ನ್ಯೂಯಾರ್ಕ್‌ (): ಅಧಿನಾಯಕ, ಮಹಾ ಉಗ್ರ ವಿರುದ್ಧದ ಅಮೆರಿಕ ಕಾರ್ಯಾಚರಣೆಗೆ ಎಂಬುವರ ಹೆಸರನ್ನು ಇಡಲಾಗಿದೆ. ಅಮೆರಿಕದ ಅರಿಜೋನಾ ಮೂಲದ ಕೈಲಾ ಮುಲ್ಲರ್, ಓರ್ವ ಸಾಮಾಜಿಕ ಕಾರ್ಯಕರ್ತೆ. ದುರಾದೃಷ್ಟವಶಾತ್ ಐಸಿಸ್‌ನಿಂದ ಅಪಹರಣಕ್ಕೀಡಾಗಿದ್ದ ಕೈಲಾ ಮುಲ್ಲರ್, ಬಗ್ದಾದಿಯಿಂದ ಲೈಂಗಿಕ ದೌರ್ಜನ್ಯಕ್ಕೆ ತುತ್ತಾಗಿ ಸಾವನ್ನಪ್ಪಿದ್ರು. ಕೈಲಾ ಮುಲ್ಲರ್ ಅವರ ಮೇಲೆ ದೀರ್ಘ ಕಾಲ ಲೈಂಗಿಕ ದೌರ್ಜನ್ಯ ಎಸಗಿ ಹಿಂಸೆ ಕೊಟ್ಟು ಹತ್ಯೆಗೈದಿದ್ದ ಸಂಗತಿ 2015ರಲ್ಲಿ ದೃಢಪಟ್ಟಿತ್ತು. 26ನೇ ವಯಸ್ಸಿನಲ್ಲಿ ದಾರುಣವಾಗಿ ಜೀವಬಿಟ್ಟ ಕೈಲಾ ಮುಲ್ಲರ್ ಹೆಸರನ್ನೇ, ಬಗ್ದಾದಿ ವಿರುದ್ಧದ ಕಾರ್ಯಾಚರಣೆಗೆ ಇಡಲಾಗಿದೆ. ಅಬುಬಕರ್ ಅಲ್ ಬಗ್ದಾದಿ ವಿರುದ್ಧದ ಕಾರ್ಯಾಚರಣೆಗೆ, ಕೈಲಾ ಮುಲ್ಲರ್ ಅವರ ಕುಟುಂಬ ಧನ್ಯವಾದ ಅರ್ಪಿಸಿದೆ. ಕಳೆದ ಭಾನುವಾರಷ್ಟೇ, ಅಬುಬಕರ್ ಅಲ್ ಬಗ್ದಾದಿ ಇನ್ನಿಲ್ಲ ಅನ್ನೋ ಸುದ್ದಿಯನ್ನು ಘೋಷಿಸಿದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್, ಕೈಲಾ ಹೆಸರನ್ನು ಪ್ರಸ್ತಾಪಿಸಿದ್ದರು. ಅಮೆರಿಕ ಅಧ್ಯಕ್ಷರ ಮಾತುಗಳನ್ನು ಕೇಳಿ ನಿಟ್ಟುಸಿರುಬಿಟ್ಟರುವ ಕೈಲಾ ಮುಲಲರ್ ತಾಯಿ, ಮಾರ್ಷಾ ಮುಲ್ಲರ್, ಟ್ರಂಪ್ ಮಾತುಗಳು ನಮ್ಮ ಮನಸ್ಸನ್ನು ತಟ್ಟಿತು ಎಂದು ಹೇಳಿದ್ದಾರೆ. ನಾವು ಅಮೆರಿಕ ಅಧ್ಯಕ್ಷರಿಗೆ ಆಭಾರಿ ಎಂದು ಮುಲ್ಲರ್ ಹೇಳಿದ್ದಾರೆ. 2013ರಲ್ಲಿ ಟರ್ಕಿ, ಸಿರಿಯಾ ಗಡಿಯಲ್ಲಿ ನಿರಾಶ್ರಿತರಿಗೆ ಮೂಲಸೌಕರ್ಯ ಒದಗಿಸುವ ಕೆಲಸದಲ್ಲಿ ಭಾಗಿಯಾಗಿದ್ದ ವೇಳೆ, ಕೈಲಾ ಮುಲ್ಲರ್ ಅಪಹರಣಕ್ಕೀಡಾಗಿದ್ದರು. ಸತತ 2 ವರ್ಷಗಳ ಕಾಲ ಬಗ್ದಾದಿಯಿಂದ ಲೈಂಗಿಕ ದೌರ್ಜನ್ಯಕ್ಕೆ ತುತ್ತಾಗಿದ್ದರು. 