ಮಾರ್ಗೊ: ಪಂದ್ಯದ ಕೊನೆ ಕ್ಷಣದಲ್ಲಿ (ಇಂಜುರಿ ಟೈಮ್) ಆಶಿಕ್ ಕುರುನಿಯನ್ ಎಸಗಿದ ಪ್ರಮಾದದಿಂದ ಪೆನಾಲ್ಟಿ ಮೂಲಕ ಗೋಲ್ ಬಿಟ್ಟುಕೊಟ್ಟ ಪ್ರಸಕ್ತ ಐಎಸ್‌ಎಲ್ ಟೂರ್ನಿಯ ತನ್ನ 2ನೇ ಪಂದ್ಯದಲ್ಲಿ ವಿರುದ್ಧ ಗೆಲುವಿನ ಅವಕಾಶ ಕಳೆದುಕೊಂಡು ಕೇವಲ ಡ್ರಾ ಮಾಡಿಕೊಳ್ಳಲಷ್ಟೇ ಶಕ್ತಗೊಂಡಿತು. ಜವಾಹರ್ ಲಾಲ್ ನೆಹರೂ ಕ್ರೀಡಾಂಗಣದಲ್ಲಿ ಸೋಮವಾರ ನಡೆದ ಹೈವೋಲ್ಟೇಜ್ ಪಂದ್ಯದಲ್ಲಿ ಕೊನೆಯವರೆಗೂ ಸಂಪೂರ್ಣ ಮೇಲುಗೈ ಸಾಧಿಸಿದ್ದ ಬಿಎಫ್ಸಿ ಅಂತಿಮ ಹಂತದಲ್ಲಿ ಎದುರಾಳಿ ತಂಡಕ್ಕೆ ಗೋಲ್ ಬಿಟ್ಟುಕೊಟ್ಟಿದ್ದರಿಂದ ಪಂದ್ಯ 1-1ರಲ್ಲಿ ಸಮಬಲದಲ್ಲಿ ಅಂತ್ಯಗೊಂಡಿತು. ಇದರೊಂದಿಗೆ ಆಡಿದ ಎರಡು ಪಂದ್ಯಗಳಿಂದ ಎರಡು ಅಂಕ ಹೊಂದಿರುವ ಬಿಎಫ್ಸಿ, ತನ್ನ ಮುಂದಿನ ಪಂದ್ಯದಲ್ಲಿ ಜೆಮ್‌ಶೆಡ್ಪುರ ತಂಡವನ್ನು ಎದುರಿಸಲಿದೆ. ಬಿಎಫ್ಸಿ ಪರ ಉದಾಂತ ಸಿಂಗ್ (62ನೇ ನಿಮಿಷ) ಮತ್ತು ಗೋವಾ ಪರ ಪೆರಾನ್ ಕೊರೊಮಿನಾಸ್ ಇಂಜುರಿ ಸಮಯದಲ್ಲಿ ಗೋಲ್ ಬಾರಿಸಿದರು. 1-0 ಅಂತರದಲ್ಲಿ ಬಿಎಫ್ಸಿ ಮುನ್ನಡೆ ಗಳಿಸಿದ್ದರಿಂದ ಒತ್ತಡಕ್ಕೆ ಸಿಲುಕಿದ ಗೋವಾ, ಕೊನೆ 20 ನಿಮಿಷಗಳಲ್ಲಿ ಆಕ್ರಮಣಕಾರಿ ಆಟಕ್ಕೆ ಆದ್ಯತೆ ನೀಡಿತು. 84 ಮ್ತತು 86ನೇ ನಿಮಿಷದಲ್ಲಿ ಗೋಲ್ ಗಳಿಕೆಯ ಯತ್ನ ಮಾಡಿತಾದರೂ ಬಿಎಫ್ಸಿ ಇದಕ್ಕೆ ಅವಕಾಶ ಕಲ್ಪಿಸಲಿಲ್ಲ. ಆದರೆ ಕೊನೆಯಲ್ಲಿ ಮಾಡಿದ ಎಡವಟ್ಟುಗಳ ತಂಡಕ್ಕೆ ಮುಳುವಾದವು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2PtbDRm
