ಬೆಂಗಳೂರು: ಪ್ರವಾಹದಿಂದ ಸಾವಿರಾರು ಕುಟುಂಬಗಳು ಬೀದಿಗೆ ಬಿದ್ದಿವೆ. ಕೇಂದ್ರ ಸರಕಾರ ಕರ್ನಾಟಕದ ಕಡೆ ಕಣ್ಣು ತೆರೆದು ನೋಡುತ್ತಿಲ್ಲ ಎಂದು ವಿಧಾನಸಭೆ ಪ್ರತಿಪಕ್ಷ ದ ನಾಯಕ ಆರೋಪಿಸಿದ್ದಾರೆ. ನಗರದ ಬಸವ ಭವನದಲ್ಲಿ ಜಮಖಂಡಿ ಸಾವಳಗಿ ಬ್ಲಾಕ್‌ ಕಾಂಗ್ರೆಸ್‌ ಸಹಯೋಗದಲ್ಲಿ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದರು. ‘‘ಒಂದು ಲಕ್ಷ ಕೋಟಿ ಪರಿಹಾರದ ಮೊತ್ತದಲ್ಲಿ ಬರೀ 1200 ಕೋಟಿ ರೂ.ಬಿಡುಗಡೆ ಮಾಡಲಾಗಿದೆ. ಪ್ರಧಾನಿ ಮೋದಿವರು ಸಂತ್ರಸ್ತರಿಗೆ ಸಾಂತ್ವನ ಹೇಳುವ ಪ್ರಯತ್ನ ಮಾಡಿಲ್ಲ. 2009ರಲ್ಲಿ ಪ್ರಧಾನಿ ಮನಮೋಹನಸಿಂಗ್‌ ಇದ್ದಾಗ 1600 ಕೋಟಿ ರೂ.ಬಿಡುಗಡೆ ಮಾಡಿದ್ದರು. ಆದರೆ, ರಾಜ್ಯದ ಮುಖ್ಯಮಂತ್ರಿ ಬೇಜವಾಬ್ದಾರಿತನದಿಂದ ಸಂತ್ರಸ್ತರ ಸಂಕಷ್ಟ ಮುಂದುವರಿದಿದೆ,’’ ಎಂದು ಟೀಕಿಸಿದರು. ‘‘ಕಾಂಗ್ರೆಸ್‌ ಪಕ್ಷ ಬಿಟ್ಟ ದ್ರೋಹಿಗಳಿಗೆ ಮತದಾರರು ಪಾಠ ಕಲಿಸುತ್ತಾರೆ. ಉಪ ಚುನಾವಣೆಯಲ್ಲಿ 15ಕ್ಕೆ 15 ಕ್ಷೇತ್ರಗಳನ್ನು ನಾವೇ ಗೆಲ್ಲುತ್ತೇವೆ. ಭಾಜಪ ಸರಕಾರ ತಂತಾನೇ ಬೀಳುತ್ತದೆ. ಮಹಾರಾಷ್ಟ್ರದಲ್ಲಿ ಬಿಜೆಪಿಗೆ ಬುದ್ಧಿ ಕಲಿಸಿದ್ದಾರೆ,’’ ಎಂದರು. ವಸ್ತು ಸ್ಥಿತಿ ಸಿಎಂಗೆ ಗೊತ್ತಿಲ್ಲ ಜಮಖಂಡಿ: ತಮ್ಮನ್ನು ಕಾಯಂ ಪ್ರತಿಪಕ್ಷದ ನಾಯಕ ಎನ್ನುವ ಬಿಎಸ್‌ವೈ ಟೀಕೆಗೆ ಪ್ರತಿಕ್ರಿಯಿಸಿದ ಸಿದ್ದರಾಮಯ್ಯ,‘ಸಿಎಂ ಪುರೋಹಿತರಾ? ಅವರು ಭವಿಷ್ಯ ಹೇಳುತ್ತಾರಾ?’ ಎಂದು ವ್ಯಂಗ್ಯವಾಡಿದರು. ಸಿಎಂ ಟೀಕೆಗೆ ಉತ್ತರಿಸಿ, ‘ಯಡಿಯೂರಪ್ಪ ಪಂಚಾಂಗ ಓದೋದು ಗೊತ್ತಿಲ್ಲ. ನನ್ನ ಭವಿಷ್ಯ ಹೇಳಲು ಅವರು ಭವಿಷ್ಯ ಕಲಿತಿದ್ದಾರಾ,’ ಎಂದರು. ‘ಸರಕಾರ ಪರಿಹಾರ ನೀಡದಿರುವುದು ಸುಳ್ಳಲ್ಲ, ಸತ್ಯ ಹೇಳಿದ್ದೇನೆ. ಯಡಿಯೂರಪ್ಪ ಸುಳ್ಳು ಹೇಳುತ್ತಿದ್ದಾರೆ. ನೆರೆ ಪರಿಹಾರ ಎಷ್ಟು ಬಿಡುಗಡೆ ಮಾಡಲಾಗಿದೆ ಎನ್ನುವುದನ್ನು ಶ್ವೇತ ಪತ್ರದ ಬದಲು ಜನರ ಕಷ್ಟ ಕೇಳಬೇಕು. ಪರಿಹಾರ ಸರಿಯಾಗಿ ನೀಡಿಲ್ಲ ಎನ್ನುವುದನ್ನು ಜಮಖಂಡಿ ಶಾಸಕ ಆನಂದ ನ್ಯಾಮಗೌಡ ಅವರನ್ನೇ ಕೇಳಿ ನೋಡಿ. ಪರಿಹಾರ ನೀಡಿದ್ದು ಶಾಸಕರಿಗೆ ಗೊತ್ತಿದೆಯೋ ಅಥವಾ ಯಡಿಯೂರಪ್ಪಗೆ ಮಾತ್ರ ಗೊತ್ತಿದೆಯೋ’ ಎಂದರು. ‘ನೆರೆ ಹಾನಿಗೆ ಸಮರ್ಪಕ ಪರಿಹಾರ ವಿತರಣೆಗೆ ಒತ್ತಾಯಿಸಿ ಬಾಗಲಕೋಟೆಯಿಂದ ಪಾದಯಾತ್ರೆ ನಡೆಸುವ ಬಗ್ಗೆ ಇನ್ನೂ ನಿರ್ಧಾರವಾಗಿಲ್ಲ’ ಎಂದರು.
from India & World News in Kannada | VK Polls https://ift.tt/2prvXbj
