ದುಬೈ: ಆತಿಥ್ಯದಲ್ಲಿ ನಡೆಯಲಿರುವ 2020ರ ಟೂರ್ನಿಗೆ ತಂಡ ಮೊತ್ತ ಮೊದಲ ಬಾರಿ ಅರ್ಹತೆ ಪಡೆದಿರುವುದಕ್ಕೆ ಕ್ರಿಕೆಟ್ ಜಗತ್ತಿನ ಮೂಲೆ ಮೂಲೆಗಳಿಂದ ಮೆಚ್ಚುಗೆಯ ಸುರಿಮಳೆ ಹರಿದಿದೆ. ಯುಎಇನಲ್ಲಿ ನಡೆಯುತ್ತಿದ್ದು ಇಲ್ಲಿನ ದುಬೈ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಹೈ ವೋಲ್ಟೇಜಪ್‌ ಪಂದ್ಯದಲ್ಲಿ 19 ರನ್‌ಗೆ 6 ವಿಕೆಟ್‌ ಕಳೆದುಕೊಂಡ ಪಪುವಾ ನ್ಯೂಗಿನಿ ತಂಡ ಅಂತಿಮವಾಗಿ ಬಲಿಷ್ಠ ಎದುರು 45 ರನ್‌ಗಳ ಅವಿಸ್ಮರಣೀಯ ಜಯ ದಾಖಲಿಸಿ ಮೊತ್ತ ಮೊದಲ ಬಾರಿ ಟಿ20 ಕ್ರಿಕೆಟ್ ವಿಶ್ವಕಪ್‌ ಟೆಕೆಟ್‌ ಪಡೆದುಕೊಂಡಿತು. ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ನ್ಯೂಗಿನಿ ತಂಡ ಆರಂಭಿಕ ಆಘಾತದಿಂದ ಹೊರಬಂದು 19.3 ಓವರ್‌ಗಳಲ್ಲಿ ಆಲ್‌ಔಟ್‌ ಆದರೂ 118 ರನ್‌ಗಳ ಸಾಧಾರಣ ಮೊತ್ತ ಪೇರಿಸಿತು. ಬಳಿಕ ಗುರಿ ಬೆನ್ನತ್ತಿದ ಕೀನ್ಯಾ ತಂಡವನ್ನು ಬೇಟೆಯಾಡಿ 18.4 ಓವರ್‌ಗಳಲ್ಲಿ 73 ರನ್‌ಗಳಿಗೆ ಆಲ್‌ಔಟ್‌ ಮಾಡುವ ಮೂಲಕ ಸ್ಮರಣೀಯ ಗೆಲುವು ದಾಖಲಿಸಿತು. ಈ ಗೆಲುವು ಲಭ್ಯವಾದರೂ ವಿಶ್ವಕಪ್‌ ಅರ್ಹತೆ ಖಾತ್ರಿಯಾಗಿರಲಿಲ್ಲ. ಏಕೆಂದರೆ ಸ್ಕಾಟ್ಲೆಂಡ್‌ ಮತ್ತು ನೆದರ್ಲೆಂಡ್ಸ್‌ ನಡುವಣ ಪಂದ್ಯದ ಫಲಿತಾಂಶವನ್ನು ಆಧರಿಸಿತ್ತು. ಅಂತಿಮವಾಗಿ ಉತ್ತಮ ರನ್‌ರೇಟ್‌ ಆಧಾರದ ಮೇರೆಗೆ 'ಎ' ಗುಂಪಿನಲ್ಲಿ ಅಗ್ರಸ್ಥಾನ ಪಡೆದ ಪಪುವಾ ನ್ಯೂಗಿನಿಗೆ ವಿಶ್ವಕಪ್‌ ಟಿಕೆಟ್‌ ಲಭ್ಯವಾಯಿತು. ಗ್ರೂಪ್‌ ಹಂತದಲ್ಲಿ ಆಡಿದ 6 ಪಂದ್ಯಗಳಲ್ಲಿ 5 ಗೆಲುವು ಮತ್ತು 1 ಸೋಲಿನೊಂದಿಗೆ ಒಟ್ಟು 10 ಅಂಕಗಳನ್ನು ಗಳಿಸಿದೆ. ತಂಡದ ಅದ್ಭುತ ಪ್ರದರ್ಶನದ ಬಗ್ಗೆ ಮಾತನಾಡಿದ ಕೋಚ್‌ ಜೋ ಡಾವೆಸ್‌, "ನಾನು ಭಾವುಕನಾಗಿದ್ದೇನೆ. ಈ ಎರಡು ವರ್ಷ ಅದ್ಭುತವಾಗಿತ್ತು. ತಂಡದ ಈ ಸಾಧನೆ ನಿಜಕ್ಕೂ ವಿಶೇಷವಾದದ್ದು. ಮುಂದಿನದ್ದನ್ನು ಆನಂದಿಸಲಿದ್ದೇವೆ," ಎಂದಿದ್ದಾರೆ. ಆಸ್ಟ್ರೇಲಿಯಾದವರಾದ ಡಾವೆಸ್‌ ಕ್ವೀನ್ಸ್‌ಲೆಂಡ್‌ನ ಮಾಜಿ ವೇಗದ ಬೌಲರ್‌ ಕೂಡ ಆಗಿದ್ದಾರೆ. 1900ರಲ್ಲಿ ಬ್ರಿಟೀಷ್‌ ಮಿಷಿನರಿಗಳು ಪಪುವಾ ನ್ಯೂಗಿನಿಯಲ್ಲಿ ಕ್ರಿಕೆಟ್ ಆಟವನ್ನು ಪರಿಚಯಿಸಿದರು. ಆದರೂ ಕೂಡ ಅಂತಾರಾಷ್ಟ್ರೋಯ ಮಟ್ಟದಲ್ಲಿ ಛಾಪು ಮೂಡಿಸಲು ನ್ಯೂಗಿನಿ ತಂಡ ಒಂದು ಶತಮಾನವನ್ನೇ ತೆಗೆದುಕೊಂಡಿದೆ. ಈ ಮಧ್ಯೆ ಪಪುವಾ ನ್ಯೂಗಿನಿ ತಂಡದ ಸಾಧನೆಗೆ ಭಾರತ ತಂಡದ ಸ್ಟಾರ್‌ ಆಫ್‌ ಸ್ಪಿನ್ನರ್‌ ರವಿಚಂದ್ರನ್‌ ಅಶ್ವಿನ್‌ ಸೇರಿದಂತೆ ಮೊದಲಾದವರು ಸೋಷಿಯಲ್‌ ಮೀಡಿಯಾ ವೇದಿಕೆಗಳ ಮೂಲಕ ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ. ಸಂಕ್ಷಿಪ್ತ ಸ್ಕೋರ್‌ ಪಪುವಾ ನ್ಯೂಗಿನಿ: 19.3 ಓವರ್‌ಗಳಲ್ಲಿ 118/10 (ಸೆಸೆ ಬಾವ್‌ 17, ನೋರ್ಮನ್‌ ವನುವಾ 54, ಜೇಸನ್‌ ಕಿಲಾ 12; ಎಮಾನುಯೆಲ್‌ ಬುಂಡಿ 18ಕ್ಕೆ 4, ಕಾಲಿನ್ಸ್‌ ಒಬುಯಾ 17ಕ್ಕೆ 2, ಲೂಕಾಸ್‌ ಒಲೂಚ್‌ 15ಕ್ಕೆ 2). ಕೀನ್ಯಾ: 18.4 ಓವರ್‌ಗಳಲ್ಲಿ 73/10 (ಇರ್ಫಾನ್‌ ಕರೀಮ್‌ 29, ಕಾಲಿನ್ಸ್‌ ಒಬುಯಾ 10, ಅಮನ್‌ ಗಾಂಧಿ ಔಟಾಗದೆ 14; ಅಸಾದ್‌ ವಾಲಾ 7ಕ್ಕೆ 3, ನೊಸೈನಾ ಪೊಕಾನ 21ಕ್ಕೆ 3, ನೋರ್ಮನ್‌ ವನುವಾ 19ಕ್ಕೆ 2, ಡೇಮಿಯೆನ್‌ ರಾವು 14ಕ್ಕೆ 2).
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/32Ul9AO
