ಅಡಿಲೇಡ್‌: ಕ್ರಿಕೆಟ್ ತಂಡದ ಸ್ಟಾರ್‌ ವೇಗದ ಬೌಲರ್‌ , ಪ್ರವಾಸಿ ವಿರುದ್ಧದ ಯ ಎರಡನೇ ಪಂದ್ಯದಿಂದ ಹೊರಗುಳಿದಿದ್ದಾರೆ. ಮೊದಲ ಪಂದ್ಯದಲ್ಲಿ 2 ವಿಕೆಟ್‌ ಕಿತ್ತು ಆಸೀಸ್‌ ಪಡೆಯ 134 ರನ್‌ಗಳ ಭರ್ಜರಿ ಗೆಲುವಿನಲ್ಲಿ ಮುಖ್ಯ ಪಾತ್ರ ವಹಿಸಿದ್ದ ಎಡಗೈ ವೇಗಿ ತಮ್ಮ ಸೋದರನ ವಿವಾಹ ಕಾರಣ 2ನೇ ಪಂದ್ಯಕ್ಕೆ ಅಲಭ್ಯರಾಗಿದ್ದಾರೆ. ಮಿಚೆಲ್ ಸ್ಟಾರ್ಕ್‌ ಅನುಪಸ್ಥಿತಿಯಲ್ಲಿ ಬಿಲ್ಲಿ ಸ್ಟ್ಯಾನ್‌ಲೇಕ್‌ ಅಥವಾ ಶೇನ್‌ ಅಬಾಟ್‌ ಕಾಂಗರೂ ಪಡೆ ಸೇರಿಕೊಳ್ಳಲಿದ್ದಾರೆ. ಮೂರು ಪಂದ್ಯಗಳ ಸರಣಿಯಲ್ಲಿ ಈಗಾಗಲೇ 1-0 ಅಂತರದ ಮುನ್ನಡೆ ಪಡೆದುಕೊಂಡಿರುವ ಆಸ್ಟ್ರೇಲಿಯಾ ತಂಡ, ಬುಧವಾರ ಬ್ರಿಸ್ಬೇನ್‌ನಲ್ಲಿ ನಡೆಯಲಿರುವ 2ನೇ ಪಂದ್ಯವನ್ನು ಗೆದ್ದು 2-0 ಅಂತರದಲ್ಲಿ ಸರಣಿ ವಶ ಪಡಿಸಿಕೊಳ್ಳುವುದನ್ನು ಎದುರು ನೋಡುತ್ತಿದೆ. ಸ್ಟಾರ್ಕ್‌ ಎರಡನೇ ಪಂದ್ಯದಲ್ಲಿ ಆಡದೇ ಇರುವ ಸಂಗತಿಯನ್ನು ಕ್ರಿಕೆಟ್ ಆಸ್ಟ್ರೇಲಿಯಾ ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ವರದಿ ಮಾಡಿದೆ. ಕೋಚ್‌ ಜಸ್ಟಿನ್‌ ಲ್ಯಾಂಗರ್‌ ಅವರ ಒಪ್ಪಿಗೆ ಮೇರೆಗೆ ಮಿಚೆಲ್ ಸ್ಟಾರ್ಕ್‌ ಅವರಿಗೆ ಪಂದ್ಯದಿಂದ ಹೊರಗುಳಿಯಲು ಅನುಮತಿಸಲಾಗಿದೆ ಎಂದು ತಿಳಿಸಿದೆ. ಈ ಮಧ್ಯೆ ಮಿಚೆಲ್ ಸ್ಟಾರ್ಕ್‌ ಬದಲಾಗಿ ಸ್ಯಾನ್‌ಲೇಕ್‌ ಅಥವಾ ಅಬಾಟ್‌ ಅವರಲ್ಲಿ ಯಾರು ಸ್ಥಾನ ಪಡೆಯಲಿದ್ದಾರೆ ಎಂಬ ಪ್ರಶ್ನೆಗೆ ಉತ್ತರಿಸಿರುವ ಉಪನಾಯಕ ಪ್ಯಾಟ್‌ ಕಮಿನ್ಸ್‌ ಶಾರ್ಟ್‌ ಬಾಲ್‌ ಉತ್ತಮಾಗಿ ಬಳಸಿಕೊಳ್ಳುವವರಿಗೆ ಆದ್ಯತೆ ನೀಡುವುದಾಗಿ ಹೇಳಿದ್ದಾರೆ. "ಸಾರ್ಟ್‌ ಪಿಚ್‌ ಎಸೆತಗಳ ಕಡೆಗೆ ಗಮನ ನೀಡಿದ್ದೇವೆ. ಅದರಲ್ಲೂ ವೇಗದ ಬೌಲರ್‌ಗಳಿಗೆ ನೆರವಾಗುವ ಅಡಿಲೇಡ್‌ ಓವಲ್‌ನ ಗಬ್ಬಾ ಪಿಚ್‌ನಲ್ಲಿ ಶಾರ್ಟ್‌ ಪಿಚ್‌ ಎಸೆತಗಳು ಪ್ರಮುಖ ಅಸ್ತ್ರವಾಗುತ್ತವೆ. ನಮ್ಮೆಲ್ಲಾ ಬೌಲರ್‌ಗಳು 6.4 ಅಡಿ ಎತ್ತರ ಹೊಂದಿದ್ದಾರೆ. ಸರಣಿಯ ಮೊದಲ ಪಂದ್ಯದಲ್ಲಿ ಡೇವಿಡ್‌ ವಾರ್ನರ್‌ ದಾಖಲಿಸಿದ ಅದ್ಭುತ ಶತಕದೊಂದಿಗೆ 233 ರನ್‌ಗಳ ಬೃಹತ್‌ ಮೊತ್ತ ದಾಖಲಿಸಿದ ಆಸ್ಟ್ರೇಲಿಯಾ ತಂಡ ಬಳಿಕ ಲಂಕಾ ಪಡೆಯನ್ನು 99/9ಕ್ಕೆ ನಿಯಂತ್ರಿಸಿ 134 ರನ್‌ಗಳ ಬೃಹತ್‌ ಗೆಲುವು ದಾಖಲಿಸಿತು. ಇದು ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಆಸ್ಟ್ರೇಲಿಯಾ ತಂಡಕ್ಕೆ ರನ್‌ಗಳ ಅಂತರದಲ್ಲಿ ಸಿಕ್ಕ ಬೃಹತ್‌ ಗೆಲುವಾಗಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2WkFhtv
