜವಾಬ್ದಾರಿ ಕೊಟ್ರೂ ಸಮರ್ಥವಾಗಿ ನಿಭಾಯಿಸೋ ಶಕ್ತಿ, ಸಾಮರ್ಥ್ಯವಿದೆ, ಎಂದರು. ಬಿಜೆಪಿಗೆ ಜನರೇ ಬುದ್ಧಿ ಕಲಿಸ್ತಾರೆ ಅವಕಾಶವಾದಿ ರಾಜಕಾರಣ ಮಾಡ್ತಾ, ಮನಬಂದಂತೆ ಮಾತನಾಡೋ ಬಿಜೆಪಿಯವರಿಗೆ ರಾಜ್ಯದ ಜನ ಬರುವ ದಿನಗಳಲ್ಲಿ ಸರಿಯಾಗಿ ಬುದ್ಧಿ ಕಲಿಸ್ತಾರೆ. ಜೈಲಿಗೆ ಹೋಗಿ ಬಂದಿರೋ ಅಮಿತ್ ಶಾ ರಾಷ್ಟ್ರದ ಗೃಹ ಸಚಿವರು ಮತ್ತು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷರು. ಜೈಲಿಗೆ ಹೋಗಿ ಬಂದಿರೋ ಯಡಿಯೂರಪ್ಪ ಸಿಎಂ ಆಗಿದ್ದಾರೆ. ಬಿಜೆಪಿಯನ್ನೆ ಮುಗಿಸೋದೆ ನನ್ನ ಗುರಿ ಅಂದಿದ್ದ ಯಡಿಯೂರಪ್ಪ ಅವರನ್ನ ಸಿಎಂ ಮಾಡಿರೋ ಬಿಜೆಪಿಗೆ ಈ ಬಗ್ಗೆ ಪ್ರಶ್ನಿಸೋ ನೈತಿಕತೆ ಇಲ್ಲ, ಎಂದು ಕಿಡಿಕಾರಿದರು. ಡಿಕೆಶಿ ಬಂಧನ ರಾಜಕೀಯ ಪ್ರೇರಿತ ರಾಜಕೀಯ ಸೇಡಿಗಾಗಿ ಡಿಕೆಶಿ ಬಂಧನ. ರಾಜ್ಯಸಭೆ ಚುನಾವಣೆ ವೇಳೆ, ಗುಜರಾತ ಶಾಸಕರ ಖರೀದಿ ವೇಳೆ ರಕ್ಷಣೆಗೆ ನಿಂತಿದ್ದಕ್ಕೆ ಬಿಜೆಪಿ ಈ ಸೇಡು ತೀರಿಸಿಕೊಳ್ತಿದೆ. ಇಡಿ, ಸಿಬಿಐ ದುರ್ಬಳಕೆ ಮಾಡಿಕೊಂಡು ಡಿಕೆಶಿ, ಅವರ ತಾಯಿ, ಪತ್ನಿ, ಸಹೋದರ ಮಕ್ಕಳ ಮೇಲೆ ಕೇಸ್ ದಾಖಲು ಮಾಡಿದೆ. ಇದು ರಾಜಕೀಯ ಸೇಡಿಗಾಗಿ ಮಾಡಿರೋ ಕೇಸ್ ಎಂದು ಗುಡುಗಿದ್ದಾರೆ. ಕೆಲಸ ಮಾಡೋಕಾಗದಿದ್ರೆ ಅಧಿಕಾರದಿಂದ ತೊಲಗಿ ರಾಜ್ಯದ ಬಿಜೆಪಿ ಸರಕಾರ ಎಷ್ಟು ದಿನ ಇರುತ್ತೋ ಗೊತ್ತಿಲ್ಲ. ಈ ಸರಕಾರ ಯಾವಾಗ ತನ್ನ ಆಂತರಿಕ ಗೊಂದಲಗಳಿಂದ ಬೀಳುತ್ತೋ ಗೊತ್ತಿಲ್ಲ. ಇರುವಷ್ಟು ದಿನ ಉತ್ತಮವಾಗಿ ಜನರ ಸೇವೆ ಮಾಡಿ. ಜನರ ಸೇವೆ ಮಾಡಲು ಆಗದಿದ್ರೆ ಅಧಿಕಾರ ಬಿಟ್ಟು ತೊಲಗಿ, ಎಂದಿದ್ದಾರೆ ಉಗ್ರಪ್ಪ. ಪ್ರಜಾಪ್ರಭುತ್ವದ ಮಾಲೀಕರು ಜನರು ಸರಕಾರ ಕೆಡವೋ ಬಗ್ಗೆ ಮಾಜಿ ಸಿಎಂ ಕುಮಾರಸ್ವಾಮಿ ಹೇಳಿಕೆ ವಿಚಾಕ್ಕೆ ಪ್ರತಿಕ್ರಿಯಿಸಿದ ಅವರು, ಸರಕಾರ ಉಳಿಸೋದು, ಕೆಡವೋದು ಜನರ ಕೈಯಲ್ಲಿದೆ. ಪ್ರಜಾಪ್ರಭುತ್ವದ ಮಾಲೀಕರು ಜನರು. ಸರಕಾರ ಉರುಳಿಸೋದು, ಸರಕಾರ ತರೋದು ಜನರ ಕೈಯಲ್ಲಿದೆ. ಯಾವುದೇ ಪಕ್ಷ ಅಥವಾ ನಾಯಕರ ಕೈಯಲ್ಲಿ ಇಲ್ಲ. ಹೇಳಿಕೆಗಳಿಗಾಗಿ ಹೇಳಿಕೆ ನೀಡೋದು ಯಾರಿಗೂ ಶೋಭೆ ತರೋದಿಲ್ಲ, ಎಂದರು. ನಾವ್ಯಾರು ಸರಕಾರ ಅಸ್ಥಿರ ಮಾಡಲು ಹೊರಟಿಲ್ಲ. ರಾಜ್ಯದಲ್ಲಿ ಪ್ರವಾಹ ಬಂದು ಜನರು ಶೋಚನೀಯ ಸ್ಥಿತಿಯಲ್ಲಿದ್ದಾರೆ. ಮನೆ, ಜಮೀನು ನಾಶವಾಗಿದೆ. ಸಾಕಷ್ಟು ಸಾವುಗಳು ಆಗಿವೆ. ಬಿಜೆಪಿ ಪಕ್ಷ ತಮ್ಮ ಪಕ್ಷದಲ್ಲಿನ ಗುಂಪುಗಾರಿಕೆ ಮಾಡ್ತಾ ಕಾಲಹರಣ ಮಾಡ್ತಿದೆ. ರಾಜ್ಯದ ಜನರ ನೆರವಿಗೆ ಧಾವಿಸ್ತಿಲ್ಲ, ಎಂದವರು ಆರೋಪಿಸಿದರು.
from India & World News in Kannada | VK Polls https://ift.tt/32Tcm2m
