ಅಡಿಲೇಡ್: ಆ್ಯಷಸ್ ಟೆಸ್ಟ್ ಸರಣಿಯಲ್ಲಿನ ಬ್ಯಾಟಿಂಗ್ ವೈಫಲ್ಯವನ್ನು ಸಂಪೂರ್ಣ ಮರೆತಿರುವ ಆಸೀಸ್ನ ಸ್ಫೋಟಕ ಆರಂಭಿಕ ಬ್ಯಾಟ್ಸ್ಮನ್ ಡೇವಿಡ್ ರ್ನಾರ್ ತಮ್ಮ ಜನ್ಮದಿನದಂದು ಶತಕ ಬಾರಿಸುವ ಮೂಲಕ, ಪ್ರವಾಸಿ ವಿರುದ್ಧದ ಟಿ20 ಕ್ರಿಕೆಟ್ ಸರಣಿಯ ಮೊದಲ ಪಂದ್ಯದಲ್ಲಿ ತಂಡಕ್ಕೆ 134 ರನ್ಗಳ ಭರ್ಜರಿ ಜಯ ತಂದುಕೊಟ್ಟಿದ್ದಾರೆ. ಕಳೆದ ವರ್ಷ ಬಾಲ್ ಟ್ಯಾಂಪರಿಂಗ್ನಲ್ಲಿ ಸಿಕ್ಕಿಬಿದ್ದ ಒಂದು ವರ್ಷ ಅಂತಾರಾಷ್ಟ್ರೀಯ ಮಟ್ಟದ ಎಲ್ಲಾ ಮಾದರಿಯ ಕ್ರಿಕೆಟ್ನಿಂದ ದೂರ ಉಳಿದಿದ್ದ ವಾರ್ನರ್, ಕಳೆದ ಏಕದಿನ ಕ್ರಿಕೆಟ್ ವಿಶ್ವಕಪ್ ಮೂಲಕ ಕಾಂಗರೂ ಪಡೆಗೆ ಹಿಂದಿರುಗಿದ್ದರು. ಇದೀಗ ಕಳೆದ ಒಂದು ವರ್ಷ ಅವಧಿಯಲ್ಲಿ ಆಡಿದ ಮೊತ್ತ ಮೊದಲ ಅಂತಾರಾಷ್ಟ್ರೀಯ ಟಿ20 ಪಂದ್ಯದಲ್ಲಿ ಅದ್ಭುತ ಶತಕದೊಂದಿಗೆ ಭರ್ಜರಿ ಕಮ್ ಬ್ಯಾಕ್ ಮಾಡಿದ್ದಾರೆ. ಮುಂದಿನ ವರ್ಷ ಆಸ್ಟ್ರೇಲಿಯಾ ಆತಿಥ್ಯದಲ್ಲಿ ನಡೆಯಲಿದ್ದು, ತವರಿನಲ್ಲಿ ಚೊಚ್ಚಲ ಟಿ20 ವಿಶ್ವಕಪ್ ಟ್ರೋಫಿ ಎತ್ತಿ ಹಿಡಿಯುವ ಲೆಕ್ಕಾಚಾರದೊಂದಿದೆ ಬಲಿಷ್ಠ ತಂಡವನ್ನು ರಚಿಸುತ್ತಿದೆ. ವಾರ್ನರ್ ಮತ್ತು ಸ್ಟೀವ್ ಸ್ಮಿತ್ ಪುನರಾಗಮನ ಕಾಂಗರೂ ಪಡೆಗೆ ಆನೆ ಬಲ ತಂದೊಡ್ಡಿದೆ. ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ ತಂಡ ತನ್ನ ಪಾಲಿನ 20 ಓವರ್ಗಳಲ್ಲಿ 2 ವಿಕೆಟ್ಗೆ 233 ರನ್ಗಳ ಬೃಹತ್ ಮೊತ್ತ ದಾಖಲಿಸಿತು. ಬಳಿಕ ಗುರಿ ಬೆನ್ನತ್ತಿದ ಶ್ರೀಲಂಕಾ ಕಿಂಚಿತ್ತೂ ಕೂಡ ಹೋರಾಟ ನೀಡದೆ 20 ಓವರ್ಗಳಲ್ಲಿ ಆಲ್ಔಟ್ ಆಗದೇ ಉಳಿದಿದ್ದೇ ಹೆಚ್ಚು ಎನ್ನುವ ರೀತಿಯಲ್ಲಿ 9 ವಿಕೆಟ್ಗೆ 99 ರನ್ಗಳನ್ನು ಮಾತ್ರವೇ ಗಳಿಸಲು ಶಕ್ತವಾಯಿತು. ಇದು ಆಸೀಸ್ಗೆ ಟಿ20 ಕ್ರಿಕೆಟ್ನಲ್ಲಿ ಲಭ್ಯವಾದ ಬಹುದೊಡ್ಡ ಗೆಲುವಾಗಿದೆ. ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದ , ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಲ್ಲಿ ತಮ್ಮ ಚೊಚ್ಚಲ ಶತಕ ಬಾರಿಸಿದರು. ಅವರ ವಿಸ್ಫೋಟಕ ಇನಿಂಗ್ಸ್ನಲ್ಲಿ 10 ಫೋರ್ ಮತ್ತು 4 ಸಿಕ್ಸರ್ಗಳು ಮೂಡಿಬಂದವು. ಅವರೊಟ್ಟಿಗೆ ಆರಂಭಿಕ ವಿಕೆಟ್ಗೆ 65 ಎಸೆತಗಳಲ್ಲಿ 122 ರನ್ಗಳ ಅದ್ಭುತ ಜೊತೆಯಾಟವಾಡಿದ ನಾಯಕ ಆರೊನ್ ಫಿಂಚ್, 36 ಎಸೆತಗಳಲ್ಲಿ 8 ಫೋರ್ ಮತ್ತು 3 ಸಿಕ್ಸರ್ ಒಳಗೊಂಡ 64 ರನ್ ಚೆಚ್ಚಿದರು. ಫಿಂಚ್ ನಿರ್ಗಮನದ ಬಳಿಕವೂ ಲಂಕಾ ಬೌಲರ್ಗಳಿಗೆ ಹೊಡಿ ಬಡಿ ಆಟದ ಚಿಕಿತ್ಸೆ ಮುಂದುವರಿಸಿದ ಗ್ಲೆನ್ ಮ್ಯಾಕ್ಸ್ವೆಲ್ ಕೇವಲ 28 ಎಸೆತಗಳಲ್ಲಿ 7 ಫೋರ್ ಮತ್ತು 3 ಸಿಕ್ಸರ್ ಸಹಿತ 62 ರನ್ಗಳನ್ನು ಸಿಡಿಸಿ ತಂಡದ ಮೊತ್ತವನ್ನು 200ರ ಗಡಿ ದಾಟಿಸಿದರು. ಸಂಕ್ಷಿಪ್ತ ಸ್ಕೋರ್ ಆಸ್ಟ್ರೇಲಿಯಾ: 20 ಓವರ್ಗಳಲ್ಲಿ 2 ವಿಕೆಟ್ಗೆ 233 (ಡೇವಿಡ್ ವಾರ್ನರ್ 100*, ಆರೊನ್ ಫಿಂಚ್ 64, ಗ್ಲೆನ್ ಮ್ಯಾಕ್ಸ್ವೆಲ್ 62; ಲಕ್ಷಣ್ ಸಂದಕನ್ 41ಕ್ಕೆ 1, ದಸುನ್ ಶನಕ 10ಕ್ಕೆ 1). ಶ್ರೀಲಂಕಾ: 20 ಓವರ್ಗಳಲ್ಲಿ 9 ವಿಕೆಟ್ಗೆ 99 (ಕುಶಲ್ ಪೆರೆರಾ 16, ದಸುನ್ ಶನಕ 17, ಲಸಿತ್ ಮಾಲಿಂಗ ಔಟಾಗದೆ 13; ಆಡಮ್ ಝಾಂಪ 14ಕ್ಕೆ 3, ಮಿಚೆಲ್ ಸ್ಟಾರ್ಕ್ 18ಕ್ಕೆ 2, ಪ್ಯಾಟ್ ಕಮಿನ್ಸ್ 27ಕ್ಕೆ 2, ಆಷ್ಟನ್ ಅಗರ್ 13ಕ್ಕೆ 1).
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/346xHW0