2015ರಲ್ಲಿ ಕೈಲಾ ಮುಲ್ಲರ್ ಮೃತಪಟ್ಟಿದ್ದಾರೆ ಅನ್ನೋ ಮಾಹಿತಿ ಹೊರಬಿದ್ದಿತ್ತು. ಕೈಲಾ ಮೃತಪಟ್ಟಿದ್ಧಾರೆ ಎಂಬ ಸುದ್ದಿಯನ್ನಷ್ಟೇ ಕುಟುಂಬ ವರ್ಗಕ್ಕೆ ಹೇಳಿದ್ದ ಅಮೆರಿಕ ಸರ್ಕಾರ, 4 ತಿಂಗಳ ನಂತರ ಆಕೆಯ ಮೇಲೆ ಸತತ ಅತ್ಯಾಚಾರವೂ ನಡೆದಿತ್ತು ಎಂಬ ದಾರುಣ ಸಂಗತಿಯನ್ನು ಕುಟುಂಬ ವರ್ಗಕ್ಕೆ ತಿಳಿಸಿತ್ತು. ಕೈಲಾ ಮುಲ್ಲರ್ ಕುಟುಂಬ ಮಾನಸಿಕ ಆಘಾತಕ್ಕೆ ಒಳಗಾಗದಂತೆ ಸಾಕಷ್ಟು ಮುನ್ನೆಚ್ಚರಿಕೆ ವಹಿಸಲಾಗಿತ್ತು. ಈ ಘಟನೆ ನಡೆದು ಐದು ವರ್ಷಗಳೇ ಕಳೆದಿವೆ. ಇನ್ನೂ ಕೂಡಾ ಕೈಲಾ ಮುಲ್ಲರ್ ಮೃತದೇಹ ಸಿಕ್ಕಿಲ್ಲ. ಬಗ್ದಾದಿ ಹತ್ಯೆ ಸುದ್ದಿ ಕೇಳಿ ನಿಟ್ಟುಸಿರುಬಿಟ್ಟ ಕೈಲಾ ಮುಲ್ಲರ್ ತಾಯಿ, ತಮ್ಮ ಮಗಳನ್ನು ಮರಳಿ ಒಡೆಯಲು ಸಾಧ್ಯವೇ ಎಂದು ಪ್ರಶ್ನಿಸುತ್ತಾರೆ. ಇಷ್ಟು ವರ್ಷಗಳ ಬಳಿಕ ತಮ್ಮ ಮಗಳ ಹತ್ಯಾ ಪ್ರಕರಣಕ್ಕೆ ಉತ್ತರ ಸಿಕ್ಕಿತು. ಆದ್ರೆ, ಆಕೆಯನ್ನು ಮರಳಿ ತರಲು ಸಾಧ್ಯವಿಲ್ಲ ಅನ್ನೋದು ತಿಳಿದಿದೆ ಎಂದೂ ಹೇಳುತ್ತಾರೆ. ಬಗ್ದಾದಿ ಹತ್ಯೆ ವೇಳೆ ಆತನ ಎಷ್ಟೋ ಸಹಚರರು ಬಂಧನಕ್ಕೀಡಾಗಿರಬಹುದು. ಅವರ ವಿಚಾರಣೆ ಬಳಿಕವಾದರೂ ತಮ್ಮ ಪುತ್ರಿಯನ್ನು ಏನು ಮಾಡಿದರು ಎಂದು ತಿಳಿಯಬಹುದೇ ಎಂದು ಹತಾಶರಾಗಿ ಪ್ರಶ್ನಿಸುತ್ತಾರೆ ಕೈಲಾ ಮುಲ್ಲರ್ ತಂದೆ ಕಾರ್ಲ್‌ ಮುಲ್ಲರ್. ತಮ್ಮ ಮಗಳಿಗೆ ಏನಾಯ್ತು ಅನ್ನೋದನ್ನ ತಿಳಿಯೋದಕ್ಕೆ ಇರಾಕ್‌ಗೆ ತೆರಳೋದಕ್ಕೂ ಮುಲ್ಲರ್ ದಂಪತಿ ಸಿದ್ದವಾಗಿದೆ. ಬಗ್ದಾದಿ ಹತ್ಯೆ ಇಂಥಾ ಎಷ್ಟೊಂದು ಕುಟುಂಬಗಳ ನಿಟ್ಟುಸಿರಿಗೆ ಕಾರಣವಾಗಿರಬಹುದು ಅನ್ನೋದನ್ನ ಊಹಿಸಲೂ ಸಾಧ್ಯವಿಲ್ಲ.
from India & World News in Kannada | VK Polls https://ift.tt/32Vgizx
