ಕೋಲ್ಕೊತಾ: (ಎನ್‌ಸಿಎ) ಶೀಘ್ರದಲ್ಲೇ 'ಸೆಂಟರ್ ಆಫ್ ಎಕ್ಸ‌ಲೆನ್ಸ್' ಆಗಿ ಪರಿವರ್ತನೆಗೊಳ್ಳಲಿದ್ದು, ಭಾರತ ತಂಡದ ನಾಯಕ ಎನ್‌ಸಿಎ ಅಭಿವೃದ್ಧಿ ಕುರಿತು ತೀವ್ರ ಆಸಕ್ತಿ ಹೊಂದಿದ್ದಾರೆ ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ನೂತನ ಅಧ್ಯಕ್ಷ ಹೇಳಿದ್ದಾರೆ. ಗುರುವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಗಂಗೂಲಿ, ಎನ್‌ಸಿಎ ಅಭಿವೃದ್ಧಿ ಬಗ್ಗೆ ಕೊಹ್ಲಿ ತೀವ್ರಾಸಕ್ತಿ ಹೊಂದಿದ್ದಾರೆ. ಅಕಾಡೆಮಿಯನ್ನು ಉತ್ಕೃಷ್ಟ ಕೇಂದ್ರವಾಗಿ ಪರಿವರ್ತನೆಗೊಳಿಸುವುದಕ್ಕೆ ನಮಗೆ ಸಾಧ್ಯವಾದಷ್ಟು ಪ್ರಯತ್ನ ಮಾಡಲಿದ್ದೇವೆ ಎಂದರು. ಅಕ್ಟೋಬರ್ 30 ಬುಧವಾರದಂದು ಎನ್‌ಸಿಎ ಮುಖ್ಯಸ್ಥ ಹಾಗೂ ಮಾಜಿ ಸಹ ಆಟಗಾರ ರಾಹುಲ್ ದ್ರಾವಿಡ್ ಭೇಟಿ ಮಾಡಿರುವ ಸೌರವ್ ಗಂಗೂಲಿ, ಅಭಿವೃದ್ಧಿ ಬಗ್ಗೆ ಸುದೀರ್ಘ ಚರ್ಚೆಯನ್ನು ನಡೆಸಿದ್ದರು. ಬಳಿಕ ಎನ್‌ಸಿಎ ಅಧಿಕಾರಿಗಳೊಂದಿಗೆ ಸೌರವ್ ಗಂಗೂಲಿ ನೂತನ ಸೌಲಭ್ಯ ನಿರ್ಮಿಸಲು ಉದ್ದೇಶಿಸಿರುವ ಸ್ಥಳಕ್ಕೆ ಭೇಟಿಕೊಟ್ಟರು. ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ ಅತ್ಯುತ್ತಮ ಕೇಂದ್ರವನ್ನು ಸ್ಥಾಪಿಸುವ ಉದ್ದೇಶಕ್ಕಾಗಿ ಕ್ರಿಕೆಟ್ ಆಡಳಿತ ಮಂಡಳಿಗೆ ಕರ್ನಾಟಕ ಸರಕಾರದಿಂದ ಹೆಚ್ಚುವರಿಯಾಗಿ 15 ಎಕರೆ ಜಮೀನು ಮಂಜೂರು ಮಾಡಲಾಗಿದೆ. ಬಿಸಿಸಿಐ ರಾಜ್ಯ ಸರಕಾರದೊಂದಿಗೆ 25 ಎಕರೆ ಒಪ್ಪಂದವನ್ನು ಕಳೆದ ಮೇನಲ್ಲಿ ಪೂರ್ಣಗೊಳಿಸಿದ್ದು, ಸೌಲಭ್ಯದ ಒಟ್ಟು ವಿಸ್ತೀರ್ಣ ಈಗ 40 ಎಕರೆಯಾಗಿದೆ. ಭಾರತೀಯ ಕ್ರಿಕೆಟಿಗರ ಏಳಿಗೆಗಾಗಿ ಎನ್‌ಸಿಎ ಸಾಕಷ್ಟು ಶ್ರಮ ವಹಿಸುತ್ತಿದೆ. ನಿಜವಾಗ್ಲೂ ನೀವು ಅಲ್ಲಿಗೆ ಹೋಗಿ ಪರೀಶಿಲಿಸಿದರೆ ಇವೆಲ್ಲವೂ ತಿಳಿದು ಬರುತ್ತದೆ ಎಂದು ಗಂಗೂಲಿ ಹೇಳಿದರು. ನಗರದ ಹೃದಯ ಭಾಗದಲ್ಲಿರುವ ಎನ್‌ಸಿಎ ಅಭಿವೃದ್ದಿಯಲ್ಲಿ ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ ಸಹ ಮಹತ್ವದ ಪಾತ್ರ ವಹಿಸುತ್ತಿದೆ. ಈ ಎಲ್ಲ ಸೌಲಭ್ಯಗಳ ಬಳಕೆಗೆ ಬಿಸಿಸಿಐಯಿಂದ ಕೆಎಸ್‌ಸಿಎ ಯಾವುದೇ ಶುಲ್ಕವನ್ನು ಈಡು ಮಾಡುತ್ತಿಲ್ಲ ಎಂಬುದು ಗಮನಾರ್ಹವೆನಿಸುತ್ತದೆ. ಹೊಸ ಯೋಜನೆಯಂತೆ ಮೂರು ಮೈದಾನಗಳು, ಒಳಾಂಗಣ ನೆಟ್ಸ್, ಆಡಳಿತ ಕಟ್ಟಡ ಹಾಗೂ ವಸತಿ ಸಮುಚ್ಚಯ ಸೇರಿದಂತೆ ಸುಸಜ್ಜಿತ ಕೇಂದ್ರವನ್ನು ಸ್ಥಾಪಿಸಲು ಪ್ರಸ್ತಾಪಿಸಲಾಗಿದೆ. ಅದೇ ಹೊತ್ತಿಗೆ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ಭಾರತ ತಂಡದ ಮುಖ್ಯ ಕೋಚ್ ರವಿಶಾಸ್ತ್ರಿ ಹೆಚ್ಚು ಸಮಯ ಕಳೆಯುವಂತೆ ಹೊಸ ವ್ಯವಸ್ಥೆಯೊಂದನ್ನು ಜಾರಿಗೆ ತರಲಾಗುವುದು ಎಂದೂ ಗಂಗೂಲಿ ಹೇಳಿದರು. ರಾಷ್ಟ್ರ ರಾಜಧಾನಿ ಹೊಸದಿಲ್ಲಿಯಲ್ಲಿ ವಾಯುವಿನ ಗುಣಮಟ್ಟ ಕಳಪೆಯಾಗಿದೆ ಎಂಬ ಆರೋಪಗಳ ಹೊರತಾಗಿಯೂ ಭಾರತ ಮತ್ತು ಬಾಂಗ್ಲಾದೇಶ ತಂಡಗಳ ನಡುವಣ ಮೊದಲ ಟಿ20 ಕ್ರಿಕೆಟ್ ಪಂದ್ಯ ನಿಗದಿಯಂತೆ ನವೆಂಬರ್ 3ರಂದು ನಡೆಯಲಿದೆ ಎಂದವರು ಸ್ಪಷ್ಟಪಡಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/36gp4tU
